ಹೈದರಾಬಾದ್: ಕಳೆದ ನಾಲ್ಕು ವರ್ಷಗಳಲ್ಲಿ ಎರಡು ತೆಲುಗು ರಾಜ್ಯಗಳ 13 ಮಹಿಳೆಯರನ್ನು ಮದುವೆಯಾಗಿ ಲಕ್ಷಾಂತರ ರೂಪಾಯಿ ವಂಚಿಸಿದ 35 ವರ್ಷದ ಕಳ್ಳನನ್ನು ಬಂಧಿಸಲಾಗಿದೆ.
ಪೊಲೀಸರ ಪ್ರಕಾರ, ಗುಂಟೂರು ಜಿಲ್ಲೆಯ ಅಡಪ ಶಿವಶಂಕರ್ ಬಾಬು ಪ್ರತಿಷ್ಠಿತ ಐಟಿ ಸಂಸ್ಥೆಯೊಂದರಲ್ಲಿ ಸಾಫ್ಟ್‌ವೇರ್ ಇಂಜಿನಿಯರ್ ಆಗಿ ಲಕ್ಷಾಂತರ ರೂಪಾಯಿ ಸಂಪಾದಿಸುವ ಮೂಲಕ ಶ್ರೀಮಂತ ಕುಟುಂಬದಿಂದ ವಿಚ್ಛೇದನ ಪಡೆದವರೇ ಇವನ ಟಾರ್ಗೆಟ್ ಆಗಿದ್ದರು.
ಕುಖ್ಯಾತ ವಂಚಕನು ಶ್ರೀಮಂತ ಕುಟುಂಬಗಳಿಂದ ವಿಚ್ಛೇದಿತ ಮಹಿಳೆಯರಿಗಾಗಿ ಹಲವಾರು ಮ್ಯಾಟ್ರಿಮೋನಿಯಲ್ ವೆಬ್‌ಸೈಟ್‌ಗಳನ್ನು ಹುಡುಕಿ, ಅವರನ್ನೇ ಮದುವೆಯಾಗಿ, ನಂತರ ಹಣ ಮತ್ತು ಇತರ ಬೆಲೆಬಾಳುವ ವಸ್ತುಗಳನ್ನು ಪಡೆದು ವಂಚಿಸಿದ್ದಾನೆ.
‘ತನ್ನ ತಂದೆ-ತಾಯಿ ಬಹಳ ಹಿಂದೆಯೇ ತೀರಿಕೊಂಡಿದ್ದಾರೆ ಎಂದು ಹೇಳಿಕೊಂಡು ಮಹಿಳೆಯರಿಗೆ ನಕಲಿ ವಿಚ್ಛೇದನ ಪತ್ರಗಳನ್ನು ತೋರಿಸುತ್ತದ್ದನಂತೆ. ಆದ್ರೆ, ಅವರ ತಂದೆ-ತಾಯಿ ಬದುಕಿದ್ದು ಅವರ ಊರಿನಲ್ಲಿಯೇ ಇದ್ದಾರೆ. ವ್ಯಾಪಾರದಲ್ಲಿ ಹಣವನ್ನು ಕಳೆದುಕೊಂಡು ಭಾರೀ ನಷ್ಟವನ್ನು ಅನುಭವಿಸಿದ ನಂತರ ಅವರು 2018 ರಲ್ಲಿ ಮಹಿಳೆಯರನ್ನು ವಂಚಿಸಲು ಪ್ರಾರಂಭಿಸಿದ್ದಾನೆ ಎನ್ನಲಾಗಿದೆ. ಮದುವೆ ಸಂದರ್ಭದಲ್ಲಿ ನಗದು, ಚಿನ್ನಾಭರಣ ತೆಗೆದುಕೊಂಡು ಬೆಲೆಬಾಳುವ ವಸ್ತುಗಳನ್ನು ಅಡಮಾನವಿಟ್ಟು ಹಣ ಪಡೆದುಕೊಳ್ಳುತ್ತಿದ್ದನು ಎಂದು ಮಾದಾಪುರ ಎಸಿಪಿ ರಘುನಂದನ್ ರಾವ್ ತಿಳಿಸಿದ್ದಾರೆ.
ಸಂತ್ರಸ್ತರು ಸಂಗಾರೆಡ್ಡಿ, ಕುಕಟ್‌ಪಲ್ಲಿ, ಗಚಿಬೌಲಿ, ಚಂದಾನಗರ, ಆರ್‌ಸಿ ಪುರಂ, ಬಾಲನಗರ ಮತ್ತು ರಾಯದುರ್ಗಂ, ಆಂಧ್ರಪ್ರದೇಶದ ವಿಜಯವಾಡ, ಗುಂಟೂರು ಮತ್ತು ಅನಂತಪುರ ಸೇರಿದಂತೆ ಸೈಬರಾಬಾದ್‌ನ ಪೊಲೀಸ್ ಠಾಣೆಗಳಿಗೆ ಕಳ್ಳನ ವಿರುದ್ಧ ದೂರು ದಾಖಲಿಸಲು ಸಂಪರ್ಕಿಸಿದ್ದಾರೆ. ಅದೇ ವ್ಯಕ್ತಿಯಿಂದ ವಂಚನೆಗೊಳಗಾದ ನಂತರ ಮಾಧ್ಯಮಗಳೊಂದಿಗೆ ಮಾತನಾಡಲು ಎಂಟು ಸಂತ್ರಸ್ತರು ಹೈದರಾಬಾದ್ ಪ್ರೆಸ್ ಕ್ಲಬ್‌ನಲ್ಲಿ ಜಮಾಯಿಸಿದ ಒಂದು ವಾರದ ನಂತರ ಬಾಬು ಬಂಧನವಾಗಿದೆ. ನಂತರ ಅವರಲ್ಲಿ ಒಬ್ಬರು ರಾಮಚಂದ್ರಾಪುರಂ ಪೊಲೀಸರಿಗೆ ದೂರು ನೀಡಿದ್ದು, ಬಾಬು ತನ್ನಿಂದ 25 ಲಕ್ಷ ರೂಪಾಯಿ ನಗದು ಮತ್ತು 7 ಲಕ್ಷ ರೂಪಾಯಿ ಚಿನ್ನವನ್ನು ಮದುವೆಯ ಹೆಸರಿನಲ್ಲಿ ತೆಗೆದುಕೊಂಡಿದ್ದು, ಅದನ್ನು ಹಿಂದಿರುಗಿಸಲು ನಿರಾಕರಿಸುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.
ಕಳೆದ ವರ್ಷ ಮ್ಯಾಟ್ರಿಮೋನಿಯಲ್ ವೆಬ್‌ಸೈಟ್‌ನಲ್ಲಿ ಬಾಬು ಅವರನ್ನು ಭೇಟಿಯಾಗಿದ್ದೆ. ಅವರು ಮಾಸಿಕ 2 ಲಕ್ಷ ರೂಪಾಯಿ ಸಂಬಳ ಪಡೆಯುವ ಸಾಫ್ಟ್‌ವೇರ್ ಎಂಜಿನಿಯರ್ ಆಗಿದ್ದಾರೆ ಎಂದು ನಾನು ನಂಬಿದ್ದೆ. ತಾನು ವಿಚ್ಛೇದನ ಪಡೆದಿದ್ದೇನೆ. ನನಗೆ ಹೊಂದಾಣಿಕೆಯಾಗುವ ಹೆಂಡತಿಯನ್ನು ಹುಡುಕುತ್ತಿದ್ದೇನೆ ಎಂದು ನನಗೆ ಹೇಳಿದ್ದು, ನಂತ್ರ ನನ್ನನ್ನೂ ಮದುವೆಯಾಗಿ ವಂಚಿಸಿದ್ದಾರೆ ಎಂದು ಮತ್ತೊಬ್ಬ ಮಹಿಳೆ ಆತೋಪಿಸಿದ್ದಾಳೆ.
ಹೀಗೆ ಹಲವಾರು ರೂಪಗಳಲ್ಲಿ ಮಹಿಳೆಯರಿಗೆ ಸುಳ್ಳು ಹೇಳಿಕೊಂಡು ಒಟ್ಟು 13 ಮಹಿಳೆಯರಿಗೆ ಈ ಭೂಪ ವಂಚಿಸಿದ್ದಾನೆ ಎಂದು ತನಿಖೆಯಿಂದ ತಿಳಿದುಬಂದಿದೆ.
ಶಿವಮೊಗ್ಗ: ‘ಗುಡ್ಡೇಕಲ್ ಆಡಿಕೃತ್ತಿಕೆ ಹರೋಹರ ಜಾತ್ರೆ’ ಪ್ರಯುಕ್ತ ‘ಮಾರ್ಗ ಬದಲಾವಣೆ’
BREAKING NEWS : CBSE 10ನೇ ತರಗತಿ ಫಲಿತಾಂಶ ಪ್ರಕಟ ; ಈ ರೀತಿ ರಿಸಲ್ಟ್‌ ನೋಡಿ |CBSE 10th Result 2022 Declared
