ಇಸ್ಲಾಮಾಬಾದ್ (ಪಾಕಿಸ್ತಾನ): ಅಫ್ಘಾನಿಸ್ತಾನದಲ್ಲಿ ಪಾಕಿಸ್ತಾನದ ತೆಹ್ರೀಕ್-ಎ-ತಾಲಿಬಾನ್ (TTP) ಉನ್ನತ ಕಮಾಂಡರ್ ಒಮರ್ ಖಾಲಿದ್ ಖೋರಾಸಾನಿ(Omar Khalid Khorasani) ಹತ್ಯೆಯಾಗಿದೆ ಎಂದು ತಾಲಿಬಾನ್ ಸೋಮವಾರ ದೃಢಪಡಿಸಿದೆ. ಇವರೊಂದಿಗೆ ಇತರೆ ಇಬ್ಬರು ಉಗ್ರ ನಾಯಕರು ಸಹ ಸಾವನ್ನಪ್ಪಿದ್ದಾರೆ ಎಂದು ತಿಳಿಸಿದೆ.
ತಾಲಿಬಾನ್ ವಕ್ತಾರ ಮುಹಮ್ಮದ್ ಖೊರಾಸಾನಿ ಪ್ರಕಾರ, “ಭಾನುವಾರ ಸಂಜೆ ಅಫ್ಘಾನಿಸ್ತಾನದಲ್ಲಿ ನಡೆದ ರಸ್ತೆಬದಿ ಬಾಂಬ್ ದಾಳಿಯಲ್ಲಿ ಹಿರಿಯ ಟಿಟಿಪಿ ನಾಯಕ ಒಮರ್ ಖಾಲಿದ್ ಖೋರಾಸಾನಿ ಮತ್ತು ಇತರ ಇಬ್ಬರು ನಿಷೇಧಿತ ಸಂಘಟನೆಯ ಸದಸ್ಯರು ಕೊಲ್ಲಲ್ಪಟ್ಟರು” ಎಂದು ತಿಳಿಸಿದ್ದಾರೆ.
ವರದಿಯ ಪ್ರಕಾರ, ಟಿಟಿಪಿ ಅಧಿಕಾರಿಗಳು ಭಾನುವಾರ ಸಂಜೆ ಬರ್ಮಾಲ್ ಜಿಲ್ಲೆಯ ಬಳಿಯ ಪೂರ್ವ ಪಕ್ಟಿಕಾ ಪ್ರಾಂತ್ಯದಲ್ಲಿ ಒಮರ್ ಸಾಗುತ್ತಿದ್ದ ಕಾರಿನ ಮೇಲೆ ದಾಳಿ ನಡೆಸಲಾಯಿತು. ಘಟನೆಯ ಕುರಿತು ತನಿಖೆ ನಡೆಸುವಂತೆ ಮತ್ತು ಹಿರಿಯ ಟಿಟಿಪಿ ನಾಯಕರ ಸಾವಿಗೆ ಕಾರಣವಾಗಿರುವ ಗೂಢಚಾರರನ್ನು ಪತ್ತೆಹಚ್ಚಲು ಅಫ್ಘಾನಿಸ್ತಾನದ ತಾಲಿಬಾನ್ ಸರ್ಕಾರವನ್ನು ಅವರು ಒತ್ತಾಯಿಸಿದ್ದಾರೆ ಎಂದು ಡಾನ್ ವರದಿ ಮಾಡಿದೆ.
ಒಮರ್ ಅವರ ನಿಜವಾದ ಹೆಸರು ಅಬ್ದುಲ್ ವಾಲಿ ಮೊಹಮಂಡ್. ಅವರು ಈ ಹಿಂದೆ ಅಫ್ಘಾನಿಸ್ತಾನದ ಗಡಿಯಲ್ಲಿರುವ ಮೊಹಮಂಡ್ ಏಜೆನ್ಸಿಯಲ್ಲಿ ಟಿಟಿಪಿ ಮುಖ್ಯಸ್ಥರಾಗಿದ್ದರು. ಒಮರ್ ಹೊರತುಪಡಿಸಿ, ದಾಳಿಯಲ್ಲಿ ಸಾವನ್ನಪ್ಪಿದ ಇತರ ಇಬ್ಬರು ವ್ಯಕ್ತಿಗಳನ್ನು ಮುಫ್ತಿ ಹಸನ್ ಮತ್ತು ಹಫೀಜ್ ದವ್ಲತ್ ಖಾನ್ ಎಂದು ಗುರುತಿಸಲಾಗಿದೆ. ಅವರು 2014 ರಲ್ಲಿ ಕಾನೂನುಬಾಹಿರ ದೇಶ್‌ಗೆ ಸೇರಿದ ಟಿಟಿಪಿ ನಾಯಕರಾಗಿದ್ದಾರೆ.
BIG BREAKING NEWS: ನಿರ್ಮಾಪಕರಿಗೆ ‘ನಟ ದರ್ಶನ್’ ಜೀವ ಬೆದರಿಕೆ: ಎಫ್ಐಆರ್ ದಾಖಲು
BIGG NEWS : ರಾಜ್ಯದಲ್ಲಿ `ಮುಖ್ಯಮಂತ್ರಿ ಬದಲಾವಣೆ’ ಬಗ್ಗೆ ಬಿಜೆಪಿ ಮಾಜಿ ಶಾಸಕ ಸುರೇಶ್ ಗೌಡ ಮಹತ್ವದ ಹೇಳಿಕೆ!
