ನವದೆಹಲಿ : ಆದಾಯ, ಲಾಭ, ಮಾರುಕಟ್ಟೆ ಮೌಲ್ಯ ಮತ್ತು ಸಾಮಾಜಿಕ ಪರಿಣಾಮದ ಪ್ರಕಾರ ಭಾರತದ ಅತಿದೊಡ್ಡ ಕಂಪನಿ ಆಗಿರುವ ರಿಲಯನ್ಸ್ ಇಂಡಸ್ಟ್ರೀಸ್, 2024 ರ ವಿಜಿಕಿ (Wiziki) ನ್ಯೂಸ್ ಸ್ಕೋರ್ ಶ್ರೇಯಾಂಕದಲ್ಲಿ ಅಗ್ರಸ್ಥಾನದಲ್ಲಿದೆ ಎಂದು ಎಐ ಚಾಲಿತ ಮಾಧ್ಯಮ ಗುಪ್ತಚರ ಸಂಸ್ಥೆ ತಿಳಿಸಿದೆ.
ಮಾಧ್ಯಮಗಳಲ್ಲಿ ರಿಲಯನ್ಸ್ನ ಗೋಚರತೆ ಭಾರತದ ಪ್ರಮುಖ ಎಫ್ಎಂಸಿಜಿ ಅಥವಾ ಬ್ಯಾಂಕಿಂಗ್ ಮತ್ತು ಹಣಕಾಸು ಕಂಪನಿಗಳಿಗಿಂತ ಗಮನಾರ್ಹವಾಗಿ ಹೆಚ್ಚಾಗಿದೆ.
ರಿಲಯನ್ಸ್ 2024 ರ ನ್ಯೂಸ್ ಸ್ಕೋರ್ನಲ್ಲಿ 100 ಕ್ಕೆ 97.43 ಅಂಕಗಳನ್ನು ಗಳಿಸಿದೆ. ಇದು 2023 ರಲ್ಲಿ 96.46, 2022 ರಲ್ಲಿ 92.56 ಮತ್ತು 2021 ರಲ್ಲಿ 84.9 ಆಗಿತ್ತು. ಇದು ವರ್ಷದಿಂದ ವರ್ಷಕ್ಕೆ ಸ್ಥಿರವಾದ ಬೆಳವಣಿಗೆಯನ್ನು ತೋರಿಸುತ್ತದೆ.
ವಿಜಿಕಿಯ ಸುದ್ದಿ ಸ್ಕೋರ್ ಅನ್ನು ಸುದ್ದಿಯ ಪ್ರಮಾಣ, ಶೀರ್ಷಿಕೆ ಉಪಸ್ಥಿತಿ, ಪ್ರಕಟಣೆಗಳ ವ್ಯಾಪ್ತಿ ಮತ್ತು ಓದುಗರ ಸಂಖ್ಯೆಯಿಂದ ನಿರ್ಧರಿಸಲಾಗುತ್ತದೆ. ಕಳೆದ ಐದು ವರ್ಷಗಳಲ್ಲಿ ವಿಜಿಕಿ ನ್ಯೂಸ್ ಸ್ಕೋರ್ ವಾರ್ಷಿಕ ಶ್ರೇಯಾಂಕದಲ್ಲಿ ರಿಲಯನ್ಸ್ ಕಂಪನಿ ಅಗ್ರಸ್ಥಾನದಲ್ಲಿದೆ.
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (ಎಸ್ಬಿಐ) (89.13), ಎಚ್ಡಿಎಫ್ಸಿ ಬ್ಯಾಂಕ್ (86.24), ಒನ್ 97 ಕಮ್ಯುನಿಕೇಷನ್ಸ್ (84.63), ಐಸಿಐಸಿಐ ಬ್ಯಾಂಕ್ (84.33) ಮತ್ತು ಜೊಮಾಟೊ (82.94) ನಂತರದ ಸ್ಥಾನಗಳಲ್ಲಿವೆ.
ವಿಜಿಕಿಯ ಸಂಶೋಧನೆಯ ಪ್ರಕಾರ, ಪಿಆರ್ ದಕ್ಷತೆಯ ವಿಷಯದಲ್ಲಿ ರಿಲಯನ್ಸ್ ಕಂಪನಿಯು ಉಳಿದ ಕಂಪನಿಗಳಿಗಿಂತಲೂ ಉತ್ತಮ ಸ್ಥಾನದಲ್ಲಿದೆ. ಹೆಡ್ಲೈನ್ಸ್ ವಿಷಯದಲ್ಲಿ 41.6 ಸಾವಿರ, ಪ್ರಕಾಶನ ನಿಯತಾಂಕದ ಅಡಿಯಲ್ಲಿ 13.7 ಸಾವಿರ ಮತ್ತು ಓದುಗರ ಮಾನದಂಡದಲ್ಲಿ 57.2 ಬಿಲಿಯನ್ – ಪ್ರತಿ ನಿಯತಾಂಕವು ಉಳಿದ ಕ್ಷೇತ್ರಗಳಿಗಿಂತ 30-100 ಪ್ರತಿಶತದಷ್ಟು ಅಂತರವನ್ನು ಪ್ರತಿನಿಧಿಸುತ್ತದೆ.
ವಿಜಿಕಿ ಶ್ರೇಯಾಂಕದಲ್ಲಿ ಮೊದಲ ಸ್ಥಾನ ಕಾಯ್ದುಕಾಯ್ದುಕೊಂಡಿರುವುದರಿಂದ ರಿಲಯನ್ಸ್ನ ಆಂತರಿಕ ಸಂವಹನ ತಂಡಕ್ಕೆ ಮತ್ತೊಂದು ಗರಿಯಾಗಿದೆ.
ವಿಜಿಕಿ ನ್ಯೂಸ್ ಸ್ಕೋರ್ ಎಂಬುದು ಸುದ್ದಿ ಪರಿಮಾಣ (ಬ್ರ್ಯಾಂಡ್ ಬಗ್ಗೆ ಸುದ್ದಿಯ ಪ್ರಮಾಣ), ಶೀರ್ಷಿಕೆ ಉಪಸ್ಥಿತಿ (ಶೀರ್ಷಿಕೆಗಳಲ್ಲಿ ಬ್ರ್ಯಾಂಡ್ನ ಹೆಸರು ಎಷ್ಟು ಬಾರಿ ಕಾಣಿಸಿಕೊಳ್ಳುತ್ತದೆ), ಪ್ರಕಟಣೆಯ ವ್ಯಾಪ್ತಿ (ಬ್ರ್ಯಾಂಡ್ ಅನ್ನು ಒಳಗೊಂಡಿರುವ ಪ್ರಕಟಣೆಗಳ ವ್ಯಾಪ್ತಿ) ಮತ್ತು ಓದುಗರ ಸಂಖ್ಯೆ (ಬ್ರ್ಯಾಂಡ್ ಅನ್ನು ಒಳಗೊಂಡಿರುವ ಪ್ರಕಟಣೆಗಳ ಓದುಗರು) ಸೇರಿದಂತೆ ವಿವಿಧ ಅಂಶಗಳನ್ನು ಪರಿಗಣಿಸಿ ಭಾರತದಲ್ಲಿ ಬ್ರ್ಯಾಂಡ್ಗಳ ಮಾಧ್ಯಮ ಉಪಸ್ಥಿತಿಯನ್ನು ಅಳೆಯುವ ಮಾನದಂಡ ಆಗಿದೆ.
ಸ್ಕೋರ್ 0 ರಿಂದ 100 ರವರೆಗೆ ಇರುತ್ತದೆ ಮತ್ತು 4,00,000 ಕ್ಕೂ ಹೆಚ್ಚು ಪ್ರಕಟಣೆಗಳನ್ನು ಮೇಲ್ವಿಚಾರಣೆ ಮಾಡುವುದನ್ನು ಆಧರಿಸಿದೆ. ನ್ಯೂಸ್ ಸ್ಕೋರ್ ಅನ್ನು ಲೆಕ್ಕಹಾಕಲು ಕೃತಕ ಬುದ್ಧಿಮತ್ತೆ, ಬಿಗ್ ಡೇಟಾ, ಯಂತ್ರ ಕಲಿಕೆ ಮತ್ತು ಮಾಧ್ಯಮ ಬುದ್ಧಿಮತ್ತೆಯನ್ನು ವಿಜಿಕಿ ಬಳಸುತ್ತದೆ.
2024 ರ ಶ್ರೇಯಾಂಕದಲ್ಲಿ, ಭಾರ್ತಿ ಏರ್ಟೆಲ್ ಏಳನೇ ಸ್ಥಾನದಲ್ಲಿದ್ದರೆ, ಇನ್ಫೋಸಿಸ್, ಟಾಟಾ ಮೋಟಾರ್ಸ್, ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ (ಟಿಸಿಎಸ್) ಮತ್ತು ಐಟಿಸಿ ನಂತರದ ಸ್ಥಾನಗಳಲ್ಲಿವೆ. ಅದಾನಿ ಗ್ರೂಪ್ನ ಪ್ರಮುಖ ಸಂಸ್ಥೆ ಅದಾನಿ ಎಂಟರ್ಪ್ರೈಸಸ್ 40 ನೇ ಸ್ಥಾನದಲ್ಲಿದೆ.
ವಿಕ್ರಂ ಗೌಡ ಎನ್ ಕೌಂಟರ್ ನಕಲಿ ಅಲ್ಲ; ನ್ಯಾಯಾಂಗ ತನಿಖೆ ಅವಶ್ಯಕತೆ ಇಲ್ಲ – ಸಚಿವೆ ಲಕ್ಷ್ಮೀ ಹೆಬ್ಬಾಳಕರ್
BIG NEWS : ಯಾರು ಕಣ್ಣೀರು ಹಾಕಬಾರದು, ನಾವು ಸತ್ತಿಲ್ಲ ಸೋತಿದ್ದೇವೆ ಅಷ್ಟೇ : ನಿಖಿಲ್ ಕುಮಾರಸ್ವಾಮಿ ಹೇಳಿಕೆ
