ಪಶ್ಚಿಮಬಂಗಾಳದಲ್ಲಿ ʻ ರೈಲು ಹತ್ತುವಾಗ ಜಾರಿ ಬಿದ್ದ ʼ ವೃದ್ಧೆ, ಮಗನನ್ನು ರಕ್ಷಿಸಿದ ʻ ರೈಲ್ವೆ ಲೇಡಿ ಪೊಲೀಸ್ ʼ | Watch video

 ಪಶ್ಚಿಮ ಬಂಗಾಳ :  ಬಂಕುರಾ ರೈಲ್ವೆ ನಿಲ್ದಾಣದಲ್ಲಿ ರೈಲ್ವೆ ರಕ್ಷಣಾ ಪಡೆ (RPF) ಅಧಿಕಾರಿಯ ಜಾಗರೂಕತೆಯು ವೃದ್ಧ ಮಹಿಳೆ ಮತ್ತು ಆಕೆಯ ಮಗನ ಜೀವವನ್ನು ಉಳಿಸಿದೆ.  ಘಟನೆಯ ವೀಡಿಯೊವನ್ನು ರೈಲ್ವೆ ಸಚಿವಾಲಯವು ಸೋಮವಾರ ಟ್ವಿಟ್ಟರ್ನಲ್ಲಿ ಪೋಸ್ಟ್ ಮಾಡಿದೆ ಮತ್ತು ವೈರಲ್ ಆಗಿದೆ. ಸಚಿವಾಲಯವು ತನ್ನ ಟ್ಟಿಟ್ಟರ್‌ನಲ್ಲಿ, ಆರ್‌ಪಿಎಫ್‌ ( RPF) ಸಿಬ್ಬಂದಿಯನ್ನು ಶ್ಲಾಘಿಸಿದೆ.

ವೀಡಿಯೊ ಪ್ರಾರಂಭವಾಗುತ್ತಿದ್ದಂತೆ, ರೈಲು ನಿಲ್ದಾಣದಿಂದ ರೈಲು ಹೊರಟಿದ್ದು, ರೈಲು ಹತ್ತಲು ಚಲಿಸುತ್ತಿರುವ ರೈಲನ್ನು ಹತ್ತಲು ಪ್ರಯತ್ನಿಸುತ್ತಿರುವ ವೃದ್ಧ ಮಹಿಳೆ ಮತ್ತು ಆಕೆಯ ಮಗನನ್ನು ಮಹಿಳಾ ಆರ್‌ಪಿಎಫ್‌ ಅಧಿಕಾರಿ ಗುರುತಿಸುತ್ತಾರೆ. ಬಳಿಕ ಅಪಾಯವನ್ನು ಗ್ರಹಿಸಿ, ತಕ್ಷಣವೇ ಇವರಿಬ್ಬರನ್ನು ಸಮಯಕ್ಕೆ ಸರಿಯಾಗಿ ಅಪಾಯದಿಂದ ಪಾರು ಮಾಡಲು  ಓಡಲು ಪ್ರಾರಂಭಿಸುತ್ತಾರೆ.

ಕೆಲ ಸೆಕೆಂಡುಗಳ ನಂತರ, ಮಹಿಳೆ ಮತ್ತು ಅವಳ ಮಗ ಪ್ಲಾಟ್ ಫಾರ್ಮ್ ಮೇಲೆ ಜಾರಿ ಕೆಳಗೆ ಬೀಳುವುದನ್ನು ಕಾಣಬಹುದು. ಆದರೆ ಯಾವುದೇ ಅಪಘಾತಕ್ಕೆ ಮೊದಲು, ಆರ್‌ಪಿಎಫ್‌ ಅಧಿಕಾರಿ ಸ್ಥಳಕ್ಕೆ ತಲುಪಿ ಅವರನ್ನು ರಕ್ಷಿಸುತ್ತಾರೆ. ಇತರ ಜನರು ಸಹ ಅವರ ಕಡೆಗೆ ಧಾವಿಸುವುದನ್ನು ಕಾಣಬಹುದು. ಈ ಘಟನೆಯನ್ನು ನಿಲ್ದಾಣದಲ್ಲಿ ಅಳವಡಿಸಲಾದ ಸಿಸಿಟಿವಿಯಲ್ಲಿ ಸೆರೆಹಿಡಿಯಲಾಗಿದೆ.

ಪಶ್ಚಿಮ ಬಂಗಾಳದ ಬಂಕುರಾ ನಿಲ್ದಾಣದಲ್ಲಿ ಆರ್‌ಪಿಎಫ್‌ ಸಿಬ್ಬಂದಿ ಕೈಗೊಂಡ ಜಾಗರೂಕತೆ ಮತ್ತು ತ್ವರಿತ ಕ್ರಮವು ಚಲಿಸುತ್ತಿರುವ ರೈಲು ಹತ್ತುವಾಗ ಜಾರಿದ ವೃದ್ಧ ಮಹಿಳೆ ಮತ್ತು ಆಕೆಯ ಮಗನ ಜೀವಗಳನ್ನು ಉಳಿಸಿದೆ. ಪ್ರಯಾಣಿಕರು ಚಲಿಸುವ ರೈಲನ್ನು ಹತ್ತದಂತೆ ಅಥವಾ ಇಳಿಯದಂತೆ ವಿನಂತಿಸಲಾಗಿದೆ” ಎಂದು ರೈಲ್ವೆ ಸಚಿವಾಲಯ ತನ್ನ ಟ್ವೀಟ್ನಲ್ಲಿ ತಿಳಿಸಿದೆ.

ಈ ವೀಡಿಯೊವನ್ನು ಟ್ವಿಟರ್ನಲ್ಲಿ ಹಂಚಿಕೊಂಡಾಗಿನಿಂದ 28,000 ಕ್ಕೂ ಹೆಚ್ಚು ಬಾರಿ ವೀಕ್ಷಿಸಲಾಗಿದೆ. ಇದು ನೂರಾರು ಲೈಕ್ ಗಳು ಮತ್ತು ರೀಟ್ವೀಟ್ ಗಳನ್ನು ಹೊಂದಿದೆ. ಇಂತಹ ಘಟನೆಗಳನ್ನು ತಪ್ಪಿಸಲು ಸ್ವಯಂಚಾಲಿತ ಬಾಗಿಲುಗಳನ್ನು ಅಳವಡಿಸುವಂತೆ ಬಳಕೆದಾರರು ಭಾರತೀಯ ರೈಲ್ವೆಗೆ ಸಲಹೆಗಳನ್ನು ನೀಡಿದರೆ, ಇತರರು ಆರ್‌ಪಿಎಫ್‌ ಅಧಿಕಾರಿಯ ಶೌರ್ಯವನ್ನು ಶ್ಲಾಘಿಸಿದರು.

“ಇಡೀ ಭಾರತೀಯ ರೈಲ್ವೆಯು ಮೆಟ್ರೋದಂತಹ ಸ್ವಯಂಚಾಲಿತ ಬಾಗಿಲುಗಳನ್ನು ಅಳವಡಿಸಿಕೊಳ್ಳಬೇಕು, ಇದು ಜೀವಗಳನ್ನು ಉಳಿಸಬಹುದು. ಸಡಿಲವಾದ ಬಾಗಿಲುಗಳು ಮತ್ತು ತೆರೆದ ಕಿಟಕಿಗಳಿಲ್ಲದ ಪೂರ್ಣ ಎಸಿ ರೈಲುಗಳು ಪರಿಹಾರವಾಗಿದೆ. ಓಪನ್ ಡೋರ್ ಮತ್ತು ನಾನ್-ಎಸಿ ರೈಲುಗಳು ಹಳೆಯವು, ನಿಧಾನ ಮತ್ತು ವಿಶ್ವಾಸಾರ್ಹವಲ್ಲ” ಎಂದು ಬಳಕೆದಾರರೊಬ್ಬರು ಸಲಹೆ ನೀಡಿದರು.

“ವಾವ್! ಲೇಡಿ ಪೊಲೀಸ್‌ ಕೆಲಸಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ” ಗ್ರೇಟ್‌ ಜಾಬ್ ಆಫೀಸರ್” (Grt job officer,”)ಎಂದು ಮತ್ತೊಬ್ಬ ಟ್ವಿಟ್ಟರ್ ಬಳಕೆದಾರರು ಶ್ಲಾಘಿಸಿದ್ದಾರೆ.