ನವದೆಹಲಿ : ಮಿಶ್ರ ಜಾಗತಿಕ ಸಂಕೇತಗಳ ನಡುವೆ ದೇಶೀಯ ಷೇರುಗಳು ಸೋಮವಾರ ತೆರೆದ ಕೂಡಲೇ ಬಲವಾಗಿ ಕುಸಿದವು. ದೇಶೀಯ ಷೇರು ಮಾರುಕಟ್ಟೆಯ ಎರಡು ಪ್ರಮುಖ ಸೂಚ್ಯಂಕಗಳಾದ ನಿಫ್ಟಿ ಮತ್ತು ಸೆನ್ಸೆಕ್ಸ್ ಕುಸಿದವು. ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ (ಬಿಎಸ್ ಇ) ಬೆಳಿಗ್ಗೆ 9.15ಕ್ಕೆ 403.62 ಪಾಯಿಂಟ್ ಗಳ ಕುಸಿತದೊಂದಿಗೆ 76,806.28 ಅಂಶಗಳಲ್ಲಿ ವಹಿವಾಟು ಆರಂಭಿಸಿತು.
ಅದೇ ರೀತಿ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕವು 114.05 ಅಂಕಗಳ ನಷ್ಟದೊಂದಿಗೆ 23387.05 ಅಂಕಗಳ ಮಟ್ಟದಲ್ಲಿ ವಹಿವಾಟು ಆರಂಭಿಸಿತು. ಬ್ಯಾಂಕ್ ನಿಫ್ಟಿ ಸೂಚ್ಯಂಕವು 381.20 ಪಾಯಿಂಟ್ ಅಥವಾ 0.74% ನಷ್ಟು ಕುಸಿದು 51,280.25 ಕ್ಕೆ ಪ್ರಾರಂಭವಾಯಿತು. ಈ ಷೇರುಗಳು ಹೆಚ್ಚು ಲಾಭ ಗಳಿಸಿದವು ಮತ್ತು ನಷ್ಟ ಅನುಭವಿಸಿದವು.
ಸನ್ ಫಾರ್ಮಾ, ಐಸಿಐಸಿಐ ಬ್ಯಾಂಕ್, ವಿಪ್ರೋ, ಐಟಿಸಿ ಮತ್ತು ಶ್ರೀರಾಮ್ ಫೈನಾನ್ಸ್ ನಿಫ್ಟಿಯಲ್ಲಿ ಪ್ರಮುಖ ಲಾಭ ಗಳಿಸಿದರೆ, ಇಂಡಸ್ಇಂಡ್ ಬ್ಯಾಂಕ್, ಸಿಪ್ಲಾ, ಎಸ್ಬಿಐ, ಟಾಟಾ ಸ್ಟೀಲ್ ಮತ್ತು ಬಜಾಜ್ ಫೈನಾನ್ಸ್ ಕುಸಿತ ಕಂಡವು. ಬಂಡವಾಳ ಸರಕುಗಳು, ಎಫ್ ಎಂಸಿಜಿ ಮತ್ತು ವಿದ್ಯುತ್ ಹೊರತುಪಡಿಸಿ, ಇತರ ಎಲ್ಲಾ ವಲಯ ಸೂಚ್ಯಂಕಗಳು ಕೆಂಪು ಬಣ್ಣದಲ್ಲಿ ವಹಿವಾಟು ನಡೆಸುತ್ತಿವೆ.
ದೇಶೀಯ ಸೂಚ್ಯಂಕಗಳಾದ ಎನ್ಎಸ್ಇ ನಿಫ್ಟಿ 50 ಮತ್ತು ಬಿಎಸ್ಇ ಸೆನ್ಸೆಕ್ಸ್ ಸೋಮವಾರದ ಆರಂಭಿಕ ವಹಿವಾಟಿನಲ್ಲಿ ನಕಾರಾತ್ಮಕವಾಗಿ ಪ್ರಾರಂಭವಾದವು. ಏಷ್ಯಾ-ಪೆಸಿಫಿಕ್ ಪ್ರದೇಶದ ಷೇರು ಮಾರುಕಟ್ಟೆಗಳು ಸೋಮವಾರ ಬೆಳಿಗ್ಗೆ ಸ್ವಲ್ಪ ಕುಸಿತದೊಂದಿಗೆ ವಹಿವಾಟು ನಡೆಸುತ್ತಿವೆ. ಏಷ್ಯಾ ಡೌ ಶೇ.0.88ರಷ್ಟು ಏರಿಕೆ ಕಂಡಿದ್ದರೆ, ಜಪಾನ್ ನ ನಿಕೈ ಶೇರುಪೇಟೆ ಸೂಚ್ಯಂಕ ಶೇ.0.03, ಹಾಂಗ್ ಕಾಂಗ್ ನ ಹಾಂಗ್ ಸೆಂಗ್ ಸೂಚ್ಯಂಕ ಶೇ.1.67 ಮತ್ತು ಚೀನಾದ ಶಾಂಘೈ ಕಾಂಪೊಸಿಟ್ ಸೂಚ್ಯಂಕ ಶೇ.0.24ರಷ್ಟು ಕುಸಿತ ಕಂಡಿದೆ.
