ನವದೆಹಲಿ: ಭಾರತೀಯ ಆರ್ಥಿಕತೆಯು 2047ರ ವೇಳೆಗೆ ಅದರ ಪ್ರಸ್ತುತ ಗಾತ್ರದಿಂದ 13 ಪಟ್ಟು ಹೆಚ್ಚಾಗಿ 40 ಟ್ರಿಲಿಯನ್ ಡಾಲರ್ ಆರ್ಥಿಕತೆಯಾಗುವ ಸಾಧ್ಯತೆಯಿದೆ ಎಂದು ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಕೇಶ್ ಅಂಬಾನಿ ಮಂಗಳವಾರ ಹೇಳಿದ್ದಾರೆ. ಇದು ಪ್ರಾಥಮಿಕವಾಗಿ ಶುದ್ಧ ಇಂಧನ ಕ್ರಾಂತಿ ಮತ್ತು ಡಿಜಿಟಲೀಕರಣದಿಂದ ಚಾಲನೆಗೊಳ್ಳುತ್ತದೆ ಎಂದು ಅವರು ಹೇಳಿದರು.
ಅಂದ್ಹಾಗೆ, ಈ ಹಿಂದೆ ಏಷ್ಯಾದ ಶ್ರೀಮಂತ ವ್ಯಕ್ತಿ ಗೌತಮ್ ಅದಾನಿ, 2050ರ ವೇಳೆಗೆ ಭಾರತವು 30 ಟ್ರಿಲಿಯನ್ ಡಾಲರ್ ಆರ್ಥಿಕತೆಯಾಗಲಿದೆ ಎಂದು ಹೇಳಿದ್ದರು. ಆದ್ರೆ, ಅಂಬಾನಿ ದೇಶದ ಆರ್ಥಿಕತೆಯ ಬಗ್ಗೆ ಅವರಿಗಿಂತ ಹೆಚ್ಚು ಆಶಾವಾದಿಯಾಗಿದ್ದಾರೆ.
“3 ಟ್ರಿಲಿಯನ್ ಡಾಲರ್ ಆರ್ಥಿಕತೆಯಿಂದ, ಭಾರತವು 2047 ರ ವೇಳೆಗೆ 40 ಟ್ರಿಲಿಯನ್ ಡಾಲರ್ ಆರ್ಥಿಕತೆಯಾಗಿ ಬೆಳೆಯುತ್ತದೆ, ಇದು ವಿಶ್ವದ ಅಗ್ರ ಮೂರು ಆರ್ಥಿಕತೆಗಳಲ್ಲಿ ಒಂದಾಗಿದೆ” ಎಂದು ಪಂಡಿತ್ ದೀನ್ ದಯಾಳ್ ಎನರ್ಜಿ ವಿಶ್ವವಿದ್ಯಾಲಯದ 10ನೇ ಘಟಿಕೋತ್ಸವದಲ್ಲಿ ಅಂಬಾನಿ ಹೇಳಿದರು.
ಭಾರತವು ಸ್ವಾತಂತ್ರ್ಯದ 100 ವರ್ಷಗಳನ್ನು ಆಚರಿಸುತ್ತಿರುವ ಇಂದಿನ ಮತ್ತು 2047ರ ನಡುವಿನ ಅವಧಿಯ ‘ಅಮೃತ್ ಕಾಲ್’ ತೆರೆದುಕೊಳ್ಳುತ್ತಿದ್ದಂತೆ, ದೇಶವು ಆರ್ಥಿಕ ಬೆಳವಣಿಗೆ ಮತ್ತು ಅವಕಾಶಗಳಲ್ಲಿ ಅಭೂತಪೂರ್ವ ಸ್ಫೋಟಕ್ಕೆ ಸಾಕ್ಷಿಯಾಗಲಿದೆ ಎಂದು ಅವರು ಪ್ರತಿಪಾದಿಸಿದರು.
ನಿಮ್ಗೆ ಗೊತ್ತಾ? ನೀವು ಆ ನಗರಕ್ಕೆ ಹೋದ್ರೆ, ನಿಮ್ಗೆನೇ ಸರ್ಕಾರ ₹25 ಲಕ್ಷ ನೀಡುತ್ತಂತೆ.!
BIGG NEWS : ರಾಜ್ಯದ ಶಾಲಾ ಮಕ್ಕಳಿಗೆ ಸದ್ಯಕ್ಕಿಲ್ಲ ರಾಗಿಮುದ್ದೆ -ಜೋಳದ ರೊಟ್ಟಿ ಭಾಗ್ಯ
BREAKING NEWS : ದ್ವೇಷ ಭಾಷಣ ಪ್ರಕರಣ ; ಸಮಾಜವಾದಿ ಪಕ್ಷದ ನಾಯಕ ‘ಅಜಂ ಖಾನ್’ಗೆ ಜಾಮೀನು |Hate Speech Case
