ಕೆಎನ್‍ಎನ್‍ಡಿಜಿಟಲ್ ಡೆಸ್ಕ್ : ಭಾರತ ಮತ್ತು ಇಂಗ್ಲೆಂಡ್ ನಡುವಿನ ನಡೆಯುತ್ತಿರುವ ಆಂಡರ್ಸನ್-ತೆಂಡೂಲ್ಕರ್ ಟ್ರೋಫಿಯಲ್ಲಿ ಉದ್ವಿಗ್ನತೆ ಹೆಚ್ಚುತ್ತಿದೆ. ಓವಲ್‌’ನಲ್ಲಿ ನಡೆಯುತ್ತಿರುವ ಐದನೇ ಟೆಸ್ಟ್ ಪಂದ್ಯದ ಎರಡನೇ ದಿನದಂದು ಕುತೂಹಲಕಾರಿ ಘಟನೆಗಳು ನಡೆದವು. ಇಂಗ್ಲೆಂಡ್’ನ ಮಾಜಿ ನಾಯಕ ಜೋ ರೂಟ್ ಮತ್ತು ಭಾರತೀಯ ವೇಗಿ ಪ್ರಸಿದ್ಧ್‌ ಕೃಷ್ಣ ನಡುವಿನ ಮಾತಿನ ಚಕಮಕಿ ಮುಂದುವರೆಯಿತು. ರೂಟ್ ಬೌಂಡರಿ ಹೊಡೆದ ನಂತರ ಜೋ ರೂಟ್, ಪ್ರಸಿದ್ಧ್‌ ಕೃಷ್ಣ ನಡುವೆ ನಡುವೆ ವಾಗ್ವಾದ ನಡೆಯಿತು. ಪರಿಸ್ಥಿತಿ ವಿಕೋಪಕ್ಕೆ ಹೋಗುತ್ತಿದ್ದಂತೆ, ಮೈದಾನದಲ್ಲಿರುವ ಅಂಪೈರ್’ಗಳಾದ ಅಹ್ಸಾನ್ ರಜಾ ಮತ್ತು ಕುಮಾರ್ ಧರ್ಮಸೇನ ಮಧ್ಯಪ್ರವೇಶಿಸಿ ಇಬ್ಬರೊಂದಿಗೂ ಮಾತನಾಡಿದರು.
ಆದರೆ, ಈ ಘರ್ಷಣೆಯಲ್ಲಿ ಭಾರತದ ಆರಂಭಿಕ ಆಟಗಾರ ಕೆ.ಎಲ್. ರಾಹುಲ್ ತಮ್ಮ ತಂಡದ ಸಹ ಆಟಗಾರನ ಬೆಂಬಲಕ್ಕೆ ನಿಂತರು. ಅವರು ಪ್ರಸಿದ್ಧ್‌ ಕೃಷ್ಣ ಪರವಾಗಿ ಧರ್ಮಸೇನ ಅವರನ್ನ ಸಂಪರ್ಕಿಸಿ ವಿವರಣೆ ಕೇಳಿದರು. ಆದರೆ, ಶ್ರೀಲಂಕಾದ ಅಂಪೈರ್ ಧರ್ಮಸೇನ ಅವರಿಗೆ ರಾಹುಲ್ ಮಾತನಾಡಿದ ರೀತಿ ಇಷ್ಟವಾಗಲಿಲ್ಲ. ಇದರಿಂದಾಗಿ, ಅವರು ರಾಹುಲ್ ಅವರನ್ನ ಖಂಡಿಸಿದರು ಮತ್ತು ಪಂದ್ಯದ ನಂತರ ಈ ವಿಷಯದ ಬಗ್ಗೆ ಐಸಿಸಿಗೆ ದೂರು ನೀಡುವುದಾಗಿ ಎಚ್ಚರಿಸಿದರು. ಅಂಪೈರ್ ಮಾತಿನಿಂದ ಕೋಪಗೊಂಡ ಕೆ.ಎಲ್. ರಾಹುಲ್, ಭಾರತೀಯ ತಂಡದ ಬ್ಯಾಟಿಂಗ್ ಮತ್ತು ಬೌಲಿಂಗ್ ನೋಡುವುದು ಮಾತ್ರವಲ್ಲದೆ ಮೈದಾನದಲ್ಲಿ ಇನ್ನೇನು ನಡೆಯುತ್ತಿದೆ ಎಂಬುದನ್ನ ನೋಡುವುದು ನಿಮ್ಮ ಜವಾಬ್ದಾರಿ ಎಂದು ಹೇಳಿದರು.
ನಾವು ಬ್ಯಾಟಿಂಗ್ ಮತ್ತು ಬೌಲಿಂಗ್ ಮಾಡಿ ಮನೆಗೆ ಹೋಗಬೇಕೆಂದು ನೀವು ಬಯಸುತ್ತೀರಾ? ನಾವು ಏನು ಮಾಡಬೇಕೆಂದು ನೀವು ಬಯಸುತ್ತೀರಿ.? ಟೀಮ್ ಇಂಡಿಯಾ ಆರಂಭಿಕ ಆಟಗಾರ ರಾಹುಲ್ ಅಂಪೈರ್ ಕುಮಾರ್ ಧರ್ಮಸೇನ ಅವರನ್ನ ಪ್ರಶ್ನಿಸಿದರು. ಈಗ, ಈ ಘಟನೆಯು ಈಗಾಗಲೇ ಉದ್ವಿಗ್ನವಾಗಿರುವ ಈ ಸರಣಿಯಲ್ಲಿ ಉದ್ವಿಗ್ನತೆಯನ್ನ ಮತ್ತಷ್ಟು ಹೆಚ್ಚಿಸುತ್ತದೆ.
🔥"You want us to just bat, bowl & go home?"🔥
KL Rahul BLASTS at umpire Dharmasena in fiery defence of Prasidh Krishna! 😤⚡
Tension hits the roof as Rahul says, "What do you want us to do, keep quiet?" 🗣️💥
Captain steps up. Drama unfolds. Cricket gets REAL! 🏏🔥#KLRahul… pic.twitter.com/KaID8ddhda— Nihar Ranjan (@Niharra98749805) August 1, 2025
“ನನ್ನ ಹೃದಯ ದುಃಖದಿಂದ ತುಂಬಿದೆ” : ವೇದಿಕೆಯಲ್ಲೇ ‘ಪ್ರಧಾನಿ ಮೋದಿ’ ಭಾವುಕ
‘ಭಾರತ ವಿಶ್ವದ 3ನೇ ಅತಿದೊಡ್ಡ ಆರ್ಥಿಕತೆಯಾಗಲಿದೆ,’ : ಟ್ರಂಪ್ ವಿರುದ್ಧ ‘ಪ್ರಧಾನಿ ಮೋದಿ’ ವಾಗ್ದಾಳಿ
