ದೆಹಲಿ: ದಶಕದ ಹಿಂದಿನ ಪರಿಸ್ಥಿತಿಗೆ ಹೋಲಿಸಿದರೆ, 2025 ರ ವೇಳೆಗೆ ಭಾರತವು ಶ್ವಾಸಕೋಶದ ಕ್ಯಾನ್ಸರ್(lung cancer) ಪ್ರಕರಣಗಳಲ್ಲಿ ಏಳು ಪಟ್ಟು ಹೆಚ್ಚಾಗುವ ಸಾಧ್ಯತೆಯಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ (ICMR) ಸಂಶೋಧಕರು ವರದಿ ಮಾಡಿದ್ದಾರೆ.
ಅಂತಹ ರೋಗಿಗಳನ್ನು ಗುರುತಿಸಲು ಜನಸಂಖ್ಯೆಯ ಮಟ್ಟದ ಸ್ಕ್ರೀನಿಂಗ್ ಉಪಕರಣದ ಕೊರತೆಯ ಬಗ್ಗೆ ICMR ಸಂಶೋಧಕರು ವಿಷಾದ ವ್ಯಕ್ತಪಡಿಸಿದ್ದಾರೆ. ಅಷ್ಟೇ ಅಲ್ಲದೇ, ಇನ್ನೂ ಕೆಟ್ಟ ಪರಿಸ್ಥಿತಿಯೆಂದರೆ, ಕ್ಯಾನ್ಸರ್ ದೇಹದ ಇತರ ಭಾಗಗಳಿಗೆ ಹರಡಿದ ನಂತರವಷ್ಟೇ 45% ಶ್ವಾಸಕೋಶದ ಕ್ಯಾನ್ಸರ್ ರೋಗಿಗಳಲ್ಲಿ ಈ ಕಾಯಿಲೆ ಪತ್ತೆಯಾಗುತ್ತಿದೆ ಎಂದು ಅವರು ತಿಳಿಸಿದ್ದಾರೆ.
ಪಾಶ್ಚಿಮಾತ್ಯ ಜನಸಂಖ್ಯೆಗೆ ಹೋಲಿಸಿದರೆ, ಭಾರತೀಯರಲ್ಲಿ ಒಂದು ದಶಕಕ್ಕೂ ಮುನ್ನ ಅಂದ್ರೆ, ಸಾಮಾನ್ಯವಾಗಿ 50 ವಯಸ್ಸಿನ ಆಸುಪಾಸಿನವರಲ್ಲಿ ಈ ರೋಗನಿರ್ಣಯವಾಗುತ್ತಿದೆ ಎನ್ನಲಾಗಿದೆ. ʻ75% ಪ್ರಕರಣಗಳಲ್ಲಿ, ಶ್ವಾಸಕೋಶದ ಕ್ಯಾನ್ಸರ್‌ಅನ್ನು 3 ಮತ್ತು 4ನೇ ಹಂತದ ನಡುವೆ ಕಂಡುಹಿಡಿಯಲಾಗುತ್ತಿದೆ. ಇದು ಸಾವಿನ ಪ್ರಮಾಣವು ಹೆಚ್ಚು ಮತ್ತು ಬದುಕುಳಿಯುವಿಕೆಯ ಪ್ರಮಾಣವು ಕಡಿಮೆಯಾಗಿದೆʼ ಎಂದು ಅಧ್ಯಯನದ ಪ್ರಮುಖ ಲೇಖಕ ಮತ್ತು ಬೆಂಗಳೂರಿನ ಐಸಿಎಂಆರ್‌ನ ನ್ಯಾಷನಲ್ ಸೆಂಟರ್ ಫಾರ್ ಡಿಸೀಸ್ ಇನ್ಫರ್ಮ್ಯಾಟಿಕ್ಸ್ ಮತ್ತು ರಿಸರ್ಚ್‌ನ ನಿರ್ದೇಶಕ ಪ್ರಶಾಂತ್ ಮಾಥುರ್ ತಿಳಿಸಿದ್ದಾರೆ.
Breaking news: ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ ಫೈನಲ್‌: ಬೆಳ್ಳಿಪದಕ ಗೆದ್ದ ʻ ನೀರಜ್‌ ಚೋಪ್ರಾʼ
ಮಾಥುರ್ ಮತ್ತು ಸಹೋದ್ಯೋಗಿಗಳು ಜನಸಂಖ್ಯೆ ಆಧಾರಿತ 28 ಮತ್ತು ಆಸ್ಪತ್ರೆ ಆಧಾರಿತ 58 ಕ್ಯಾನ್ಸರ್ ದಾಖಲಾತಿಗಳಿಂದ ಕ್ಯಾನ್ಸರ್ ಡೇಟಾವನ್ನು ಸಂಗ್ರಹಿಸಿದ್ದಾರೆ. ಅವರು 2012 ಮತ್ತು 2016 ರ ನಡುವೆ 22,645 ಶ್ವಾಸಕೋಶದ ಕ್ಯಾನ್ಸರ್ ರೋಗಿಗಳು ಪತ್ತೆಯಾಗಿರುವ ದಾಖಲೆಗಳನ್ನು ಕಂಡುಕೊಂಡಿದ್ದಾರೆ.
ಅಧ್ಯಯನದ ಪ್ರಕಾರ, ಈ ಸಂಖ್ಯೆಯು 2025 ರ ವೇಳೆಗೆ 1.61 ಲಕ್ಷಕ್ಕೆ ಏರಿಕೆಯಾಗುತ್ತದೆ ಎನ್ನಲಾಗಿದೆ. ಪುರುಷರಲ್ಲಿ ಅಂದಾಜು 81,000 ಪ್ಲಸ್ ಪ್ರಕರಣಗಳು ಮತ್ತು ಮಹಿಳೆಯರಲ್ಲಿ 30,000 ಪ್ರಕರಣಗಳು ಅಂದ್ರೆ, ಏಳು ಪಟ್ಟು ಜಿಗಿತವಾಗಲಿದೆ ಎಂದು ಅಂದಾಜಿಸಲಾಗಿದೆ.
“ಏರುತ್ತಿರುವ ಘಟನೆಗಳು ಮತ್ತು ತಡವಾದ ರೋಗನಿರ್ಣಯವು ಗಂಭೀರ ಕಳವಳಕಾರಿಯಾಗಿದೆ” ಎಂದು ತಂಡವು ಇಂಡಿಯನ್ ಜರ್ನಲ್ ಆಫ್ ಮೆಡಿಕಲ್ ರಿಸರ್ಚ್‌ನ ಇತ್ತೀಚಿನ ಸಂಚಿಕೆಯಲ್ಲಿ ವರದಿ ಮಾಡಿದೆ. ಕಳೆದ ನಾಲ್ಕು ದಶಕಗಳಿಂದ ಕ್ಯಾನ್ಸರ್ ದಾಖಲಾತಿಗಳು ಕಾರ್ಯನಿರ್ವಹಿಸುತ್ತಿರುವ ಐದು ದೊಡ್ಡ ನಗರಗಳಲ್ಲಿ ಶ್ವಾಸಕೋಶದ ಕ್ಯಾನ್ಸರ್ ಪ್ರವೃತ್ತಿಯನ್ನು ಸಂಶೋಧಕರು ಕಂಡುಕೊಂಡಿದ್ದಾರೆ.
1982 ಮತ್ತು 2016 ರ ನಡುವೆ, ಪುರುಷರಲ್ಲಿ ಪ್ರಕರಣಗಳು ದೆಹಲಿ, ಬೆಂಗಳೂರು ಮತ್ತು ಚೆನ್ನೈನಲ್ಲಿ ಸ್ಥಿರವಾದ ಏರಿಕೆಯನ್ನು ಹೊಂದಿದ್ದರೆ, ಅದು ಮುಂಬೈ ಮತ್ತು ಭೋಪಾಲ್‌ನಲ್ಲಿ ಕಡಿಮೆಯಾಗಿದೆ. ಮಹಿಳೆಯರಲ್ಲಿ, ಭೋಪಾಲ್ ಹೊರತುಪಡಿಸಿ ಎಲ್ಲಾ ನಗರಗಳಲ್ಲಿ ಇದು ಹೆಚ್ಚುತ್ತಿರುವ ಪ್ರವೃತ್ತಿಯಾಗಿದೆ.
ನೋಂದಾವಣೆಗಳು ಪ್ರವೃತ್ತಿಯ ಹಿಂದಿನ ಕಾರಣಗಳನ್ನು ಗುರುತಿಸದಿದ್ದರೂ, ಮಾಥುರ್ ಅವರು ತಂಬಾಕು ಬಳಕೆ ಮತ್ತು ವಾಯು ಮಾಲಿನ್ಯವು ಇದಕ್ಕೆ ಕಾರಣವಾಗಿದೆ. ಆರಂಭಿಕ ಹಂತದಲ್ಲಿ ರೋಗನಿರ್ಣಯ ಮಾಡುವುದು ಪ್ರಮುಖ ಸಮಸ್ಯೆಯಾಗಿದೆ. ಏಕೆಂದರೆ, ರೋಗಲಕ್ಷಣಗಳು ಹೆಚ್ಚಾಗಿ ಶ್ವಾಸಕೋಶದ ಕ್ಷಯರೋಗದ ಲಕ್ಷಣಗಳಾಗಿವೆ. “ಶ್ವಾಸಕೋಶದ ಕ್ಯಾನ್ಸರ್ ಟಿಬಿ ತರಹದ ರೋಗಲಕ್ಷಣಗಳ ರೀತಿಯಲ್ಲಿರಬಹುದು ಎಂದು ವೈದ್ಯರು ನೆನಪಿನಲ್ಲಿಟ್ಟುಕೊಳ್ಳಬೇಕು” ಎಂದು ಮಾಥುರ್ ಹೇಳಿದ್ದಾರೆ.
Big news: ಇಂದು ಸಂಜೆ ದೇಶವನ್ನುದ್ದೇಶಿಸಿ ನಿರ್ಗಮಿತ ರಾಷ್ಟ್ರಪತಿ ʻರಾಮನಾಥ್ ಕೋವಿಂದ್ʼರಿಂದ ಮಹತ್ವದ ಭಾಷಣ…
