ಬ್ರಿಟನ್ ಪ್ರಧಾನಿ ‘ರಿಷಿ ಸುನಕ್’ ಸೇರಿದಂತೆ ವಿದೇಶಗಳಲ್ಲಿ ಪ್ರಮುಖ ಹುದ್ದೆಯಲ್ಲಿರುವ ‘ಭಾರತೀಯ ಮೂಲದ ನಾಯಕರ’ ಬಗ್ಗೆ ಗೊತ್ತಾ..? ಇಲ್ಲಿದೆ ಮಾಹಿತಿ

ಕೆಎನ್ಎನ್ ಡಿಜಿಟಲ್ ಡೆಸ್ಕ್ : ಭಾರತೀಯ ಮೂಲದ ರಿಷಿ ಸುನಕ್ ಅವರು ಬ್ರಿಟನ್ ಪ್ರಧಾನಿಯಾಗಿ ನೇಮಕಗೊಂಡಿದ್ದಾರೆ. ಇವರು ಬ್ರಿಟನ್‌ನ ಅತ್ಯಂತ ಕಿರಿಯ ಮೊದಲ ಪ್ರಧಾನಿಯಾಗಲಿದ್ದಾರೆ. ಇನ್ನು ರಿಷಿಯವರು ಬ್ರಿಟನ್ ಪ್ರಧಾನಿಯಾಗಿದಕ್ಕೆ ಭಾರತೀಯರು ಸಂತಸ ವ್ಯಕ್ತಪಡಿಸಿದ್ದಾರೆ.

BREAKING NEWS : ಬೆಂಗಳೂರು ಸೇರಿ ರಾಜ್ಯದ ವಿವಿಧೆಡೆ ‘ಸೂರ್ಯ ಗ್ರಹಣ’ ಗೋಚರ |Solar eclipse 2022

ಏಳು ತಿಂಗಳಲ್ಲಿ ರಿಷಿ ಸುನಕ್ ಬ್ರಿಟನ್‌ನ ಮೂರನೇ ಪ್ರಧಾನಿಯಾಗಲಿದ್ದಾರೆ. ಟ್ರಸ್ ಬೋರಿಸ್ ಜಾನ್ಸನ್ ಬ್ರಿಟನ್ ಪ್ರಧಾನಿಯಾಗುವುದಕ್ಕಿಂತ ಮೊದಲು ಲಿಜ್ ಟ್ರಸ್ ಅವರು ದೇಶದ ಆಂತರಿಕ ಚುನಾವಣೆಯಲ್ಲಿ ಗೆದ್ದು ಪ್ರಧಾನಿಯಾಗಿದ್ದರು. ಆದಾಗ್ಯೂ, ಲಿಜ್ ಟ್ರಸ್ ಅವರು 45 ದಿನಗಳ ಅಧಿಕಾರ ಮಾಡಿ ಅಕ್ಟೋಬರ್ 20 ರಂದು ರಾಜೀನಾಮೆ ನೀಡಿದರು. ರಿಷಿ ಸುನಕ್ ಅವರು ಬ್ರಿಟನ್ ಹಣಕಾಸು ಸಚಿವರಾಗಿ ಕೆಲಸ ಮಾಡಿದ್ದಾರೆ.

ಇನ್ನು ರಿಷಿ ಸುನಕ್ ಅವರನ್ನು ಹೊರತುಪಡಿಸಿ, ಇತರ ದೇಶಗಳಲ್ಲಿ ಉನ್ನತ ಸ್ಥಾನಗಳನ್ನು ಹೊಂದಿರುವ ಭಾರತೀಯ ಮೂಲದ ನಾಯಕರ ಕುರಿತಾದ ಮಾಹಿತಿ ತಿಳಿಯೋಣ

ಕಮಲಾ ದೇವಿ ಹ್ಯಾರಿಸ್

ಭಾರತೀಯ ಮೂಲದ ಕಮಲಾ ದೇವಿ ಹ್ಯಾರಿಸ್ ಅವರು ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾದ 49 ನೇ ಉಪಾಧ್ಯಕ್ಷರಾಗಿದ್ದಾರೆ. ಕಮಲಾ ಹ್ಯಾರಿಸ್ ಯುಎಸ್ ಇತಿಹಾಸದಲ್ಲಿ ಮೊದಲ ಮಹಿಳಾ ಉಪಾಧ್ಯಕ್ಷೆಯಾಗಿದ್ದಾರೆ. ಕಮಲಾ ಹ್ಯಾರಿಸ್ ಕ್ಯಾಲಿಫೋರ್ನಿಯಾದಲ್ಲಿ ಜನಿಸಿದ್ದು, ಅವರ ಪೋಷಕರು ಭಾರತೀಯ ಮತ್ತು ಜಮೈಕಾದವರಾಗಿದ್ದಾರೆ.

ಕಮಲಾ ಹ್ಯಾರಿಸ್ ಅವರು 2017 ರಿಂದ 2021 ರವರೆಗೆ ಕ್ಯಾಲಿಫೋರ್ನಿಯಾದ ಸೆನೆಟರ್ ಆಗಿದ್ದರೆ, 2011 ರಿಂದ 2017 ರವರೆಗೆ ಕ್ಯಾಲಿಫೋರ್ನಿಯಾದ ಅಟಾರ್ನಿ ಜನರಲ್ ಆಗಿದ್ದರು. ಆಕೆ ಡೆಮಾಕ್ರಟಿಕ್ ಪಕ್ಷದ ಸದಸ್ಯೆ.

ಪ್ರವಿಂದ್ ಜಗನ್ನಾಥ್

ಭಾರತೀಯ ಮೂಲದ ವಿಶ್ವದ ಅಗ್ರ ನಾಯಕರಲ್ಲಿ ಪ್ರವಿಂದ್ ಜಗನ್ನಾಥ್ ಅವರ ಹೆಸರು ಸೇರಿದೆ. ಪ್ರವಿಂದ್ ಜುಗ್ನಾಥ್ ಪ್ರಸ್ತುತ ಮಾರಿಷಸ್ ಪ್ರಧಾನಿಯಾಗಿದ್ದಾರೆ. ಪ್ರವಿಂದ್ ಜುಗ್ನಾಥ್ ಅವರು ಮಾರಿಷಸ್ ಕ್ಯಾಬಿನೆಟ್‌ನಲ್ಲಿ ಹಲವು ಪ್ರಮುಖ ಹುದ್ದೆಗಳಲ್ಲಿ ಕೆಲಸ ಮಾಡಿದ್ದಾರೆ. ಪ್ರವಿಂದ್ ಅವರ ಹೆಸರನ್ನು ಪ್ರಧಾನ ಮಂತ್ರಿ ಹುದ್ದೆಗೆ ಸರ್ವಾನುಮತದಿಂದ ಆಯ್ಕೆ ಮಾಡಲಾಯಿತು.

ಪ್ರವಿಂದ್ ಜಗನ್ನಾಥ್ ಅವರು ಕಾವರ್ನ್‌ನಲ್ಲಿ ಭಾರತೀಯ ಕುಟುಂಬದಲ್ಲಿ ಜನಿಸಿದರು. ಪ್ರವಿಂದ್ ಅವರ ಪೂರ್ವಜರು ಉತ್ತರ ಪ್ರದೇಶದ ಬಲ್ಲಿಯಾ ಜಿಲ್ಲೆಯ ರಾಸ್ದಾ ನಿವಾಸಿಗಳು. ಪ್ರವಿಂದ್ ಭಾರತಕ್ಕೆ ಹಲವು ಬಾರಿ ಭೇಟಿ ನೀಡಿದ್ದಾರೆ.

ಆಂಟೋನಿಯೊ ಕೋಸ್ಟಾ

ಅಂಟೋನಿಯೊ ಲೂಯಿಸ್ ಸ್ಯಾಂಟೋಸ್ ಕೋಸ್ಟಾ ಅವರು ಪ್ರಸ್ತುತ ಯುರೋಪಿಯನ್ ದೇಶ ಪೋರ್ಚುಗಲ್‌ನ 119 ನೇ ಪ್ರಧಾನ ಮಂತ್ರಿಯಾಗಿದ್ದಾರೆ. ಅವರು 26 ನವೆಂಬರ್ 2015 ರಿಂದ ಪ್ರಧಾನ ಮಂತ್ರಿ ಹುದ್ದೆಯನ್ನು ಹೊಂದಿದ್ದಾರೆ. ಇದು ಕೋಸ್ಟಾ ಅವರ ಮೂರನೇ ಅವಧಿಯಾಗಿದೆ. ಆಂಟೋನಿಯೊ ಕೋಸ್ಟಾ ಭಾರತದ ಗೋವಾ ರಾಜ್ಯಕ್ಕೆ ಸೇರಿದವರು.

ಕೋಸ್ಟಾ ಅವರ ಅಜ್ಜ, ಲೂಯಿಸ್ ಅಫೊನ್ಸೊ ಮಾರಿಯಾ ಡಿ ಕೋಸ್ಟಾ ಅವರು ಗೋವಾ ನಿವಾಸಿಯಾಗಿದ್ದರು. ಇವರು ಅರ್ಧ ಪೋರ್ಚುಗೀಸ್ ಮತ್ತು ಅರ್ಧ ಭಾರತೀಯಯಾಗಿದ್ದಾರೆ. ಅವರ ತಂದೆ ಮೊಜಾಂಬಿಕ್‌ನ ಮಾಪುಟೊದಲ್ಲಿ ಗೋವಾದ ಕುಟುಂಬದಲ್ಲಿ ಜನಿಸಿದರು. ಆಂಟೋನಿಯೊ ಕೋಸ್ಟಾ ಅವರ ಸಂಬಂಧಿಕರು ಈಗಲೂ ಗೋವಾದಲ್ಲಿ ವಾಸಿಸುತ್ತಿದ್ದಾರೆ.

ಮೊಹಮ್ಮದ್ ಇರ್ಫಾನ್ ಅಲಿ

ಮೊಹಮ್ಮದ್ ಇರ್ಫಾನ್ ಅಲಿ ರಾಜಕಾರಣಿ ಮತ್ತು ಗಯಾನಾ ಅಧ್ಯಕ್ಷ. ಇರ್ಫಾನ್ ಅಲಿ ಗಯಾನಾದ ಮೊದಲ ಮುಸ್ಲಿಂ ಅಧ್ಯಕ್ಷ. ಅವರು ಆಗಸ್ಟ್ 2, 2020 ರಂದು ಅಧ್ಯಕ್ಷರಾಗಿ ಪ್ರಮಾಣ ವಚನ ಸ್ವೀಕರಿಸಿದರು. ಅವರು ಪಶ್ಚಿಮ ಕರಾವಳಿಯ ಡೆಮಾರಾದ ಲಿಯೊನೊರಾದಲ್ಲಿ ಮುಸ್ಲಿಂ ಇಂಡೋ-ಗಯಾನೀಸ್ ಕುಟುಂಬದಲ್ಲಿ ಜನಿಸಿದ್ದಾರೆ.

Viral Photo ; ಅಂದು ‘ಬೆಂಗಳೂರು ರೆಸ್ಟೋರೆಂಟ್’ನಲ್ಲಿ ರಿಷಿ ಸುನಕ್.. ಇಂದು ಫೋಟೋ ವೈರಲ್..!