ನವದೆಹಲಿ : ಯುವತಿಯ ಸೌಂದರ್ಯ ನೋಡಿ ಮದುವೆಯಾದ ವರನಿಗೆ ಫಸ್ಟ್ ನೈಟ್ ನಲ್ಲೇ ಶಾಕ್ ಎದುರಾಗಿದ್ದು, ತಾನು ಮದುವೆಯಾಗಿದ್ದ ಯುವತಿ ಮೊದಲ ರಾತ್ರಿಯೇ ಚಿನ್ನಾಭರಣಗಳೊಂದಿಗೆ ಪರಾರಿಯಾಗಿರುವ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ.
ಉತ್ತರ ಪ್ರದೇಶದ ಜಲೌನ್ ನಲ್ಲಿ ಈ ಘಟನೆ ನಡೆದಿದ್ದು, ವರ ಮಾತ್ರವಲ್ಲದೇ ಕುಟುಂಬಸ್ಥರೂ ತಲೆ ಮೇಲೆ ಕೈಹೊತ್ತು ಕುಳಿತಿರುವ ಘಟನೆಯೊಂದು ಬೆಳಕಿಗೆ ಬಂದಿದೆ. ಯುವತಿಯನ್ನು ಮದುವೆಯಾದ ವರ ಫಸ್ಟ್ ನೈಟ್ ರೂಮ್ ಗೆ ಹೋಗಿ ಶಾಕ್ ಆಗಿದ್ದಾನೆ. ಮದುವೆಯ ಸಂದರ್ಭದಲ್ಲಿ ವಧುವಿಗೆ ನೀಡಿದ್ದ ಚಿನ್ನಾಭರಣಗಳಲ್ಲದೆ, ಹಣದೊಂದಿಗೆ ಪರಾರಿಯಾಗಿದ್ದಾಳೆ. ಅವಳನ್ನು ಹುಡುಕಿದಾಗ ಬೇರೆ ಹೆಸರಿನ ಪರ್ಸ್ ಸಿಕ್ಕಿತು. ಪರ್ಸ್ ನಲ್ಲಿ ಆಕೆಯ ಹೆಸರನ್ನು ನೇಹಾ ಯಾದವ್ ಎಂದು ತಿಳಿದುಬಂದಿದೆ.
ಆಕೆ ಈಗಾಗಲೇ ಹಲವು ಬಾರಿ ಮದುವೆಯಾಗಿದ್ದು, ಮದುವೆಯಾದ ಬಳಿಕ ಚಿನ್ನಾಭರಣ ಹಾಗೂ ಹಣ ದೋಚುವ ತಂಡ ಕಟ್ಟಿಕೊಂಡಿದ್ದಳು ಎಂದು ವರದಿಯಾಗಿದೆ. ಇದೀಗ ವೀರ್ ಸಿಂಗ್ ಇದೀಗ ಪತ್ನಿ ಇಲ್ಲದೆ ಹಣ, ಒಡವೆಗಳನ್ನು ಕಳೆದುಕೊಂಡಿದ್ದಾರೆ. ಪ್ರಕರಣ ಇದೀಗ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದು, ಪೊಲೀಸರು ನೇಹಾ ಯಾದವ್ ಮತ್ತು ಅವರ ತಂಡವನ್ನು ಪತ್ತೆ ಹಚ್ಚಲು ಆರಂಭಿಸಿದ್ದಾರೆ.