ನವದೆಹಲಿ: ಪ್ರತ್ಯೇಕ ತಮಿಳು ದೇಶಕ್ಕೆ ಆಗ್ರಹಿಸಿ ಹಿಂಸಾತ್ಮಕ ಕೃತ್ಯಗಳಲ್ಲಿ ತೊಡಗಿ ಭಾರತದ ಸಾರ್ವಭೌಮತೆ ಮತ್ತು ಸಮಗ್ರತೆಗೆ ಅಡ್ಡಿ ಉಂಟು ಮಾಡುತ್ತಿರುವ ಶ್ರೀಲಂಕಾ ಮೂಲದ ಲಿಬರೇಷನ್ ಆಫ್ ತಮಿಳ್ ಟೈಗರ್ಸ್ ಈಳಂ (ಎಲ್ ಟಿಟಿ) ಸಂಘಟನೆಯ ನಿಷೇಧವನ್ನು ಇನ್ನೂ ಐದು ವರ್ಷಗಳವರೆಗೆ ವಿಸ್ತರಿಸಿದೆ.
ಕಾನೂನುಬಾಹಿರ ಚಟುವಟಿಕೆಗಳು (ತಡೆಗಟ್ಟುವಿಕೆ) ಕಾಯ್ದೆ, 1967 ರ ಸೆಕ್ಷನ್ 3 ರ ಉಪ ವಿಭಾಗಗಳು (1) ಮತ್ತು (3) ಅನ್ನು ಅನ್ವಯಿಸಿ ಕೇಂದ್ರವು ನಿಷೇಧ ಹೇರಿದೆ.
ಗೆಜೆಟೆಡ್ ಅಧಿಸೂಚನೆಯಲ್ಲಿ, ಗೃಹ ಸಚಿವಾಲಯವು ಎಲ್ಟಿಟಿಇ ಶ್ರೀಲಂಕಾ ಮೂಲದ ಸಂಘಟನೆಯಾಗಿದೆ ಆದರೆ ಭಾರತದ ಭೂಪ್ರದೇಶದಲ್ಲಿ ಬೆಂಬಲಿಗರು, ಅನುಕಂಪ ಹೊಂದಿರುವವರು ಮತ್ತು ಏಜೆಂಟರನ್ನು ಹೊಂದಿದೆ ಎಂದು ಗಮನಿಸಿದೆ. “ಎಲ್ಟಿಟಿಇ ಇನ್ನೂ ದೇಶದ ಸಮಗ್ರತೆ ಮತ್ತು ಭದ್ರತೆಗೆ ಹಾನಿಕಾರಕ ಚಟುವಟಿಕೆಗಳಲ್ಲಿ ತೊಡಗಿದೆ ಎಂದು ಕೇಂದ್ರ ಸರ್ಕಾರ ಅಭಿಪ್ರಾಯಪಟ್ಟಿದೆ. ಶ್ರೀಲಂಕಾದಲ್ಲಿ ಮೇ 2009 ರಲ್ಲಿ ಮಿಲಿಟರಿ ಸೋಲಿನ ನಂತರವೂ, ಎಲ್ಟಿಟಿಇ ‘ಈಳಂ’ (ತಮಿಳರಿಗೆ ಸ್ವತಂತ್ರ ದೇಶ) ಪರಿಕಲ್ಪನೆಯನ್ನು ಕೈಬಿಟ್ಟಿಲ್ಲ ಮತ್ತು ನಿಧಿಸಂಗ್ರಹ ಮತ್ತು ಪ್ರಚಾರ ಚಟುವಟಿಕೆಗಳನ್ನು ಕೈಗೊಳ್ಳುವ ಮೂಲಕ ‘ಈಳಂ’ ಉದ್ದೇಶಕ್ಕಾಗಿ ರಹಸ್ಯವಾಗಿ ಕೆಲಸ ಮಾಡುತ್ತಿದೆ ಮತ್ತು ಉಳಿದ ಎಲ್ಟಿಟಿಇ ನಾಯಕರು ಅಥವಾ ಕಾರ್ಯಕರ್ತರು ಚದುರಿಹೋಗಿರುವ ಕಾರ್ಯಕರ್ತರನ್ನು ಮರುಸಂಘಟಿಸಲು ಮತ್ತು ಸ್ಥಳೀಯವಾಗಿ ಮತ್ತು ಅಂತರರಾಷ್ಟ್ರೀಯವಾಗಿ ಸಂಘಟನೆಯನ್ನು ಪುನರುಜ್ಜೀವನಗೊಳಿಸಲು ಪ್ರಯತ್ನಗಳನ್ನು ಪ್ರಾರಂಭಿಸಿದ್ದಾರೆ. ” ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.
