ಗುವಾಹಟಿ : ಮುಂದಿನ 12 ತಿಂಗಳಲ್ಲಿ ದೇಶದಲ್ಲಿ ಟೆಲಿಕಾಂ ಸಂಪರ್ಕದ ವಿಷಯದಲ್ಲಿ ಶೇಕಡಾ 100 ರಷ್ಟು ಹಳ್ಳಿಗಳ ವ್ಯಾಪ್ತಿಯನ್ನ ತಲುಪುವ ಗುರಿಯನ್ನ ಹೊಂದಲಾಗಿದೆ ಎಂದು ಕೇಂದ್ರ ಸಚಿವ ಜ್ಯೋತಿರಾದಿತ್ಯ ಎಂ ಸಿಂಧಿಯಾ ಶನಿವಾರ ಹೇಳಿದ್ದಾರೆ.
ಈ ಉದ್ದೇಶಕ್ಕಾಗಿ ಕ್ಯಾಬಿನೆಟ್ ವಿಶೇಷ ಹಣವನ್ನು ಮಂಜೂರು ಮಾಡಿದೆ ಮತ್ತು ಅವರು ಪ್ರತಿ ವಾರ ಕೆಲಸದ ಪ್ರಗತಿಯನ್ನ ಮೇಲ್ವಿಚಾರಣೆ ಮಾಡುತ್ತಿದ್ದಾರೆ ಎಂದು ಕೇಂದ್ರ ಈಶಾನ್ಯ ಪ್ರದೇಶದ ಸಂವಹನ ಮತ್ತು ಅಭಿವೃದ್ಧಿ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ ಹೇಳಿದರು.
ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಅವರು, “ಪ್ರಧಾನಿ ಶೇಕಡಾ 100 ರಷ್ಟು ಸ್ಯಾಚುರೇಶನ್’ಗೆ ಬದ್ಧರಾಗಿದ್ದಾರೆ. ಟೆಲಿಕಾಂ ಸಂಪರ್ಕದ ವಿಷಯದಲ್ಲಿ ಇನ್ನೂ ಸ್ಯಾಚುರೇಶನ್ ಅಗತ್ಯವಿರುವ ದೇಶದ ಸುಮಾರು 24,000 ಗ್ರಾಮಗಳನ್ನು ನಾವು ಗುರುತಿಸಿದ್ದೇವೆ. ಈ ಉದ್ದೇಶಕ್ಕಾಗಿ ಮಂಜೂರಾದ ಹಣದ ಜೊತೆಗೆ ಈ ಎಲ್ಲಾ ಗ್ರಾಮಗಳನ್ನು ತಲುಪಲು ವಿಶೇಷ ಯೋಜನೆಯನ್ನು ಈಗಾಗಲೇ ರೂಪಿಸಲಾಗಿದೆ ಎಂದು ಅವರು ಹೇಳಿದರು.
ಈಶಾನ್ಯ ರಾಜ್ಯಗಳ ಪ್ರದೇಶಗಳು ಈ ಹಳ್ಳಿಗಳಲ್ಲಿ ಸೇರಿವೆ ಮತ್ತು ಈ ಸ್ಥಳಗಳನ್ನ ತಲುಪಲು ಕಾರ್ಯತಂತ್ರಗಳನ್ನ ರೂಪಿಸಲಾಗುತ್ತಿದೆ ಎಂದು ಸಚಿವರು ಹೇಳಿದರು.
ಹೊಸ ಟೆಲಿಕಾಂ ಕಾಯ್ದೆಯ ನಿಬಂಧನೆಗಳು ಅಗತ್ಯ ಮೂಲಸೌಕರ್ಯಗಳನ್ನ ಸ್ಥಾಪಿಸಲು ಅನುವು ಮಾಡಿಕೊಡುತ್ತದೆ ಮತ್ತು ವಿ-ಸ್ಯಾಟ್ ಮತ್ತು ಉಪಗ್ರಹದಂತಹ ಮಿಶ್ರ ತಂತ್ರಜ್ಞಾನಗಳನ್ನ “12 ತಿಂಗಳಲ್ಲಿ ಶೇಕಡಾ ನೂರರಷ್ಟು ಸ್ಯಾಚುರೇಶನ್ ಗುರಿಯೊಂದಿಗೆ” ಬಳಸಿಕೊಳ್ಳಲಾಗುತ್ತಿದೆ ಎಂದು ಜ್ಯೋತಿರಾದಿತ್ಯ ಸಿಂಧಿಯಾ ಹೇಳಿದರು.
“ನಾನು ವಾರಕ್ಕೊಮ್ಮೆ ಕೆಲಸವನ್ನು ಮೇಲ್ವಿಚಾರಣೆ ಮಾಡುತ್ತಿದ್ದೇನೆ ಮತ್ತು ಈ 13,000-14,000 ಗ್ರಾಮಗಳನ್ನು ಸಹ ಒಳಗೊಂಡಿದೆ” ಎಂದು ಅವರು ಹೇಳಿದರು.
2024-25ರ ಕೇಂದ್ರ ಬಜೆಟ್ನಲ್ಲಿ ಈಶಾನ್ಯ ರಾಜ್ಯಗಳಿಗೆ ಹಂಚಿಕೆಗಳ ಬಗ್ಗೆಯೂ ಜ್ಯೋತಿರಾದಿತ್ಯ ಸಿಂಧಿಯಾ ಮಾತನಾಡಿದರು. ಕಳೆದ 75 ವರ್ಷಗಳಿಂದ ಈಶಾನ್ಯ ರಾಜ್ಯಗಳನ್ನ ಅನಾಥರಂತೆ ಕಾಣಲಾಗುತ್ತಿದೆ. ಆದರೆ ಪ್ರಧಾನಿ ನರೇಂದ್ರ ಮೋದಿ ಅವರು ಈ ಪ್ರದೇಶವನ್ನ ಬೆಳವಣಿಗೆಯ ಎಂಜಿನ್ ಆಗಿ ಮಾಡಲು ನಿರ್ಧರಿಸಿದ್ದಾರೆ” ಎಂದು ಅವರು ಹೇಳಿದ್ದಾರೆ.
ವಿಸ್ತಾರಾ ವಿಮಾನಗಳಲ್ಲಿ ‘ಉಚಿತ ವೈ-ಫೈ’ ಸೇವೆ ಆರಂಭ ; ಮೊದಲ ‘ಭಾರತೀಯ ವಿಮಾನಯಾನ ಸಂಸ್ಥೆ’ ಹೆಗ್ಗಳಿಕೆ
SHOCKING : ಮೈಸೂರಲ್ಲಿ ಚಾಮುಂಡೇಶ್ವರಿ ದೇವಿ ದರ್ಶನಕ್ಕೆ ಬಂದ ಯುವಕ ‘ಹೃದಯಾಘಾತದಿಂದ’ ಸಾವು!
“ಇದು ಬದಲಾವಣೆಗಳ ದಶಕ, ಭಾರತ ಅವಕಾಶಗಳ ಲಾಭ ಪಡೆಯಬೇಕು” : ಪ್ರಧಾನಿ ಮೋದಿ
