ಮುಂಬೈ: ಮಹಿಳಾ ಶಿಕ್ಷಕರಿಗೆ ಸೀರೆ ಮತ್ತು ಸಲ್ವಾರ್ ಸೂಟ್ ಮತ್ತು ಪುರುಷ ಶಿಕ್ಷಕರಿಗೆ ಶರ್ಟ್-ಪ್ಯಾಂಟ್. ಸರ್ಕಾರಿ ಮತ್ತು ಖಾಸಗಿ ಶಾಲೆಗಳ ಶಿಕ್ಷಕರಿಗೆ ರಾಜ್ಯ ಸರ್ಕಾರ ಶುಕ್ರವಾರ ಈ ಡ್ರೆಸ್ ಕೋಡ್ ಹೊರಡಿಸಿದೆ. ಶಾಲಾ ಶಿಕ್ಷಣ ಇಲಾಖೆ, ಶಿಕ್ಷಕರು ಏನು ಧರಿಸಬೇಕು ಎಂಬುದರ ಕುರಿತು ಮಾರ್ಗಸೂಚಿಗಳನ್ನು ಹೊರಡಿಸುವಾಗ, ತರಗತಿಗಳಲ್ಲಿ ತಮ್ಮ ಶಿಕ್ಷಕರು ಯಾವ ನಿರ್ದಿಷ್ಟ ಬಣ್ಣಗಳನ್ನು ಧರಿಸಬಹುದು ಎಂಬುದನ್ನು ನಿರ್ಧರಿಸಲು ಶಿಕ್ಷಣ ಸಂಸ್ಥೆಗಳಿಗೆ ಬಿಟ್ಟಿದೆ ಅಂಥ ತಿಳಿಸಿದೆ.
ಮಹಿಳಾ ಶಿಕ್ಷಕರು ಸೀರೆ, ಸಲ್ವಾರ್ ಮತ್ತು ಚೂಡಿದಾರ್ ಸೂಟ್, ಕುರ್ತಾ ಮತ್ತು ದುಪಟ್ಟಾಗಳನ್ನು ಧರಿಸಿ ಶಾಲೆಗೆ ಹೋಗಬಹುದು. ಪುರುಷ ಶಿಕ್ಷಕರು ಔಪಚಾರಿಕ ಶರ್ಟ್ ಮತ್ತು ಪ್ಯಾಂಟ್ ಧರಿಸಬೇಕು. ಶರ್ಟ್ ಗಳು ತಿಳಿ ಬಣ್ಣದ್ದಾಗಿರಬೇಕು ಪ್ಯಾಂಟ್ ಕಪ್ಪಾಗಿರಬೇಕು. ಶಾಲೆಗಳಲ್ಲಿ ಯಾವುದೇ ಗಾಢ, ಗ್ರಾಫಿಕ್ ವಿನ್ಯಾಸದ ಅಥವಾ ಪೇಂಟ್ ಮಾಡಿದ ಶರ್ಟ್ ಗಳನ್ನು ಅನುಮತಿಸಲಾಗುವುದಿಲ್ಲ. ಪುರುಷ ಶಿಕ್ಷಕರು ಬೂಟುಗಳನ್ನು ಮಾತ್ರ ಧರಿಸುತ್ತಾರೆ ಎಂದು ಖಚಿತಪಡಿಸಿಕೊಳ್ಳಬೇಕು ಮತ್ತು ಮಹಿಳಾ ಶಿಕ್ಷಕರು “ಸೂಕ್ತ ಪಾದರಕ್ಷೆಗಳನ್ನು” ಧರಿಸಬೇಕೆಂದು ನಿರೀಕ್ಷಿಸಲಾಗಿದೆ ಅಂತಹೇಳಿದೆ. ಇದಲ್ಲದೇ ವೈದ್ಯಕೀಯ ಕಾರಣಕ್ಕಾಗಿ ಶಿಕ್ಷಕರು ಶೂ ಧರಿಸುವುದನ್ನು ಬಿಡಬಹುದು ಎಂದು ರಾಜ್ಯ ಶಾಲಾ ಶಿಕ್ಷಣ ಇಲಾಖೆ ಶುಕ್ರವಾರ ಹೊರಡಿಸಿದ ಸರ್ಕಾರದ ನಿರ್ಣಯದಲ್ಲಿ ತಿಳಿಸಲಾಗಿದೆ. ಕ್ಷಕರು ತಮ್ಮ ಹುದ್ದೆಗೆ ಅನುಗುಣವಾಗಿ ಉಡುಪು ಧರಿಸಬೇಕು ಎಂದು ಸುತ್ತೋಲೆಯಲ್ಲಿ ತಿಳಿಸಲಾಗಿದೆ.
