ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯ ನಿಜಕ್ಕೂ ರೋಚಕವಾಗಿತ್ತು. ಟೆನ್ಷನ್ ಕೊನೆಯವರೆಗೂ ಮುಂದುವರಿದು, ಕೊನೆಗೂ ಗೆಲುವು ನಮ್ಮದಾಯ್ತು. ಮೆಲ್ಬೋರ್ನ್ ಕ್ರಿಕೆಟ್ ಗ್ರೌಂಡ್‌ನಲ್ಲಿ ನಡೆದ ಪಂದ್ಯದಲ್ಲಿ ಕೊನೆಯ ಎಸೆತದವರೆಗೂ ಯಾರು ಗೆಲ್ಲುತ್ತಾರೆ ಎಂದು ಹೇಳಲಾಗದ ರೀತಿಯಲ್ಲಿ ಟಿ20 ವಿಶ್ವಕಪ್ ಪಂದ್ಯ ಸಾಗಿತ್ತು. ಆದ್ರೆ, ಕೊನೆಯ ಎಸೆತದಲ್ಲಿ ಗೆಲುವು ಭಾರತದ ಪಾಲಾಯಿತು.
160 ರನ್‌ಗಳ ಗುರಿಯೊಂದಿಗೆ ಭಾರತಕ್ಕೆ ಉತ್ತಮ ಆರಂಭ ಸಿಗಲಿಲ್ಲ. ರೋಹಿತ್ (4), ರಾಹುಲ್ (4), ಸೂರ್ಯಕುಮಾರ್ ಯಾದವ್ (15), ಅಕ್ಷರ್ ಪಟೇಲ್ (2) ಬಂದ ಕೂಡಲೇ ಪೆವಿಲಿಯನ್ ತೊರೆದರು. ಇಂತಹ ಸಮಯದಲ್ಲಿ ತಂಡದ ಭಾರವನ್ನ ಹೆಗಲ ಮೇಲೆ ಹೊತ್ತುಕೊಂಡ ವಿರಾಟ್ ಕೊಹ್ಲಿ (ಔಟಾಗದೆ 82) ಅಮೋಘ ಹೋರಾಟ ನಡೆಸಿದರು. ಹಾರ್ದಿಕ್ ಪಾಂಡ್ಯ (40) ನಿಂತಿದ್ದರಿಂದ ಕೆರಳಿದ ಕೊಹ್ಲಿ, ಅಗತ್ಯ ರನ್ ರೇಟ್ ಹೆಚ್ಚಿದೆ ಎಂದು ಭಾವಿಸಿದಾಗಲೆಲ್ಲಾ ಬೌಂಡರಿ ಬಾರಿಸಿದರು.
ವಿರಾಟ್ ಕೊಹ್ಲಿ ಮತ್ತು ಹಾರ್ದಿಕ್ ಪಾಂಡ್ಯ ಅವರ ಆಕ್ರಮಣಕಾರಿ ಆಟದ ನೆರವಿನಿಂದ ಭಾರತ ತಂಡ ಪಾಕಿಸ್ತಾನವನ್ನು 6 ವಿಕೆಟ್’ಗಳಿಂದ ಮಣಿಸಿತು.
ಚೇಸ್ ಮಾಸ್ಟರ್ ವಿರಾಟ್ ಕೊಹ್ಲಿ ವಿರಾಟ್ ಕೊಹ್ಲಿ (82*; 53 ಎಸೆತಗಳಲ್ಲಿ 6×4, 4×6) ಅಜೇಯ ಅರ್ಧಶತಕದೊಂದಿಗೆ ICC T20 ವಿಶ್ವಕಪ್ 2022ರ ಮೊದಲ ಸೂಪರ್ 12 ಪಂದ್ಯದಲ್ಲಿ ಟೀಮ್ ಇಂಡಿಯಾವನ್ನ ಗೆದ್ದರು.
ಪಾಕಿಸ್ತಾನ ನೀಡಿದ 160 ರನ್‌ಗಳ ಗುರಿಯನ್ನ ಬೆನ್ನೆತ್ತಿದ ಟೀಂ ಇಂಡಿಯಾ, ಕೊಹ್ಲಿಯವ್ರ ಭರ್ಜರಿ ಬ್ಯಾಟಿಂಗ್‍ನೊಂದಿಗೆ ಎದುರಾಳಿಯನ್ನ 6 ವಿಕೆಟ್‌ಗಳಿಂದ ಸೋಲಿಸಿತು.
