Watch Video: ಟ್ರಾಫಿಕ್​ ಜಾಮ್​ಗೆ ಕಾರಣವಾಗಿದ್ದ ಪುಣೆಯ ʻಚಾಂದನಿ ಚೌಕ್‌ʼನಲ್ಲಿರುವ ಹಳೆಯ ಸೇತುವೆ ನೆಲಸಮ

ಪುಣೆ: ಪುಣೆಯ ಚಾಂದನಿ ಚೌಕ್ ಪ್ರದೇಶದಲ್ಲಿರುವ ಹಳೆಯ ಸೇತುವೆಯನ್ನು ಸ್ಫೋಟಕ ಬಳಸಿ ಭಾನುವಾರ ಮುಂಜಾನೆ 1 ಗಂಟೆಗೆ ಕೆಡವಲಾಗಿದೆ.

ಈ ಸೇತುವೆಯನ್ನು 90 ರ ದಶಕದ ಆರಂಭದಲ್ಲಿ ಮುಂಬೈ-ಬೆಂಗಳೂರು ಹೆದ್ದಾರಿಯಲ್ಲಿ (NH4) ನಗರದ ಚಾಂದನಿ ಚೌಕ್ ಪ್ರದೇಶದಲ್ಲಿ ನಿರ್ಮಿಸಲಾಯಿತು.

ಟ್ರಾಫಿಕ್​ ಜಾಮ್​ಗೆ ಕಾರಣವಾಗಿದ್ದ ಹಾಗೂ ಚಾಂದಿನಿ ಚೌಕ್ ಅಭಿವೃದ್ಧಿ ಯೋಜನೆಯ ಭಾಗವಾಗಿ ಸೇತುವೆಯನ್ನು ನೆಲಸಮಗೊಳಿಸಲಾಗಿದೆ. ಜಂಕ್ಷನ್‌ನಲ್ಲಿ ಬಹು ಹಂತದ ಮೇಲ್ಸೇತುವೆ ನಿರ್ಮಾಣವಾಗಲಿದ್ದು, ಆ ನಿಟ್ಟಿನಲ್ಲಿ ಕಾಮಗಾರಿ ನಡೆಯುತ್ತಿದೆ.

“ಭಾನುವಾರ ಮುಂಜಾನೆ 1 ಗಂಟೆಗೆ ನಿಯಂತ್ರಿತ ಸ್ಫೋಟ ಬಳಸುವ ಮೂಲಕ ಸೇತುವೆಯನ್ನು ಕೆಡವಲಾಯಿತು ಮತ್ತು ಎಲ್ಲವನ್ನೂ ಯೋಜನೆಯ ಪ್ರಕಾರ ಕಾರ್ಯಗತಗೊಳಿಸಲಾಯಿತು. ಈಗ, ನಾವು ಸ್ಥಳದಿಂದ ಅದರ ಅವಶೇಷಗಳನ್ನು ತೆರವುಗೊಳಿಸಲು ಅಗೆಯುವ ಯಂತ್ರಗಳು, ಫೋರ್ಕ್‌ನೈಲ್‌ಗಳು ಮತ್ತು ಟ್ರಕ್‌ಗಳನ್ನು ಒದಗಿಸಿದ್ದೇವೆ” ಎಂದು ಎಡಿಫೈಸ್ ಸಹ- ಇಂಜಿನಿಯರಿಂಗ್ ಚಿರಾಗ್ ಛೇಡಾ ಹೇಳಿದರು.

ಆಗಸ್ಟ್ ಕೊನೆಯ ವಾರದಲ್ಲಿ ನೋಯ್ಡಾದ ಸೂಪರ್‌ಟೆಕ್ ಅವಳಿ ಗೋಪುರಗಳನ್ನು ಕೆಡವಿದ್ದ ಕಂಪನಿಗೆ ಈ ಸೇತುವೆಯನ್ನು ಬೀಳಿಸಲು ಗುತ್ತಿಗೆ ನೀಡಲಾಗಿದೆ. ಸೇತುವೆ ಧ್ವಂಸಗೊಳಿಸುವ ಹಿನ್ನೆಲೆಯಲ್ಲಿ ಮುಂಬೈ-ಬೆಂಗಳೂರು ಹೆದ್ದಾರಿಯಲ್ಲಿ ವಾಹನಗಳ ಸಂಚಾರವನ್ನು ಬದಲಾಯಿಸಲಾಗಿದೆ.