ನವದೆಹಲಿ : ಉಬರ್ ಭಾರತದಲ್ಲಿ ಸವಾರರಿಗಾಗಿ ಹಲವಾರು ಹೊಸ ಸುರಕ್ಷತಾ ವೈಶಿಷ್ಟ್ಯಗಳನ್ನ ಪ್ರಾರಂಭಿಸಿದೆ. ಅದ್ರಂತೆ, ನಾಲ್ಕು ಚಕ್ರದ ಪ್ರಯಾಣಿಕರು ಹಿಂದಿನ ಆಸನಗಳಲ್ಲಿ ಸೀಟ್ ಬೆಲ್ಟ್’ಗಳನ್ನ ಕಡ್ಡಾಯವಾಗಿ ಬಳಸಬೇಕು ಎಂದಿದ್ದು, ಇದು ಕೇಂದ್ರ ಸರ್ಕಾರದ ಇತ್ತೀಚಿನ ಒತ್ತಾಯಕ್ಕೆ ಹೊಂದಿಕೆಯಾಗಿದೆ. ಇದಲ್ಲದೆ, ಉಬರ್ ತನ್ನ ಅಪ್ಲಿಕೇಶನ್ ಇನ್ಮುಂದೆ ತನ್ನ ಪ್ರಯಾಣಿಕರಿಗೆ ಅಧಿಸೂಚನೆಗಳನ್ನ ಪೂರೈಸುತ್ತದೆ ಎಂದು ಹೇಳಿದೆ. ಒಂದ್ವೇಳೆ ಚಾಲಕ ಪ್ರಯಾಣದ ಸಮಯದಲ್ಲಿ ‘ಅನಿರೀಕ್ಷಿತ ಮಾರ್ಗವನ್ನ’ ತೆಗೆದುಕೊಂಡ್ರೆ ಪ್ರಯಾಣಿಕರಿಗೆ ನೋಟಿಫಿಕೇಶ್ ಹೋಗುತ್ತೆ.
ಉಬರ್ ಇಂಡಿಯಾ ಮತ್ತು ದಕ್ಷಿಣ ಏಷ್ಯಾದ ಸುರಕ್ಷತಾ ಕಾರ್ಯಾಚರಣೆಗಳ ಮುಖ್ಯಸ್ಥ ಸೂರಜ್ ನಾಯರ್, ಇತ್ತೀಚಿನ ಕ್ರಮಗಳು “ತಂತ್ರಜ್ಞಾನ ಮತ್ತು ಮಾನವ ಹಸ್ತಕ್ಷೇಪಗಳು” ಎರಡನ್ನೂ ಒಳಗೊಂಡಿವೆ ಎಂದು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಹೊಸ ವೈಶಿಷ್ಟ್ಯಗಳು ರೈಡ್ ಚೆಕ್’ನ ಮೂರನೇ ಪುನರಾವರ್ತನೆಯನ್ನ ಒಳಗೊಂಡಿವೆ. ಉಬರ್ ಈ ಹಿಂದೆ ಚಾಲಕ ಪ್ರಯಾಣದ ನಡುವೆ ದೀರ್ಘ ಸಮಯ ನಿಲುಗಡೆಗಳನ್ನ ತೆಗೆದುಕೊಂಡರೆ, ತಮ್ಮ ಅಪ್ಲಿಕೇಶನ್ನಲ್ಲಿ ಅಧಿಸೂಚನೆಯೊಂದಿಗೆ ಸವಾರರನ್ನ ಎಚ್ಚರಿಸಿದ ವೈಶಿಷ್ಟ್ಯ ಬಿಡುಗಡೆ ಮಾಡಿತ್ತು. ಈಗ ಚಾಲಕ “ಅನಿರೀಕ್ಷಿತ ಮಾರ್ಗ” ತೆಗೆದುಕೊಂಡರೆ ಅಥವಾ ಉದ್ದೇಶಿತ ಗಮ್ಯಸ್ಥಾನಕ್ಕಿಂತ ಮುಂಚಿತವಾಗಿ ಪ್ರಯಾಣವನ್ನ ಕೊನೆಗೊಳಿಸಿದರೆ ತಮ್ಮ ಅಪ್ಲಿಕೇಶನ್ನಲ್ಲಿ ರೈಡರ್ಗೆ ಅಧಿಸೂಚನೆಗಳನ್ನ ಸಹ ಒದಗಿಸುತ್ತದೆ ಎಂದು ಹೇಳಿದೆ.
ಉಬರ್ ಘೋಷಿಸಿದ ಇತರ ಸುರಕ್ಷತಾ ವೈಶಿಷ್ಟ್ಯಗಳಲ್ಲಿ ಅಪ್ಲಿಕೇಶನ್ಗಳಲ್ಲಿ ತನ್ನ ‘ಎಸ್ಒಎಸ್’ ಬಟನ್’ನ್ನ ಹೆಚ್ಚಿನ ನಗರಗಳಲ್ಲಿನ ಪೊಲೀಸ್ ಸಂಸ್ಥೆಗಳೊಂದಿಗೆ ಸಂಯೋಜಿಸುವುದು ಸೇರಿವೆ. ಈ ವೈಶಿಷ್ಟ್ಯವು ಪ್ರಸ್ತುತ ಹೈದರಾಬಾದ್ನಲ್ಲಿ ಮಾತ್ರ ಲಭ್ಯವಿದ್ದು, ವೈಶಿಷ್ಟ್ಯವನ್ನ ವಿಸ್ತರಿಸಲು ಕಂಪನಿಯು “ಪ್ರಮುಖ ಮೆಟ್ರೋ ನಗರಗಳೊಂದಿಗೆ ಸಕ್ರಿಯ ಮಾತುಕತೆ ನಡೆಸುತ್ತಿದೆ” ಎಂದು ಹೇಳಿದೆ. ಇದರ ಅಡಿಯಲ್ಲಿ, ಬಳಕೆದಾರರು ವಾಹನ ಮತ್ತು ಚಾಲಕರ ವಿವರಗಳು ಮತ್ತು ಅವರ ಲೈವ್ ಲೊಕೇಶನ್ ಸೇರಿದಂತೆ ಪ್ರಮುಖ ಮಾಹಿತಿಯನ್ನ ಸುರಕ್ಷತಾ ತುರ್ತು ಸಂದರ್ಭದಲ್ಲಿ ಪೊಲೀಸ್ ಅಧಿಕಾರಿಗಳೊಂದಿಗೆ ಹಂಚಿಕೊಳ್ಳಲು ಸಾಧ್ಯವಾಗುತ್ತದೆ.
BIGG NEWS : ‘ಹುಲಿ’ ಸಮೀಪ ತೆರಳಿ ನಟಿಮಣಿ ಫೋಟೋ ಕ್ಲಿಕ್ ; ವಾಹನ ಚಾಲಕ, ಅಧಿಕಾರಿಗಳಿಗೆ ನೋಟಿಸ್, ತನಿಖೆ ಆರಂಭ
