ನವದೆಹಲಿ : ಇತ್ತೀಚೆಗೆ ಪಹಲ್ಗಾಮ್ ಭಯೋತ್ಪಾದಕ ದಾಳಿಯಲ್ಲಿ ಹುತಾತ್ಮರಾದ ಸೈನಿಕನ ಪತ್ನಿ ಐಶಾನ್ಯಾ ದ್ವಿವೇದಿ, ಮುಂಬರುವ 2025ರ ಏಷ್ಯಾ ಕಪ್ ಪಂದ್ಯವನ್ನು ತೀವ್ರವಾಗಿ ಖಂಡಿಸಿ, ಪಂದ್ಯವನ್ನು ಬಹಿಷ್ಕರಿಸುವಂತೆ ಕರೆ ನೀಡಿದ್ದಾರೆ. ಪಾಕಿಸ್ತಾನದ ವಿರುದ್ಧ ಆಡಲು ಒಪ್ಪಿಕೊಂಡಿದ್ದಕ್ಕಾಗಿ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI)ಯನ್ನು ಟೀಕಿಸಿದ್ದು, ಪಾಕಿಸ್ತಾನ ಒಂದು “ಭಯೋತ್ಪಾದಕ ರಾಷ್ಟ್ರ” ಎಂದಿದ್ದಾರೆ.
ಪಹಲ್ಗಾಮ್ ದಾಳಿಯಲ್ಲಿ ಪ್ರಾಣ ಕಳೆದುಕೊಂಡ 26 ಜನರ ತ್ಯಾಗವನ್ನ ಬಿಸಿಸಿಐ ಕಡೆಗಣಿಸಿದೆ ಎಂದು ದ್ವಿವೇದಿ ಆರೋಪಿಸಿದ್ದಾರೆ. ಸುದ್ದಿ ಸಂಸ್ಥೆ ಜೊತೆ ಮಾತನಾಡಿದ ಅವರು, “ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯವನ್ನು ಬಿಸಿಸಿಐ ಒಪ್ಪಿಕೊಳ್ಳಬಾರದಿತ್ತು. 26 ಬಲಿಪಶುಗಳ ಕುಟುಂಬಗಳ ಬಗ್ಗೆ ಅವರು ಯಾವುದೇ ಭಾವನೆಯನ್ನ ತೋರಿಸುತ್ತಿಲ್ಲ ಎಂದು ನಾನು ಭಾವಿಸುತ್ತೇನೆ. ನಮ್ಮ ಕ್ರಿಕೆಟಿಗರು ಏನು ಮಾಡುತ್ತಿದ್ದಾರೆ? ಕ್ರಿಕೆಟ್ ನಮ್ಮ ರಾಷ್ಟ್ರೀಯ ಆಟ ಎಂದು ಹೇಳಲಾಗುತ್ತದೆ ಮತ್ತು ಆಟಗಾರರು ರಾಷ್ಟ್ರೀಯವಾದಿಗಳಾಗಿರಬೇಕು ಎಂದು ನಿರೀಕ್ಷಿಸಲಾಗಿದೆ. ಒಬ್ಬರು ಅಥವಾ ಇಬ್ಬರು ಕ್ರಿಕೆಟಿಗರನ್ನು ಹೊರತುಪಡಿಸಿ, ನಾವು ಪಂದ್ಯವನ್ನ ಬಹಿಷ್ಕರಿಸಬೇಕೆಂದು ಸೂಚಿಸಲು ಯಾರೂ ಮುಂದೆ ಬಂದಿಲ್ಲ. ಬಿಸಿಸಿಐ ಅವರನ್ನ ಆಡಲು ಒತ್ತಾಯಿಸಲು ಸಾಧ್ಯವಿಲ್ಲ – ಅವರು ದೇಶಕ್ಕಾಗಿ ನಿಲುವು ತೆಗೆದುಕೊಳ್ಳಬೇಕು, ಆದರೆ ಅವರು ಅದನ್ನು ಮಾಡುತ್ತಿಲ್ಲ” ಎಂದರು.
ಪಹಲ್ಗಾಮ್ ದಾಳಿಯಲ್ಲಿ ನಮ್ಮ ಕ್ರಿಕೆಟಿಗರು ಏನು ಮಾಡುತ್ತಿದ್ದಾರೆ ಭಾರತ-ಪಾಕಿಸ್ತಾನ ಏಷ್ಯಾ ಕಪ್ ಪಂದ್ಯವನ್ನು ಬಹಿಷ್ಕರಿಸುವಂತೆ ಒತ್ತಾಯ.!
ದ್ವಿವೇದಿ ಪ್ರಾಯೋಜಕರು ಮತ್ತು ಪ್ರಸಾರಕರಿಗೆ ಪ್ರಶ್ನೆಗಳನ್ನ ಎತ್ತುತ್ತಾ, “ಆ 26 ಕುಟುಂಬಗಳ ರಾಷ್ಟ್ರೀಯತೆಯ ಬಗ್ಗೆ ಏನು? ಈ ಪಂದ್ಯದಿಂದ ಬರುವ ಆದಾಯವನ್ನ ಯಾವುದಕ್ಕೆ ಬಳಸಲಾಗುತ್ತದೆ? ಪಾಕಿಸ್ತಾನ ಅದನ್ನು ಭಯೋತ್ಪಾದನೆಗೆ ಬಳಸುತ್ತದೆ. ಅದು ಭಯೋತ್ಪಾದಕ ರಾಷ್ಟ್ರ. ನೀವು ಅವರಿಗೆ ಆದಾಯವನ್ನ ಒದಗಿಸುತ್ತಿದ್ದೀರಿ ಮತ್ತು ಮತ್ತೆ ನಮ್ಮ ಮೇಲೆ ದಾಳಿ ಮಾಡಲು ಅವರನ್ನು ಸಿದ್ಧಪಡಿಸುತ್ತಿದ್ದೀರಿ. ನನಗೆ ಇದು ಅರ್ಥವಾಗುತ್ತಿಲ್ಲ” ಎಂದು ಕಿಡಿಕಾರಿದರು.
ದೇಶಾದ್ಯಂತದ ಅಭಿಮಾನಿಗಳು ಪಂದ್ಯವನ್ನು ಬಹಿಷ್ಕರಿಸುವ ಮೂಲಕ ನಿಲುವು ತೆಗೆದುಕೊಳ್ಳುವಂತೆ ಅವರು ಒತ್ತಾಯಿಸಿದರು. “ನಿಮ್ಮ ಟಿವಿಗಳನ್ನು ಆನ್ ಮಾಡಬೇಡಿ. ಈ ಪಂದ್ಯವನ್ನು ಬಹಿಷ್ಕರಿಸಿ” ಎಂದು ಅವರು ಹೇಳಿದರು.
ಸೆಪ್ಟೆಂಬರ್ 14 ರಂದು ನಿಗದಿಯಾಗಿರುವ ಮುಂಬರುವ ಭಾರತ-ಪಾಕಿಸ್ತಾನ ಪಂದ್ಯ AIMIM ಮತ್ತು ಶಿವಸೇನೆ (UBT) ಸೇರಿದಂತೆ ವಿರೋಧ ಪಕ್ಷಗಳಿಂದ ಟೀಕೆಗೆ ಗುರಿಯಾಗಿದೆ, ಪಂದ್ಯವನ್ನು ನಡೆಸುವ ನಿರ್ಧಾರದ ಬಗ್ಗೆ ಬಿಜೆಪಿ ಮತ್ತು ಬಿಸಿಸಿಐ ಎರಡನ್ನೂ ಟೀಕಿಸಿದ್ದಾರೆ.
ALERT : ನಿಮ್ಮ ಮೊಬೈಲ್ ಗೆ ಬರುವ `SMS’ ಅಸಲಿಯೋ, ನಕಲಿಯೋ? ಜಸ್ಟ್ ಈ ರೀತಿ ಗುರುತಿಸಿ
ಚೀನಾ ಜೊತೆಗಿನ ಘರ್ಷಣೆ ತಡೆಗೆ ಭಾರತ ಕಾರ್ಯ ; ಲಡಾಖ್ ಗಡಿಯಲ್ಲಿ ಅತ್ಯಾಧುನಿಕ ಕಣ್ಗಾವಲು, ಜಿಯೋ-ಟ್ಯಾಗಿಂಗ್ ಅವಳವಡಿಕೆ
ದೆಹಲಿಯ ತಾಜ್ ಪ್ಯಾಲೇಸ್ ಹೋಟೆಲ್‌ಗೆ ಬಾಂಬ್ ಬೆದರಿಕೆ | Delhi Taj Palace hotel
