ನಾಗ್ಪುರ: ತನ್ನ ಸಾಮಾಜಿಕ ಮಾಧ್ಯಮ ಪೋಸ್ಟ್ಗಳು ಮತ್ತು ಸಾರ್ವಜನಿಕ ಹೇಳಿಕೆಗಳಿಗಾಗಿ ಆಗಾಗ್ಗೆ ಸುದ್ದಿಯಲ್ಲಿರುವ ಅಮೃತಾ ಫಡ್ನವಿಸ್, ಈ ವರ್ಷದ ಆರಂಭದಲ್ಲಿ ಶಿವಸೇನೆ ದಂಗೆಯ ಮಧ್ಯದಲ್ಲಿ ಅಂದಿನ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದರು.
ಈ ನಡುವೆ ಮಹಾರಾಷ್ಟ್ರದ ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಅವರ ಪತ್ನಿ ಅಮೃತಾ ಫಡ್ನವೀಸ್ ಅವರು ಪ್ರಧಾನಿ ನರೇಂದ್ರ ಮೋದಿ ಅವರನ್ನು “ರಾಷ್ಟ್ರಪಿತ” ಎಂದು ಕರೆದಿದ್ದಾರೆ. ನಾಗ್ಪುರದಲ್ಲಿ ಬರಹಗಾರರ ಸಂಘ ಆಯೋಜಿಸಿದ್ದ ಕಾರ್ಯಕ್ರಮವೊಂದರಲ್ಲಿ ವೇದಿಕೆಯ ಮೇಲೆ ನೀಡಿದ ಸಂದರ್ಶನದಲ್ಲಿ, ಪ್ರಧಾನಿ ಮೋದಿ ಅವರನ್ನು “ರಾಷ್ಟ್ರ-ಪಿತಾ” ಎಂದು ಕರೆದಾಗ ಮಹಾತ್ಮಾ ಗಾಂಧಿ ಏನಾಗುತ್ತಾರೆ ಎಂದು ಅವರನ್ನು ಕೇಳಲಾಯಿತು. ಇದೇ ವೇಳೆ “ಮಹಾತ್ಮಾ ಗಾಂಧಿ ರಾಷ್ಟ್ರಪಿತ ಮತ್ತು ಮೋದಿ-ಜಿ ನವ ಭಾರತದ ಪಿತಾಮಹ. ಇಬ್ಬರು ರಾಷ್ಟ್ರಪಿತರು ಇದ್ದಾರೆ – ಒಬ್ಬರು ಈ ಯುಗದವರು, ಒಬ್ಬರು ಆ ಯುಗದವರು” ಎಂದು ಅವರು ಮರಾಠಿಯಲ್ಲಿ ಮಾತನಾಡುತ್ತಾ ಹೇಳಿದರು.
ಅಂದ ಹಾಗೇ ಅವರು ಈ ಹಿಂದೆ ಕೂಡ 2019 ರಲ್ಲಿ ಪ್ರಧಾನಿಗೆ ನೀಡಿದ ಸಂದೇಶದಲ್ಲಿ, “ನಮ್ಮ ದೇಶದ ಪಿತಾಮಹ ನರೇಂದ್ರ ಮೋದಿ ಜೀ ಅವರಿಗೆ ಜನ್ಮದಿನದ ಶುಭಾಶಯಗಳು – ಅವರು ಸಮಾಜದ ಒಳಿತಿಗಾಗಿ ಅವಿರತವಾಗಿ ಕೆಲಸ ಮಾಡಲು ನಮ್ಮನ್ನು ಪ್ರೇರೇಪಿಸುತ್ತಾರೆ” ಎಂದು ಟ್ವೀಟ್ ಮಾಡಿದ್ದರು.
