ಬೆಂಗಳೂರು : ಬೆಂಗಳೂರಿನಲ್ಲಿ ಮತ್ತೊಂದು ರೋಡ್ ರೋಜ್ ಪ್ರಕರಣ ವರದಿಯಾಗಿದ್ದು, ರಸ್ತೆಯಲ್ಲಿ ಬೈಕ್ ಗೆ ಕಾರು ತಗುಲಿದಕ್ಕೆ ಉತ್ತರ ಭಾರತದ ಮೂಲದ ದಂಪತಿ ಜೊತೆಗೆ ವ್ಯಕ್ತಿಯೊಬ್ಬರು ಗಲಾಟೆ ಮಾಡಿರುವ ಘಟನೆ ವರ್ತೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
ತುರಬರಹಳ್ಳಿಯ ವಿಬ್ ಗಯಾರ್ ಶಾಲೆ ಸಮೀಪದ ಸರ್ಜಾಪುರ ರಸ್ತೆಯಲ್ಲಿ ಈ ಘಟನೆ ನಡೆದಿದ್ದು, ಈ ಬಗ್ಗೆ ದಂಪತಿ ನೀಡಿದ ದೂರು ಆಧರಿಸಿ ಕಾನೂನು ಕ್ರಮ ಜರುಗಿಸಲಾಗಿದೆ.
ರಸ್ತೆಯಲ್ಲಿ ಬೈಕ್ ಮುಂದೆ ಹೋಗುವಾಗ ಕಾರು ತಾಕಿದೆ. ಈ ವಿಚಾರವಾಗಿ ಬೈಕ್ ಸವಾರ ಹಾಗೂ ಕಾರಿನಲ್ಲಿದ್ದ ದಂಪತಿ ಮಧ್ಯೆ ಜಗಳವಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ. ಘಟನೆ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ದಂಪತಿ ಅಪ್ ಲೋಡ್ ಮಾಡಿದ್ದು, ಪೊಲೀಸರಿಗೂ ಟ್ಯಾಗ್ ಮಾಡಿದ್ದರು.
