ದಕ್ಷಿಣಕನ್ನಡ : ಮಾರುಕಟ್ಟೆಯಲ್ಲಿ ಮೂವರು ಪುಂಡರು ಯುವಕನ ಮೇಲೆ ಪುಂಡಾಟ ಮೆರೆದಿದ್ದು, ಸ್ಟೈಲಿಶ್ ಬಟ್ಟೆ ಧರಿಸಿ ಮಾರುಕಟ್ಟೆಗೆ ಬಂದಿದ್ದ ಯುವಕನನ್ನು ಹಿಡಿದು ದಬ್ಬಳದಿಂದ ಆತನ ಪ್ಯಾಂಟ್ ಹೊಲಿಗೆ ಹಾಕಿದ್ದಾರೆ, ಇದರಿಂದ ಮನನೊಂದು ಯುವಕ ಆತ್ಮಹತ್ಯೆಗೆ ಯತ್ನಿಸಿರುವ ಘಟನೆ ದಕ್ಷಿಣಕನ್ನಡ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನಲ್ಲಿ ನಡೆದಿದೆ.
ಹೌದು ಮಾರುಕಟ್ಟೆಯಲ್ಲಿ ಹುಡುಗರು ಪುಂಡಾಟಿಕೆ ಮೆರೆದಿದ್ದು, ಯುವಕನ ಪ್ಯಾಂಟಿಗೆ ದಬ್ಬಳದಿಂದ (ಡಬ್ಬಣ) ಹೋಲಿದಿದ್ದಾರೆ. ಇದರಿಂದ ನೊಂದ ಯುವಕ ಆತ್ಮಹತ್ಯೆಗೆ ಯತ್ನಿಸಿ ಇದೀಗ ಆಸ್ಪತ್ರೆಗೆ ದಾಖಲಾಗಿದ್ದಾನೆ. ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿಯಲ್ಲಿ ಈ ಒಂದು ಘಟನೆ ನಡೆದಿದೆ. ಸ್ಟೈಲಿಶ್ ಪ್ಯಾಂಟ್ ಧರಿಸಿ ಯುವಕ ಮಾರುಕಟ್ಟೆಗೆ ಬಂದಿದ್ದ. ಮೂವರು ಯುವಕರ ಪುಂಡರ ಗುಂಪು ಆತನನ್ನು ತಡೆದು ನಿಲ್ಲಿಸಿತ್ತು.
ಈ ವೇಳೆ ಆತನ ಎರಡು ಕೈಗಳನ್ನು ಹಿಂದಕ್ಕೆ ಲಾಕ್ ಮಾಡಿ, ಪ್ಯಾಂಟನ್ನು ದಬ್ಬಳದಿಂದ ಹೊಲೆದು ವಿಡಿಯೋ ಮಾಡಿದ್ದರು. ಪಣಕಜೆ ನಿವಾಸಿ ಮೊಹಮ್ಮದ್ ಆಯುಬ್ ಎಂಬ ಯುವಕನ ಮೇಲೆ ಶಬ್ಬೀರ್, ಅನಿಶ್ ಪಣಕಜ ಹಾಗೂ ಲಾಯಿಲರಿಂದ ಈ ಒಂದು ಕೃತ್ಯ ನಡೆದಿದೆ. ಇದರಿಂದ ಮನ ನೋಂದ ಯುವಕ ಮಹಮ್ಮದ್ ಆಯುಬ್ ಆತ್ಮಹತ್ಯೆಗೆ ಯತ್ನಿಸಿದ್ದಾನೆ.
