ಕೆಎನ್ಎನ್‍ಡಿಜಿಟಲ್ ಡೆಸ್ಕ್ ; ತೆಲಂಗಾಣದ ರಂಗಾರೆಡ್ಡಿ ಜಿಲ್ಲೆಯ ಮಹೇಶ್ವರಂನಲ್ಲಿ ವಿಲಕ್ಷಣ ಘಟನೆಯೊಂದು ನಡೆದಿದ್ದು, ಹಣ ಖದೀಯಲು ಮನೆಗೆ ನುಗ್ಗಿದ ಕಳ್ಳನೊಬ್ಬ, ಬದಲಾಗಿ ತಾನೇ ದುಡ್ಡು ಇಟ್ಟಿರುವುದು ಬೆಳಕಿಗೆ ಬಂದಿದೆ.
ಕಳ್ಳನೊಬ್ಬ ಮುಖ ಮುಚ್ಚಿಕೊಂಡು ಮನೆಗೆ ನುಗ್ಗಿದ್ದು, ಮನೆಯನ್ನೆಲ್ಲಾ ಜಾಲಾಡಿದ್ರು ಅವನಿಗೆ ಒಂದೇ ಒಂದು ರೂಪಾಯಿ ಹಣ ಸಿಕ್ಕಿಲ್ಲ. ಇದ್ರಿಂದ ನಿರಾಶೆಗೊಂಡ ಆತ 20 ರೂಪಾಯಿಗಳನ್ನ ಮೇಜಿನ ಮೇಲೆ ಇಟ್ಟು ಹೊರಟು ಹೋಗಿದ್ದಾನೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಸಿಸಿಟಿವಿಯಲ್ಲಿ ಸೆರೆಯಾದ ಕಳ್ಳ, ಮನೆಯಲ್ಲಿ ಹಣವಿಲ್ಲದ ಕಾರಣ ನಿರಾಶೆ ವ್ಯಕ್ತಪಡಿಸಿದ್ದಾನೆ. ಅನಿರೀಕ್ಷಿತ ತಿರುವಿನಲ್ಲಿ, ಆತ 20 ರೂಪಾಯಿಗಳನ್ನು ಮೇಜಿನ ಮೇಲೆ ಇಟ್ಟು, ಹೊರಡುವ ಮೊದಲು ಫ್ರಿಜ್’ನಿಂದ ಬಾಟಲಿ ತೆಗೆದುಕೊಂಡು ಹೋಗಿದ್ದಾನೆ . ಈ ಘಟನೆಯು ಸ್ಥಳೀಯ ಸಮುದಾಯ ಮತ್ತು ಪೊಲೀಸರನ್ನ ರಂಜಿಸಿದ್ದು, ಗೊಂದಲಕ್ಕೀಡು ಮಾಡಿದೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.
Thief who came, covering his face, to steal at a house in #Maheshwaram #Rangareddy district #Telangana, expressed disappointment through CCTV camera that there is not a single rupee in the house; he left Rs 20 on the table while leaving the house with a bottle from the fridge !! pic.twitter.com/Eh4dT9M00B
— Uma Sudhir (@umasudhir) July 26, 2024
