ಕೆಎನ್‌ಎನ್‌ ಡಿಜಿಟಲ್ ಡೆಸ್ಕ್‌ : ಕೆಟ್ಟ ಜೀವನಶೈಲಿ ಮತ್ತು ಅನಿಯಮಿತ ಆಹಾರ ಪದ್ಧತಿಯಿಂದಾಗಿ ಜನರು ಅನೇಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ . ಅದರಲ್ಲೂ ಮಲಬದ್ಧತೆ ದೊಡ್ಡ ಸಮಸ್ಯೆಗಳಲ್ಲಿ ಒಂದಾಗಿದೆ, ಇದು ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯ ಸಮಸ್ಯೆಯಾಗಿದೆ. ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಜನರು ಈ ಸಮಸ್ಯೆಯಿಂದ ತೊಂದರೆಗೀಡಾಗಿದ್ದಾರೆ. ಮಲಬದ್ಧತೆ ಸಾಮಾನ್ಯವಾಗಿ ಆಹಾರದಲ್ಲಿ ನಾರಿನ ಕೊರತೆ, ನೀರಿನ ಕೊರತೆ, ವ್ಯಾಯಾಮದ ಕೊರತೆ ಮತ್ತು ಹೆಚ್ಚು ಮಾಂಸಾಹಾರ ಸೇವನೆಯಿಂದ ಉಂಟಾಗುತ್ತದೆ. ಕೆಟ್ಟ ಜೀವನಶೈಲಿಯಿಂದ ಉಂಟಾಗುವ ಈ ಸಮಸ್ಯೆಯು ಅನೇಕ ಗಂಭೀರ ಕಾಯಿಲೆಗಳಿಗೆ ಕಾರಣವಾಗುತ್ತದೆ. ನೀವು ಅಥವಾ ನಿಮ್ಮ ಸುತ್ತಮುತ್ತಲಿನ ಯಾರಾದರೂ ಈ ಸಮಸ್ಯೆಯಿಂದ ಬಳಲುತ್ತಿದ್ದರೆ, ಈ ಆಯುರ್ವೇದ ಪರಿಹಾರಗಳ ಮೂಲಕ ಪರಿಹಾರ ಕಂಡುಕೊಳ್ಳಬಹುದು..
ನಿಂಬೆ ಜ್ಯೂಸ್ :
ವಿಟಮಿನ್ ಸಿ ಅಂಶಹೊಂದಿರುವ ನಿಂಬೆ ಜ್ಯೂಸ್ ಆರೋಗ್ಯಕ್ಕೆ ಪ್ರಯೋಜನಕಾರಿ . ನಿಂಬೆಯಲ್ಲಿ ಸಿಟ್ರಿಕ್ ಆಮ್ಲವನ್ನು ಹೊಂದಿರುವ ವಿಟಮಿನ್ ಮತ್ತು ಪೋಷಕಾಂಶಗಳು ದೇಹದ ಸಮತೋಲನವನ್ನು ಕಾಪಾಡಿಕೊಳ್ಳಲು ತುಂಬಾ ಸಹಕಾರಿ. ಇಂತಹ ಪರಿಸ್ಥಿತಿಯಲ್ಲಿ, ನಿಂಬೆ ನೀರಿನ ಸೇವನೆಯು ಮಲಬದ್ಧತೆಯ ಸಮಸ್ಯೆಯಲ್ಲಿ ದೂರ ಮಾಡುತ್ತದೆ ವಿಟಮಿನ್ ಸಿ ಅಂಶ ಜೀರ್ಣಾಂಗ ವ್ಯವಸ್ಥೆಯನ್ನು ಸುಧಾರಿಸಲು ಬಹಳ ಸಹಾಯಕವಾಗಿದೆ ಎಂದು ಸಾಬೀತುಪಡಿಸುತ್ತದೆ.
ಅಂಜೂರಹಣ್ಣು :
ಅಂಜೂರ ಹಣ್ಣು ನಮಗೆ ತುಂಬಾನೆ ಪ್ರಯೋಜನಕಾರಕವಾಗಿದೆ ಅಂಜೂರದ ಹಣ್ಣನ್ನು ಬಿಸಿ ನೀರಿನಲ್ಲಿ ನೆನೆಸಿ ತಿಂದರೆ ಮಲಬದ್ಧತೆ ಸಮಸ್ಯೆ ನಿವಾರಣೆಯಾಗುತ್ತದೆ. ಈ ಸಮಸ್ಯೆಯಿಂದ ಬಳಲುತ್ತಿರುವ ಮಕ್ಕಳಿಗೆ ಅಂಜೂರದ ಹಣ್ಣುಗಳನ್ನು ನೀಡುವುದು ಸೂಕ್ತವಾಗಿದೆ. ಅಂಜೂರದಲ್ಲಿ ಇರುವ ಫೈಬರ್ ಕರುಳನ್ನು ಚೆನ್ನಾಗಿ ಸ್ವಚ್ಛಗೊಳಿಸುತ್ತದೆ. ಆಯುರ್ವೇದದ ಪ್ರಕಾರ, ಅಂಜೂರದ ಸೇವನೆಯು ದೀರ್ಘಕಾಲದ ಮಲಬದ್ಧತೆಯನ್ನು ಗುಣಪಡಿಸುತ್ತದೆ.
ಅಗಸೆ ಬೀಜ :
ಹೌದು, ಮಲಬದ್ಧತೆ ಸಮಸ್ಯೆ ನಿವಾರಣೆಗೆ ಅಗಸೆಬೀಜ ಸಹಕಾರಿಯಾಗಿದೆ. ನೀವು ಈ ಬೀಜಗಳನ್ನು ತಿನ್ನುತ್ತಿದ್ದಂತೆ ಅದು ನೀರನ್ನು ಜೆಲ್‌’ಗೆ ಪರಿವರ್ತಿಸುತ್ತದೆ. ಇದು ನಿಮ್ಮ ಕರುಳನ್ನು ಸಮಾಧಾನವಾಗಿಡುತ್ತದೆ. ಮಲ ನಯವಾಗಲು ಸಹಾಯ ಮಾಡುತ್ತದೆ. ಅಲ್ಲದೆ, ನೀವು ಕಡಿಮೆ ಫೈಬರ್ ಆಹಾರವನ್ನು ಸೇವಿಸುತ್ತಿದ್ದರೆ, ಅಗಸೆಬೀಜವು ಮಲಬದ್ಧತೆಗೆ ಸಹಾಯ ಮಾಡುವ ಫೈಬರ್ ಹೆಚ್ಚಿನ ಅಂಶವಿರುವುದರಿಂದ ಹೆಚ್ಚಿನ ಸಹಾಯವಾಗುತ್ತದೆ.
ಪಪ್ಪಾಯಿಹಣ್ಣು :
ಪಪ್ಪಾಯಿ ಮಲಬದ್ಧತೆಗೆ ಬಹಳ ಹಳೆಯ ಪರಿಹಾರವಾಗಿದೆ. ಹೌದು, ಪಪ್ಪಾಯಿ ಹಣ್ಣು, ಎಲೆಗಳು ಮತ್ತು ಪಪ್ಪಾಯಿ ಎಲೆಗಳ ಜ್ಯೂಸ್ ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಅದ್ಭುತ ಪರಿಹಾರವಾಗಿದೆ. ವಿಶೇಷವಾಗಿ ಜೀರ್ಣಕ್ರಿಯೆ ಸಮಸ್ಯೆಗೆ ಪಪ್ಪಾಯಿ ಒಳ್ಳೆಯದು. ಏಕೆಂದರೆ ಅದರಲ್ಲಿ ಕೆಲವು ಕಿಣ್ವಗಳು ಇರುವುದರಿಂದ ನೈಸರ್ಗಿಕ ವಿರೇಚಕ ಗುಣಗಳನ್ನು ಹೊಂದಿರುತ್ತದೆ. ಈ ಕಿಣ್ವವನ್ನು ಪಪೈನ್ ಎಂದು ಕರೆಯಲಾಗುತ್ತದೆ. ಇದು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ನಿಮಗೆ ಮಲಬದ್ಧತೆ ಸಮಸ್ಯೆಯಿದ್ದರೆ ಪಪ್ಪಾಯಿ ತಿನ್ನಿರಿ ಅಥವಾ ಪಪ್ಪಾಯಿ ಜ್ಯೂಸ್ ಸೇವಿಸಿ. ಆದರೆ ಪಪ್ಪಾಯಿ ಶೇಕ್ ಒಳ್ಳೆಯದಲ್ಲ.
ಅಲೋವೆರಾ ಜ್ಯೂಸ್ :
ಅಲೋವೆರಾ ಅನೇಕ ಆರೋಗ್ಯ ಪ್ರಯೋಜನಗಳನ್ನು ಹೊಂದಿದೆ. ಬಹುತೇಕರು ಇದು ಚರ್ಮಕ್ಕೆ ಮಾತ್ರ ಒಳ್ಳೆಯದು ಅಂದುಕೊಂಡಿದ್ದಾರೆ. ಆದರೆ ಅಲೋವೆರಾವನ್ನು ಸೇವಿಸುವುದು ಜೀರ್ಣಾಂಗ ವ್ಯವಸ್ಥೆಗೆ ಒಳ್ಳೆಯದು. ಇದು ಅತಿಸಾರ, ಮಲಬದ್ಧತೆ ಮತ್ತು ಐಬಿಎಸ್ ನಿವಾರಣೆಗೆ ಸಹಾಯ ಮಾಡುವುದು ಕಂಡುಬಂದಿದೆ. ಅಲೋವೆರಾದಲ್ಲಿರುವ ಅದ್ಭುತ ಉರಿಯೂತದ ಏಜೆಂಟ್ ಜೀರ್ಣಾಂಗವ್ಯೂಹದ ಉರಿಯೂತವನ್ನು ಎದುರಿಸುತ್ತದೆ. ಹೀಗಾಗಿ, ಇದು ಮಲಬದ್ಧತೆ, ಅತಿಸಾರ ಮತ್ತು ಐಬಿಎಸ್ ನಂತಹ ಜಠರಗರುಳಿನ ಸಮಸ್ಯೆಗಳನ್ನು ನಿವಾರಿಸುತ್ತದೆ.
ಬ್ರೊಕೊಲಿ
ಮಲಬದ್ಧತೆ ಸಮಸ್ಯೆ ಇದ್ದರೆ ಬ್ರೊಕೊಲಿ ತಿನ್ನುವುದು ಸಹ ಒಳ್ಳೆಯದು. ಏಕೆಂದರೆ ಇದರಲ್ಲಿ ಸಲ್ಫೋರಫೇನ್ ಇದೆ. ಇದು ಜೀರ್ಣಕ್ರಿಯೆಯನ್ನು ಸರಾಗಗೊಳಿಸುವ ಮತ್ತು ಮಲಬದ್ಧತೆಗೆ ಕಾರಣವಾಗುವ ಬ್ಯಾಕ್ಟೀರಿಯಾದಿಂದ ಕರುಳನ್ನು ರಕ್ಷಿಸುತ್ತದೆ. ಇದಲ್ಲದೆ, ಬ್ರೊಕೊಲಿ ಹೆಚ್ಚಿನ ವಿಟಮಿನ್ ಸಿ ಅಂಶವನ್ನು ಸಹ ಹೊಂದಿದೆ. ಇದು ಬೇಸಿಗೆಯಲ್ಲಿ ಬಳಕೆಗೆ ಸೂಕ್ತವಾಗಿದೆ. ಇದು ಮಲಬದ್ಧತೆಯನ್ನು ತಡೆಗಟ್ಟಲು ಸಹಾಯ ಮಾಡುತ್ತದೆ. ಬ್ರೊಕೊಲಿ ಸೇವಿಸಲು ಹಲವಾರು ಮಾರ್ಗಗಳಿದ್ದು, ಅಂತರ್ಜಾಲದಲ್ಲಿ ಇದರ ಅನೇಕ ರೆಸಿಪಿಗಳನ್ನು ನೋಡಬಹುದು.
