ನವದೆಹಲಿ: ಅತ್ತೆ-ಮಾವನ ಮನೆ ಬಿಟ್ಟು ಗಂಡನೊಂದಿಗೆ ವಾಸಿಸಲು ನಿರಾಕರಿಸುವ ಹೆಂಡತಿ ʻಜೀವನಾಂಶʼಕ್ಕೆ ಅರ್ಹಳಲ್ಲ ಅಂತ ಹೇಳಿದೆ. ಮಧ್ಯ ಪ್ರದೇಶದ ಕೌಟುಂಬಿಕ ನ್ಯಾಯಾಲಯದ ಮುಖ್ಯ ನ್ಯಾಯಮೂರ್ತಿ ಕೆ.ಎನ್.ಸಿಂಗ್ ಅವರಿದ್ದ ನ್ಯಾಯಪೀಠವು ಆದೇಶವನ್ನು ನೀಡುವ ವೇಳೆಯಲ್ಲಿ ಈ ರೀತಿ ತಿಳಿಸಿದೆ.
ಜಬಲ್ಪುರ ನಿವಾಸಿ ಸಚಿನ್ ಪರವಾಗಿ ವಕೀಲರಾದ ಜಿ.ಎಸ್.ಠಾಕೂರ್ ಮತ್ತು ಅರುಣ್ ಕುಮಾರ್ ಭಗತ್ ನ್ಯಾಯಾಲಯದಲ್ಲಿ ವಾದ ಮಂಡನೆ ಮಾಡಿದ್ದರು, ಇದರಿಂದ ಸಚಿನ್ ಅವರ ಪತ್ನಿ 2020 ರ ಡಿಸೆಂಬರ್ 15 ರಿಂದ ತನ್ನ ಅತ್ತೆ ಮನೆಯಿಂದ ತನ್ನ ತಾಯಿಯ ಮನೆಯಲ್ಲಿ ವಾಸಿಸಲು ಪ್ರಾರಂಭಿಸಿದ್ದಾರೆ ಎಂದು ಅವರು ತಮ್ಮ ವಾದ ಮಂಡಿದ್ದಾರೆ. ಇದೇ ವೇಳೆ ಪತಿಯಿಂದ ಸೆಕ್ಷನ್ -9 ಹಿಂದೂ ವಿವಾಹ ಕಾಯ್ದೆಯ ಪ್ರಕರಣದ ನೋಟಿಸ್ ಪಡೆದ ನಂತರವೂ, ಸೆಕ್ಷನ್ 125 ಕ್ರಿಮಿನಲ್ ಪ್ರೊಸೀಜರ್ ಕೋಡ್ ಪ್ರಕರಣವನ್ನು ಪ್ರಸ್ತುತಪಡಿಸುವ ಮೂಲಕ ಜೀವನಾಂಶವನ್ನು ಕೋರಿದ್ದಾರೆ. ಇದಲ್ಲದೆ, ನವೆಂಬರ್ 26, 2020 ರಂದು, ಅಧರ್ತಾಲ್ ಪೊಲೀಸ್ ಠಾಣೆಯಲ್ಲಿ ವರದಕ್ಷಿಣೆ ಕಿರುಕುಳದ ಪ್ರಕರಣ ದಾಖಲಾ ಮಾಡಿದ್ದಾರೆ. ಹೀಗಾಗಿ ನಾನು ಗಂಡನೊಂದಿಗೆ ವಾಸಿಸಲು ಬಯಸುವುದಿಲ್ಲ ಎಂದು ಪತ್ನಿ ತನ್ನ ನ್ಯಾಯಾಲಯದ ಹೇಳಿಕೆಗಳಲ್ಲಿ ಸ್ಪಷ್ಟಪಡಿಸಿರುವ ಹಿನ್ನಲೆಯಲ್ಲಿ ಮೇಲಿನ ವಾದಗಳು ಮತ್ತು ಸಲ್ಲಿಸಿದ ಪೂರ್ವನಿದರ್ಶನವನ್ನು ಒಪ್ಪಿದ ನ್ಯಾಯಾಲಯವು ಜೀವನಾಂಶಕ್ಕಾಗಿ ಪತ್ನಿಯ ಅರ್ಜಿಯನ್ನು ತಿರಸ್ಕಾರ ಮಾಡಿ ಆದೇಶ ಹೊರಡಿಸಿದೆ.
