ಮಧ್ಯಪ್ರದೇಶ: ಮಧ್ಯಪ್ರದೇಶದ ಯುವಕನೊಬ್ಬ ತನ್ನ ದೇಹದಾದ್ಯಂತ ದಟ್ಟವಾದ ಕೂದಲು ಅಥವಾ ತುಪ್ಪಳವನ್ನು ಹೊಂದಿದ್ದಾನೆ. ಇದಕ್ಕೆ ಕಾರಣ ‘ವೆರ್‌ವುಲ್ಫ್ ಸಿಂಡ್ರೋಮ್’.
‘ವೆರ್‌ವುಲ್ಫ್ ಸಿಂಡ್ರೋಮ್’ ಎಂದು ಕರೆಯಲ್ಪಡುವ ಅತ್ಯಂತ ಅಸಾಮಾನ್ಯ ಕಾಯಿಲೆಯ ಪರಿಣಾಮವಾಗಿ ಈ ಯುವಕನ ದೇಹದಾದ್ಯಂತ ಕೂದಲು ಬೆಳೆದಿದೆ.
ನಂಡ್ಲೆಟಾ ಗ್ರಾಮದ ನಿವಾಸಿಯಾಗಿರುವ 17 ವರ್ಷದ ಲಲಿತ್ ಪಾಟಿದಾರ್ ಹೈಪರ್ಟ್ರಿಕೋಸಿಸ್ ಅನ್ನು ಹೊಂದಿದ್ದು, ಇದು ದೇಹದ ಎಲ್ಲಾ ಭಾಗಗಳಲ್ಲೂ ಅತಿಯಾದ ಕೂದಲು ಬೆಳವಣಿಗೆಯಿಂದ ನಿರೂಪಿಸಲ್ಪಟ್ಟಿದೆ ಎಂದು ಹೆಲ್ತ್‌ಲೈನ್ ತಿಳಿಸಿದೆ.
ಹುಟ್ಟಿನಿಂದಲೇ ಅನಾರೋಗ್ಯದಿಂದ ಬಳಲುತ್ತಿರುವ ಪಾಟಿದಾರ್, ತಾನು ಬೇರೆಯವರಂತೆ ಸಾಮಾನ್ಯವಾದ ಜೀವನ ಅನುಭವಿಸಲು ಸಾಧ್ಯವಾಗಿಲ್ಲ. “ನಾನು ಚಿಕ್ಕವನಿದ್ದಾಗ ಆಗಾಗ್ಗೆ ಕಲ್ಲು ತೂರಾಟಕ್ಕೆ ಒಳಗಾಗುತ್ತಿದ್ದೆ. ನಾನು ಹಿಂತಿರುಗಿ ಪ್ರಾಣಿಗಳಂತೆ ಕಚ್ಚುತ್ತೇನೆ ಎಂದು ಮಕ್ಕಳು ಹೆದರುತ್ತಿದ್ದರು. ನಾನು ಹುಟ್ಟಿನಿಂದಲೇ ವೈದ್ಯರಿಂದ ಕ್ಷೌರ ಮಾಡಿಸಿಕೊಂಡಿದ್ದೇನೆ. ಆದರೆ, ನನಗೆ ಸರಿಸುಮಾರು 6 ಅಥವಾ 7 ವರ್ಷ ವಯಸ್ಸಿನವರೆಗೂ ಈ ವ್ಯತ್ಯಾಸದ ಬಗ್ಗೆ ನನಗೆ ತಿಳಿದಿರಲಿಲ್ಲ. ನಂತ್ರ, ಇನ್ನೂ ನನ್ನ ದೇಹದಾದ್ಯಂತ ಕೂದಲು ಮೊಳಕೆಯೊಡೆಯಲು ಪ್ರಾರಂಭಿಸಿತು. ಹೀಗಾಗಿ, ಬೇರೆಯವರಿಗಿಂತ ಭಿನ್ನವಾಗಿಬಿಟ್ಟಿದ್ದೇನೆ” ಎಂದು ಅಳಲು ತೋಡಿಕೊಂಡಿದ್ದಾರೆ.
ಮಾಹಿತಿಯ ಪ್ರಕಾರ, ಪಾಟಿದಾರ್ ತನ್ನ ಇತರ ಕುಟುಂಬದ ಯಾವುದೇ ಸದಸ್ಯರು ಹೈಪರ್ಟ್ರಿಕೋಸಿಸ್ ಹೊಂದಿಲ್ಲ. ಹೈಪರ್ಟ್ರಿಕೋಸಿಸ್ಗೆ ಯಾವುದೇ ಚಿಕಿತ್ಸೆ ಇಲ್ಲದಿರುವುದರಿಂದ, ಪಾಟಿದಾರ್ ಬ್ಲೀಚಿಂಗ್, ಕತ್ತರಿಸುವುದು, ಶೇವಿಂಗ್, ವ್ಯಾಕ್ಸಿಂಗ್, ಲೇಸರ್ಗಳು ಮತ್ತು ಇತರ ಕೂದಲು ತೆಗೆಯುವ ತಂತ್ರಗಳನ್ನು ಬಳಸುತ್ತಾರೆ ಎಂದು ಹೇಳಿಕೊಳ್ಳುತ್ತಾರೆ.
ಈ ಅಪರೂಪದ ‘ವೆರ್ವೂಲ್ಫ್ ಸಿಂಡ್ರೋಮ್’ ಎಂದರೇನು?
“ವೆರ್ವೂಲ್ಫ್ ಸಿಂಡ್ರೋಮ್” ಅನ್ನು ಹೈಪರ್ಟ್ರಿಕೋಸಿಸ್ ಎಂದೂ ಕರೆಯುತ್ತಾರೆ. ಇದು ಒಂದು ನಿರ್ದಿಷ್ಟ ಪ್ರದೇಶದಲ್ಲಿ ಅಥವಾ ದೇಹದಾದ್ಯಂತ ಕೂದಲಿನ ಹೆಚ್ಚುವರಿ ಉತ್ಪಾದನೆಯಾಗಿದೆ. ಈ ವಿಸ್ಮಯಕಾರಿಯಾಗಿ ಅಸಾಮಾನ್ಯ ಅಸ್ವಸ್ಥತೆಯ ಕಾರಣಗಳು ಇನ್ನೂ ವೈದ್ಯಕೀಯ ಸಂಶೋಧನೆಯಿಂದ ಸಂಪೂರ್ಣವಾಗಿ ಗುರುತಿಸಲ್ಪಟ್ಟಿಲ್ಲವಾದರೂ, ಇದು ಆನುವಂಶಿಕ ಕಾಯಿಲೆ ಎಂದು ತಿಳಿದಿದೆ. ಈ ಕಾಯಿಲೆಗೆ ಯಾವುದೇ ಚಿಕಿತ್ಸಾ ವಿಧಾನಗಳಿಲ್ಲದಿದ್ದರೂ, ವೈದ್ಯಕೀಯ ವೃತ್ತಿಪರರ ಪ್ರಕಾರ, ಕೆಲವು ವಿಧದ ಹೈಪರ್ಟ್ರಿಕೋಸಿಸ್ ಅನ್ನು ಔಷಧದಿಂದ ನಿಯಂತ್ರಿಸಬಹುದು. ಹೆಚ್ಚುವರಿಯಾಗಿ, ಕೂದಲನ್ನು ಶಾಶ್ವತವಾಗಿ ಅಥವಾ ತಾತ್ಕಾಲಿಕವಾಗಿ ತೆಗೆದುಹಾಕಲು ನೀವು ಶೇವಿಂಗ್, ರೋಮರಹಣ, ವ್ಯಾಕ್ಸಿಂಗ್, ಬ್ಲೀಚಿಂಗ್ ಅಥವಾ ಪ್ಲಕಿಂಗ್‌ನಂತಹ ತಂತ್ರಗಳನ್ನು ಬಳಸಬಹುದು ಎಂದಿದ್ದಾರೆ.
