ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ 2024 ರಲ್ಲಿ ಬಹಳ ಆಸಕ್ತಿದಾಯಕ ದೃಶ್ಯ ಕಂಡುಬಂದಿದೆ, ಅಲ್ಲಿ 7 ತಿಂಗಳ ‘ಗರ್ಭಿಣಿ’ ಪ್ಯಾರಾ ಅಥ್ಲೀಟ್ ಪದಕ ಗೆಲ್ಲುವ ಮೂಲಕ ಇತಿಹಾಸವನ್ನು ಸೃಷ್ಟಿಸಿದರು. ಗ್ರೇಟ್ ಬ್ರಿಟನ್‌ನ ಜೋಡಿ ಗ್ರಿನ್ಹ್ಯಾಮ್ ಈ ಸಾಧನೆ ಮಾಡಿದ್ದಾರೆ.
ಗ್ರಿನ್ಹ್ಯಾಮ್ ಬಿಲ್ಲುಗಾರಿಕೆಯಲ್ಲಿ ಪದಕ ಗೆದ್ದರು. ಈಗ ಜಗತ್ತಿನಾದ್ಯಂತ ಪ್ರಶಂಸೆಗೆ ಪಾತ್ರರಾಗಿದ್ದಾರೆ. ಅವರ ಧೈರ್ಯವನ್ನು ಎಲ್ಲರೂ ಕೊಂಡಾಡುತ್ತಿದ್ದಾರೆ. ಜೋಡಿ ಗ್ರಿನ್ಹ್ಯಾಮ್ ಕಂಚಿನ ಪದಕ ಗೆದ್ದರು. ಆಗಸ್ಟ್ 31 ರಂದು, ಜೋಡಿ ಗ್ರಿನ್ಹ್ಯಾಮ್ ಮಹಿಳಾ ಕಾಂಪೌಂಡ್‌ನಲ್ಲಿ ಗ್ರೇಟ್ ಬ್ರಿಟನ್‌ನ ಫೋಬೆ ಪ್ಯಾಟರ್ಸನ್ ಪೈನ್ ವಿರುದ್ಧ ಕಂಚಿನ ಪದಕ ಗೆದ್ದಿದ್ದಾರೆ.
HISTORY MADE
Jodie Grinham is the first pregnant athlete to podium at the @Paralympics. 🥉🇬🇧#ParaArchery #ArcheryInParis pic.twitter.com/TmFL0FVYvL— World Archery (@worldarchery) September 1, 2024
ಜೋಡಿ ಗ್ರಿನ್ಹ್ಯಾಮ್ ಗರ್ಭಿಣಿಯಾಗಿದ್ದಾಗ ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್‌ನಲ್ಲಿ ಪದಕ ಗೆದ್ದ ಮೊದಲ ಪ್ಯಾರಾ ಅಥ್ಲೀಟ್ ಆದರು. ಆಕೆ ಸುಮಾರು 28 ವಾರಗಳ ಅಂದರೆ 7 ತಿಂಗಳ ಗರ್ಭಿಣಿಯಾಗಿದ್ದಳು. ಇದರ ನಡುವೆಯೂ ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾಗವಹಿಸಲು ನಿರ್ಧರಿಸಿ ಪದಕ ಗೆಲ್ಲುವ ಮೂಲಕ ಇತಿಹಾಸದ ಪುಟಗಳಲ್ಲಿ ಹೆಸರು ದಾಖಲಿಸಿದ್ದಾರೆ. ಜೋಡಿ ಗ್ರಿನ್ಹ್ಯಾಮ್ ಅವರ ಎಡಗೈಯಲ್ಲಿ ಅಂಗವೈಕಲ್ಯವನ್ನು ಹೊಂದಿದ್ದಾರೆ ಎಂಬುದು ಗಮನಾರ್ಹ.
