ಲಂಡನ್: ಬ್ರಿಟನ್‌ನ ರಾಯಲ್ ಮಿಂಟ್ ʻಕಿಂಗ್ ಚಾರ್ಲ್ಸ್ III(King Charles)ʼ ಭಾವಚಿತ್ರವಿರುವ ಮೊದಲ ಬ್ರಿಟಿಷ್ ನಾಣ್ಯ(Coin)ಗಳನ್ನು ಶುಕ್ರವಾರ ಅನಾವರಣಗೊಳಿಸಿದೆ.
ಸಂಪ್ರದಾಯಕ್ಕೆ ಅನುಗುಣವಾಗಿ ರಾಣಿ ಎಲಿಜಬೆತ್ ಮರಣದ ನಂತ್ರ, ಕಿಂಗ್ ಚಾರ್ಲ್ಸ್ III ಭಾವಚಿತ್ರದೊಂದಿಗೆ ಯುಕೆ ನಾಣ್ಯಗಳನ್ನು ಅನಾವರಣಗೊಳಿಸಲಾಗಿದೆ. ಈ ಭಾವಚಿತ್ರವು 50 ಪೆನ್ಸ್ ($0.55) ನಾಣ್ಯಗಳ ಮೇಲೆ ಕಾಣಿಸಿಕೊಳ್ಳುತ್ತದೆ. ಇದು ಮುಂಬರುವ ಡಿಸೆಂಬರ್‌ನಿಂದ ಚಲಾವಣೆಗೆ ಬರಲಿದೆ. ಎಲಿಜಬೆತ್ ಅವರ ಸ್ಮರಣಾರ್ಥ ಐದು ಪೌಂಡ್ ನಾಣ್ಯದ ಹಿಂಭಾಗದಲ್ಲಿ ಎಲಿಜಬೆತ್ ಅವರ ಎರಡು ಹೊಸ ಭಾವಚಿತ್ರಗಳು ಕಾಣಿಸಿಕೊಳ್ಳುತ್ತವೆ.
ಬ್ರಿಟಿಷ್ ಶಿಲ್ಪಿ ʻಮಾರ್ಟಿನ್ ಜೆನ್ನಿಂಗ್ಸ್ʼ ಈ ನಾಣ್ಯವನ್ನು ವಿನ್ಯಾಸಗೊಳಿಸಿದ್ದಾರೆ. ಚಿತ್ರವು ಲ್ಯಾಟಿನ್ ಶಾಸನದಿಂದ ಆವೃತವಾಗಿದೆ. ನಾಣ್ಯದ ಸುತ್ತಲಿನ ಲ್ಯಾಟಿನ್ ಶಾಸನವು “ಕಿಂಗ್ ಚಾರ್ಲ್ಸ್ III, ದೇವರ ಅನುಗ್ರಹದಿಂದ, ನಂಬಿಕೆಯ ರಕ್ಷಕ” ಎಂದು ಅನುವಾದಿಸುತ್ತದೆ. ರಾಜಮನೆತನದ ಸಂಪ್ರದಾಯಕ್ಕೆ ಅನುಗುಣವಾಗಿ, ಚಾರ್ಲ್ಸ್‌ನ ಭಾವಚಿತ್ರವು ಎಡಕ್ಕೆ, ಅವರ ದಿವಂಗತ ತಾಯಿ ಎಲಿಜಬೆತ್ ಚಿತ್ರಕ್ಕೆ ವಿರುದ್ಧ ದಿಕ್ಕಿನಲ್ಲಿದೆ. ಈ ಭಾವಚಿತ್ರವನ್ನು ರಾಜನ ಛಾಯಾಚಿತ್ರದಿಂದ ಕೆತ್ತಲಾಗಿದೆ ಮತ್ತು ಶತಮಾನಗಳಿಂದ ಬ್ರಿಟನ್‌ನ ನಾಣ್ಯಗಳನ್ನು ಅಲಂಕರಿಸಿದ ಸಾಂಪ್ರದಾಯಿಕ ಪ್ರತಿಮೆಗಳಿಂದ ಪ್ರೇರಿತವಾಗಿದೆ ಎಂದು ಜೆನ್ನಿಂಗ್ಸ್ ಹೇಳಿದರು.
ರಾಯಲ್ ಮಿಂಟ್ ಆಲ್ಫ್ರೆಡ್ ದಿ ಗ್ರೇಟ್ 1,100 ವರ್ಷಗಳಿಂದ ನಾಣ್ಯಗಳ ಮೇಲೆ ರಾಜರ ಭಾವಚಿತ್ರವನ್ನು ಚಿತ್ರಿಸುವ ಜವಾಬ್ದಾರಿಯನ್ನು ಹೊಂದಿದೆ.
ರಾಣಿ ಎಲಿಜಬೆತ್ 70 ವರ್ಷಗಳ ಆಡಳಿತದ ನಂತ್ರ ತಮ್ಮ 96 ನೇ ವಯಸ್ಸಿನಲ್ಲಿ ಸೆಪ್ಟೆಂಬರ್ 8 ರಂದು ನಿಧನರಾದರು. ಆಕೆಯ ಭಾವಚಿತ್ರವಿರುವ ಸುಮಾರು 27 ಬಿಲಿಯನ್ ನಾಣ್ಯಗಳು ಪ್ರಸ್ತುತ UK ನಲ್ಲಿ ಚಲಾವಣೆಯಲ್ಲಿವೆ.
BREAKING NEWS: ಮುಂಬೈ ಹೋಟೆಲ್‌ನಲ್ಲಿ 30 ವರ್ಷದ ಮಾಡೆಲ್ ಆತ್ಮಹತ್ಯೆಗೆ ಶರಣು | Model Found Hanging
ಹಬ್ಬ..ಸಿಕ್ಕಿದ್ದೇ ಚಾನ್ಸ್..! ಎಂದು ದುಪ್ಪಟ್ಟು ವಸೂಲಿ ಮಾಡುತ್ತಿದ್ದ ಖಾಸಗಿ ಬಸ್ ಗಳಿಗೆ ಬಿಗ್ ಶಾಕ್ ನೀಡಿದ ‘RTO’
