ನವದೆಹಲಿ : ಈಶಾನ್ಯ ವಲಯದಲ್ಲಿ ನೇಮಕಕ್ಕಾಗಿ ಅಖಿಲ ಭಾರತ ಸೇವಾ (AIS) ಅಧಿಕಾರಿಗಳಿಗೆ ನೀಡಲಾದ ಅನೇಕ ಪ್ರೋತ್ಸಾಹಕಗಳು ಮತ್ತು ಭತ್ಯೆಗಳನ್ನ ಹಿಂಪಡೆಯಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ ಎಂದು ಸಿಬ್ಬಂದಿ ಸಚಿವಾಲಯದ ಆದೇಶದಲ್ಲಿ ತಿಳಿಸಲಾಗಿದೆ. ಸೆಪ್ಟೆಂಬರ್ 23ರಿಂದ ತಕ್ಷಣದಿಂದ ಜಾರಿಗೆ ಬರುವಂತೆ ಈ ಆದೇಶವನ್ನ ಜಾರಿಗೆ ತರಲಾಗಿದೆ.
ಸಿಬ್ಬಂದಿ ಮತ್ತು ತರಬೇತಿ ಇಲಾಖೆ (DOPT) ಶುಕ್ರವಾರ ಎಲ್ಲಾ ರಾಜ್ಯ ಮುಖ್ಯ ಕಾರ್ಯದರ್ಶಿಗಳಿಗೆ ನೀಡಿದ ಆದೇಶದಲ್ಲಿ ಈಶಾನ್ಯದಲ್ಲಿ ನೇಮಕಗೊಂಡ ಎಐಎಸ್ ಅಧಿಕಾರಿಗಳಿಗೆ ನೀಡಲಾಗುವ ಇತರ ಪ್ರೋತ್ಸಾಹಕಗಳ ಜೊತೆಗೆ ಹೆಚ್ಚುವರಿ 25% ಮೂಲ ವೇತನದ ವಿಶೇಷ ಪ್ರೋತ್ಸಾಹ ಮತ್ತು ಭತ್ಯೆಗಳನ್ನ ತಕ್ಷಣದಿಂದ ಜಾರಿಗೆ ಬರುವಂತೆ ಹಿಂತೆಗೆದುಕೊಳ್ಳಲಾಗುವುದು ಎಂದು ಮಾಹಿತಿ ನೀಡಿದೆ.
ಅಸ್ಸಾಂ-ಮೇಘಾಲಯ ಜಂಟಿ ಕೇಡರ್, ಸಿಕ್ಕಿಂ, ನಾಗಾಲ್ಯಾಂಡ್, ತ್ರಿಪುರಾ ಮತ್ತು ಮಣಿಪುರ ಕೇಡರ್ಗಳಿಗೆ ಸೇರಿದ ಭಾರತೀಯ ಆಡಳಿತ ಸೇವೆ (IAS), ಭಾರತೀಯ ಪೊಲೀಸ್ ಸೇವೆ (IPS) ಮತ್ತು ಭಾರತೀಯ ಅರಣ್ಯ ಸೇವೆ (IFS) ಒಳಗೊಂಡ ಎಐಎಸ್ ಅಧಿಕಾರಿಗಳಿಗೆ 2009ರಲ್ಲಿ ಪರಿಚಯಿಸಲಾದ ಹೆಚ್ಚುವರಿ ವಿತ್ತೀಯ ಭತ್ಯೆಯನ್ನು ಸ್ಥಗಿತಗೊಳಿಸಲಾಗಿದೆ.
ಕೇಂದ್ರ ಡೆಪ್ಯುಟೇಷನ್‍ನಲ್ಲಿರುವಾಗ ಈಶಾನ್ಯ ಕೇಡರ್ಗಳಿಗೆ ಸೇರಿದ ಬುಡಕಟ್ಟು ಅಖಿಲ ಭಾರತ ಸೇವಾ ಅಧಿಕಾರಿಗಳಿಗೆ ಪಾವತಿಸಬೇಕಾದ ಆದಾಯ ತೆರಿಗೆಯ ಮರುಪಾವತಿಯ ಪ್ರೋತ್ಸಾಹವನ್ನು ಹಿಂತೆಗೆದುಕೊಳ್ಳಲಾಗಿದೆ ಮತ್ತು ಕೇಡರ್ಗಳಿಗೆ ಸೇರಿದ ಅಧಿಕಾರಿಗಳಿಗೆ 2007ರಲ್ಲಿ ಪರಿಚಯಿಸಲಾದ ನಿವೃತ್ತಿಯ ನಂತರದ ವಸತಿ ಸೌಲಭ್ಯವನ್ನ ಹಿಂತೆಗೆದುಕೊಳ್ಳಲಾಗಿದೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.
ಏತನ್ಮಧ್ಯೆ, ಈಶಾನ್ಯ ರಾಜ್ಯಗಳಲ್ಲಿ ಸೇವೆ ಸಲ್ಲಿಸುತ್ತಿರುವ ಕೆಲವು ಎಐಎಸ್ ಅಧಿಕಾರಿಗಳು ಡಿಒಪಿಟಿ ಶುಕ್ರವಾರ ಹೊರಡಿಸಿದ ಆದೇಶವನ್ನ “ಈಶಾನ್ಯ ರಾಜ್ಯಗಳಲ್ಲಿ ನಿಯೋಜಿಸಲಾದ ಎಐಎಸ್ ಅಧಿಕಾರಿಗಳು ಎದುರಿಸುತ್ತಿರುವ ನೋವು ಮತ್ತು ಸವಾಲುಗಳನ್ನ ಪರಿಗಣಿಸದೆ ಸಂವೇದನಾರಹಿತ ಮತ್ತು ಹಠಾತ್” ನಿರ್ಧಾರ ಎಂದು ಆನೇವ ಮಾಧ್ಯಮಗಳು ಜರಿದಿವೆ.
