ಬೆಂಗಳೂರು: ಅಂಬೇಡ್ಕರ್ ಅವರೇನು ಮಹಾ? ಎನ್ನುತ್ತಿರುವ ಅಮಿತ್ ಷಾ ಅವರನ್ನು ಸಂಸದ ಸ್ಥಾನದಿಂದ ವಜಾಗೊಳಿಸುವಂತೆ ಸಚಿವ ಡಾ ಹೆಚ್ ಸಿ ಮಹದೇವಪ್ಪ ಒತ್ತಾಯಿಸಿದ್ದಾರೆ.
ಸಂವಿಧಾನಕ್ಕೆ 75 ವರ್ಷಗಳು ಪೂರ್ಣವಾಗಿರುವ ಪ್ರಯುಕ್ತ ಸಂವಿಧಾನದಲ್ಲೇ ಚರ್ಚೆ ನಡೆಯುವ ಸಂದರ್ಭದಲ್ಲಿ ಸಂವಿಧಾನದ ಕರ್ತೃ ಬಾಬಾ ಸಾಹೇಬ್ ಅಂಬೇಡ್ಕರ್ ಅವರನ್ನು ಅವಮಾನಿಸುವಂತಹ ಕೆಲಸ ಮಾಡಿರುವ ಬಿಜೆಪಿಯ ಅಮಿತ್ ಷಾ ಅವರು ಸಂವಿಧಾನಕ್ಕೆ ವಿರೋಧಿ ಧೋರಣೆಯನ್ನು ಅನಾವರಣಗೊಳಿಸಿದ್ದಾರೆ.
ಈ ನೂರು ವರ್ಷಗಳಿಂದಲೂ ಜನಸಂಘ ಅಥವಾ ಬಿಜೆಪಿಯು ನಿರಂತರವಾಗಿ ಸಂವಿಧಾನ ಬದಕಾವಣೆಯ ಪ್ರಯತ್ನವನ್ನು ಮಾಡುತ್ತಲೇ ಇದ್ದು ಈ ದಿನ ಸಂಸತ್ತಿನಲ್ಲೇ ಸಂವಿಧಾನ ಶಿಲ್ಪಿ ಅಂಬೇಡ್ಕರ್ ಅವರ ವಿರುದ್ಧ ತಮ್ಮ ಅಸಹನೆಯನ್ನು ಬಹುರಂಗವಾಗಿಯೇ ಹೊರಹಾಕಿದ್ದು ಇದು ದೇಶದ ಉಳಿವಿನ ದೃಷ್ಟಿಯಲ್ಲಿ ಅತ್ಯಂತ ಅಪಾಯಕಾರಿಯಾದಂತಹ ಬೆಳವಣಿಗೆ ಆಗಿದೆ.
ಧರ್ಮ ಸಂಸತ್ ಮೂಲಕ ದೇಶದ ಆಡಳಿತವನ್ನು ನಿಯಂತ್ರಿಸುವ ಉದ್ದೇಶ ಹೊಂದಿದ್ದ ಬಿಜೆಪಿಗರಿಗೆ ಬಾಬಾ ಸಾಹೇಬರ ಸಂವಿಧಾನವು ಚೀನಾದ ಗೋಡೆಗೊಂತಲೂ ದೃಢವಾಗಿ ನಿಂತಿದೆ.
ಹೀಗಾಗಿಯೇ ಸಂವಿಧಾನ ಮತ್ತು ಅದನ್ನು ರಚಿಸಿದ ಅಂಬೇಡ್ಕರ್ ಅವರ ಮೇಲೆ ನಿರಂತರವಾದ ದಾಳಿಯನ್ನು ಮಾಡುತ್ತಲೇ ಇರುವ ಬಿಜೆಪಿಗರು ಈ ದಿನ ನೇರವಾಗಿ ಬಾಬಾ ಸಾಹೇಬರನ್ನು ಅವಮಾನಿಸುವ ರೀತಿಯಲ್ಲಿ ಮಾತನಾಡುತ್ತಿದ್ದು ಅವರೇನು ಮಹಾ? ಎಂಬರ್ಥದಲ್ಲಿ ಮಾತನ್ನು ಆಡಲು ಶುರು ಮಾಡಿದ್ದು ಇದನ್ನು ನಾನು ಸಂಪೂರ್ಣವಾಗಿ ಖಂಡಿಸುತ್ತೇನೆ.
ಒಂದು ಜವಾಬ್ದಾರಿಯುತ ರಾಜಕೀಯ ಪಕ್ಷವಾಗಿ ಸಂವಿಧಾನ ರಚನೆಗೆ ಬಾಬಾ ಸಾಹೇಬರನ್ನು ನೇಮಿಸಿದ ಕಾಂಗ್ರೆಸ್ ಪಕ್ಷವು ತನ್ನ ಆಡಳಿತದ ಉದ್ದಕ್ಕೂ ಸಂವಿಧಾನದ ಆಶಯಗಳ ಪರವಾಗಿ, ಬಡವರು ಮತ್ತು ಶೋಷಿತರ ಬದುಕಿನ ಏಳಿಗೆಯ ಪರವಾಗಿ ನಡೆದುಕೊಂಡಿದೆ.
ದೇಶದ ಶಿಕ್ಷಣ, ವಿಜ್ಞಾನ, ಕಲೆ, ಸಾಹಿತ್ಯ ಮತ್ತು ಆಡಳಿತಾತ್ಮಕ ಸಂಸ್ಥೆಗಳನ್ನು ಸಧೃಢವಾಗಿ ಕಟ್ಟಿರುವ ಕಾಂಗ್ರೆಸ್ ಪಕ್ಷವು ತನ್ನ ಬದ್ದತೆಯಲ್ಲಿ ಎಂದಿಗೂ ರಾಜಿ ಮಾಡಿಕೊಳ್ಳದೇ ಸಾರ್ವಜನಿಕ ಜೀವನದಲ್ಲಿ ಇರುವಂತಹ ಭರವಸೆಯ ಪಕ್ಷ. ಇಂತಹ ಪಕ್ಷದ ವಿರುದ್ಧ ಬಾಬಾ ಸಾಹೇಬರ ಹೆಸರಲ್ಲಿ ಸುಳ್ಳು ಆರೋಪ ಮಾಡುವ ಬಿಜೆಪಿಗರು ಸಂವಿಧಾನ ಮತ್ತು ಅಂಬೇಡ್ಕರ್ ಅವರ ವಿಷಯದಲ್ಲಿ ಎಷ್ಟು ಸುಳ್ಳರು, ಕಪಟಿಗಳು ಮತ್ತು ದ್ರೋಹಿಗಳು ಎನ್ನುವುದಕ್ಕೆ ಸಂಸತ್ತಿನಲ್ಲಿ ಅಮಿತ್ ಷಾ ಅವರು ಆಡಿದ ಅಸೂಯೆಯ ಮತ್ತು ಅವಮಾನದ ಮಾತುಗಳೇ ಸಾಕ್ಷಿ.
ದೇಶದ ಸಂವಿಧಾನ ಮತ್ತು ಸಂವಿಧಾನವು ನಮಗೆ ರೂಪಿಸಿಕೊಟ್ಟ ರಾಷ್ಟ್ರ ನಾಯಕರ ಮೇಲೆ ಗೌರವವಿಲ್ಲದ ಅಮಿತ್ ಶಾ ಅಂತಹವರು ಈ ಕೂಡಲೇ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು ಎಂದು ಈ ಮೂಲಕ ಆಗ್ರಹಿಸುತ್ತೇವೆ ಮತ್ತು ಸಂವಿಧಾನದ ಪರಮೋಚ್ಛ ರಕ್ಷಕರಾದ ರಾಷ್ಟ್ರತಿಗಳು ಕೂಡಲೇ ಇವರನ್ನು ಸಚಿವ ಮತ್ತು ಸಂಸದನ ಸ್ಥಾನದಿಂದ ವಜಾ ಮಾಡಬೇಕು ಎಂದು ನಿರ್ಣಯವನ್ನು ಸಲ್ಲಿಸುತ್ತೇವೆ ಎಂದರು.
ಜೆಡಿಎಸ್-ಬಿಜೆಪಿ ಮೈತ್ರಿ ಸರಕಾರ ಬಂದೇ ಬರುತ್ತದೆ, ನಮ್ಮ Unfinished ಅಜೆಂಡಾ ಪೂರ್ಣ: HDK ವಿಶ್ವಾಸ
ಸಿಎಂ ಸಿದ್ಧರಾಮಯ್ಯ ಅಧ್ಯಕ್ಷತೆಯಲ್ಲಿ ನಡೆದ ರಾಜ್ಯ ಉನ್ನತ ಮಟ್ಟದ ಒಪ್ಪಿಗೆ ನೀಡಿಕೆ ಸಭೆಯಲ್ಲಿ ಮಹತ್ವದ ನಿರ್ಣಯ
