ಕೆಎನ್ಎನ್ ಸಿನಿಮಾ ಡೆಸ್ಕ್: ಯೋಗರಾಜ್ ಭಟ್ ರ ನಿರ್ದೇಶನದ ರಾಕ್ ಸ್ಟಾರ್ ಅರ್ಜುನ್ ಜನ್ಯ ರ ಸಂಗೀತದ ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ಗಾಳಿಪಟ 2 ಚಿತ್ರದ ( Galipata 2 Movie ) “ನೀನು ಬಗೆಹರಿಯದ ಹಾಡು ” ಹಾಡಿಗೆ ಹೊಸ ತಂಡ ಒಂದು ಆಲ್ಬಮ್ ಕವರ್ ಸಾಂಗ್ ಬಿಡುಗಡೆ ಮಾಡಲಾಗಿದೆ. ಈ ಸಾಂಗ್ ಆನಂದ್ ಆಡಿಯೋ ಯೂಟ್ಯೂಬ್ ಚಾನಲ್ ನಲ್ಲಿ ಬಿಡುಗಡೆಯಾಗಿದ್ದು, ನೆಟ್ಟಿಗರು ಆಲ್ಬಮ್ ಕವರ್ ಸಾಂಗ್ ವೀಕ್ಷಿಸಿ, ಫಿದಾ ಆಗಿದ್ದಾರೆ.
ಹೌದು.. ಇದೇ ತಿಂಗಳು ಕನ್ನಡಿಗರ ಮೆಚ್ಚುಗೆಯ ಆನಂದ್ ಆಡಿಯೋ ವಿಡಿಯೋ ಕಂಪನಿಯ ಯೂ ಟ್ಯೂಬ್ ಚಾನೆಲ್ ನಲ್ಲಿ ರಿಲೀಸ್ ಮಾಡಲಾಗಿದೆ. ಈ ಆಲ್ಬಮ್ ಕವರ್ ಸಾಂಗ್ ನ ಮುಖ್ಯ ಪಾತ್ರದಲ್ಲಿ ನಿಖಿಲ್ ಎಂ ಎಲ್ ಮಾಲೂರು ಹಾಗು ಕಾವ್ಯಶ್ರೀ ಕಾಣಿಸಿಕೊಂಡಿದ್ದಾರೆ. ಪ್ರಭಾಕರ್ ರೆಡ್ಡಿ ಮತ್ತು ಪ್ರಣವ್ ಭಟ್ (ಮೋಟು ) ನಿರ್ಮಾಣ ಮಾಡಿದ್ದಾರೆ.
‘KPCC ಹಿಂದುಳಿದ ವರ್ಗಗಳ ವಿಭಾಗ’ದ ರಾಜ್ಯಾಧ್ಯಕ್ಷರಾಗಿ ‘ಮಧು ಬಂಗಾರಪ್ಪ’ ನೇಮಕ
ಶ್ರೀಕಾಂತ್ ಎಂ ಶ್ರೀ ( ಎಸ್ಎಂಎಸ್ ಮಾಲೂರು ) ನಿರ್ದೇಶನ ಮಾಡಿದ್ದಾರೆ. ಕ್ಯಾಮೆರಾ ಡಿಪಾರ್ಟ್ಮೆಂಟ್ ಗೆ ಸೇರಿದ ಮನು ಮಾಲೂರು, ರಾಮ್ ಕಾಮತ್ ಹಾಗು ರವಿ ಪೆರ್ಮಿ ಅಚ್ಚುಕಟ್ಟಾಗಿ ವಿಡಿಯೋ ಚಿತ್ರಿಸಿದ್ದಾರೆ.
ಇಡೀ ಚಿತ್ರೀಕರಣ ಕೋಲಾರ ಜಿಲ್ಲೆಯ ಮಾಲೂರು ಹಾಗು ಸಮೀಪದ ದೊಡ್ಡ ಶಿವಾರ ಗ್ರಾಮದ ಕೆವಿಎನ್ ಇನ್ ಸ್ಟಿಟ್ಯೂಟ್ ನಲ್ಲಿ ಚಿತ್ರಿಸಲಾಗಿದೆ. ಈ ಒಂದು ಕವರ್ ಸಾಂಗ್ ಪ್ರೋಜೆಕ್ಟ್ ಮುಕ್ತಾಯಗೊಳಿಸಲು ಮುಖ್ಯ ಕಾರಣ ನಿಖಿಲ್ ಎಂ ಎಲ್ ಮಾಲೂರು. ಇವರೊಬ್ಬ ಯಂಗ್ ಮಲ್ಟಿ ಟಾಲೆಂಟೆಡ್ ಯುವಕ. ಈ ಸಾಂಗ್ ಎಲ್ಲರ ಮನ ತಲುಪಬೇಕೆಂದು ಎಷ್ಟೇ ಕಷ್ಟ ಬಂದರು ಇಷ್ಟದಿಂದ ಸ್ವೀಕರಿಸಿ ತನ್ನಲ್ಲಿರೋ ಪ್ರತಿಭೆಗಳ ಪೂರಕವೇ ಈ ಸಾಂಗ್ ಶೂಟಿಂಗ್ ಮಾಡಿ, ರಿಲೀಸ್ ಮಾಡಿದ್ದಾರೆ.
ನಿಖಿಲ್ ನಟನೆ ಒಂದೇ ಅಲ್ಲದೆ ಎಡಿಟಿಂಗ್, ಡಿ ಕೋರಿಯೆಸ್ಟ್, ಪೋಸ್ಟ್ ಪ್ರೊಡಕ್ಷನ್ ಮುಂತಾದ ವಿವಿಧ ಡಿಪಾರ್ಟ್ಮೆಂಟ್ ಗಳನ್ನೂ ಒಬ್ಬರೆ ನಿಭಾಯಿಸಿದ್ದಾರೆ. ಒಂದು ರೀತಿಯಲ್ಲಿ ಹೆಮ್ಮೆ ಪಡುವ ವಿಚಾರ ಏನೆಂದರೆ ಇಡೀ ಚಿತ್ರತಂಡ ಮಾಲೂರು ತಾಲ್ಲೂಕುಗೆ ಸೇರಿರುತಾರೆ. ಮತ್ತೆ ಇದೇ ಮೊಟ್ಟ ಮೊದಲ ಬಾರಿಗೆ ನಿಹಾಲ್ ಟೌರ್ ಕಂಠದಲ್ಲಿ ಹಾಡಿರುವ ಒಂದು ಒಳ್ಳೆಯ ಹಾಡಿಗೆ ಆಲ್ಬಮ್ ಕವರ್ ಸಾಂಗ್ ಮಾಡಿರೋ ಒಂದು ಟೀಮ್ ಇವರದ್ದಾಗಿದೆ.
ಈ ಸಾಂಗ್ ಎಲ್ಲರ ಮನೆತಲುಪಲೂ ಮುಖ್ಯ ಕಾರಣ ಆನಂದ್ ಆಡಿಯೋ ವಿಡಿಯೋ ಕಂಪನಿ ಹಾಗು ವಿಷ್ಣು ಮೈಸೂರು, ಮೊಹಮ್ಮದ್ ಮತ್ತು ಮಾಲೂರಿನ ಜನತೆಯಾಗಿದ್ದಾರೆ ಎಂದು ತಂಡ ಈ ಸಂದರ್ಭದಲ್ಲಿ ಕೃತಜ್ಞತೆ ಸಲ್ಲಿಸಿದೆ. ಅಲ್ಲದೇ ಇದಕ್ಕೆ ಕಾರಣವಾದಂತ ಎಲ್ಲರಿಗೂ ನಾವು ಚಿರಋಣಿ ಎಂದು ಹೇಳಿದೆ.
ಆ ಎಲ್ಲರ ಮನಗೆದ್ದ ಹಾಡು ಈ ಕೆಳಗಿದೆ, ನೀವು ತಪ್ಪದೇ ನೋಡಿ.. ಹೊಸ ತಂಡದ ಗಾಳಿಪಟ-2 ಚಿತ್ರದ ಆಲ್ಬಮ್ ಕವರ್ ಸಾಂಗ್ ನೋಡಿ, ಹರಸಿ ಹಾರೈಸಿ.
