ನವದೆಹಲಿ: 2018-19ನೇ ಸಾಲಿನಿಂದ 2,000 ರೂಪಾಯಿ ಮುಖಬೆಲೆಯ ನೋಟುಗಳನ್ನು ಮುದ್ರಿಸಲು ಯಾವುದೇ ಹೊಸ ಇಂಡೆಂಟ್ ಹಾಕಿಲ್ಲ ಎಂದು ಸರ್ಕಾರ ರಾಜ್ಯಸಭೆಗೆ ತಿಳಿಸಿದೆ. ನಿರ್ದಿಷ್ಟ ಮುಖಬೆಲೆಯ ನೋಟುಗಳ ಮುದ್ರಣವನ್ನು ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ಬಿಐ) ನೊಂದಿಗೆ ಸಮಾಲೋಚಿಸಿ ಸರ್ಕಾರವು ನಿರ್ಧರಿಸುತ್ತದೆ ಅಂತ ಇದೇ ವೇಳೆ ತಿಳಿಸಲಾಗಿದೆ.
“ಆರ್ಬಿಐ ಪ್ರಕಾರ, 2018-19 ರಿಂದ 2000 ರೂಪಾಯಿ ಮುಖಬೆಲೆಯ ನೋಟುಗಳನ್ನು ಮುದ್ರಿಸಲು ಯಾವುದೇ ಹೊಸ ಇಂಡೆಂಟ್ ಅನ್ನು ಇರಿಸಲಾಗಿಲ್ಲ” ಎಂದು ಕೇಂದ್ರ ಹಣಕಾಸು ರಾಜ್ಯ ಸಚಿವ ಪಂಕಜ್ ಚೌಧರಿ 2019-20, 2020-21 ಮತ್ತು 2021-22 ರಲ್ಲಿ ಮುದ್ರಿಸಲಾದ 2,000 ಮುಖಬೆಲೆಯ ನೋಟುಗಳ ಸ್ಥಿತಿಯ ಬಗ್ಗೆ ಕೇಳಿದ ಪ್ರಶ್ನೆಗೆ ಉತ್ತರಿಸಿದರು. ದೇಶದಲ್ಲಿ ನಕಲಿ ನೋಟುಗಳ ಬಗ್ಗೆ ಸರ್ಕಾರಕ್ಕೆ ತಿಳಿದಿದೆಯೇ ಎಂಬ ಮತ್ತೊಂದು ಪ್ರಶ್ನೆಗೆ ಉತ್ತರಿಸಿದ ಸಚಿವರು, ಮಾರ್ಚ್ನಲ್ಲಿ ಕೊನೆಗೊಂಡ 2021-22 ರ ಹಣಕಾಸು ವರ್ಷದಲ್ಲಿ ಬ್ಯಾಂಕಿಂಗ್ ವ್ಯವಸ್ಥೆಯಲ್ಲಿ ಪತ್ತೆಯಾದ ಒಟ್ಟು ಖೋಟಾ ನೋಟುಗಳ ಸಂಖ್ಯೆ 230,971 ಆಗಿದೆ ಎಂದು ಹೇಳಿದರು. ನ್ಯಾಷನಲ್ ಕ್ರೈಮ್ ರೆಕಾರ್ಡ್ಸ್ ಬ್ಯೂರೋ (ಎನ್ಸಿಆರ್ಬಿ) ನೋಡಲ್ ಏಜೆನ್ಸಿಯಾಗಿದ್ದು, ಇದು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ವರದಿ ಮಾಡಿರುವಂತೆ ನಕಲಿ ಕರೆನ್ಸಿ ನೋಟುಗಳು ಸೇರಿದಂತೆ ಅಪರಾಧಗಳ ಡೇಟಾವನ್ನು ಸಂಗ್ರಹಿಸುತ್ತದೆ ಮತ್ತು ಅದನ್ನು ತನ್ನ ವಾರ್ಷಿಕ ಪ್ರಕಟಣೆ ‘ಕ್ರೈಮ್ ಇನ್ ಇಂಡಿಯಾ’ದಲ್ಲಿ ಪ್ರಕಟಿಸುತ್ತದೆ.
