ಪುಣೆ: ಸಾವಿತ್ರಿಬಾಯಿ ಫುಲೆ ಪುಣೆ ವಿಶ್ವವಿದ್ಯಾಲಯದಲ್ಲಿ ಇತ್ತೀಚೆಗೆ ನಡೆದ ‘ರಾಮ್ ಲೀಲಾ’ ನಾಟಕದ ವೇಳೆ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ (ಎಬಿವಿಪಿ) ಸದಸ್ಯರು ಮತ್ತು ಲಲಿತ ಕಲಾ ಕೇಂದ್ರದ ವಿದ್ಯಾರ್ಥಿಗಳ ನಡುವೆ ತೀವ್ರ ಘರ್ಷಣೆ ನಡೆದಿದೆ. ಪುಣೆಯಲ್ಲಿನ ಸಾವಿತ್ರಿಬಾಯಿ ಫುಲೆ ಪುಣೆ ವಿಶ್ವವಿದ್ಯಾಲಯದ ಆವರಣದಲ್ಲಿ ರಾಮನ ಕುರಿತ ನಾಟಕ ಪ್ರದರ್ಶಿಸುವ ವಿಚಾರದಲ್ಲಿ ಗುಂಪೊಂದು ಶುಕ್ರವಾರ ಗಲಾಟೆ ನಡೆಸಿದೆ.
ಸಾವಿತ್ರಿಬಾಯಿ ಫುಲೆ ಪುಣೆ ವಿಶ್ವವಿದ್ಯಾಲಯದಲ್ಲಿ (ಎಸ್ಪಿಪಿಯು) ಪ್ರದರ್ಶಿಸಲಾದ ನಾಟಕದಲ್ಲಿ, ಸೀತಾ ಮಾತೆ ಸಿಗರೇಟ್ ಸೇದುತ್ತಿರುವುದನ್ನು ಕಾಣಬಹದುದಾಗಿದೆ. ಶ್ರೀ ರಾಮ್ ಪಾತ್ರಧಾರಿ ಅವರಿಗೆ ಸಹಾಯ ಮಾಡಿರುವ ವಿಡಿಯೋವೊಂದು ವೈರಲ್‌ ಆಗಿದೆ.
ಎಬಿವಿಪಿಯ ಪುಣೆ ವಿಶ್ವವಿದ್ಯಾಲಯದ ಘಟಕದ ಮುಖ್ಯಸ್ಥ ಶಿವ ಬರೋಲೆ ಅವರು ನಾಟಕದ ವಿಷಯದ ಬಗ್ಗೆ ಕಳವಳ ವ್ಯಕ್ತಪಡಿಸಿ, “ನಾವುಇಂತಹ ಕ್ರಮಗಳಿಗೆ ಆಕ್ಷೇಪಣೆಗಳನ್ನು ಎತ್ತಿದ್ದೇವೆ ಮತ್ತು ‘ರಾಮ್ ಲೀಲಾ’ ಎಂಬ ಶೀರ್ಷಿಕೆಯ ಪ್ರದರ್ಶನವನ್ನು ನಿಲ್ಲಿಸಿದ್ದೇವೆ. ಇದು ಹಿಂದೂಗಳ ಭಾವನೆಗಳಿಗೆ ಧಕ್ಕೆ ತರುತ್ತದೆ ಅಂತ ಹೇಳಿದ್ದಾರೆ.
ವಿಶ್ವವಿದ್ಯಾಲಯದ ಕ್ಯಾಂಪಸ್ನಲ್ಲಿ ಎರಡು ಗುಂಪುಗಳ ನಡುವೆ ಮಾತಿನ ಚಕಮಕಿ ನಡೆದಿದೆ ಎಂದು ಚತುರ್ಶ್ರಂಗಿ ಪೊಲೀಸ್ ಠಾಣೆಯ ಮಾಹಿತಿ ನೀಡಿದ್ದು. “ವಿಶ್ವವಿದ್ಯಾಲಯದ ಕ್ಯಾಂಪಸ್ನಲ್ಲಿ ಎರಡು ಗುಂಪುಗಳ ನಡುವೆ ಮಾತಿನ ಚಕಮಕಿ ನಡೆದಿದೆ ಎಂದು ನಮಗೆ ಮಾಹಿತಿ ಬಂದಿದೆ. ತನಿಖೆಗಾಗಿ ನಾವು ಸಂಬಂಧಿತ ಗುಂಪುಗಳನ್ನು ಕರೆದಿದ್ದೇವೆ” ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಪ್ರವೀಣ್ ಭೋಲೆ, ಭವೇಶ್ ಪಾಟೀಲ್, ಜಯ್ ಪೆಡ್ನೇಕರ್, ಪ್ರಥಮೇಶ್ ಸಾವಂತ್, ಹೃಷಿಕೇಶ್ ದಾಲ್ವಿ ಮತ್ತು ಯಶ್ ಚಿಖ್ಲೆ ಸೇರಿದಂತೆ ಆರು ವಿದ್ಯಾರ್ಥಿಗಳ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.
ಎಸ್ಪಿಪಿಯು ಭದ್ರತಾ ವಿಭಾಗದ ಸುರೇಶ್ ಭೋಸಲೆ, “ಕಾರ್ಯಕ್ರಮದ ಬಗ್ಗೆ ನಮಗೆ ಯಾವುದೇ ಮುನ್ಸೂಚನೆ ನೀಡಲಾಗಿಲ್ಲ ಮತ್ತು ಘಟನೆಯ ನಂತರ ಅದರ ಬಗ್ಗೆ ತಿಳಿದಿದೆ” ಎಂದು ಹೇಳಿದರು. ಎರಡೂ ಪಕ್ಷಗಳು ಚತುಶ್ರುಂಗಿ ಪೊಲೀಸ್ ಠಾಣೆಯಲ್ಲಿ ಪರಸ್ಪರ ದೂರುಗಳನ್ನು ದಾಖಲಿಸಿವೆ. ಸೆಕ್ಷನ್ 295 ಎ (ಧಾರ್ಮಿಕ ಭಾವನೆಗಳನ್ನು ಕೆರಳಿಸುವ ಉದ್ದೇಶಪೂರ್ವಕ ಮತ್ತು ದುರುದ್ದೇಶಪೂರಿತ ಕೃತ್ಯಗಳು), 294 (ಅಶ್ಲೀಲ ಕೃತ್ಯಗಳು ಮತ್ತು ಹಾಡುಗಳು), 143 (ಕಾನೂನುಬಾಹಿರ ಸಭೆ), 147 (ಗಲಭೆ), 149 (ಸಾಮಾನ್ಯ ಉದ್ದೇಶಕ್ಕಾಗಿ ಮಾಡಿದ ಅಪರಾಧಕ್ಕಾಗಿ ಕಾನೂನುಬಾಹಿರ ಕೂಟದ ಪ್ರತಿಯೊಬ್ಬ ಸದಸ್ಯರು ತಪ್ಪಿತಸ್ಥರು), 323 (ಸ್ವಯಂಪ್ರೇರಿತವಾಗಿ ನೋವನ್ನುಂಟುಮಾಡುವ ಶಿಕ್ಷೆ) ಮತ್ತು ಸಿಗರೇಟುಗಳು ಮತ್ತು ಇತರ ತಂಬಾಕು ಉತ್ಪನ್ನಗಳ ಕಾಯ್ದೆ, 2003 ರ ಅಡಿಯಲ್ಲಿ ಆರೋಪಗಳನ್ನು ದಾಖಲಿಸಲಾಗಿದೆ.
In a shocking video surfaced on social media, in play staged at Savitribai Phule Pune University (SPPU), Mata Sita is being shown smoking a cigarette and Prabhu Shri Ram is assisting her in lighting it. Meanwhile audience laughing and enjoying pic.twitter.com/KWQ5qsvGjW
— Megh Updates 🚨™ (@MeghUpdates) February 3, 2024
