ಮಾಸ್ಕೋ : ಎರಡು ದಿನಗಳ ರಷ್ಯಾ ಭೇಟಿಯ ಭಾಗವಾಗಿ ಪ್ರಧಾನಿ ನರೇಂದ್ರ ಮೋದಿ ಮಂಗಳವಾರ ಮಾಸ್ಕೋದಲ್ಲಿ ಭಾರತೀಯ ಸಮುದಾಯವನ್ನು ಉದ್ದೇಶಿಸಿ ಮಾತನಾಡಿದರು. ಭಾರತ ಮತ್ತು ರಷ್ಯಾ ನಡುವೆ ಬಲವಾದ ಬಂಧವನ್ನು ನಿರ್ಮಿಸುವಲ್ಲಿ ಅಧ್ಯಕ್ಷ ಪುಟಿನ್ ಅವರ ಪ್ರಯತ್ನಗಳನ್ನ ಪ್ರಧಾನಿ ಮೋದಿ ಶ್ಲಾಘಿಸಿದರು. “ರಷ್ಯಾ ಭಾರತದ ವಿಶ್ವಾಸಾರ್ಹ ಸ್ನೇಹಿತ. ನಮ್ಮ ಸ್ನೇಹವು ಪರಸ್ಪರ ನಂಬಿಕೆ ಮತ್ತು ಗೌರವವನ್ನ ಆಧರಿಸಿದೆ” ಎಂದರು.
ವಲಸಿಗರನ್ನುದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, “ಜಾಗತಿಕ ಸಮೃದ್ಧಿಗೆ ಹೊಸ ಶಕ್ತಿಯನ್ನ ನೀಡಲು ಭಾರತ ಮತ್ತು ರಷ್ಯಾ ಹೆಗಲಿಗೆ ಹೆಗಲು ಕೊಟ್ಟು ಕೆಲಸ ಮಾಡುತ್ತಿರುವುದು ನನಗೆ ಸಂತೋಷವಾಗಿದೆ. ಇಲ್ಲಿ ಹಾಜರಿರುವ ನೀವೆಲ್ಲರೂ ಭಾರತ ಮತ್ತು ರಷ್ಯಾ ನಡುವಿನ ಸಂಬಂಧಗಳಿಗೆ ಹೊಸ ಎತ್ತರವನ್ನ ನೀಡುತ್ತಿದ್ದೀರಿ. ನಿಮ್ಮ ಕಠಿಣ ಪರಿಶ್ರಮ ಮತ್ತು ಪ್ರಾಮಾಣಿಕತೆಯಿಂದ ನೀವು ರಷ್ಯಾದ ಸಮಾಜಕ್ಕೆ ಕೊಡುಗೆ ನೀಡಿದ್ದೀರಿ” ಎಂದರು.
Thank the Indian community in Russia for their warm reception. Addressing a programme in Moscow. https://t.co/q3sPCCESbM
— Narendra Modi (@narendramodi) July 9, 2024
“ರಷ್ಯಾ ಎಂಬ ಪದವನ್ನು ಕೇಳಿದಾಗ, ಪ್ರತಿಯೊಬ್ಬ ಭಾರತೀಯನ ಮನಸ್ಸಿನಲ್ಲಿ ಬರುವ ಮೊದಲ ಪದವೆಂದರೆ ಸಂತೋಷ ಮತ್ತು ದುಃಖದಲ್ಲಿ ಭಾರತದ ಪಾಲುದಾರ, ಭಾರತದ ವಿಶ್ವಾಸಾರ್ಹ ಸ್ನೇಹಿತ, ನಾವು ಅದನ್ನು ‘ದೋಸ್ತಿ’ ಎಂದು ಕರೆಯುತ್ತೇವೆ. ರಷ್ಯಾದಲ್ಲಿ ಚಳಿಗಾಲದಲ್ಲಿ ತಾಪಮಾನವು ಮೈನಸ್ಗೆ ಇಳಿದರೂ ಪರವಾಗಿಲ್ಲ, ಆದರೆ ಭಾರತ-ರಷ್ಯಾ ಸ್ನೇಹವು ಯಾವಾಗಲೂ ಪ್ಲಸ್ನಲ್ಲಿದೆ, ಅದು ಯಾವಾಗಲೂ ಬೆಚ್ಚಗಿರುತ್ತದೆ” ಎಂದು ಅವರು ಹೇಳಿದರು.
“ಈ ಹಾಡನ್ನ ಒಮ್ಮೆ ಇಲ್ಲಿನ ಪ್ರತಿ ಮನೆಯಲ್ಲೂ ಹಾಡಲಾಗುತ್ತಿತ್ತು, ‘ಸರ್ ಪೆ ಲಾಲ್ ಟೋಪಿ ರಸ್ಸಿ, ಫಿರ್ ಭಿ ದಿಲ್ ಹೈ ಹಿಂದೂಸ್ತಾನಿ’. ಈ ಹಾಡು ಹಳೆಯದಾಗಿರಬಹುದು, ಆದರೆ ಭಾವನೆಗಳು ಯಾವಾಗಲೂ ಹಸಿರು. ರಾಜ್ ಕಪೂರ್, ಮಿಥೂನ್ ದಾ ಅವರಂತಹ ಕಲಾವಿದರು ಭಾರತ ಮತ್ತು ರಷ್ಯಾ ನಡುವಿನ ಸ್ನೇಹವನ್ನು ಬಲಪಡಿಸಿದ್ದಾರೆ’ ಎಂದು ಅವರು ಹೇಳಿದರು.
Thank the Indian community in Russia for their warm reception. Addressing a programme in Moscow. https://t.co/q3sPCCESbM
— Narendra Modi (@narendramodi) July 9, 2024
ಉಭಯ ರಾಷ್ಟ್ರಗಳ ಸಂಬಂಧದ ಬಗ್ಗೆ ಮಾತನಾಡಿದ ಅವರು, “ನಮ್ಮ ಸಂಬಂಧಗಳ ಬಲವನ್ನ ಅನೇಕ ಬಾರಿ ಪರೀಕ್ಷಿಸಲಾಗಿದೆ ಮತ್ತು ಪ್ರತಿ ಬಾರಿಯೂ ನಮ್ಮ ಸ್ನೇಹವು ಬಲವಾಗಿ ಹೊರಹೊಮ್ಮಿದೆ. ನನ್ನ ಆತ್ಮೀಯ ಸ್ನೇಹಿತ ಅಧ್ಯಕ್ಷ ಪುಟಿನ್ ಅವರ ನಾಯಕತ್ವವನ್ನ ನಾನು ವಿಶೇಷವಾಗಿ ಪ್ರಶಂಸಿಸಲು ಬಯಸುತ್ತೇನೆ. 2 ದಶಕಗಳಿಗೂ ಹೆಚ್ಚು ಕಾಲ ಈ ಪಾಲುದಾರಿಕೆಯನ್ನ ಬಲಪಡಿಸಲು ಅವರು ಅದ್ಭುತ ಕೆಲಸ ಮಾಡಿದ್ದಾರೆ. ಕಳೆದ 10 ವರ್ಷಗಳಲ್ಲಿ ನಾನು ರಷ್ಯಾಕ್ಕೆ ಬರುತ್ತಿರುವುದು ಇದು ಆರನೇ ಬಾರಿ ಮತ್ತು ಈ ವರ್ಷಗಳಲ್ಲಿ ನಾವು ಪರಸ್ಪರ 17 ಬಾರಿ ಭೇಟಿಯಾಗಿದ್ದೇವೆ ಎಂದರು.
BREAKING : ಟೀಂ ಇಂಡಿಯಾ ನೂತನ ಮುಖ್ಯ ಕೋಚ್ ಆಗಿ ‘ಗೌತಮ್ ಗಂಭೀರ್’ ನೇಮಕ : ‘BCCI’ ಘೋಷಣೆ
ಶೀಘ್ರದಲ್ಲೇ ಮದ್ದೂರು ಪಟ್ಟಣದ ರಸ್ತೆ ಅಗಲೀಕರಣ ಕಾಮಗಾರಿಗೆ ಚಾಲನೆ: ಶಾಸಕ ಕೆ.ಎಂ.ಉದಯ್
BREAKING : ರಷ್ಯಾ ‘ಯಶಸ್ವಿ’ ಪ್ರವಾಸ ಮುಗಿಸಿ ‘ಆಸ್ಟ್ರಿಯಾ’ಗೆ ತೆರಳಿದ ‘ಪ್ರಧಾನಿ ಮೋದಿ’ |VIDEO
