ಬೆಂಗಳೂರು: ರಾಜ್ಯದಲ್ಲಿನ ವಕ್ಫ್ ಆಸ್ತಿ ವಿವಾದದ ಸಂಬಂಧ ಬಿಜೆಪಿಯಿಂದ ನೈಜ ವರದಿಯ ಸಂಗ್ರಹಕ್ಕೆ ಇಳಿಯಲಾಗುತ್ತಿದೆ. ರಾಜ್ಯಾಧ್ಯಂತ 3 ತಂಡಗಳಲ್ಲಿ ಪ್ರವಾಸ ಕೈಗೊಳ್ಳಲಿರುವಂತ ಬಿಜೆಪಿ ನಾಯಕರು, ಆಯಾ ಜಿಲ್ಲಾ ಕೇಂದ್ರಗಳಿಗೆ ಭೇಟಿ ನೀಡಿ, ವಿಸ್ತೃತ ವರದಿಯನ್ನು ಸಂಗ್ರಹಿಸಲಿದ್ದಾರೆ.
ಇಂದು ಪತ್ರಿಕಾ ಪ್ರಕಟಣೆಯಲ್ಲಿ ಕರ್ನಾಟಕ ಬಿಜೆಪಿ ಮಾಹಿತಿ ಹಂಚಿಕೊಂಡಿದ್ದು, ಇತ್ತೀಚೆಗೆ ರಾಜ್ಯಾಧ್ಯಂತ ರೈತರು ಹಾಗೂ ಮಠ ಮಾನ್ಯಗಳ ಪಹಣಿಗಳಲ್ಲಿ ಸರ್ಕಾರದಿಂದ ವಕ್ಫ್ ಆಸ್ತಿ ಎಂದು ನಮೂದಿಸಿರುವುದು ನೈಜ ವರದಿಯನ್ನು ಸಂಗ್ರಹಿಸಲು ನಮ್ಮ ಭೂಮಿ – ನಮ್ಮ ಹಕ್ಕು ಎಂಬ ಘೋಷವಾಕ್ಯದಡಿ 3 ತಂಡಗಳನ್ನು ರಚಿಸಲಾಗಿದೆ. ಈ ಮೂರು ತಂಡಗಳು ಸೂಚಿಸಿರುವ ಆಯಾ ಜಿಲ್ಲಾ ಕೇಂದ್ರಗಳಿಗೆ ಭೇಟಿ ನೀಡಿ, ವಿಸ್ತೃತ ವರದಿಯನ್ನು ಸಂಗ್ರಹಸಲಿದ್ದಾರೆ ಎಂದಿದೆ.
ತಂಡ-1ರಲ್ಲಿ ಬಿಜೆಪಿ ರಾಜ್ಯಾಧ್ಯಕ್ಷ ಬಿವೈ ವಿಜಯೇಂದ್ರ, ಪ್ರಹ್ಲಾದ್ ಜೋಷಿ, ಜಗದೀಶ್ ಶೆಟ್ಟರ್, ಭಗವಂತ್ ಖೂಬಾ, ಡಾ.ಸಿಎನ್ ಅಶ್ವತ್ಥನಾರಾಯಣ, ಮುಗೇಶ್ ನಿರಾಣಿ, ಬಿ.ಶ್ರೀರಾಮುಲು, ರಮೇಶ್ ಜಾರಕಿಹೊಳಿ, ಈರಣ್ಣ ಕಡಾಡಿ, ಹಾಲಪ್ಪ ಆಚಾರ್, ಸುನೀಲ್ ವಲ್ಯಾಪುರೆ, ವಕೀಲರಾದಂತ ಎಂ.ಬಿ ಜಿರಲಿ ಸೇರಿದ್ದಾರೆ.
ಮೊದಲ ತಂಡವು ಬೀದರ್, ಕಲಬುರ್ಗಿ, ಯಾದಗಿರಿ, ರಾಯಚೂರು, ಕೊಪ್ಪಳ, ಗದಗ, ವಿಜಯಪುರ ಮತ್ತು ಬಾಗಲಕೋಟೆಗೆ ಭೇಟಿ ನೀಡಲಿದೆ. ಈ ತಂಡದ ಸಂಚಾಲಕರಾಗಿ ಪಿ.ರಾಜೀವ್, ಸಂಯೋಜಕರಾಗಿ ಅರುಣ್ ಶಹಾಪುರ, ಹರೀಶ್ ಪೂಂಜಾ ಹಾಗೂ ಡಾ.ಶೈಲೇಂದ್ರ ಬೆಲ್ವಾಳೆ ನೇಮಿಸಲಾಗಿದೆ.
ತಂಡ-2ರಲ್ಲಿ ವಿಧಾನಸಭೆ ವಿಪಕ್ಷ ನಾಯಕ ಆರ್.ಅಶೋಕ್, ಬಸವರಾಜ ಬೊಮ್ಮಾಯಿ, ಶೋಭಾ ಕರಂದ್ಲಾಜೆ, ಬಸನಗೌಡ ಪಾಟೀಲ್ ಯತ್ನಾಳ್, ರಾಜೂಗೌಡ, ಎಂ.ಪಿ ರೇಣುಕಾಚಾರ್ಯ, ಎನ್ ಮಹೇಶ್, ದೊಡ್ಡನಗೌಡ ಪಾಟೀಲ್, ಭಾರತಿ ಶೆಟ್ಟಿ, ಡಾ.ಬಿಸಿ ನವೀನ್ ಕುಮಾರ್, ವಕೀಲರಾದಂತ ವಸಂತಕುಮಾರ್ ಸೇರಿದ್ದಾರೆ.
ಈ ತಂಡವು ಚಾಮರಾಜನಗರ, ಮೈಸೂರು ನಗರ, ಗ್ರಾಮಾಂತರ, ಮಂಡ್ಯ, ಹಾಸನ, ಕೊಡಗು, ದಕ್ಷಿಣ ಕನ್ನಡ, ಉಡುಪಿ, ಚಿಕ್ಕಮಗಳೂರು, ಶಿವಮೊಗ್ಗ ಹಾಗೂ ಉತ್ತರ ಕನ್ನಡ ಜಿಲ್ಲೆಗೆ ಭೇಟಿ ನೀಡಲಿದೆ. ಇದರ ಸಂಚಾಲಕರಾಗಿ ಜೆ ಪ್ರೀತಂ ಗೌಡ, ಸಂಯೋಜಕರಾಗಿ ವಿನಯ್ ಬಿದರೆ, ಡಿಎಸ್ ಅರುಣ್ ಹಾಗೂ ಲಕ್ಷ್ಮೀ ಅಶ್ವಿನ್ ಗೌಡ ನೇಮಿಸಲಾಗಿದೆ.
ತಂಡ-3ರಲ್ಲಿ ವಿಧಾನಪರಿಷತ್ ವಿಪಕ್ಷ ನಾಯಕ ಛಲವಾದಿ ನಾರಾಯಣಸ್ವಾಮಿ, ಡಿವಿ ಸದಾನಂದಗೌಡ, ವಿ.ಸೋಮಣ್ಮ, ಸಿ.ಟಿ ರವಿ, ನಳೀನ್ ಕುಮಾರ್ ಕಟೀಲ್, ಅರವಿಂದ್ ಲಿಂಬಾವಳಿ, ಎಸ್ ಮುನಿಸ್ವಾಮಿ, ಅರಗ ಜ್ಞಾನೇಂದ್ರ, ಬಿ.ಸಿ ಪಾಟೀಲ್, ವೈ ಎ ನಾರಾಯಣಸ್ವಾಮಿ ಸೇರಿದ್ದಾರೆ.
ಈ ತಂಡವು ರಾಮನಗರ, ಬೆಂಗಳೂರು ಗ್ರಾಮಾಂತರ, ಕೋಲಾರ, ಚಿಕ್ಕಬಳ್ಳಾಪುರ, ತುಮಕೂರು, ಮಧುಗಿರಿ, ಚಿತ್ರದುರ್ಗ, ದಾವಣಗೆರೆ, ಹಾವೇರಿ ಹಾಗೂ ಹುಬ್ಬಳ್ಳಿ ಜಿಲ್ಲೆಗೆ ಭೇಟಿ ನೀಡಲಿದೆ. ಇದರ ಸಂಚಾಲಕರಾಗಿ ವಿ ಸುನೀಲ್ ಕುಮಾರ್, ಸಂಯೋಜಕರಾಗಿ ಅಶ್ವಥ್ ನಾರಾಯಣ, ತಮ್ಮೇಗೌಡ ಹಾಗೂ ಅಂಬಿಕಾ ಹುಲಿನಾಯ್ಕರ್ ನೇಮಿಸಲಾಗಿದೆ.
ವರದಿ: ವಸಂತ ಬಿ ಈಶ್ವರಗೆರೆ
GOOD NEWS : ರಾಜ್ಯದ ಮಹಿಳಾ ಶಿಕ್ಷಕಿಯರು/ನೌಕರರಿಗೆ `ಶಿಶುಪಾಲನಾ ರಜೆ’ ಮಂಜೂರು : ರಾಜ್ಯ ಸರ್ಕಾರ ಆದೇಶ!
