ಕೆಎನ್‌ಎನ್‌ಡಿಜಿಟಲ್‌ ಡೆಸ್ಕ್‌ : 111 ವರ್ಷಗಳ ಹಿಂದೆ ಬಲ್ಗೇರಿಯಾದಲ್ಲಿ ಜನಿಸಿದ ಬಾಬಾ ವಂಗಾ ಎಂಬ ಮಹಿಳೆಯ ಹಲವು ಭವಿಷ್ಯವಾಣಿಗಳು ನಿಜವಾಗಿವೆ. ಬಾಬಾ ವೆಂಗಾ ತನ್ನ 12ನೇ ವಯಸ್ಸಿನಲ್ಲಿ ಚಂಡಮಾರುತದಲ್ಲಿ ತನ್ನ ಕಣ್ಣುಗಳನ್ನ ಕಳೆದುಕೊಂಡರು. ಆದ್ರೆ, ಇಂದಿಗೂ ಬಾಬಾ ವೆಂಗಾ ತನ್ನ ಭವಿಷ್ಯವಾಣಿಗಳಿಗಾಗಿ ಪ್ರಪಂಚದಾದ್ಯಂತ ಪ್ರಸಿದ್ಧರಾಗಿದ್ದಾರೆ. ಅವ್ರ ಮರಣದ ಮೊದಲು, ಬಾಬಾ ವೆಂಗಾ ಅವ್ರು 2022 ಮತ್ತು ನಂತರದ ವರ್ಷಕ್ಕೆ ಅನೇಕ ಪ್ರಮುಖ ಭವಿಷ್ಯವಾಣಿಗಳನ್ನ ನುಡಿದಿದ್ದಾರೆ. ಬಾಬಾ ವೆಂಗಾ ಅವರ ಈ ಭವಿಷ್ಯವಾಣಿಗಳ ಬಗ್ಗೆ ತಿಳಿಯೋಣ ಬನ್ನಿ.
ಬಾಬಾ ವೆಂಗಾ ಅವರ ಭವಿಷ್ಯವಾಣಿಗಳು.!
ಬಾಬಾ ವೆಂಗಾ ಅವರ ಭವಿಷ್ಯವಾಣಿಯ ಪ್ರಕಾರ, 2022ರಲ್ಲಿ ಭಾರತದಲ್ಲಿ ಮಿಡತೆಗಳ ದಾಳಿ ಇರಬಹುದು. ಇದಲ್ಲದೇ ಬರಗಾಲದಂತಹ ಸಮಸ್ಯೆಗಳೂ ಬರಬಹುದು ಎಂದಿದ್ದರು.
2023ರಲ್ಲಿ ಭೂಮಿಯು ತನ್ನ ಕಕ್ಷೆಯನ್ನ ಬದಲಾಯಿಸುತ್ತದೆ ಎಂದು ಬಾಬಾ ವೆಂಗಾ ಭವಿಷ್ಯ ನುಡಿದಿದ್ದಾರೆ. ಇದಲ್ಲದೇ, ಗಗನಯಾತ್ರಿಗಳು 2028ರಲ್ಲಿ ಶುಕ್ರಗ್ರಹಕ್ಕೆ ಪ್ರಯಾಣಿಸಲಿದ್ದಾರೆ.
ಬಾಬಾ ವೆಂಗಾ ಅವ್ರ ಭವಿಷ್ಯವಾಣಿಯ ಪ್ರಕಾರ, 2046ರಲ್ಲಿ, ಮಾನವರು ಅಂಗಾಂಗ ಕಸಿ ಕ್ಷೇತ್ರದಲ್ಲಿ ಹೆಚ್ಚಿನ ಪ್ರಗತಿಯನ್ನ ಸಾಧಿಸುತ್ತಾರೆ ಮತ್ತು ಅದರ ಸಹಾಯದಿಂದ ಜನರು 100 ವರ್ಷಗಳಿಗಿಂತ ಹೆಚ್ಚು ವರ್ಷ ಬದುಕಲು ಸಾಧ್ಯವಾಗುತ್ತದೆ.
ಬಾಬಾ ವೆಂಗಾ ಅವರ ಭವಿಷ್ಯವಾಣಿಯ ಪ್ರಕಾರ, 2100ರಲ್ಲಿ ಭೂಮಿಯ ಮೇಲೆ ರಾತ್ರಿ ಇರುವುದಿಲ್ಲ. ಕೃತಕ ಸೂರ್ಯನ ಬೆಳಕಿನಿಂದ ಭೂಮಿಯು ಪ್ರಕಾಶಿಸಲ್ಪಡುತ್ತದೆ.
ಬಾಬಾ ವೆಂಗಾ ಕೂಡ ಪ್ರಪಂಚದ ಅಂತ್ಯದ ಬಗ್ಗೆ ಭವಿಷ್ಯ ನುಡಿದಿದ್ದಾರೆ. ಬಾಬಾ ವೆಂಗಾ ಪ್ರಕಾರ, ಪ್ರಪಂಚವು 5079ರಲ್ಲಿ ಕೊನೆಗೊಳ್ಳುತ್ತದೆ.
ಬಾಬಾ ವೆಂಗಾ ಅವರ ಈ ಭವಿಷ್ಯವಾಣಿಗಳು 2022ರಲ್ಲಿ ನಿಜವಾಯಿತು.!
ಬಾಬಾ ವೆಂಗಾ ಅವ್ರು 2022ರಲ್ಲಿ ಹೇಳಿದ ಎರಡು ಭವಿಷ್ಯವಾಣಿಗಳು ನಿಜವಾಗಿವೆ. ಬಾಬಾ ವೆಂಗಾ ಅವರು ಏಷ್ಯಾ ಮತ್ತು ಆಸ್ಟ್ರೇಲಿಯಾದ ಕೆಲವು ಭಾಗಗಳಲ್ಲಿ ಪ್ರವಾಹವನ್ನ ಭವಿಷ್ಯ ನುಡಿದಿದ್ದರು ಅದು ನಿಜವಾಗಿದೆ. ಆಸ್ಟ್ರೇಲಿಯಾ, ಈಶಾನ್ಯ ಭಾರತ, ಬಾಂಗ್ಲಾದೇಶ ಮತ್ತು ಥೈಲ್ಯಾಂಡ್‌ನಲ್ಲಿ ಪ್ರವಾಹ ಏಕಾಏಕಿ ಕಾಣಿಸಿಕೊಂಡಿದೆ. ಇದಲ್ಲದೇ ಪಾಕಿಸ್ತಾನದಲ್ಲಿ ಪ್ರವಾಹದ ಹಾವಳಿ ಮುಂದುವರಿದಿದೆ. ಬಾಬಾ ವೆಂಗಾ ಯುರೋಪಿನ ಬರಗಾಲದ ಸಮಸ್ಯೆಯ ಬಗ್ಗೆ ಭವಿಷ್ಯ ನುಡಿದರು. ಈ ವರ್ಷ ಯುರೋಪ್‌ನ ಪೋರ್ಚುಗಲ್‌ನಲ್ಲಿ, ಸರ್ಕಾರವು ನೀರಿನ ಬಳಕೆಯನ್ನು ಮಿತಿಗೊಳಿಸಲು ತನ್ನ ನಾಗರಿಕರನ್ನ ಕೇಳಿದೆ. ಇದಲ್ಲದೇ ಇಟಲಿಯಲ್ಲಿಯೂ ನೀರಿನ ಅಭಾವ ಕಾಣಿಸಿಕೊಂಡಿದೆ. ಇಟಲಿ ಪ್ರಸ್ತುತ 1950ರ ದಶಕದ ನಂತ್ರ ಅತ್ಯಂತ ತೀವ್ರವಾದ ಬರ ಸಮಸ್ಯೆಯನ್ನ ಎದುರಿಸುತ್ತಿದೆ.
