ನವದೆಹಲಿ:2018-19ರ ಹಣಕಾಸು ವರ್ಷಕ್ಕೆ ಸಂಬಂಧಿಸಿದಂತೆ ಗುಜರಾತ್ ನ ರಾಜ್ಯ ತೆರಿಗೆ ಉಪ ಆಯುಕ್ತರಿಂದ ಜಿಎಸ್ ಟಿ ಆದೇಶವನ್ನು ಸ್ವೀಕರಿಸಿರುವುದನ್ನು ಝೊಮಾಟೊ ಲಿಮಿಟೆಡ್ ಬಹಿರಂಗಪಡಿಸಿದೆ.
ಜಿಎಸ್ಟಿ ರಿಟರ್ನ್ಸ್ ಮತ್ತು ಖಾತೆಗಳ ಲೆಕ್ಕಪರಿಶೋಧನೆಯ ನಂತರ ಈ ಆದೇಶ ಬಂದಿದೆ ಎಂದು ಕಂಪನಿ ತಿಳಿಸಿದೆ.
“ಗುಜರಾತ್ನ ರಾಜ್ಯ ತೆರಿಗೆಯ ಉಪ ಆಯುಕ್ತರು ಜಿಎಸ್ಟಿ ರಿಟರ್ನ್ಸ್ ಮತ್ತು ಖಾತೆಗಳ ಲೆಕ್ಕಪರಿಶೋಧನೆಗೆ ಅನುಸಾರವಾಗಿ 2018-19ರ ಹಣಕಾಸು ವರ್ಷಕ್ಕೆ ಜಿಎಸ್ಟಿಗೆ 4,11,68,604 ರೂ.ಗಳ ಬೇಡಿಕೆಯ ಆದೇಶವನ್ನು ಕಂಪನಿ ಸ್ವೀಕರಿಸಿದೆ ,ಹಾಗೂ ಅನ್ವಯವಾಗುವ ಬಡ್ಡಿ ಮತ್ತು ದಂಡದೊಂದಿಗೆ ಒಟ್ಟು 8,57,77,696 ರೂ. ಜಿಎಸ್ಟಿ ದಂಡದ ನೋಟಿಸ್ ಸ್ವೀಕರಿಸಿದೆ.
ಸಿಜಿಎಸ್ಟಿ ಕಾಯ್ದೆ, 2017 ಮತ್ತು ಜಿಜಿಎಸ್ಟಿ ಕಾಯ್ದೆ, 2017 ರ ಸೆಕ್ಷನ್ 73 ರ ಅಡಿಯಲ್ಲಿ ಹೊರಡಿಸಲಾದ ನ್ಯಾಯನಿರ್ಣಯ ಆದೇಶಕ್ಕೆ ಜೊಮಾಟೊ ವಿವರಿಸಿದಂತೆ ಈ ಕ್ರಮ ಕೈಗೊಳ್ಳಲಾಗಿದೆ. ಈ ಆದೇಶವು 4,11,68,604 ರೂ.ಗಳ ಜಿಎಸ್ಟಿ ಬೇಡಿಕೆಯನ್ನು ವಿಧಿಸುತ್ತದೆ, ಜೊತೆಗೆ 4,04,42,232 ರೂ.ಗಳ ಬಡ್ಡಿ ಮತ್ತು 41,66,860 ರೂ.ಗಳ ದಂಡವನ್ನು ವಿಧಿಸುತ್ತದೆ.
ಆದೇಶದಲ್ಲಿ ಉಲ್ಲೇಖಿಸಲಾದ ಉಲ್ಲಂಘನೆಗಳು ಹೆಚ್ಚುವರಿ ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ ಪಡೆಯುವುದು ಮತ್ತು ಲೆಕ್ಕಪರಿಶೋಧನಾ ಪ್ರಕ್ರಿಯೆಗಳ ಸಮಯದಲ್ಲಿ ಗುರುತಿಸಲಾದ ಜಿಎಸ್ಟಿಯ ಅಲ್ಪ ಪಾವತಿಯ ಬಗ್ಗೆ ಉಲ್ಲಂಘನೆ ಆಗಿದೆ.
ಜೊಮಾಟೊ ತನ್ನ ನಿಲುವಿನ ಬಗ್ಗೆ ವಿಶ್ವಾಸ ವ್ಯಕ್ತಪಡಿಸಿದೆ ಮತ್ತು ಆದೇಶವನ್ನು ಸೂಕ್ತ ನ್ಯಾಯಾಲಯದ ಮುಂದೆ ಪ್ರಶ್ನಿಸುವ ಉದ್ದೇಶವನ್ನು ವ್ಯಕ್ತಪಡಿಸಿದೆ.
