ಕೆಎನ್‌ಎನ್‌ಡಿಜಿಟಲ್‌ ಡೆಸ್ಕ್‌ : ಪದ್ಮಶ್ರೀ ವಿಭೂಷಣ, ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆಯ ಮಾಜಿ ಮಹಾನಿರ್ದೇಶಕ ಪ್ರೊ. ಬೀಬಿ ಲಾಲ್ ಶನಿವಾರ ನಿಧನರಾದರು. 101 ವರ್ಷ ವಯಸ್ಸಿನ ಪ್ರೋ. ಲಾಲ್ ನಿಧನಕ್ಕೆ ಸಂತಾಪ ಸೂಚಿಸಿರುವ ಪ್ರಧಾನಿ ನರೇಂದ್ರ ಮೋದಿ ಅವರು ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.
ಅದ್ರಂತೆ, ಬೀಬಿ ಲಾಲ್ ಅವ್ರನ್ನ ಭಾರತದ ಅತ್ಯಂತ ಹಿರಿಯ ಪುರಾತತ್ವಶಾಸ್ತ್ರಜ್ಞ ಎಂದು ಪರಿಗಣಿಸಲಾಗಿದೆ.100ನೇ ವಯಸ್ಸಿನಲ್ಲಿಯೂ ಪುರಾತತ್ವ ಶಾಸ್ತ್ರಕ್ಕೆ ಸಂಬಂಧಿಸಿದ ಸಂಶೋಧನೆಗಳಲ್ಲಿ ಮತ್ತು ಅದರ ಬರವಣಿಗೆಯಲ್ಲಿ ಸಕ್ರಿಯರಾಗಿದ್ದರು.
ಬೀಬಿ ಲಾಲ್ ಅವ್ರು 02 ಮೇ 1921ರಂದು ಝಾನ್ಸಿ ಜಿಲ್ಲೆಯ ಬಡೋರಾ ಗ್ರಾಮದಲ್ಲಿ ಜನಿಸಿದರು. ಅವ್ರು ಶಿಮ್ಲಾದ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಅಡ್ವಾನ್ಸ್ಡ್ ಸ್ಟಡಿ ನಿರ್ದೇಶಕರಾಗಿ ತಮ್ಮ ಸೇವೆಯನ್ನು ಪ್ರಾರಂಭಿಸಿದರು.ಬೀಬಿ ಲಾಲ್ ಅವರಿಗೆ 2000 ರಲ್ಲಿ ಪದ್ಮಭೂಷಣ ಪ್ರಶಸ್ತಿಯನ್ನು ನೀಡಲಾಯಿತು. ಇದಾದ ನಂತರ 2021ರಲ್ಲಿ ಪದ್ಮವಿಭೂಷಣ ಪ್ರಶಸ್ತಿಯೂ ಲಭಿಸಿದೆ.
ಬೀಬಿ ಲಾಲ್ ಅವರು ಮಹಾಭಾರತ ಮತ್ತು ರಾಮಾಯಣ ಮತ್ತು ಸಿಂಧೂ ಕಣಿವೆ ಮತ್ತು ಕಾಲಿಬಂಗನ್‌ಗೆ ಸಂಬಂಧಿಸಿದ ಸೈಟ್‌ಗಳಲ್ಲಿ ಸಾಕಷ್ಟು ಕೆಲಸ ಮಾಡಿದ್ದಾರೆ. ಅವರ ಕೃತಿಗಳಿಗೆ ಸಂಬಂಧಿಸಿದ ಅನೇಕ ಪುಸ್ತಕಗಳು ಮತ್ತು ನೂರಾರು ಸಂಶೋಧನಾ ಪ್ರಬಂಧಗಳು ಪ್ರಕಟವಾಗಿವೆ. ಬಿಬಿ ಲಾಲ್ ಅವ್ರು 1968 ರಿಂದ 1972 ರವರೆಗೆ ಭಾರತೀಯ ಪುರಾತತ್ವ ಸರ್ವೇಕ್ಷಣೆಯ ನಿರ್ದೇಶಕರಾಗಿದ್ದರು. ಇದಲ್ಲದೆ, ಅವರು ಯುನೆಸ್ಕೋದ ವಿವಿಧ ಸಮಿತಿಗಳಲ್ಲಿಯೂ ಭಾಗಿಯಾಗಿದ್ದರು. 1944 ರಲ್ಲಿ, ಸರ್ ಮಾರ್ಟಿಮರ್ ವೀಲರ್ ಅವರಿಗೆ ತಕ್ಷಿಲಾದಲ್ಲಿ ತರಬೇತಿ ನೀಡಿದರು.
ಬೀಬಿ ಲಾಲ್ ನಿಧನಕ್ಕೆ ಸಂತಾಪ ಸೂಚಿಸಿರುವ ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್ ಮಾಡಿದ್ದಾರೆ. ಅದರಲ್ಲಿ “ಶ್ರೀ ಬೀಬಿ ಲಾಲ್ ಅದ್ಭುತ ವ್ಯಕ್ತಿತ್ವ” ಎಂದು ಬರೆದಿದ್ದಾರೆ. ಸಂಸ್ಕೃತಿ ಮತ್ತು ಪುರಾತತ್ವ ಕ್ಷೇತ್ರದಲ್ಲಿ ಅವ್ರ ಕೊಡುಗೆ ಅನುಪಮವಾಗಿದೆ. ಅವ್ರು ನಮ್ಮ ಶ್ರೀಮಂತ ಗತಕಾಲದೊಂದಿಗೆ ಆಳವಾದ ಸಂಪರ್ಕವನ್ನ ಹೊಂದಿದ್ದ ಬೌದ್ಧಿಕ ವ್ಯಕ್ತಿತ್ವ ಎಂದು ನೆನಪಿಸಿಕೊಳ್ಳುತ್ತಾರೆ. ಅವ್ರ ಸಾವಿನಿಂದ ನನಗೆ ತೀವ್ರ ಆಘಾತವಾಗಿದೆ ಎಂದು ಪ್ರಧಾನಿ ಬರೆದಿದ್ದಾರೆ. ನಂತರ ಕುಟುಂಬದವರಿಗೆ ಸಾಂತ್ವನ ಹೇಳಿದ್ದಾರೆ.
