ಕೆಎನ್ಎನ್ ಡಿಜಿಟಲ್ ಡೆಸ್ಕ್: ಅಮೆಜಾನ್ ಮಳೆಕಾಡಿನ ಹೃದಯಭಾಗದಲ್ಲಿ ವಿಜ್ಞಾನಿಗಳು ವಿಶ್ವದ ಅತಿದೊಡ್ಡ ಹಾವನ್ನು ಕಂಡುಹಿಡಿದಿದ್ದಾರೆ. ಈ ಹಿಂದೆ ದಾಖಲೆಯಿಲ್ಲದ ದೈತ್ಯ ಅನಕೊಂಡವನ್ನು ಇತ್ತೀಚೆಗೆ ಟಿವಿ ವನ್ಯಜೀವಿ ನಿರೂಪಕ ಪ್ರೊಫೆಸರ್ ಫ್ರೀಕ್ ವೊಂಕ್ ಅವರು ನ್ಯಾಷನಲ್ ಜಿಯಾಗ್ರಫಿಕ್ ಅನ್ವೇಷನೆಯ ಸಮಯದಲ್ಲಿ ಕಂಡುಹಿಡಿದರು.
ಈ ಬೃಹತ್ ಅನಕೊಂಡ 26 ಅಡಿ ಉದ್ದ, 440 ಪೌಂಡ್ ತೂಕ ಮತ್ತು ಮನುಷ್ಯನ ತಲೆಗೆ ಸಮನಾಗಿದೆ ಎಂದು ಇಂಡಿಪೆಂಡೆಂಟ್ ವರದಿ ಮಾಡಿದೆ. ಈ ಹಾವು ಪ್ರಭೇದವನ್ನು ವಿಶ್ವದ ಅತಿದೊಡ್ಡ ಮತ್ತು ಭಾರವಾದ ಹಾವು ಎಂದು ಹೇಳಲಾಗುತ್ತದೆ.
ವಿಲ್ ಸ್ಮಿತ್ ಅವರೊಂದಿಗೆ ನ್ಯಾಷನಲ್ ಜಿಯಾಗ್ರಫಿಕ್ಸ್ ಡಿಸ್ನಿ + ಸರಣಿ ‘ಪೋಲ್ ಟು ಪೋಲ್’ ಚಿತ್ರೀಕರಣದ ಸಮಯದಲ್ಲಿ ಈ ಪ್ರಭೇದ ಕಂಡುಬಂದಿದೆ. ಸಂಶೋಧಕರು ಹೊಸ ಪ್ರಭೇದಕ್ಕೆ ಲ್ಯಾಟಿನ್ ಹೆಸರನ್ನು ‘ಯುನೆಕ್ಟೆಸ್ ಅಕಾಯಿಮಾ’ ಎಂದು ಹೆಸರಿಟ್ಟಿದ್ದಾರೆ. ಇದರರ್ಥ ಉತ್ತರ ಹಸಿರು ಅನಕೊಂಡ ಎಂದಾಗಿದೆ.
ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರುವ ವೀಡಿಯೊದಲ್ಲಿ, ಪ್ರೊಫೆಸರ್ ವೊಂಕ್ ಅವರು ಬೃಹತ್ ಅನಕೊಂಡದ ಪಕ್ಕದಲ್ಲಿ ನಿರ್ಭೀತಿಯಿಂದ ಈಜುತ್ತಿರುವುದನ್ನು ಕಾಣಬಹುದು.
“ನಾನು ನೋಡಿದ ಅತಿದೊಡ್ಡ ಅನಕೊಂಡವನ್ನು ವೀಡಿಯೊದಲ್ಲಿ ಕಾಣಬಹುದು. ಇದು ಕಾರಿನ ಟೈರ್ನಷ್ಟು ದಪ್ಪವಾಗಿದೆ. ಎಂಟು ಮೀಟರ್ ಉದ್ದ ಮತ್ತು 200 ಕೆಜಿಗಿಂತ ಹೆಚ್ಚು ಭಾರವಾಗಿದೆ – ನನ್ನ ತಲೆಯಷ್ಟು ದೊಡ್ಡದಾಗಿದೆ. ಸಂಪೂರ್ಣ ವಿಸ್ಮಯ ಮತ್ತು ಮೆಚ್ಚುಗೆಯಿಂದ ರಾಕ್ಷಸ ಎಂದು ಅವರು ವೀಡಿಯೊಗೆ ಶೀರ್ಷಿಕೆ ನೀಡಿದ್ದಾರೆ.
BREAKING: ರಾಜ್ಯ ಸರ್ಕಾರದಿಂದ ‘ಸಮುದಾಯ ಭವನ’ ನಿರ್ಮಾಣ ಕಾಮಗಾರಿಗಳಿಗೆ ಆಡಳಿತಾತ್ಮಕ ಅನುಮೋದನೆ
ಬೆಂಗಳೂರು : ಕಾರು ವಿಚಾರವಾಗಿ ಸಹೋದರರ ನಡುವೆ ಗಲಾಟೆ : ಪೆಟ್ರೋಲ್ ಹಾಕಿ ತಮ್ಮನ ಕೊಲೆಗೈದ ಅಣ್ಣ
