ಕೆಎನ್ಎನ್ಡಿಜಿಟಲ್ ಡೆಸ್ಕ್ : ದೇಶದಲ್ಲಿ ಬಡವರ ನೆರವಿಗೆ ಸರಕಾರ ಹಲವು ಯೋಜನೆಗಳನ್ನ ಜಾರಿಗೊಳಿಸುತ್ತಿದೆ. ಈ ಆದೇಶದಲ್ಲಿ ಬಡವರಿಗೆ ಎಲ್ ಪಿಜಿ ಸಂಪರ್ಕ ನೀಡುವ ಯೋಜನೆ ‘ಪ್ರಧಾನ ಮಂತ್ರಿ ಉಜ್ವಲ ಯೋಜನೆ 2.0’ (PMUY) ಕೇಂದ್ರ ಸರ್ಕಾರ ಚಾಲನೆ ನೀಡಲಿದೆ.
ಈ ಯೋಜನೆಯನ್ನ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯವು ಮೇ 2016ರಲ್ಲಿ ಪ್ರಾರಂಭಿಸಿತು, ‘ಪ್ರಧಾನ ಮಂತ್ರಿ ಉಜ್ವಲ ಯೋಜನೆ’ ಗ್ರಾಮೀಣ ಮತ್ತು ಹಿಂದುಳಿದ ಕುಟುಂಬಗಳಿಗೆ ಎಲ್ಪಿಜಿಯಂತಹ ಶುದ್ಧ ಅಡುಗೆ ಇಂಧನವನ್ನ ಒದಗಿಸುವ ಗುರಿಯನ್ನ ಹೊಂದಿರುವ ಪ್ರಮುಖ ಯೋಜನೆಯಾಗಿದೆ.
ಸಾಂಪ್ರದಾಯಿಕ ಅಡುಗೆ ಇಂಧನಗಳಾದ ಉರುವಲು, ಕಲ್ಲಿದ್ದಲು, ಹಸುವಿನ ಸಗಣಿ ಮುಂತಾದವುಗಳ ಬಳಕೆಯಿಂದ ಗ್ರಾಮೀಣ ಮಹಿಳೆಯರ ಆರೋಗ್ಯದ ಮೇಲೆ ಪರಿಸರದ ಮೇಲೆ ದುಷ್ಪರಿಣಾಮ ಬೀರುತ್ತದೆ ಎಂಬ ಅಂಶವನ್ನ ಗಮನದಲ್ಲಿಟ್ಟುಕೊಂಡು ಕೇಂದ್ರವು ಈ ಯೋಜನೆಯನ್ನ ತಂದಿದೆ. ಈ ಯೋಜನೆ ಮೂಲಕ ಗ್ರಾಮೀಣ ಪ್ರದೇಶದ ಅನೇಕ ಜನರು ಗ್ಯಾಸ್ ಸಂಪರ್ಕ ಪಡೆದಿದ್ದಾರೆ.
ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯವು ನಡೆಸುತ್ತಿರುವ ಪ್ರಧಾನ ಮಂತ್ರಿ ಉಜ್ವಲ ಯೋಜನೆ ಅಡಿಯಲ್ಲಿ, BPL ಕುಟುಂಬಗಳಿಗೆ LPG ಗ್ಯಾಸ್ ಸಂಪರ್ಕವನ್ನ ಒದಗಿಸಲಾಗುತ್ತಿದೆ. ಈ ಯೋಜನೆಯಡಿ ಪ್ರತಿ ಸಂಪರ್ಕವು ಗ್ಯಾಸ್ ಸ್ಟೌವ್, ಸಿಲಿಂಡರ್ ರೀಫಿಲ್ ಖರೀದಿಗೆ ಬಡ್ಡಿ ರಹಿತ ಸಾಲಕ್ಕೆ ಅರ್ಹವಾಗಿರುತ್ತದೆ. ಮತ್ತೊಂದೆಡೆ, ಎಲ್ಪಿಜಿ ಸಂಪರ್ಕದ ವೆಚ್ಚವನ್ನ ಸರ್ಕಾರವೇ ಭರಿಸಲಿದೆ. ಪ್ರಧಾನ ಮಂತ್ರಿ ಉಜ್ವಲ ಯೋಜನೆಯ ಪ್ರಯೋಜನವನ್ನ ಪಡೆಯಲು ಸರ್ಕಾರವು ಹಲವಾರು ಅರ್ಹತೆಗಳನ್ನ ವಿಧಿಸಿದೆ. ಈ ಅರ್ಹತಾ ಮಾನದಂಡಗಳನ್ನ ಪೂರೈಸಿದ್ರೆ ಮಾತ್ರ ಸಂಪೂರ್ಣ ಅರ್ಹತೆ ಹೊಂದಿರುವವರು ಪ್ರಧಾನ ಮಂತ್ರಿ ಉಜ್ವಲ ಯೋಜನೆಯ ಪ್ರಯೋಜನಗಳನ್ನ ಪಡೆಯಬಹುದು.
ಆರ್ಹತೆ ಏನಿರಬೇಕು..?
* ಭಾರತೀಯ ಪ್ರಜೆಯಾಗಿರಬೇಕು.
* 18 ವರ್ಷ ವಯಸ್ಸಿನವರಾಗಿರಬೇಕು.
* LPG ಸಂಪರ್ಕವಿಲ್ಲದ BPL ಕುಟುಂಬದ ಮಹಿಳೆಯಾಗಿರಬೇಕು.
* ಬ್ಯಾಂಕ್ ಖಾತೆಯನ್ನ ಹೊಂದಿರಬೇಕು.
* SECC 2011ರಲ್ಲಿ ಚರ್ಚಿಸಲಾದ ಫಲಾನುಭವಿಗಳು ಅಥವಾ SC/ST ಕುಟುಂಬಗಳ ಅಡಿಯಲ್ಲಿ BPL ಕುಟುಂಬಗಳ ಪಟ್ಟಿ, PMAY, AAY, ಅತ್ಯಂತ ಹಿಂದುಳಿದ ವರ್ಗಗಳು, ಅರಣ್ಯವಾಸಿಗಳು, ನದಿ ದ್ವೀಪವಾಸಿಗಳು.
* ನೀವು ಈ ಅಪ್ಲಿಕೇಶನ್ಗಾಗಿ ಆನ್ಲೈನ್ ಪೋರ್ಟಲ್ಗೆ ಹೋಗಬಹುದು. ಅದರಲ್ಲಿ ಸೂಚಿಸಿರುವಂತೆ ನೀವು ವಿವರಗಳನ್ನ ನಮೂದಿಸಿ ಮತ್ತು ಅರ್ಜಿ ಸಲ್ಲಿಸಬಹುದು. ಅಥವಾ ನಿಮ್ಮ ಸೇವಾ ಕೇಂದ್ರಗಳಿಗೂ ತೆರಳಿ ಅರ್ಜಿ ಸಲ್ಲಿಸಬಹುದು.
BREAKING NEWS : ಖ್ಯಾತ ನಟಿ ‘ಖುಷ್ಬೂ’ ಮನೆಯಲ್ಲಿ ದೊಡ್ಡ ದುರಂತ, ತೀವ್ರ ಶೋಕದಲ್ಲಿ ಕುಟುಂಬ |Actress kushboo
ದಿಢೀರ್‌ ತೂಕ ಇಳಿಸಬೇಕೆ? ಕಾಮಕಸ್ತೂರಿ ಬೀಜದ ಈ ವಿಧಾನ ಅನುಸರಿಸಿ, ನಿರ್ಲಕ್ಷ್ಯಿಸದಿರಿ | Weight loss tips
BREAKING NEWS: ರಾಮನಗರ ಜೆಡಿಎಸ್ ಅಭ್ಯರ್ಥಿಯಾಗಿ ‘ನಿಖಿಲ್ ಕುಮಾರಸ್ವಾಮಿ’ ಘೋಷಣೆ | JDS Nikhil Kumaraswamy
