ಕೆಎನ್ಎನ್‍ಡಿಜಿಟಲ್ ಡೆಸ್ಕ್ : ಯುನೈಟೆಡ್ ಕಿಂಗ್‌ಡಮ್ ಭೇಟಿಯಲ್ಲಿದ್ದ ಪ್ರಧಾನಿ ನರೇಂದ್ರ ಮೋದಿ ಅವರು ಬ್ರಿಟಿಷ್ ಪ್ರಧಾನಿ ಕೀರ್ ಸ್ಟಾರ್ಮರ್ ಅವರನ್ನ ಭೇಟಿಯಾದರು. ಭಾರತೀಯ ಚಹಾ ಮಾರಾಟಗಾರರ ಅಂಗಡಿಯಿಂದ ಇಬ್ಬರೂ ಚಹಾ ಕುಡಿಯುತ್ತಿರುವ ಆಸಕ್ತಿದಾಯಕ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಇದ್ರಿಂದ ಚಹಾ ಮಾರಾಟಗಾರನ ಅದೃಷ್ಟ ರಾತ್ರೋರಾತ್ರಿ ಬದಲಾಗಿದ್ದು, ಈಗ ಅವರು ಸ್ಟಾರ್ ಚಹಾ ಮಾರಾಟಗಾರರಾಗಿದ್ದಾರೆ. ಚಹಾ ಅಂಗಡಿಯಲ್ಲಿ ಪ್ರಧಾನಿ ಮೋದಿ ಮತ್ತು ಕೀರ್ ಸ್ಟಾರ್ಮರ್ ನಡುವೆ ‘ಚಾಯ್ ಪರ್ ಚರ್ಚಾ’ ನಡೆಯಿತು.
ಪ್ರಧಾನಿ ಮೋದಿ ಬ್ರಿಟನ್‌’ಗೆ ಹೋದಾಗ, ಬ್ರಿಟಿಷ್ ಪ್ರಧಾನಿಯ ಅಧಿಕೃತ ನಿವಾಸವಾದ ಚೆಕರ್ಸ್‌’ನಲ್ಲಿ ಒಂದು ಟೀ ಸ್ಟಾಲ್ ಸ್ಥಾಪಿಸಲಾಗಿತ್ತು. ಇಲ್ಲಿಗೆ ಆಗಮಿಸಿದ ಪ್ರಧಾನಿ ಮೋದಿ ಮತ್ತು ಕೀರ್ ಸ್ಟಾರ್ಮರ್ ಚಹಾ ಸೇವಿಸಿದರು ಮತ್ತು ಸ್ವಲ್ಪ ಹೊತ್ತು ಮಾತುಕತೆ ನಡೆಸಿದರು. ಚಹಾ ಮಾರಾಟಗಾರ ಅಖಿಲ್ ಪಟೇಲ್ ಅವರಿಬ್ಬರನ್ನೂ ತಮ್ಮ ಸ್ಟಾಲ್’ನಲ್ಲಿ ಸ್ವಾಗತಿಸಿದರು ಮತ್ತು ಈ ಸಮಯದಲ್ಲಿ ಪ್ರಧಾನಿ ಮೋದಿ ‘ಚಾಯ್ ಪರ್ ಚರ್ಚಾ’ ಎಂದು ಹೇಳಿದರು.
ಅಸ್ಸಾಂನ ಎಲೆಗಳು ಮತ್ತು ಕೇರಳದ ಮಸಾಲೆಗಳುಳ್ಳ ಭಾರತೀಯ ಚಹಾವನ್ನ ನಾವು ನಿಮಗೆ ನೀಡಲಿದ್ದೇವೆ ಎಂದು ಅಖಿಲ್ ಪಟೇಲ್ ಹೇಳಿದರು. ಇದರ ಬಗ್ಗೆ ಪ್ರಧಾನಿ ಮೋದಿ ಕೀರ್ ಸ್ಟಾರ್ಮರ್ ಅವರಿಗೆ, ಇದು ಭಾರತದ ರುಚಿ ಎಂದು ಹೇಳಿದರು. ಅಖಿಲ್ ಪಟೇಲ್ ಮೊದಲು ಕೀರ್ ಸ್ಟಾರ್ಮರ್’ಗೆ ಚಹಾ ನೀಡಿದರು. ನಂತ್ರ ಪ್ರಧಾನಿ ಮೋದಿಗೆ ಚಹಾ ನೀಡುವ ಮೊದಲು, “ಒಬ್ಬ ಚಹಾ ಮಾರಾಟಗಾರ ಇನ್ನೊಬ್ಬ ಚಹಾ ಮಾರಾಟಗಾರನಿಗೆ ಚಹಾ ನೀಡುತ್ತಿದ್ದಾನೆ” ಎಂದು ಹೇಳಿದರು. ಇದನ್ನು ಕೇಳಿ ಸ್ವತಃ ಪ್ರಧಾನಿ ಮೋದಿ ಸೇರಿ ಅಲ್ಲಿದ್ದ ಜನರು ಜೋರಾಗಿ ನಕ್ಕರು.
ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಮಿಹಿರ್ ಪಾಂಡ್ಯ ತಮ್ಮ ಇನ್‌ಸ್ಟಾಗ್ರಾಮ್‌’ನಲ್ಲಿ ಹಂಚಿಕೊಂಡಿದ್ದಾರೆ. ಈ ವಿಡಿಯೋವನ್ನ ಕೇವಲ 18 ಗಂಟೆಗಳಲ್ಲಿ 15 ಮಿಲಿಯನ್ ಜನರು ವೀಕ್ಷಿಸಿದ್ದಾರೆ. ಪ್ರಧಾನಿ ಮೋದಿ ಮತ್ತು ಕೀರ್ ಸ್ಟಾರ್ಮರ್ ಈ ಸ್ಟಾಲ್’ನಲ್ಲಿ ಚಹಾ ಕುಡಿದಾಗ, ಮಿಹಿರ್ ಪಾಂಡ್ಯ ಕೂಡ ಬೆಳಕಿಗೆ ಬಂದರು. ಅವರ ವೀಡಿಯೊಗಳು ಸಾವಿರಾರು ವೀಕ್ಷಣೆಗಳನ್ನ ಪಡೆಯುತ್ತಿದ್ದವು, ಮತ್ತೊಂದೆಡೆ, ಕೇವಲ ಈ ಒಂದು ವೀಡಿಯೊವನ್ನ 1.5 ಕೋಟಿಗೂ ಹೆಚ್ಚು ಜನರು ವೀಕ್ಷಿಸಿದ್ದಾರೆ.
https://www.instagram.com/reel/DMf5jdKs7eZ/?utm_source=ig_web_copy_link
ಅಖಿಲ್ ಪಟೇಲ್ ಯಾರು?
ಅಖಿಲ್ ಪಟೇಲ್ ಬ್ರಿಟನ್‌’ನಲ್ಲಿ ಒಬ್ಬ ಉದ್ಯಮಿ. ಅವರು ಲಂಡನ್’ನ ಹ್ಯಾಂಪ್‌ಸ್ಟೆಡ್ ಯೂನಿವರ್ಸಿಟಿ ಕಾಲೇಜು ಶಾಲೆಯಲ್ಲಿ ಅಧ್ಯಯನ ಮಾಡಿದ್ದು, ನಂತರ ಲಂಡನ್ ಸ್ಕೂಲ್ ಆಫ್ ಎಕನಾಮಿಕ್ಸ್ ಅಂಡ್ ಪೊಲಿಟಿಕಲ್ ಸೈನ್ಸ್ (LSE)ನಿಂದ ಬಿಎಸ್ಸಿ ಪದವಿ ಪಡೆದರು. ಅಖಿಲ್ ತನ್ನ ಅಧ್ಯಯನವನ್ನ ಮುಗಿಸಿ ದೇಶಕ್ಕೆ ಹಿಂದಿರುಗಿದಾಗ, 2018ರಲ್ಲಿ ಲಡಾಖ್‌’ಗೆ ಹೋದರು. ಇಲ್ಲಿ ಅವರ ಮನಸ್ಸಿನಲ್ಲಿರುವ ಒಂದು ಕಲ್ಪನೆ ಅವರನ್ನ ಲಂಡನ್’ನಲ್ಲಿ ‘ಚಾಯ್‌ವಾಲಾ’ ಆಗಿ ಮಾಡಿತು.
2019ರಲ್ಲಿ, ಅಖಿಲ್ ತನ್ನ ಅಜ್ಜಿ ತಯಾರಿಸಿದ ಚಹಾದಿಂದ ಪ್ರೇರಿತರಾಗಿ ‘ಆಮ್ಲಾ ಚಾಯ್’ ಸಿದ್ಧಪಡೆಸಿದರು. ಅವರು “ಮನೆ ಶೈಲಿಯ ಚಹಾ” ಎಂಬ ಘೋಷಣೆಯೊಂದಿಗೆ ತಮ್ಮ ಬ್ರ್ಯಾಂಡ್’ನ್ನು ಪ್ರಚಾರ ಮಾಡಿದರು ಮತ್ತು ಈಗ ಅವರು ಲಂಡನ್’ನಲ್ಲಿ 6 ಸ್ಥಳಗಳಲ್ಲಿ ಸ್ಟಾಲ್’ಗಳನ್ನು ಹೊಂದಿದ್ದಾರೆ.
‘DGMO’ಗಳ ನೇರ ಸಂಪರ್ಕದ ಬಳಿಕವೇ ‘ಮಿಲಿಟರಿ ಕ್ರಮ’ ನಿಲ್ಲಿಸಲು ಭಾರತ- ಪಾಕ್ ಒಪ್ಪಿಕೊಂಡಿವೆ : ಕೇಂದ್ರ ಸರ್ಕಾರ
BREAKING: ರೌಡಿಶೀಟರ್ ಬಿಕ್ಲು ಶಿವ ಹತ್ಯೆ ಕೇಸ್: 16 ಆರೋಪಿಗಳಿಗೆ ನ್ಯಾಯಾಂಗ ಬಂಧನ ವಿಧಿಸಿ ಕೋರ್ಟ್ ಆದೇಶ
