ವಿಶ್ವಸಂಸ್ಥೆ: ಇಸ್ರೇಲ್ ಮತ್ತು ಹಮಾಸ್ ನಡುವೆ ನಡೆಯುತ್ತಿರುವ ಯುದ್ಧದಲ್ಲಿ ಸಾವಿರಾರು ಜನರು ಸಾವನ್ನಪ್ಪಿದ್ದಾರೆ. ಲಕ್ಷಾಂತರ ಜನರು ತಮ್ಮ ಮನೆಗಳಿಂದ ನಿರಾಶ್ರಿತರಾಗಿದ್ದಾರೆ. ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿಯು ಫೆಲೆಸ್ತೀನ್ ನಾಗರಿಕರ ಸ್ವಯಂ ನಿರ್ಣಯದ ಹಕ್ಕನ್ನು ಬೆಂಬಲಿಸುವ ಕರಡನ್ನು ಪ್ರಸ್ತುತಪಡಿಸಿತು.
ಈ ನಡುವೆ ಕರಡನ್ನು ಯುಎನ್ಎಚ್ಆರ್ಸಿಯಲ್ಲಿ ಮಂಡಿಸಿದ ನಂತರ, ಭಾರತವು ಅದನ್ನು ಒಪ್ಪಿಕೊಂಡಿತು ಮತ್ತು ಪರವಾಗಿ ಮತ ಚಲಾಯಿಸಿತು.
ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿ ಶುಕ್ರವಾರ ಕರಡನ್ನು ಮಂಡಿಸಿತು. ಇದರಲ್ಲಿ ಪ್ಯಾಲೆಸ್ಟೈನ್ ನ ಸ್ವತಂತ್ರ ರಾಷ್ಟ್ರದ ಹಕ್ಕು ಸೇರಿದಂತೆ ‘ಫೆಲೆಸ್ತೀನ್ ನಾಗರಿಕರ ಸ್ವಯಂ-ನಿರ್ಣಯದ ಹಕ್ಕನ್ನು’ ಪರಿಚಯಿಸಲಾಯಿತು. ಇದನ್ನು ಬೆಂಬಲಿಸಿ ಭಾರತ ಸೇರಿದಂತೆ 42 ಸದಸ್ಯ ರಾಷ್ಟ್ರಗಳು ಮತ ಚಲಾಯಿಸಿದವು. 47 ಸದಸ್ಯರ ಮಂಡಳಿಯಲ್ಲಿ, ಯುನೈಟೆಡ್ ಸ್ಟೇಟ್ಸ್ ಮತ್ತು ಪರಾಗ್ವೆ ಇದರ ವಿರುದ್ಧ ಮತ ಚಲಾಯಿಸಿದವು. ಅಲ್ಬೇನಿಯಾ, ಅರ್ಜೆಂಟೀನಾ ಮತ್ತು ಕ್ಯಾಮರೂನ್ ಈ ಪ್ರಕ್ರಿಯೆಯಲ್ಲಿ ಭಾಗವಹಿಸಲಿಲ್ಲ.
ಎಲ್ಲಾ ಸಂಬಂಧಿತ ಯುಎನ್ ನಿರ್ಣಯಗಳು ಸೇರಿದಂತೆ ಅಂತರರಾಷ್ಟ್ರೀಯ ಕಾನೂನು ಮತ್ತು ಇತರ ಅಂತರರಾಷ್ಟ್ರೀಯವಾಗಿ ಒಪ್ಪಿತ ಮಾನದಂಡಗಳಿಗೆ ಅನುಗುಣವಾಗಿ ಇಸ್ರೇಲ್-ಪ್ಯಾಲೆಸ್ತೀನ್ ಸಂಘರ್ಷಕ್ಕೆ ನ್ಯಾಯಯುತ, ಸಮಗ್ರ ಮತ್ತು ಶಾಶ್ವತ ಶಾಂತಿಯುತ ಪರಿಹಾರವನ್ನು ಸಾಧಿಸುವ ಅಗತ್ಯವನ್ನು ಅದು ಪುನರುಚ್ಚರಿಸಿತು.
