ಈಜಿಪ್ಟ್: ಈಜಿಪ್ಟ್ನಲ್ಲಿ ರೈಲು ಡಿಕ್ಕಿಯಾಗಿ ಕನಿಷ್ಠ ಮೂವರು ಸಾವನ್ನಪ್ಪಿದ್ದಾರೆ ಮತ್ತು 49 ಜನರು ಗಾಯಗೊಂಡಿದ್ದಾರೆ ಎಂದು ದೇಶದ ಆರೋಗ್ಯ ಸಚಿವಾಲಯವನ್ನು ಉಲ್ಲೇಖಿಸಿ ಸಿಎನ್ಎನ್ ಶನಿವಾರ ವರದಿ ಮಾಡಿದೆ
ಅಪಘಾತದ ನಂತರ, ಆರೋಗ್ಯ ಸಚಿವಾಲಯವು 30 ಆಂಬ್ಯುಲೆನ್ಸ್ಗಳು ಮತ್ತು ಹೆಚ್ಚುವರಿ ವೈದ್ಯಕೀಯ ತಂಡಗಳನ್ನು ಅಲ್ ಶಾರ್ಕಿಯಾ ಗವರ್ನರೇಟ್ನ ರಾಜಧಾನಿ ಜಗಾಜಿಗ್ನಲ್ಲಿ ಘಟನೆ ನಡೆದ ಸ್ಥಳಕ್ಕೆ ಕಳುಹಿಸಿದೆ.
ಗಾಯಗೊಂಡವರಲ್ಲಿ ಕನಿಷ್ಠ ಐದು ಮಂದಿಯ ಸ್ಥಿತಿ ಗಂಭೀರವಾಗಿದೆ ಎಂದು ಸಚಿವಾಲಯ ತಿಳಿಸಿದೆ. ಗಾಯಗೊಂಡವರನ್ನು ತಕ್ಷಣ ಚಿಕಿತ್ಸೆಗಾಗಿ ಅಲ್-ಅಹ್ರಾರ್ ಮತ್ತು ಜಗಾಜಿಗ್ ವಿಶ್ವವಿದ್ಯಾಲಯ ಆಸ್ಪತ್ರೆಗಳಿಗೆ ಸ್ಥಳಾಂತರಿಸಲಾಗಿದ್ದು, ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ ಎಂದು ಸಚಿವಾಲಯ ತಿಳಿಸಿದೆ
