ನವದೆಹಲಿ: ಭಾರತೀಯ ರಿಸರ್ವ್ ಬ್ಯಾಂಕ್ ಇತ್ತೀಚೆಗೆ ವಿದೇಶಿ ವಿನಿಮಯದಲ್ಲಿ ವ್ಯವಹರಿಸಲು ಮತ್ತು ವಿದೇಶೀ ವಿನಿಮಯ ವಹಿವಾಟುಗಳಿಗಾಗಿ ಎಲೆಕ್ಟ್ರಾನಿಕ್ ಟ್ರೇಡಿಂಗ್ ಪ್ಲಾಟ್ಫಾರ್ಮ್ಗಳನ್ನು ನಿರ್ವಹಿಸಲು ಅಧಿಕಾರ ಹೊಂದಿರದ ಅಪ್ಲಿಕೇಶನ್ಗಳು ಮತ್ತು ಘಟಕಗಳ ಹೆಸರುಗಳನ್ನು ಒಳಗೊಂಡ “ಎಚ್ಚರಿಕೆ ಪಟ್ಟಿ” ಯನ್ನು ಬಿಡುಗಡೆ ಮಾಡಿದೆ. ಅನೇಕ ಅನಧಿಕೃತ ವೇದಿಕೆಗಳು ಹೂಡಿಕೆಯ ಮೇಲೆ ಉನ್ನತ ಆದಾಯದ ಭರವಸೆ ನೀಡುವ ಮೂಲಕ ಜನರನ್ನು ಆಕರ್ಷಿಸುತ್ತವೆ. ಆದಾಗ್ಯೂ, ಅಂತಹ ಪ್ಲಾಟ್ಫಾರ್ಮ್ಗಳನ್ನು ಬಳಸುವುದು ಕೇವಲ ಅಪಾಯಕಾರಿ ಮಾತ್ರವಲ್ಲ, ಬಳಕೆದಾರರನ್ನು ಕಾನೂನು ತೊಂದರೆಗೆ ಸಿಲುಕಿಸಬಹುದು ಅಂತ ತಿಳಿಸಿದೆ.
“ಅನಧಿಕೃತ ಇಟಿಪಿಗಳಲ್ಲಿ ವಿದೇಶಿ ವಿನಿಮಯ ವಹಿವಾಟುಗಳನ್ನು ಕೈಗೊಳ್ಳದಂತೆ ಅಥವಾ ಅಂತಹ ಅನಧಿಕೃತ ವಹಿವಾಟುಗಳಿಗೆ ಹಣವನ್ನು ಕಳುಹಿಸದಂತೆ / ಠೇವಣಿ ಇಡದಂತೆ ಸಾರ್ವಜನಿಕರಿಗೆ ಮತ್ತೊಮ್ಮೆ ಎಚ್ಚರಿಕೆ ನೀಡಲಾಗಿದೆ. ಫೆಮಾ ಅಡಿಯಲ್ಲಿ ಅನುಮತಿಸಲಾದ ಅಥವಾ ಆರ್ಬಿಐನಿಂದ ಅಧಿಕೃತಗೊಳಿಸದ ಇಟಿಪಿಗಳನ್ನು ಹೊರತುಪಡಿಸಿ ಇತರ ಉದ್ದೇಶಗಳಿಗಾಗಿ ವಿದೇಶಿ ವಿನಿಮಯ ವಹಿವಾಟುಗಳನ್ನು ಕೈಗೊಳ್ಳುವ ನಿವಾಸಿ ವ್ಯಕ್ತಿಗಳು ಫೆಮಾ ಅಡಿಯಲ್ಲಿ ಕಾನೂನು ಕ್ರಮಕ್ಕೆ ತಮ್ಮನ್ನು ತಾವು ಹೊಣೆಗಾರರನ್ನಾಗಿ ಮಾಡಿಕೊಳ್ಳುತ್ತಾರೆ ” ಎಂದು ಆರ್ಬಿಐ ಸೆಪ್ಟೆಂಬರ್ 7, 2022 ರ ಹೇಳಿಕೆಯಲ್ಲಿ ತಿಳಿಸಿದೆ.
ಅನಧಿಕೃತ ವಿದೇಶೀ ವಿನಿಮಯ ವ್ಯಾಪಾರ ಅಪ್ಲಿಕೇಶನ್ ಗಳು ಮತ್ತು ವೆಬ್ ಸೈಟ್ ಗಳ ಪೂರ್ಣ ಪಟ್ಟಿ ಇಲ್ಲಿದೆ.
