Tag: newsnow dot com | #1 Latest News Updates Portal – 24×7

ಪರಿಸ್ಥಿತಿ ನಿಯಂತ್ರಣಕ್ಕೆ ಬರ್ಬೇಕಾದ್ರೆ, ಭಾರತವನ್ನ 6 ರಿಂದ 8 ವಾರ ಲಾಕ್ ಡೌನ್ ಮಾಡ್ಲೇಬೇಕು : ICMR ಮುಖ್ಯಸ್ಥರು

By KNN WEB TEAM Wednesday, May 12, 2021, 4:51 PM

India

ನವದೆಹಲಿ: ದೇಶದ ಪ್ರಮುಖ ಆರೋಗ್ಯ ಸಂಸ್ಥೆಯ ಮುಖ್ಯಸ್ಥ ಡಾ. ಬಲರಾಮ್ ಭಾರ್ಗವ ಅವರು, ಹೆಚ್ಚಿನ ಸಂಖ್ಯೆಯ ಸೋಂಕುಗಳನ್ನ ವರದಿ ಮಾಡುವ ಜಿಲ್ಲೆಗಳು ಇನ್ನೂ ಆರರಿಂದ ಎಂಟು ವಾರಗಳವರೆಗೆ ಬಂಧಿಯಾಗಿರಬೇಕು ಎಂದು ಹೇಳಿದ್ದಾರೆ.

ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ (ಐಸಿಎಂಆರ್) ಮುಖ್ಯಸ್ಥರಾಗಿರುವ ಡಾ. ಭಾರ್ಗವ ಅವರು ಸಂದರ್ಶನವೊಂದರಲ್ಲಿ, ಸೋಂಕಿನ ಪ್ರಮಾಣವು ಪರೀಕ್ಷಿಸಿದವರಲ್ಲಿ ಶೇ.10ಕ್ಕಿಂತ ಹೆಚ್ಚಿರುವ ಎಲ್ಲಾ ಜಿಲ್ಲೆಗಳಲ್ಲಿ ಲಾಕ್ ಡೌನ್ ನಿರ್ಬಂಧಗಳು ಜಾರಿಯಲ್ಲಿರಬೇಕು ಎಂದು ಹೇಳಿದ್ದಾರೆ.

ಪ್ರಸ್ತುತ, ಭಾರತದ 718 ಜಿಲ್ಲೆಗಳಲ್ಲಿ ಮೂರು ನಾಲ್ಕು ಜಿಲ್ಲೆಗಳಲ್ಲಿ ಟೆಸ್ಟ್ ಪಾಸಿಟಿವಿಟಿ ರೇಟ್ ಶೇಕಡಾ 10 ಕ್ಕಿಂತ ಹೆಚ್ಚಿದೆ, ಇದರಲ್ಲಿ ಪ್ರಮುಖ ನಗರಗಳಾದ ನವದೆಹಲಿ, ಮುಂಬೈ ಮತ್ತು ಬೆಂಗಳೂರು ನಗರ ಒಳಗೊಂಡಿವೆ.
‌
ಇನ್ನು ಇಡೀ ದೇಶ ಕೋವಿಡ್ ಸೋಂಕಿನ ಬಿಕ್ಕಟ್ಟಿಗೆ ಸಿಲುಕಿದ್ದು, ನಿರ್ಧಾರಗಳು ಕಾರ್ಯ ರೂಪಕ್ಕೆ ಬರುವಲ್ಲಿ ವಿಳಂಬವಾಗುತ್ತಿದೆ. ಎಲ್ಲಾ ವಿಚಾರಗಳಲ್ಲಿ ಶಿಫಾರಸ್ಸು ಮಾಡಲು ಸರ್ಕಾರ ವಿಳಂಬ ಮಾಡುತ್ತಿದ್ದು, ಇಂತಹ ಸಂದರ್ಭದಲ್ಲಿ ಹೀಗೆ ಆಗಬಾರದು ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ಇನ್ನು ಕೋವಿಡ್ 19 ಕುರಿತ ರಾಷ್ಟ್ರೀಯ ಕಾರ್ಯಪಡೆಯ ಏಪ್ರಿಲ್ 15 ರ ಸಭೆಯು ಶೇಕಡಾ 10 ರಷ್ಟು ಪಾಸಿಟಿವಿಟಿ ರೇಟ್ ಹೆಚ್ಚಿನದನ್ನ ಹೊಂದಿರುವ ಪ್ರದೇಶಗಳನ್ನ ಲಾಕ್ ಮಾಡಲು ಸರ್ಕಾರಕ್ಕೆ ಶಿಫಾರಸು ಮಾಡಿದೆ ಎಂದು ಅವರು ಹೇಳಿದರು.

‘ಆಕ್ಸಿಮೀಟರ್’ ಬಳಸೋದು ಹೇಗೆ.? ಇಲ್ಲಿದೆ ‘ತಜ್ಞ ವೈದ್ಯರಾದಂತ ಡಾ.ಸಿಎನ್ ಮಂಜುನಾಥ್’ ನೀಡಿರುವ ಮಾಹಿತಿ.!

By KNN WEB TEAM Wednesday, May 12, 2021, 4:25 pm

ಬೆಂಗಳೂರು : ರಾಜ್ಯಾಧ್ಯಂತ ಕೊರೋನಾ 2ನೇ ಅಲೆಯಲ್ಲಿ ವೈರಾಣು ಭೀಕರವಾಗಿ ಹರಡುತ್ತಿದೆ. ಸೋಂಕಿತರಾದಂತ ಅನೇಕರು ಹೋಂ ಐಸೋಲೇಷನ್ ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇಂತಹವರಿಗೆ ವೈದ್ಯಕೀಯ ಸೌಲಭ್ಯದ ಬಗ್ಗೆ ಮಾಹಿತಿ ಲಭ್ಯವಾಗಬೇಕಿದೆ. ಅದರಲ್ಲೂ ಆಕ್ಸಿಮೀಟರ್ ಬಳಕೆ ಮಾಡೋದರ ಬಗ್ಗೆ ಮಾತ್ರ ಮಾಹಿತಿ ಬಹುಮುಖ್ಯವಾಗಿದೆ. ಈ ಬಗ್ಗೆ ಜಯದೇವ ಹೃದ್ರೋಗ ಆಸ್ಪತ್ರೆಯ ನಿರ್ದೇಶಕರಾದಂತ ತಜ್ಞ ವೈದ್ಯ ಡಾ.ಸಿಎನ್ ಮಂಜನಾಥ್ ಹೇಗೆ ಬಳಸಬಹುದು ಎನ್ನುವ ಬಗ್ಗೆ ಮಾಹಿತಿ ನೀಡಿದ್ದಾರೆ. ಆ ಬಗ್ಗೆ ಮುಂದೆ ಓದಿ.

ಕೊರೋನಾ 2ನೇ ಅಲೇ ಮೊದಲನೇ ಅಲೆಗಿಂತ ವ್ಯಾಪಕವಾಗಿ ಹರಡುತ್ತಿದೆ. ಈ ಸಂದರ್ಭದಲ್ಲಿ ಸೋಂಕಿತರಾದಂತವರು ಬಹುಮುಖ್ಯವಾಗಿ ಬಳಸಬೇಕಾಗಿರೋದು.. ಬಳಸುತ್ತಿರೋದು.. ಆಕ್ಸಿಮೀಟರ್. ಮಾರುಕಟ್ಟೆಯಲ್ಲಿ ಸಿಗುವಂತ ತರಾವರಿ ಆಕ್ಸಿಮೀಟರ್ ಗಳನ್ನು ನೀವು ಖರೀದಿಸಿದರೂ, ಅದನ್ನು ಹೇಗೆ ಬೆರಳಿಗೆ ಧರಿಸಬೇಕು ಎನ್ನುವ ಪ್ರಾಥಮಿಕ ಮಾಹಿತಿ ತಿಳಿದಿಲ್ಲದೇ ಇದ್ದರೇ.. ಅದು ವ್ಯರ್ಥವೇ ಸರಿ.

ಹಾಗಾದ್ರೇ. ಆಕ್ಸಿಮೀಟರ್ ಕೈ ಬೆರಳಿಗೆ ಹಾಕಿಕೊಳ್ಳೋದು ಹೇಗೆ.? ಯಾವಾಗ ಹಾಕಿಕೊಳ್ಳಬಾರದು.?

ಈ ಬಗ್ಗೆ ಡಾ.ಸಿಎನ್ ಮಂಜುನಾಥ್ ಮಾಹಿತಿ ಹಂಚಿಕೊಂಡಿದ್ದು, ಕೊರೋನಾ ಸೋಂಕಿತರಾದಂತವರು ಉಸಿರಾಟದ ಸಮಸ್ಯೆ ಇದ್ರೆ ಮಾತ್ರ ಸಿಟಿ ಸ್ಕ್ಯಾನ್ ಮಾಡಿಸಿಕೊಳ್ಳಿ. ಕೊರೋನಾ ಸೋಂಕಿತರಾದವರು ಆದಷ್ಟು ಸ್ಟಿರಾಯ್ಡ್ ಮಾತ್ರೆ ಬಳಸಬೇಡಿ ಎಂಬುದಾಗಿ ಸಲಹೆ ನೀಡಿದ್ದಾರೆ.

ಇನ್ನೂ ಆಕ್ಸಿಮೀಟರ್ ಕೈ ಬೆರಳಿಗೆ ಹಾಕುವಂತ ಸಂದರ್ಭದಲ್ಲಿ ಕೈ ಬೆರಳು ಒದ್ದೆಯಾಗಿರಬಾರದು. ಬ್ಯಾಟರಿ ಲೋ ಆಗಿದ್ದಂತ ಸಂದರ್ಭದಲ್ಲಿ ಬಳಸಬೇಡಿ. ಕೈ ನಡುಗುವಾಗ ಧರಿಸಬೇಡಿ. ಆಗ ಸಪೋರ್ಟ್ ತಗೊಂಡು ಬಳಸಿ. ಒಂದು ವೇಳೆ ಇಂತಹ ಸಂದರ್ಭದಲ್ಲಿಯೂ ನೀವು ಬಳಸಿದ್ದೇ ಆದ್ರೇ. ಆಕ್ಸಿಮೀಟರ್ ನಲ್ಲಿ ನಿಮ್ಮ ಪಲ್ಸ್ ಲೆವೆಲ್ ಕಡಿಮೆ ತೋರಿಸಬಹುದು ಎಂಬುಧಾಗಿ ತಿಳಿಸಿದ್ದಾರೆ.

ಸೋ ಕೊರೋನಾ ಸೋಂಕಿತರಾಗಿ ಆಕ್ಸಿಮೀಟರ್ ಬಳಸ್ತಾ ಇದ್ದರೇ.. ನೀವು ಈ ಯಾವುದೇ ತಪ್ಪುಗಳನ್ನು ಮಾಡದೇ, ಸೂಕ್ತವಾಗಿ ಆಕ್ಸಿಮೀಟರ್ ಕೈ ಬೆರಳಿಗೆ ಧರಿಸೋ ಮೂಲಕ, ನಿಮ್ಮ ಉಸಿರಾಟದ ಸ್ಯಾಚುರೇಷನ್ ಲೆವೆಲ್ ಚೆಕ್ ಮಾಡಿಕೊಳ್ಳಿ.

India

ಕೊರೊನಾ ʼಲಸಿಕೆ ಪ್ರಮಾಣಪತ್ರʼವನ್ನ ಡೌನ್ ಲೋಡ್ ಮಾಡೋದ್ಹೇಗೆ ಗೊತ್ತಾ? ಈ ಕ್ರಮಗಳನ್ನ ಅನುಸರಿಸಿ

By KNN WEB TEAM Wednesday, May 12, 2021, 4:24 pm

ಡಿಜಿಟಲ್‌ ಡೆಸ್ಕ್:‌ ದೇಶದಲ್ಲಿ 3ನೇ ಹಂತದ ಕೊರೊನಾ ಲಸಿಕೆ ಆಭಿಯಾನ ನಡೆಯುತ್ತಿದ್ದು, ಮೊದಲ ಆಭಿಯಾನ ಶುರುವಾಗಿದೆ 116ನೇ ದಿನಗಳಾಗಿವೆ. ಇದ್ರಲ್ಲಿ 17.52 ಕೋಟಿಗೂ ಹೆಚ್ಚು ಜನರಿಗೆ ಔಷಧ ನೀಡಲಾಗಿದೆ. ವೈರಸ್ ವಿರುದ್ಧ ರಕ್ಷಿಸಿಕೊಳ್ಳಲು, ಲಸಿಕೆಯ ಡೋಸ್ʼಗಳನ್ನು ಪಡೆಯಲು ಈ ವರ್ಷದ ಜನವರಿಯಿಂದ ಲಕ್ಷಾಂತರ ಜನರು ಸರ್ಕಾರಿ ಮತ್ತು ಖಾಸಗಿ ಆಸ್ಪತ್ರೆಗಳ ಹೊರಗೆ ಸಾಲುಗಟ್ಟಿ ನಿಂತಿದ್ದಾರೆ.

ಈ ಪ್ರಕ್ರಿಯೆಯು ವ್ಯಕ್ತಿಗಳು ಕೇಂದ್ರದ ಕೋ-ವಿನ್ ಅಪ್ಲಿಕೇಶನ್ ಮೂಲಕ ಕೋವಿಡ್-19 ಲಸಿಕೆ ಡೋಸ್‌ ಪಡೆಯಲು ನೋಂದಾಯಿಸಿಕೊಳ್ಳಬೇಕು. ಆನ್ ಲೈನ್ ಪೋರ್ಟಲ್ ಅಪೇಕ್ಷಿತ ಪಿನ್ ಕೋಡ್ ಅಡಿಯಲ್ಲಿ ಮತ್ತು ಜಿಲ್ಲೆಗಳ ಅಡಿಯಲ್ಲಿ ಸರ್ಕಾರಿ ಮತ್ತು ಖಾಸಗಿ ಆಸ್ಪತ್ರೆ ಸೌಲಭ್ಯಗಳನ್ನ ತೋರಿಸುತ್ತದೆ.

ಒಮ್ಮೆ ಒಬ್ಬ ವ್ಯಕ್ತಿಯು ತನ್ನ ಮೊದಲ ಡೋಸ್ ಅನ್ನು ಪಡೆದ ನಂತ್ರ, ಸರ್ಕಾರವು ಲಸಿಕೆ ಪ್ರಮಾಣಪತ್ರವನ್ನು ನೀಡುತ್ತದೆ. ಇದು ಹೆಸರು, ವಯಸ್ಸು, ಲಿಂಗ – ಮತ್ತು ಲಸಿಕೆ ಹೆಸರು ಮತ್ತು ಮೊದಲ ಡೋಸ್ ಪಡೆದ ದಿನಾಂಕದಂತಹ ಲಸಿಕೆಯ ಎಲ್ಲಾ ವಿವರಗಳನ್ನ ಸಹ ಹೊಂದಿದೆ.

ಕೋವಿಡ್-19 ಲಸಿಕೆಯ ಡೋಸ್ʼಗಳನ್ನು ತೆಗೆದುಕೊಂಡ ಜನರು ತಮ್ಮ ಪ್ರಮಾಣಪತ್ರವನ್ನು ಕೋ-ವಿನ್ ಪೋರ್ಟಲ್ʼನಿಂದ ಮತ್ತು ಆರೋಗ್ಯ ಸೇತು ಆ್ಯಪ್ ನಿಂದ ಡೌನ್ ಲೋಡ್ ಮಾಡಬಹುದು.

ಕೋವಿನ್ʼನಿಂದ ಕೋವಿಡ್ ಲಸಿಕೆ ಪ್ರಮಾಣಪತ್ರವನ್ನು ಡೌನ್ ಲೋಡ್ ಮಾಡುವುದು ಹೇಗೆ?
* https://www.cowin.gov.in/home ನಲ್ಲಿ ಕೋವಿನ್ʼನ ಅಧಿಕೃತ ವೆಬ್ ಸೈಟ್ʼಗೆ ಭೇಟಿ ನೀಡಿ.
* ಸೈನ್ ಇನ್/ರಿಜಿಸ್ಟರ್ ಬಟನ್ ಮೇಲೆ ಕ್ಲಿಕ್ ಮಾಡಿ.
* ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯನ್ನು ಬಳಸಿಕೊಂಡು ಸೈನ್ ಇನ್ ಮಾಡಿ.
* ಪಾಸ್ ವರ್ಡ್ (ಒಟಿಪಿ) ನಮೂದಿಸುವ ಮೂಲಕ ಮುಂದುವರಿಯಿರಿ.
* ಲಾಗಿನ್ ಮಾಡಿದ ನಂತರ, ನಿಮ್ಮ ಹೆಸರಿನಲ್ಲಿ ಪ್ರಮಾಣಪತ್ರ ಟ್ಯಾಬ್ ಇರುತ್ತದೆ.
* ನಿಮ್ಮ ಲಸಿಕೆ ಪ್ರಮಾಣಪತ್ರದ ಸಾಫ್ಟ್ ಪ್ರತಿಯನ್ನ ಪಡೆಯಲು ಡೌನ್ ಲೋಡ್ ಬಟನ್ ಮೇಲೆ ಕ್ಲಿಕ್ ಮಾಡಿ.

ಆರೋಗ್ಯ ಸೇತುವಿನಿಂದ ಕೋವಿಡ್ ಲಸಿಕೆ ಪ್ರಮಾಣಪತ್ರವನ್ನು ಡೌನ್ ಲೋಡ್ ಮಾಡುವುದು ಹೇಗೆ?
* ನಿಮ್ಮ ಫೋನ್ʼನಲ್ಲಿ ಆರೋಗ್ಯ ಸೇತು ಆ್ಯಪ್ ತೆರೆಯಿರಿ.
* ನಿಮ್ಮ ಮೊಬೈಲ್ ಸಂಖ್ಯೆಯನ್ನ ಬಳಸಿಕೊಂಡು ಸೈನ್ ಇನ್ ಮಾಡಿ.
* ಮೇಲ್ಭಾಗದಲ್ಲಿರುವ ಕೋವಿನ್ ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ.
* ವ್ಯಾಕ್ಸಿನೇಷನ್ ಸರ್ಟಿಫಿಕೇಟ್ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿದ ನಂತ್ರ ನಿಮ್ಮ 13 ಅಂಕಿಗಳ ಫಲಾನುಭವಿ ಉಲ್ಲೇಖ ಐಡಿಯನ್ನು ನಮೂದಿಸಿ.
* ನಿಮ್ಮ ಲಸಿಕೆ ಪ್ರಮಾಣಪತ್ರವನ್ನು ಪಡೆಯಲು ಡೌನ್ ಲೋಡ್ ಬಟನ್ ಮೇಲೆ ಕ್ಲಿಕ್ ಮಾಡಿ

KARNATAKA State

BIGG BREAKING NEWS : ಜುಲೈ7ರಿಂದ ಆರಂಭವಾಗಬೇಕಿದ್ದ ‘CET-2021 ಪರೀಕ್ಷೆ’ ಮುಂದೂಡಿಕೆ

By KNN WEB TEAM Wednesday, May 12, 2021, 4:01 pm

ಬೆಂಗಳೂರು : ಜುಲೈ 7ರಿಂದ ಆರಂಭವಾಗಬೇಕಿದ್ದಂತ ಸಿಇಟಿ ಪರೀಕ್ಷೆಯನ್ನು ಕೊರೋನಾ ಸೋಂಕಿನ ಕಾರಣದಿಂದಾಗಿ ಮುಂದೂಡಿಕೆ ಮಾಡಲಾಗಿದೆ.

ಈ ಕುರಿತಂತೆ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ಪತ್ರಿಕಾ ಪ್ರಕಟಣೆ ಹೊರಡಿಸಿದ್ದು, 2021ನೇ ಸಾಲಿನ ವಾರ್ಷಿಕ ದ್ವಿತೀಯ ದ್ವಿತೀಯ ಪಿಯು ಪರೀಕ್ಷೆಗಳನ್ನು ಮುಂದೂಡಲ್ಪಟ್ಟಿದ್ದರಿಂದ ಹಾಗೂ ರಾಜ್ಯದಲ್ಲಿ ಕೋವಿಡ್-19 ಪ್ರಕರಣಗಳು ಹೆಚ್ಚಾಗುತ್ತಿರುವುದನ್ನು ಪರಿಗಣಿಸಿ, ದಿನಾಂಕ 01-07-2021 ಮತ್ತು 08-07-2021ರಂದು ನಡೆಸಲು ನಿಗದಿಪಡಿಸಿದ್ದ 2021ನೇ ಸಾಲಿನ ಸಾಮಾನ್ಯ ಪ್ರವೇಶ ಪರೀಕ್ಷೆಯನ್ನು ಮತ್ತು 09-07-2021ರಂದು ನಡೆಸಬೇಕಾಗಿದ್ದ ಕನ್ನಡ ಭಾಷಾ ಪರೀಕ್ಷೆಯನ್ನು ಮುಂದೂಡಲಾಗಿದೆ.

ಪ್ರಸ್ತುತ ಸಿಇಟಿ 2021 ಅನ್ನು ದಿನಾಂಕ 28-08-2021 ಮತ್ತು 29-08-2021ರಂದು ಮತ್ತು ಕನ್ನಡ ಭಾಷಾ ಪರೀಕ್ಷೆಯನ್ನು ದಿನಾಂಕ 30-08-2021ರಂದು ನಡೆಸಲಾಗುವುದು. ಸದ್ಯದಲ್ಲಿಯೇ ಆನ್ ಲೈನ್ ಮೂಲಕ ಅರ್ಜಿಗಳನ್ನು ಆಹ್ವಾನಿಸಲಾಗುವುದು ಎಂದು ತಿಳಿಸಿದೆ.

ವರದಿ : ವಸಂತ ಬಿ ಈಶ್ವರಗೆರೆ

State

Breaking News : ಜುಲೈ 7 ರಿಂದ ಆರಂಭವಾಗಬೇಕಿದ್ದ ʼಸಿಇಟಿ ಪರೀಕ್ಷೆʼ ಮುಂದೂಡಿಕೆ..!

By KNN WEB TEAM Wednesday, May 12, 2021, 4:00 pm

ಡಿಜಿಟಲ್‌ ಡೆಸ್ಕ್:‌ ರಾಜ್ಯದಲ್ಲಿ ಕೊರೊನಾ ಸೋಂಕು ಉಲ್ಭಣವಾಗ್ತಿರುವ ಹಿನ್ನೆಲೆಯಲ್ಲಿ ಜುಲೈ 7 ರಿಂದ ಆರಂಭವಾಗಬೇಕಿದ್ದ ಸಿಇಟಿ ಪರೀಕ್ಷೆಯನ್ನ ಮುಂದೂಡಿಕೆ ಮಾಡಲಾಗಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

ರಾಜ್ಯದಲ್ಲಿ ಕೊರೊನಾ ಸೋಂಕಿನ ಪ್ರಕರಣಗಳು ತೀವ್ರ ಮಟ್ಟದಲ್ಲಿ ಏರಿಕೆಯಾಗ್ತಿರುವ ಹಿನ್ನೆಲೆಯಲ್ಲಿ ಜುಲೈ 7, 8 ಮತ್ತು 9ರಂದು ನಿಗದಿಯಾಗಿದ್ದ ಸಿಇಟಿ ಪರೀಕ್ಷೆಯನ್ನ ಮುಂದೂಡಿಕೆ ಮಾಡಲಾಗಿದೆ. ಇನ್ನು ಈ ಪರೀಕ್ಷೆಗೆ ಹೊಸ ದಿನಾಂಕಗಳನ್ನ ಕೂಡ ನಿಗದಿ ಮಾಡಲಾಗಿದ್ದು, ಆಗಸ್ಟ್‌ 28, 29 ಮತ್ತು 30ರಂದು ಪರೀಕ್ಷೆ ನಡೆಸಲಾಗುತ್ತೆ ಎನ್ನುವ ಮಾಹಿತಿ ತಿಳಿಸಿದೆ.

KARNATAKA State

BIG BREAKING NEWS : KEAಯಿಂದ ಜುಲೈ7ರಿಂದ ಆರಂಭವಾಗಬೇಕಿದ್ದ ‘ಸಿಇಟಿ ಪರೀಕ್ಷೆ’ ಮುಂದೂಡಿಕೆ

By KNN WEB TEAM Wednesday, May 12, 2021, 3:54 pm

ಬೆಂಗಳೂರು : ಜುಲೈ 7ರಿಂದ ಆರಂಭವಾಗಬೇಕಿದ್ದಂತ ಸಿಇಟಿ ಪರೀಕ್ಷೆಯನ್ನು ಕೊರೋನಾ ಸೋಂಕಿನ ಕಾರಣದಿಂದಾಗಿ ಮುಂದೂಡಿಕೆ ಮಾಡಲಾಗಿದೆ.

ಈ ಕುರಿತಂತೆ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ಮಾಹಿತಿ ನೀಡಿದ್ದು, ಜುಲೈ 7, 8, 9ರಂದು ನಿಗಧಿಯಾಗಿದ್ದಂತ ಸಿಇಟಿ ಪರೀಕ್ಷೆಯನ್ನು ಕೊರೋನಾ ಸೋಂಕಿನ ಕಾರಣದಿಂದಾಗಿ ಮುಂದೂಡಿಕೆ ಮಾಡಲಾಗಿದೆ. ಇಂತಹ ಪರೀಕ್ಷೆಯನ್ನು ಆಗಸ್ಟ್ 28, 29, 30ರಂದು ನಿಗಧಿ ಮಾಡಲಾಗಿದೆ.

India

Breaking News : ಭಾರತದ ಮಾಜಿ ಕ್ರಿಕೆಟಿಗ ʼ ಆರ್‌.ಪಿ ಸಿಂಗ್ ತಂದೆ ಶಿವಪ್ರಸಾದ್ ಸಿಂಗ್ʼ ಕೊರೊನಾಗೆ ಬಲಿ

By KNN WEB TEAM Wednesday, May 12, 2021, 3:44 pm

ಡಿಜಿಟಲ್‌ ಡೆಸ್ಕ್:‌ ಭಾರತದ ಮಾಜಿ ವೇಗದ ಬೌಲರ್ ಆರ್ ಪಿ ಸಿಂಗ್ ಅವ್ರ ತಂದೆ ಶಿವಪ್ರಸಾದ್ ಸಿಂಗ್ ಅವರು ಕೊರೊನಾ ಸೋಂಕಿನಿಂದ ಬುಧವಾರ ನಿಧನರಾದರು.

ಟ್ವಿಟರ್ʼನಲ್ಲಿ ದುಃಖ ಹಂಚಿಕೊಂಡ ಮಾಜಿ ಕ್ರಿಕೆಟಿಗ, “ನನ್ನ ತಂದೆ ಶ್ರೀ ಶಿವಪ್ರಸಾದ್ ಸಿಂಗ್ ಅವರ ನಿಧನದಿಂದಾಗಿ ನಾವು ತೀವ್ರ ದುಃಖದಲ್ಲಿದ್ದೇವೆ ಎಂದು ತಿಳಿಸುತ್ತೇವೆ. ಕೋವಿಡ್ʼನಿಂದ ಬಳಲುತ್ತಿದ್ದ ಅವರು ಮೇ 12ರಂದು ತಮ್ಮ ಸ್ವರ್ಗೀಯ ವಾಸಕ್ಕೆ ತೆರಳಿದರು. ನಿಮ್ಮ ಆಲೋಚನೆಗಳು ಮತ್ತು ಪ್ರಾರ್ಥನೆಗಳಲ್ಲಿ ನನ್ನ ಪ್ರೀತಿಯ ತಂದೆಯನ್ನು ಉಳಿಸಿಕೊಳ್ಳಲು ನಾವು ನಿಮ್ಮನ್ನ ವಿನಂತಿಸುತ್ತೇವೆ. ರಿಪ್ ಪಾಪಾ” ಎಂದು ಆರ್ ಪಿ ಸಿಂಗ್ ಸಾಮಾಜಿಕ ಮಾಧ್ಯಮದಲ್ಲಿ ಬರೆದಿದ್ದಾರೆ.

It is with deepest grief and sadness we inform the passing away of my father, Mr Shiv Prasad Singh. He left for his heavenly abode on 12th May after suffering from Covid. We request you to keep my beloved father in your thoughts and prayers. RIP Papa. ॐ नमः शिवाय 🙏🙏

— R P Singh रुद्र प्रताप सिंह (@rpsingh) May 12, 2021

ಆರ್ ಪಿ ಸಿಂಗ್ ಅವರು ಎಂ.ಎಸ್.ಧೋನಿ ನೇತೃತ್ವದ ವಿಜಯಶಾಲಿ 2007ರ ಟಿ20 ವಿಶ್ವಕಪ್ ತಂಡದ ಭಾಗವಾಗಿದ್ದರು. ಅವರು ಆ ಪಂದ್ಯಾವಳಿಯಲ್ಲಿ ತಂಡದ ಪ್ರಮುಖ ಸದಸ್ಯರಾಗಿದ್ದರು. ಅವರು 14 ಟೆಸ್ಟ್ ಗಳು, 54 ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳು ಮತ್ತು 10 ಟ್ವೆಂಟಿ, 20 ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ ಮತ್ತು 2018ರಲ್ಲಿ 32ನೇ ವಯಸ್ಸಿನಲ್ಲಿ ನಿವೃತ್ತರಾದರು.

ಅಂದ್ಹಾಗೆ, ಎರಡು ದಿನಗಳ ಹಿಂದೆ, ಆರ್ ಪಿ ಸಿಂಗ್ ಅವ್ರು ಮಾಜಿ ಭಾರತ ತಂಡದ ಆಟಗಾರ ಪಿಯೂಷ್ ಚಾವ್ಲಾ ಅವರ ತಂದೆಯ ನಿಧನಕ್ಕೆ ಸಂತಾಪ ಸೂಚಿಸಿದ್ದರು.

India

ʼDRDOʼದ ‘ಆಕ್ಸಿಕೇರ್’ ವ್ಯವಸ್ಥೆಯ ʼ1.5 ಲಕ್ಷ ಘಟಕಗಳ ಖರೀದಿʼಗೆ ಕೇಂದ್ರದಿಂದ ಅನುಮೋದನೆ

By KNN WEB TEAM Wednesday, May 12, 2021, 3:24 pm

ನವದೆಹಲಿ: ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್ ಡಿಒ) ಅಭಿವೃದ್ಧಿಪಡಿಸಿದ ‘ಆಕ್ಸಿಕೇರ್’ ವ್ಯವಸ್ಥೆಯ 1,50,000 ಘಟಕಗಳ ಖರೀದಿಗೆ ಕೇಂದ್ರ ಬುಧವಾರ ಅನುಮೋದನೆ ನೀಡಿದೆ. ಕೋವಿಡ್-19 ರೋಗಿಗಳಿಗೆ ಸಹಾಯ ಮಾಡಲು ಪಿಎಂ-ಕೇರ್ಸ್ ನಿಧಿಯಡಿ 322.5 ಕೋಟಿ ₹ ವೆಚ್ಚದಲ್ಲಿ ಖರೀದಿ ಮಾಡಲಾಗುವುದು ಎಂದು ಸರ್ಕಾರ ತಿಳಿಸಿದೆ.

ಅನುಮೋದನೆಯ ನಂತ್ರ, ಸರ್ಕಾರವು 1,00,000 ಕೈಪಿಡಿ ಮತ್ತು 50,000 ಸ್ವಯಂಚಾಲಿತ ‘ಆಕ್ಸಿಕೇರ್’ ವ್ಯವಸ್ಥೆಗಳನ್ನು ಮರು ಉಸಿರಾಟದ ಮಾಸ್ಕ್‌ಗಳೊಂದಿಗೆ ಸಂಗ್ರಹಿಸುತ್ತದೆ.

‘ಆಕ್ಸಿಕೇರ್’ ಎಂಬುದು ಎಸ್ ಪಿಒ2 ಆಧಾರಿತ ಆಮ್ಲಜನಕ ಪೂರೈಕೆ ವ್ಯವಸ್ಥೆಯಾಗಿದ್ದು, ಇದು ಗ್ರಹಿಸಿದ ಎಸ್ ಪಿಒ2 ಮಟ್ಟಗಳ ಆಧಾರದ ಮೇಲೆ ರೋಗಿಗಳಿಗೆ ನೀಡಲಾಗುವ ಆಮ್ಲಜನಕವನ್ನ ನಿಯಂತ್ರಿಸುತ್ತದೆ. ಇದು ವ್ಯಕ್ತಿಯು ಮಾರಣಾಂತಿಕವಾಗಬಹುದಾದ ಹೈಪೋಕ್ಸಿಯಾ ಸ್ಥಿತಿಯನ್ನ ತಪ್ಪಿಸುತ್ತೆ.

‘ಆಕ್ಸಿಕೇರ್’ ವ್ಯವಸ್ಥೆಯನ್ನ ಮೂಲತಃ ಅತ್ಯಂತ ಎತ್ತರದ ಪ್ರದೇಶಗಳಲ್ಲಿ ನೇಮಕಗೊಂಡ ಸೈನಿಕರಿಗಾಗಿ ಅಭಿವೃದ್ಧಿಪಡಿಸಲಾಯಿತು. ಆದ್ರೆ, ಸಧ್ಯ ಕೋವಿಡ್-19 ರೋಗಿಗಳಿಗೆ ಚಿಕಿತ್ಸೆ ನೀಡಲು ಪರಿಣಾಮಕಾರಿಯಾಗಿ ಬಳಸಬಹುದು.

ಡಿಆರ್ ಡಿಒ ವ್ಯವಸ್ಥೆಯ ಎರಡು ರೂಪಾಂತರಗಳಿವೆ. ಮೂಲ ಆವೃತ್ತಿಯು 10 ಲೀಟರ್ ಆಕ್ಸಿಜನ್ ಸಿಲಿಂಡರ್, ಒತ್ತಡ ನಿಯಂತ್ರಕ-ಕಮ್-ಫ್ಲೋ ನಿಯಂತ್ರಕ, ಹ್ಯೂಮಿಡಿಫೈಯರ್ ಮತ್ತು ಮೂಗಿನ ಕ್ಯಾನುಲಾವನ್ನ ಒಳಗೊಂಡಿದೆ. ಈ ಮಾದರಿಯಲ್ಲಿ, ಆಮ್ಲಜನಕದ ಹರಿವನ್ನ ಎಸ್ ಪಿಒ2 ರೀಡಿಂಗ್ʼಗಳ ಆಧಾರದ ಮೇಲೆ ಹಸ್ತಚಾಲಿತವಾಗಿ ನಿಯಂತ್ರಿಸಲಾಗುತ್ತದೆ. ಎರಡನೆಯದು ಎಲೆಕ್ಟ್ರಾನಿಕ್ ನಿಯಂತ್ರಣಗಳನ್ನ ಹೊಂದಿದ್ದು, ಕಡಿಮೆ ಒತ್ತಡದ ನಿಯಂತ್ರಕ ಮತ್ತು ಎಸ್ ಪಿಒ2 ಪ್ರೋಬ್ ಮೂಲಕ ಆಮ್ಲಜನಕದ ಹರಿವನ್ನ ಸ್ವಯಂಚಾಲಿತವಾಗಿ ನಿಯಂತ್ರಿಸುತ್ತದೆ.

ಡಿಆರ್ ಡಿಒ ತಂತ್ರಜ್ಞಾನವನ್ನ ಭಾರತದ ಅನೇಕ ಕೈಗಾರಿಕೆಗಳಿಗೆ ವರ್ಗಾಯಿಸಿದೆ. ಅದು ‘ಆಕ್ಸಿಕೇರ್ ವ್ಯವಸ್ಥೆಗಳನ್ನು ಉತ್ಪಾದಿಸಲಿದೆ.

ಇದಲ್ಲದೆ, ಡಿಆರ್ ಡಿಒ ಒಡಿಶಾದಲ್ಲಿ ಏಳು ವೈದ್ಯಕೀಯ ಆಮ್ಲಜನಕ ಘಟಕಗಳನ್ನ ಸ್ಥಾಪಿಸಲು ನಿರ್ಧರಿಸಿದೆ. ಅದ್ರಂತೆ, ಬೌಧ್, ಕಟಕ್, ಭದ್ರಕ್, ಗಜಪತಿ, ಝಾರ್ಸುಗುಡ, ನಯಾಘರ್ ಮತ್ತು ಕೋರಾಪುಟ್ ಜಿಲ್ಲೆಗಳಲ್ಲಿ ಈ ಘಟಕಗಳು ಬರಲಿವೆ ಎಂದು ಒಡಿಶಾದ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (ಎನ್ ಎಚ್ ಎಐ) ಸಿಜಿಎಂ ರಾಮ್ ಪ್ರಸಾದ್ ಪಾಂಡಾ ತಿಳಿಸಿದ್ದಾರೆ. ಘಟಕಗಳ ನಾಗರಿಕ ಮತ್ತು ವಿದ್ಯುತ್ ಕೆಲಸಗಳನ್ನು ಎನ್ ಎಚ್ ಎಐ ಮಾಡುತ್ತದೆ ಮತ್ತು ಡಿಆರ್ ಡಿಒ ತಾಂತ್ರಿಕ ಅಂಶವನ್ನು ನೋಡಿಕೊಳ್ಳುತ್ತದೆ ಎಂದು ಅವರು ಹೇಳಿದರು.

India

International Nurses Day: ದಾದಿಯರ ಕರ್ತವ್ಯ ಪ್ರಜ್ಞೆ, ಸಹಾನುಭೂತಿ, ಬದ್ಧತೆಗೆ ಸಲಾಂ ಎಂದ ಪ್ರಧಾನಿ ಮೋದಿ

By KNN WEB TEAM Wednesday, May 12, 2021, 3:12 pm

ನವದೆಹಲಿ: ಇಂದು ಅಂತರರಾಷ್ಟ್ರೀಯ ದಾದಿಯರ ದಿನದ ಅಂಗವಾಗಿ ಬುಧವಾರ ಪ್ರಧಾನಿ ನರೇಂದ್ರ ಮೋದಿಯವ್ರು ಶುಭಕೋರಿದ್ದು, ದಾದಿಯರ ಕರ್ತವ್ಯ ಪ್ರಜ್ಞೆ, ಸಹಾನುಭೂತಿ, ಬದ್ಧತೆಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.

ಈ ಬಗ್ಗೆ ಟ್ವೀಟ್‌ ಮಾಡಿರುವ ಪ್ರಧಾನಿ ಮೋದಿ, “ಆರೋಗ್ಯವಂತ ಭಾರತದ ಬಗ್ಗೆ ದಾದಿಯರ ಕರ್ತವ್ಯ ಪ್ರಜ್ಞೆ, ಸಹಾನುಭೂತಿ ಮತ್ತು ಬದ್ಧತೆ ಅಸಾಧಾರಣವಾಗಿದೆ. ಈ ಬಿಕ್ಕಟ್ಟಿನ ಸಂದರ್ಭದಲ್ಲಿ ದಾದಿಯರು ಮುಂಚೂಣಿಯಲ್ಲಿದ್ದರು. ಈ ಅಂತರರಾಷ್ಟ್ರೀಯ ದಾದಿಯರ ದಿನದಂದು ಅವರಿಗೆ ಕೃತಜ್ಞತೆಯನ್ನ ಸಲ್ಲಿಸೋಣ” ಎಂದಿದ್ದಾರೆ.

International Nurses Day is a day to express gratitude to the hardworking nursing staff, who is at the forefront of fighting COVID-19. Their sense of duty, compassion and commitment towards a healthy India is exemplary.

— Narendra Modi (@narendramodi) May 12, 2021

Bangalore CORONAVIRUS KARNATAKA State

ಹಸಿದವರಿಗೆ ಮಿಡಿದ ‘ಪೋಲೀಸ್ ಜೀವ’ಗಳು : ‘ಲಾಕ್ ಡೌನ್’ ವೇಳೆ ಊಟ ಹಂಚಿದ ‘ಜ್ಞಾನಭಾರತಿ ಠಾಣೆ’ಯ ಸಿಬ್ಬಂದಿಗಳು.!

By KNN WEB TEAM Wednesday, May 12, 2021, 3:04 pm

ಬೆಂಗಳೂರು : ಲಾಕ್ ಡೌನ್ ಸಂದರ್ಭದಲ್ಲಿ ಪೊಲೀಸರು ಅನಗತ್ಯವಾಗಿ ಸಂಚರಿಸುವವರಿಗೆ ಲಾಠಿ ರುಚಿ ತೋರಿಸೋ ಮೂಲಕ, ಬ್ರೇಕ್ ಹಾಕಿದ್ದೂ ನೋಡಿದ್ದೀರಿ. ಆದ್ರೇ ಲಾಕ್ ಡೌನ್ ಸಂದರ್ಭದಲ್ಲಿ ಬಸ್ ನಿಲ್ದಾಣ, ಜೋಪಡಿಗಳಲ್ಲಿ ಆಶ್ರಯಿಸಿರುವಂತ ಅನೇಕ ಬಡ ಜನರು ಕೆಲಸವೂ ಇಲ್ಲದೇ ಊಟವೂ ಇಲ್ಲದೇ ಹಸಿವಿನಿಂದ ನರಳುತ್ತಿದ್ದವರಿಗೆ ಪೊಲೀಸ್ ಜೀವಗಳು ಮಿಡಿದಿವೆ. ಇಂತಹವರಿಗೆ ಊಟ ಹಂಚುವ ಮೂಲಕ, ಮಾನವೀಯತೆಯನ್ನು ಬೆಂಗಳೂರಿನ ಜ್ಞಾನಭಾರತಿ ಪೊಲೀಸ್ ಠಾಣೆಯ ಸಿಬ್ಬಂದಿಗಳು ಮೆರೆದಿದ್ದಾರೆ.

ಕಾನೂನು ಪಾಲಕರಿಗೂ ಹೃದಯವಿದೆ. ಮಿಡಿವ ಮನವಿದೆ. ಅವರಿಗೂ ಜನ ಸೇವೆ ಮಾಡೋ ಮನಸ್ಸಿದೆ ಎಂಬುದನ್ನು ಬೆಂಗಳೂರಿನ ಜ್ಞಾನಭಾರತಿ ಠಾಣೆಯ ಪೊಲೀಸ್ ಪಿಐ ಲಕ್ಷ್ಮಣ್ ನಾಯಕ್ ಹಾಗೂ ಸಿಬ್ಬಂದಿಗಳು ತೋರಿಸಿಕೊಟ್ಟಿದ್ದಾರೆ.

ತಮ್ಮ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿನ ಬಡವರಿಗೆ, ಕೂಲಿ ಕಾರ್ಮಿಕರಿಗೆ, ಜೋಪಡಿಗಳಲ್ಲಿ ವಾಸವಿದ್ದಂತ ನೂರಕ್ಕೂ ಹೆಚ್ಚು ಕುಟುಂಬಗಳಿಗೆ.. ದಾನಿಗಳು ಹಾಗೂ ಸಿಬ್ಬಂದಿಗಳೊಂದಿಗೆ ಊಟ, ನೀರು ನೀಡಿ, ಮಾನವೀಯತೆ ಮೆರೆದಿದ್ದಾರೆ.

ಈ ಕುರಿತಂತೆ ಟ್ವಿಟ್ ನಲ್ಲಿ ಮಾಹಿತಿ ಹಂಚಿಕೊಂಡಿರುವಂತ ಬೆಂಗಳೂರು ವೆಸ್ಟ್ ಡಿಸಿಪಿ ಡಾ.ಸಂಜೀವ್ ಎಂ ಪಾಟೀಲ್ ಅವರು, ಜ್ಞಾನಭಾರತಿ ಠಾಣೆ ಪಿಐ ಲಕ್ಷ್ಮಣ ನಾಯಕ್ ಮತ್ತು ತಂಡದಿಂದ ಮಲ್ಲತ್ತಹಳ್ಳಿಯ ಕಾರ್ಮಿಕ ಕುಟುಂಬದವರಿಗೆ ಊಟದ ವ್ಯವಸ್ಥೆ ಮಾಡಲಾಯಿತು ಎಂದು ತಮ್ಮ ಸಿಬ್ಬಂದಿಗಳ ಕಾರ್ಯಕ್ಕೆ ಶ್ಲಾಘನೆ ವ್ಯಕ್ತ ಪಡಿಸಿದ್ದಾರೆ.

ವರದಿ : ವಸಂತ ಬಿ ಈಶ್ವರಗೆರೆ

ಜ್ಞಾನಭಾರತಿ ಠಾಣೆ ಪಿಐ ಲಕ್ಷ್ಮಣ ನಾಯಕ್ ಮತ್ತು ತಂಡದಿಂದ ಮಲ್ಲತ್ತಹಳ್ಳಿಯ ಕಾರ್ಮಿಕ ಕುಟುಂಬದವರಿಗೆ ಊಟದ ವ್ಯವಸ್ಥೆ ಮಾಡಲಾಯಿತು pic.twitter.com/NFLTQJQQ7b

— Dr. Sanjeev M Patil, IPS (@DCPWestBCP) May 12, 2021

India

B.1.617 ಕೊರೊನಾ ಭಾರತೀಯ ರೂಪಾಂತರವಲ್ಲ, WHO ʼಭಾರತೀಯ ಪದʼವನ್ನೆ ಬಳಸಿಲ್ಲ: ಸರ್ಕಾರ ಸ್ಪಷ್ಟನೆ

By KNN WEB TEAM Wednesday, May 12, 2021, 2:36 pm

ಡಿಜಿಟಲ್‌ ಡೆಸ್ಕ್:‌ ಕೊರೊನಾದ ಒಂದು ರೂಪಾಂತರದ ಬಗ್ಗೆ ಜಾಗತಿಕ ಕಳವಳಗಳು ವ್ಯಕ್ತವಾದ ನಂತರ ಹಲವಾರು ಮಾಧ್ಯಮ ಸಂಸ್ಥೆಗಳ ಭಾರತೀಯ ರೂಪಾಂತರ ಎಂದು ಬಣ್ಣಿಸಿರುವುದಕ್ಕೆ ಭಾರತ ಸರ್ಕಾರ ಆಕ್ಷೇಪ ವ್ಯಕ್ತಪಡಿಸಿದೆ. ಭಾರತ ಸರ್ಕಾರವು ಹೊರಡಿಸಿದ ಹೇಳಿಕೆಯಲ್ಲಿ, ಹಲವಾರು ಮಾಧ್ಯಮ ವರದಿಗಳು ಡಬ್ಲ್ಯೂಹೆಚ್ಒದ ಕೊರೊನಾ ರೂಪಾಂತರ ಬಿ.1.617 ರ ಬಗ್ಗೆ ಜಾಗತಿಕ ಕಳವಳದ ಸುದ್ದಿಯನ್ನ ಒಳಗೊಂಡವೆ ಎಂದು ಹೇಳಿದೆ. ಕೆಲವು ಮಾಧ್ಯಮ ವರದಿಗಳು ಇದನ್ನ ಭಾರತೀಯ ರೂಪಾಂತರ ಎಂದು ಬರೆದಿವೆ, ಅವು ಆಧಾರ ರಹಿತವಾಗಿವೆ ಎಂದಿದೆ.

ವಿಶ್ವ ಆರೋಗ್ಯ ಸಂಸ್ಥೆ ತನ್ನ 32 ಪುಟಗಳ ದಾಖಲೆಯಲ್ಲಿ ಭಾರತೀಯ ರೂಪಾಂತರವನ್ನ ಕೊರೊನಾ ವೈರಸ್ ಬಿ.1.617 ಗೆ ಲಿಂಕ್ ಮಾಡಿಲ್ಲ ಎಂದು ಭಾರತ ಸರ್ಕಾರ ಸ್ಪಷ್ಟಪಡಿಸಿದೆ ಎಂದು ಹೇಳಿಕೆ ತಿಳಿಸಿದೆ. ಅವರು ತಮ್ಮ ವರದಿಯಲ್ಲಿ ಭಾರತೀಯ ಎಂಬ ಪದವನ್ನ ಸಹ ಬಳಸಿಲ್ಲ. ಕೋವಿಡ್-19 ರ ರೂಪಾಂತರವು (ವೇರಿಯಂಟ್) ಭಾರತದಲ್ಲಿ ಮಾತ್ರವಲ್ಲದೆ ವಿಶ್ವದಾದ್ಯಂತ ದೇಶಗಳನ್ನ ತಲುಪಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಬುಧವಾರ ವರದಿ ಮಾಡಿದೆ. ಈ ರೂಪಾಂತರವು 44 ದೇಶಗಳಲ್ಲಿ ಕಂಡುಬಂದಿದೆ ಎಂದು ಡಬ್ಲ್ಯೂಎಚ್ಒ ಕಳವಳ ವ್ಯಕ್ತಪಡಿಸಿದೆ.

ಲಸಿಕೆಯು ರೂಪಾಂತರಗಳ ಪರಿಣಾಮವನ್ನ ಕಡಿಮೆ ಮಾಡಬಹುದು..!
ಬಿ.1.617 ರೂಪಾಂತರವು ಮೂಲ ವೈರಸ್ ಗಿಂತ ಹೆಚ್ಚು ಸುಲಭವಾಗಿ ಮತ್ತು ವೇಗವಾಗಿ ಹರಡುತ್ತದೆ ಮತ್ತು ಅದಕ್ಕಾಗಿಯೇ ಭಾರತದಲ್ಲಿ ಕೊರೊನಾ ಸೋಂಕು ಪ್ರಕರಣಗಳು ಮತ್ತು ಸಾವುಗಳ ಸಂಖ್ಯೆ ವೇಗವಾಗಿ ಹೆಚ್ಚುತ್ತಿದೆ ಎಂದು ಡಬ್ಲ್ಯೂಎಚ್ಒ ಬುಧವಾರ ವರದಿ ಮಾಡಿದೆ. ಆದಾಗ್ಯೂ, ಲಸಿಕೆಯಿಂದ ಈ ರೂಪಾಂತರದ ಪರಿಣಾಮವನ್ನು ಕಡಿಮೆ ಮಾಡಬಹುದು ಎಂದು ಡಬ್ಲ್ಯೂಹೆಚ್ಒ ಒತ್ತಿ ಹೇಳಿದೆ.

3.48 ಲಕ್ಷಕ್ಕೂ ಹೆಚ್ಚು ಹೊಸ ಕೊರೊನಾ ಪ್ರಕರಣಗಳು..!
ದೇಶದಲ್ಲಿ 3,48,421 ಹೊಸ ಕೊರೊನಾ ವೈರಸ್ ಸೋಂಕಿನ ಪ್ರಕರಣಗಳು ವರದಿಯಾಗಿವೆ. ಕಳೆದ 24 ಗಂಟೆಗಳಲ್ಲಿ ದೇಶದಲ್ಲಿ ಸೋಂಕಿನಿಂದ 4,205 ಜನರು ಸತ್ತಿದ್ದಾರೆ. ಇದು ಒಂದು ದಿನದಲ್ಲಿ ಮರಣದ ಅತಿ ಹೆಚ್ಚಿನ ಸಂಖ್ಯೆಯಾಗಿದೆ. ಮಂಗಳವಾರ 355,338 ಜನರು ಕೊರೊನಾದಿಂದ ಚೇತರಿಸಿಕೊಂಡಿದ್ದಾರೆ. ಹೊಸ ಪ್ರಕರಣಗಳು ಬಂದ ನಂತರ ದೇಶದಲ್ಲಿ ಸೋಂಕಿನ ಸಂಖ್ಯೆ ೨,೩೩,೪೦,೯೩೮ ಕ್ಕೆ ಏರಿದೆ. ಇನ್ನು ಕೋವಿಡ್-19 ರಿಂದ ಭಾರತದಲ್ಲಿ ಇದುವರೆಗೂ 2,54,197 ಜನರು ಸತ್ತಿದ್ದಾರೆ.

Bangalore CORONAVIRUS KARNATAKA State

ಬೆಂಗಳೂರಿನಲ್ಲಿ 3200 ಸ್ಟೆಪ್ ಡೌನ್ ಆಸ್ಪತ್ರೆ ನಿರ್ಮಾಣ – ಗೃಹಸಚಿವ ಬಸವರಾಜ ಬೊಮ್ಮಾಯಿ

By KNN WEB TEAM Wednesday, May 12, 2021, 2:10 pm

ಬೆಂಗಳೂರು : ಕೋವಿಡ್ ಸೋಂಕಿತರಿಗೆ ಎದುರಾಗುತ್ತಿರುವ ಹಾಸಿಗೆಗಳ ಕೊರತೆಯನ್ನು ನೀಗಿಸುವ ಉದ್ದೇಶದಿಂದ ಈಗಾಗಲೇ 1200 step-down ಆಸ್ಪತ್ರೆಗಳನ್ನು ನಿರ್ಮಿಸಲಾಗಿದೆ. ಮುಂದಿನ ಎರಡು ದಿನಗಳಲ್ಲಿ ಇನ್ನು 2000 step-down ಆಸ್ಪತ್ರೆಗಳನ್ನು ನಿರ್ಮಿಸುವುದಾಗಿ ಕೋವಿಡ್ ಬೆಡ್ ಉಸ್ತುವಾರಿ ಹಾಗೂ ಗೃಹ, ಕಾನೂನು ಮತ್ತು ಸಂಸದೀಯ ವ್ಯವಹಾರಗಳ ಖಾತೆ ಸಚಿವರಾದ ಬಸವರಾಜ್ ಬೊಮ್ಮಾಯಿ ತಿಳಿಸಿದರು.

ಬೆಂಗಳೂರಿನಲ್ಲಿ ಇಂದು ಖಾಸಗಿ ಆಸ್ಪತ್ರೆಗಳ ಸಂಘ, ಹೋಟೆಲ್ ಉದ್ಯಮಿಗಳ ಸಂಘ ಹಾಗೂ ಬಿಬಿಎಂಪಿ ಅಧಿಕಾರಿಗಳ ಜತೆ ವರ್ಚುವಲ್ ಸಭೆ ನಡೆಸಿದ ಬಳಿಕ ಅವರು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಬೆಂಗಳೂರಿನ ಪ್ರತಿಷ್ಠಿತ ಆಸ್ಪತ್ರೆಗಳ ಪಕ್ಕದಲ್ಲಿಯೇ ದೊಡ್ಡದೊಡ್ಡ ಹೋಟೆಲುಗಳಿವೆ. ಈ ಹೊಟೆಲ್ ಗಳಲ್ಲಿ ರೂಂ ಪಡೆದು ಅಲ್ಲಿ ಆಸ್ಪತ್ರೆ ನಿರ್ಮಿಸಲಾಗುತ್ತಿದೆ. ಇದಕ್ಕಾಗಿ ೧೩ ಆಸ್ಪತ್ರೆಗಳ ಜೊತೆ ಹೋಟೆಲ್ ಗಳನ್ನು ಜೋಡಣೆ ಮಾಡಲಾಗಿದೆ. ಇನ್ನಷ್ಟು ಹೊಟೇಲ್ ಮತ್ತು ಆಸ್ಪತ್ರೆಗಳ ಜೋಡನೆ ಕೆಲಸ ನಡೆಯುತ್ತಿದೆ. ಒಂದು ಸಾರಿ ಹೋಟೆಲ್ಗಳನ್ನು ಪಡೆದ ನಂತರ ಅಲ್ಲಿ ಆಕ್ಸಿಜನ್ ಕಾನ್ಸೆಂಟ್ರೇಟರ್, ರೋಗಿಗೆ ಊಟ ಮತ್ತು ಇತರೆ ಕೋವಿಡ್ ಸಂಬಂಧಿತ ಚಿಕಿತ್ಸೆ ಸೌಲಭ್ಯವನ್ನು ಕಲ್ಪಿಸಲಾಗುವುದು. ಹೋಟೆಲ್ ಸಂಘದವರ ಬೇಡಿಕೆ ಮೇರೆಗೆ SAS ಪೋರ್ಟಲ್ ಜತೆ stepdown ಆಸ್ಪತ್ರೆಗಳನ್ನು ಜೋಡಣೆ ಮಾಡಲಾಗುವುದು. ಹೊಟೇಲ್ ಸಿಬ್ಬಂದಿಗೆ ಆದ್ಯತೆ ಮೇರೆಗೆ ಲಸಿಕೆ ನೀಡುವಂತೆ ಅಧಿಕಾರಿಗಳಿಗೆ ಸೂಚಿಸಿದ್ದೇನೆ ಎಂದು ಅವರು ತಿಳಿಸಿದರು.

ಬೆಂಗಳೂರಿನಲ್ಲಿ ಬೆಡ್ ಬೇಡಿಕೆ ಹೆಚ್ಚಾಗುತ್ತಿದೆ. ಹೀಗಾಗಿ ಈಗಾಗಲೇ ಕಾರ್ಯನಿರ್ವಹಿಸುತ್ತಿರುವ ಖಾಸಗಿ ಆಸ್ಪತ್ರೆಗಳ ಆವರಣದಲ್ಲಿ ಹೆಚ್ಚುವರಿಯಾಗಿ ತಲಾ10 ರಿಂದ 15 ಆಕ್ಸಿಜನ್ ಬೆಡ್ ಗಳನ್ನು ನಿರ್ಮಾಣ ಮಾಡಲು ಒಪ್ಪಿಗೆ ನೀಡಲಾಗಿದೆ. ಇದಕ್ಕೆ ಸರಕಾರದಿಂದ ಸಹಕಾರ ನೀಡಲಾಗುವುದು ಎಂದು ಅವರು ತಿಳಿಸಿದರು.

ಬೆಡ್ ನೀಡದ ಆಸ್ಪತ್ರೆಗಳ ಮೇಲೆ ಕ್ರಮ

ಖಾಸಗಿ ಆಸ್ಪತ್ರೆಗಳಲ್ಲಿ ನ ಬೆಡ್ ಉಸ್ತುವಾರಿಗೆ ನಿಯೋಜಿಸಲಾಗಿರುವ ಹಿರಿಯ ಅಧಿಕಾರಿಗಳ ಜೊತೆ ಮಂಗಳವಾರ ಸಭೆ ನಡೆಸಲಾಯಿತು. ಸರ್ಕಾರಕ್ಕೆ ಬೆಡ್ ಗಳನ್ನು ನೀಡದೆ ಸುಳ್ಳು ಮಾಹಿತಿ ನೀಡುತ್ತಿದ್ದ ಮೂರು ಖಾಸಗಿ ಆಸ್ಪತ್ರೆಗಳ ಮೇಲೆ ಈಗಾಗಲೇ ಕ್ರಮ ಜರುಗಿಸಲಾಗಿದೆ ಎಂದು ಅವರು ವಿವರಿಸಿದರು.

ಮೂವತ್ತಕ್ಕಿಂತಲೂ ಕಡಿಮೆ ಬೆಡ್ ಇರುವ ಆಸ್ಪತ್ರೆ ಗಳಿಂದಲೂ ಸರ್ಕಾರಿ ಕೋಟಾ ಪಡೆಯಲು ನಿರ್ಧರಿಸಲಾಗಿದೆ. ಅವುಗಳಲ್ಲಿ ICU ಮತ್ತು ಆಕ್ಸಿಜನ್ ಬೆಡ್ ಗಳು ಸೇರಿವೆ. ಈ ಆಸ್ಪತ್ರೆಗಳ ಜೊತೆ ಸಮಾಲೋಚನೆ ನಡೆಸುವಂತೆ ಬಿಬಿಎಂಪಿ ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದು ತಿಳಿಸಿದರು.

ಆಕ್ಸಿಜನ್ ಪೂರೈಕೆ

ಒರಿಸ್ಸಾ, ಟಾಟಾನಗರ ಮತ್ತು ಇತರೆ ಕಡೆಗಳಿಂದ ರಾಜ್ಯಕ್ಕೆ ಆಕ್ಸಿಜನ್ ಬರಬೇಕಾಗಿದೆ. ಒಂದು ಬಾರಿ ರಾಜ್ಯಕ್ಕೆ ಆಕ್ಸಿಜನ್ ಟ್ಯಾಂಕರ್ ಗಳು ಬಂದ ನಂತರ ಅವುಗಳ ರೀಫಿಲ್ ತೊಂದರೆಯಾಗುವುದಿಲ್ಲ. ನಿರಂತರವಾಗಿ ಆಕ್ಸಿಜನ್ ಪೂರೈಕೆ ಆಗುತ್ತದೆ. ರಾಜ್ಯದಲ್ಲಿ ಕೋವಿಡ್ ಸೋಂಕಿತರ ಪರೀಕ್ಷೆ ಕಡಿಮೆಯಾಗುತ್ತಿಲ್ಲ. ನಿಯಮಗಳ ಪ್ರಕಾರ ಯಾರಿಗೆಲ್ಲ ತಪಾಸಣೆ ಮಾಡಬೇಕೋ ಅವರೆಲ್ಲರನ್ನು ತಪಾಸಣೆಗೆ ಒಳಪಡಿಸಲಾಗುತ್ತಿದೆ ಎಂದು‌ ಅವರು ಹೇಳಿದರು.

ಆತಂಕಬೇಡ

ವ್ಯಾಕ್ಸಿನ್ ಎಲ್ಲರಿಗೂ ಸಿಗುತ್ತದೆ. ಸ್ವಲ್ಪ ತಾಳ್ಮೆ ಇರಲಿ. ವ್ಯಾಕ್ಸಿನ್ ತಯಾರಿಕೆಯಲ್ಲಿ ವಿಳಂಬವಾಗುತ್ತಿದೆ ಎಂಬುದನ್ನು ಎಲ್ಲರೂ ಅರಿತುಕೊಳ್ಳಬೇಕು. ಆರಂಭದಲ್ಲಿ ಜನ ವ್ಯಾಕ್ಸಿನ್ ತೆಗೆದುಕೊಳ್ಳಲಿಲ್ಲ. ಈಗ ಬೇಡಿಕೆ ಹೆಚ್ಚಿದೆ. ಈಗಿರುವ ಲಸಿಕೆಯನ್ನು ಮೊದಲ ಡೋಸ್ ಪಡೆದವರಿಗೆ ಆದ್ಯತೆ ಮೇರೆಗೆ ನೀಡುವಂತೆ ಸೂಚಿಸಲಾಗಿದೆ ಎಂದು ಹೇಳಿದರು.

CORONAVIRUS Dakshina Kannada KARNATAKA State

BIG NEWS : ನಮ್ಮನ್ನು ಇಲ್ಲಿಂದ ಬಿಡಿಸಿ ಪ್ಲೀ.! ಮೂಡಬಿದಿರಿಯ ‘ಆಳ್ವಾಸ್ ಕಾಲೇಜ್’ ವಿದ್ಯಾರ್ಥಿ ಆಡಿಯೋದಲ್ಲಿ ಮನವಿ.!

By KNN WEB TEAM Wednesday, May 12, 2021, 2:07 pm

ಮಂಗಳೂರು : ಕೊರೋನಾ ಸೋಂಕಿನ ಭೀತಿಯಿಂದಾಗಿ ರಾಜ್ಯದಲ್ಲಿ ಶಾಲಾ-ಕಾಲೇಜುಗಳಿಗೆ ರಜೆ ಘೋಷಣೆ ಮಾಡಲಾಗಿದೆ. ವಿದ್ಯಾರ್ಥಿಗಳಿಗೆ ಕೊರೋನಾ ಸೋಂಕು ತಗುಲದಂತೆ ರಾಜ್ಯ ಸರ್ಕಾರ ಈ ಮುಂಜಾಗ್ರತಾ ಕ್ರಮವನ್ನು ಕೈಗೊಂಡಿದೆ. ಆದ್ರೇ.. ಮಂಗಳೂರಿನ ಮೂಡಬಿದ್ರೆಯ ಆಳ್ವಾಸ್ ಕಾಲೇಜಿನಲ್ಲಿ, ವಿದ್ಯಾರ್ಥಿಗಳನ್ನು ಲಾಕ್ ಡೌನ್ ಜಾರಿಗೊಳಿಸಿದ್ದರೂ ಊರಿಗೆ ಕಳಿಸದೇ, ಕಾಲೇಜಿನಲ್ಲೇ ಕೂಡಿ ಹಾಕಿ, ಪಾಠ ಮಾಡ್ತಾ ಇರೋ ಸಂಗತಿಯನ್ನು ವಿದ್ಯಾರ್ಥಿಯೊಬ್ಬ ಆಡಿಯೋದಲ್ಲಿ ಬಿಚ್ಚಿಟ್ಟಿದ್ದಾನೆ. ನಮ್ಮನ್ನು ಇಲ್ಲಿಂದ ಬಿಡಿಸಿ ಪ್ಲೀ.. ಎಂಬುದಾಗಿ ಮನವಿ ಮಾಡಿಕೊಂಡು ಗೋಗರೆದಿದ್ದಾರೆ.

ಕೊರೋನಾ ಸೋಂಕಿನ 2ನೇ ಅಲೆಯ ಭೀತಿ ಭೀಕರವಾಗಿದೆ. ಸೋಂಕಿನ ನಿಯಂತ್ರಣಕ್ಕಾಗಿ ಕರ್ಪ್ಯೂ, ಕೊರೋನಾ ಕರ್ಪ್ಯೂ ರಾಜ್ಯದಲ್ಲಿ ಜಾರಿಗೊಳಿಸಿದರೂ, ಸೋಂಕು ನಿಯಂತ್ರಣಕ್ಕೆ ಬಂದಿರಲಿಲ್ಲ. ಹೀಗಾಗಿ ರಾಜ್ಯ ಸರ್ಕಾರ ಮೇ.10ರಿಂದ ಮೇ.24ರವರೆಗೆ ಲಾಕ್ ಡೌನ್ ಘೋಷಿಸಿದೆ. ಈ ಸಂದರ್ಭದಲ್ಲಿ ಸಾರ್ವಜನಿಕರ ಓಡಾಟಕ್ಕೆ ಬ್ರೇಕ್ ಹಾಕಿದ್ದರೇ.. ಶಾಲಾ-ಕಾಲೇಜುಗಳಿಗೆ ರಜೆ ಕೂಡ ಘೋಷಣೆ ಮಾಡಿದೆ.

ಆದ್ರೇ.. ಲಾಕ್ ಡೌನ್ ನಡುವೆಯೂ, ಮಂಗಳೂರಿನ ಮೂಡಬಿದಿರಿಯ ಆಳ್ವಾಸ್ ಶಿಕ್ಷಣ ಸಂಸ್ಥೆಯಲ್ಲಿ ವಿದ್ಯಾರ್ಥಿಗಳನ್ನು ಕೂಡಿ ಹಾಕಿ, ಊರಿಗೆ ಕಳಿಸದೇ, ಕಾಲೇಜುಗಳ ಹಾಸ್ಟೆಲ್ ನಲ್ಲಿಯೇ ಊರಿಗೆ ಹೋಗದೇ ಉಳಿಸಿಕೊಂಡಿರುವಂತ ವಿಷಯವನ್ನು ವಿದ್ಯಾರ್ಥಿಯೊಬ್ಬ ಆಡಿಯೋದಲ್ಲಿ ಬಿಚ್ಚಿಟ್ಟಿದ್ದಾರೆ. ಈ ಆಡಿಯೋ ವೈರಲ್ ಕೂಡ ಆಗಿದ್ದು, ಸೋಷಿಯಲ್ ಮೀಡಿಯದಲ್ಲಿ ಸದ್ದು ಮಾಡುತ್ತಿದೆ.

ಮೂಡಬಿದಿರಿಯ ಆಳ್ವಾಸ್ ಕಾಲೇಜು ವಿದ್ಯಾರ್ಥಿ ಹರಿ ಬಿಟ್ಟಿರುವ ಆಡಿಯೋದಲ್ಲಿ ಏನಿದೆ.?

ಎಲ್ಲರಿಗೂ ನಮಸ್ಕಾರ.. ನಾನು ಹೆಸರು ಹೇಳೋದಕ್ಕೆ ಇಷ್ಟ ಪಡೋದಿಲ್ಲ.. ಆದ್ರೇ.. ನಾನು ಮಂಗಳೂರಿನ ಆಳ್ವಾಸ್ ಕಾಲೇಜಿನಲ್ಲಿ ಓದುತ್ತಿರುವ ವಿದ್ಯಾರ್ಥಿ. ನಮ್ಮನ್ನು ಲಾಕ್ ಡೌನ್ ಆದ್ರೂ ಕಾಲೇಜಿನಲ್ಲೇ ಇರಿಸಿಕೊಂಡಿದ್ದಾರೆ. ನಮ್ಮ ತಂದೆ-ತಾಯಿ ಪೋನ್ ಮಾಡಿ ಕೇಳಿದ್ರೂ ನಮ್ಮನ್ನು ಮನೆಗೆ ಕಳಿಸ್ತಾ ಇಲ್ಲ. ಕೇಳಿದ್ರೇ.. ಟಿಸಿ ತಗೊಂಡು ಹೋಗಿಬಿಡಿ, ಮತ್ತೆ ಪರ್ಮೆನೆಂಟ್ ಆಗಿ ಕಾಲೇಜಿಗೆ ಕಳಿಸಬೇಡಿ ಅಂತ ಹೇಳಿಬಿಟ್ಟು, ಬ್ಲಾಕ್ ಮೇಲ್ ಮಾಡಿ ನಮ್ಮನ್ನು ಇಲ್ಲಿ ಇರಿಸಿಕೊಂಡಿದ್ದಾರೆ.

ಇಲ್ಲಿ ಕೊರೋನಾ ಕೇಸಸ್ ತುಂಬಾನೇ ಇದೆ. ಹೀಗಿದ್ದೂ ಕಾಲೇಜಿನಲ್ಲಿ ಯಾವುದೇ ಹೆಲ್ತ್ ಸೇಫ್ಟಿ ತೆಗೆದುಕೊಳ್ಳುತ್ತಿಲ್ಲ. ಇಲ್ಲಿಗೆ ಹೊರಗಡೆಯಿಂದ ಬರುವಂತ ಸ್ಟಾಫ್ ಮಾಸ್ಕ್ ಕೂಡ ಹಾಕೋದಿಲ್ಲ. ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳುತ್ತಿಲ್ಲ. ನಮಗೆ ತುಂಬಾ ಕಷ್ಟ ಆಗ್ತಾ ಇದೆ ಇಲ್ಲಿ ಇರೋದಕ್ಕೆ. ಇಲ್ಲಿ ದಿನಕ್ಕೆ ಹತ್ತರಿಂದ 15 ಜನರು ಹುಷಾರ್ ತಪ್ಪುತ್ತಿದ್ದಾರೆ. ಆದ್ರೂ.. ಏನೂ ಕೇರ್ ತಗೊಳ್ಳುತ್ತಿಲ್ಲ. ತುಂಬಾ ಕಷ್ಟ ಆಗ್ತಾ ಇದೆ ಇಲ್ಲಿ ಇರೋದಕ್ಕೆ.

ನಾವು ಚೈಲ್ಡ್ ಲೈನ್ ನಂಬರ್ ಗೆ ಕೂಡ ಕರೆ ಮಾಡಿದ್ದೆವು. ಅವರು ಬಂದ್ರು. ಅವರು ಬಂದಾಗ ನಮ್ಮನ್ನು ಹಾಸ್ಟೆಲ್ ನಿಂದ ಕಾಲೇಜಿಗೆ, ಕಾಲೇಜಿಗೆ ಬಂದ್ರೆ.. ಮತ್ತೊಂದು ಕಾಲೇಜಿಗೆ.. ಹೀಗೆ ಒಂದಾದ ನಂತ್ರ ಒಂದು ಕಡೆ ಶಿಫ್ಟ್ ಮಾಡಿ, ಇಲ್ಲಿ ಯಾರನ್ನು ಕೂಡಿ ಹಾಕಿಲ್ಲ ಅನ್ನೋ ತರ ತೋರಿಸಿದರು. ಇದರಿಂದ ತುಂಬಾ ತೊಂದರೆ ಆಗ್ತಾ ಇದೆ. ನಾನು ಯಾರಿಗೆ ಸಹಾಯ ಕೇಳಬೇಕು ಎಂಬುದೇ ಗೊತ್ತಾಗುತ್ತಿಲ್ಲ.

ಕಾಲೇಜಿಗೆ ತೊಂದರೆ ಆಗಬಾರದು ಎನ್ನುವ ಕಾರಣದಿಂದಾಗಿ ಲಾಕ್ ಡೌನ್ ಇದ್ದರೂ ಕಾಲೇಜಿನಲ್ಲಿ ನಮ್ಮನ್ನು ಇರಿಸಿಕೊಂಡಿರುವಂತ ಆಳ್ವಾಸ್ ಕಾಲೇಜು. ನಮ್ಮಿಂದ ಲೆಟರ್ ಬರೆಸಿಕೊಂಡು ಸಹಿ ಮಾಡಿಸಿಕೊಂಡಿದೆ. ಆ ಲೆಟರ್ ನಲ್ಲಿ, If Anything Happens to me I am responsible, not the college. I am staying by my will. I am responsible for my health issues ಅಂತ ಲೆಟರ್ ಕೂಡ ಬರೆಸಿಕೊಂಡಿದ್ದಾರೆ. ನಮ್ಮ ಬಗ್ಗೆ, ನಮ್ಮ ಆರೋಗ್ಯದ ಬಗ್ಗೆ ಕಾಳಜಿ ಇಲ್ಲ.

ಬರೀ ಕಾಮರ್ಸ್ ವಿದ್ಯಾರ್ಥಿಗಳನ್ನು ಮನೆಗೆ ಕಳಿಸಿ, ಸೈನ್ಸ್ ವಿದ್ಯಾರ್ಥಿಗಳನ್ನು ಇಲ್ಲಿಯೇ ಉಳಿಸಿಕೊಂಡಿದ್ದಾರೆ. ಬರೀ ಕಾಮರ್ಸ್ ವಿದ್ಯಾರ್ಥಿಗಳಿಗೆ ಮಾತ್ರನಾ ಕೊರೋನಾ ಬರೋದು.? ಸೈನ್ಸ್ ವಿದ್ಯಾರ್ಥಿಗಳಿಗೆ ಬರೋದಿಲ್ಲವಾ.? ಪ್ಲೀಸ್ ಈ ಆಡಿಯೋ ಕೇಳಿದಂತ ಯಾರಾದರೂ ನಮಗೆ ಸಹಾಯ ಮಾಡಿ… ಎಂಬುದಾಗಿ ಆಳ್ವಾಸ್ ಕಾಲೇಜು ವಿದ್ಯಾರ್ಥಿ ಆಡಿಯೋದಲ್ಲಿ ಮನವಿ ಮಾಡಿಕೊಂಡಿದ್ದಾನೆ.

ಇನ್ನೂ ಈ ಬಗ್ಗೆ ನಮ್ಮ ಕನ್ನಡ ನ್ಯೂಸ್ ನೌ ಕೂಡ ಬಲ್ಲ ಮೂಲಗಳಿಂದ ಮಾಹಿತಿ ವಿಚಾರಿಸಿದ್ದು, ಈಗಾಗಲೇ ಜಿಲ್ಲಾಧಿಕಾರಿಗಳ ನೇತೃತ್ವದಲ್ಲಿಯೇ ಅನೇಕ ವಿವಿಧ ತಂಡಗಳು ಹೀಗೆ ವಿದ್ಯಾರ್ಥಿಗಳನ್ನು ಆಳ್ವಾಸ್ ಕಾಲೇಜಿನಲ್ಲಿ ಕೂಡಿ ಹಾಕಿಲ್ಲ. ಈ ರೀತಿಯ ಯಾವುದೇ ವಿದ್ಯಾರ್ಥಿಗಳನ್ನು ಅಕ್ರಮವಾಗಿ ಬಂಧನದಲ್ಲಿ ಇಟ್ಟುಕೊಂಡಿಲ್ಲ ಎಂಬುದಾಗಿ ಪರಿಶೀಲನೆ ನಡೆಸಿವೆ ಎಂದು ತಿಳಿದು ಬಂದಿದೆ. ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವಂತ ವಿದ್ಯಾರ್ಥಿಯ ಆಡಿಯೋ, ಸತ್ಯಕ್ಕೆ ದೂರವಾದುದು ಎಂಬುದಾಗಿಯೂ ಮಾಹಿತಿ ತಿಳಿದು ಬಂದಿದೆ. ಈ ಬಗ್ಗೆ ಜಿಲ್ಲಾಡಳಿತ, ಸಂಬಂಧಿಸಿದಂತ ಅಧಿಕಾರಿಗಳು ವೈರಲ್ ಆಗಿರುವಂತ ಆಳ್ವಾಸ್ ಕಾಲೇಜಿನ ವಿದ್ಯಾರ್ಥಿ ಆಡಿಯೋ ಬಗ್ಗೆ ಏನ್ ಮತ್ತಷ್ಟು ಕ್ರಮ ಕೈಗೊಳ್ಳಲಿದ್ದಾರೆ ಎನ್ನುವ ಬಗ್ಗೆ ಕಾದು ನೋಡಬೇಕಿದೆ.

India World

ಕೊರೊನಾ ವೈರಸ್ ಹೆಚ್ಚಳ : ಭಾರತೀಯ ಪ್ರವಾಸಿಗರಿಗೆ ನಿರ್ಬಂಧ ಹೇರಿದ ಮಾಲ್ಡೀವ್ಸ್!

By KNN WEB TEAM Wednesday, May 12, 2021, 1:52 pm

ನವದೆಹಲಿ : ಕೊರೊನಾ ವೈರಸ್ ಹೆಚ್ಚಳವಾಗುತ್ತಿರುವ ಹಿನ್ನೆಲೆಯಲ್ಲಿ ಭಾರತ ಮತ್ತು ದಕ್ಷಿಣ ಏಷ್ಯಾದ ಇತರ ರಾಷ್ಟ್ರಗಳ ಪ್ರವಾಸಿಗರಿಗೆ ಮೇ 13 ರಿಂದ ಜಾರಿಗೆ ಬರುವಂತೆ ವೀಸಾಗಳನ್ನು ನಿಲ್ಲಿಸಲಾಗುವುದು ಎಂದು ಮಾಲ್ಡೀವ್ಸ್ ಘೋಷಿಸಿದೆ.

ಮಾಲ್ಡೀವ್ಸ್ ಇಮಿಗ್ರೇಷನ್ ಟ್ವೀಟರ್ ನಲ್ಲಿ ಪೋಸ್ಟ್ ನಲ್ಲಿ, “ದಕ್ಷಿಣ ಏಷ್ಯಾ ರಾಷ್ಟ್ರಗಳಿಂದ ಬರುವ ಪ್ರವಾಸಿಗರು ಮತ್ತು ಇತರ ಎಲ್ಲಾ ವರ್ಗದ ವೀಸಾ ಹೊಂದಿರುವವರಿಗೆ ತಾತ್ಕಾಲಿಕ ಮಾಲ್ಡೀವ್ಸ್ ಪ್ರವೇಶವನ್ನು ಬಂದ್ ಮಾಡಲಾಗಿದೆ..’ದಕ್ಷಿಣ ಏಷ್ಯಾ ರಾಷ್ಟ್ರಗಳ ಪ್ರವಾಸಿಗರಿಗೆ ಮಾಲ್ಡೀವ್ಸ್ ಪ್ರವೇಶವನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗುವುದು ಮತ್ತು ಇದು ಎಲ್ಲಾ ವರ್ಗದ ವೀಸಾ ಹೊಂದಿರುವವರಿಗೆ ಅನ್ವಯಿಸುತ್ತದೆ ಎಂದು ಹೇಳಿದೆ.

ದ್ವೀಪ ರಾಷ್ಟ್ರವು ಭಾರತದಿಂದ ಸೆಲೆಬ್ರಿಟಿಗಳು ಮತ್ತು ಸಾಮಾನ್ಯರಿಗೆ ಪ್ರಮುಖ ಆಕರ್ಷಣೆಯಾಗಿದೆ ಮತ್ತು ಭಾರತೀಯ ಪ್ರವಾಸಿಗರಿಗೆ ಮುಕ್ತವಾಗಿದ್ದ ಕೆಲವೇ ತಾಣಗಳಲ್ಲಿ ಒಂದಾಗಿದೆ. ಭಾರತವು ಈ ವರ್ಷ ಮಾಲ್ಡೀವ್ಸ್ ಗೆ ಎರಡನೇ ಅತಿದೊಡ್ಡ ಮೂಲ ಮಾರುಕಟ್ಟೆಯಾಗಿದೆ, ಇದು ಎಲ್ಲಾ ಆಗಮನಗಳಲ್ಲಿ ಶೇಕಡಾ 21 ರಷ್ಟಿದೆ.

Temporary suspension for tourists and all other categories of visa holders originating from South Asian countries.

Read more: https://t.co/justraPKiM pic.twitter.com/C76H79W8nL

— Maldives Immigration (@ImmigrationMV) May 11, 2021

India

ಕೊರೊನಾದಿಂದ ತತ್ತರಿಸಿರುವ ಭಾರತಕ್ಕೆ ಟ್ವಿಟರ್ ಸಂಸ್ಥೆಯಿಂದ 110 ಕೋಟಿ ರೂ. ನೆರವು

By KNN WEB TEAM Wednesday, May 12, 2021, 1:34 pm

ವಾಷಿಂಗ್ಟನ್ : ಕೊರೊನಾ ವೈರಸ್ ನಿಂದ ಸಂಕಷ್ಟಕ್ಕೆ ಸಿಲುಕಿರುವ ಭಾರತಕ್ಕೆ ಖ್ಯಾತ ಮೈಕ್ರೊ ಬ್ಲಾಗಿಂಗ್ ಸಾಮಾಜಿಕ ಜಾಲತಾಣ ಟ್ವಿಟರ್ ಸಂಸ್ಥೆ 110 ಕೋಟಿ ರೂ. ನೆರವು ನೀಡಿದೆ.

ಈ ಕುರಿತು ಟ್ವೀಟ್ ಮಾಡಿರುವ ಟ್ವಿಟರ್ ಸಂಸ್ಥೆಯ ಸಿಇಒ ಜಾಕ್ ಪ್ಯಾಟ್ರಿಕ್ ಡಾರ್ಸಿ, ಭಾರತಕ್ಕೆ ವೈದ್ಯಕೀಯ ನೆರವು ನೀಡುವ ಸಲುವಾಗಿ ಸರ್ಕಾರೇತರ ಸಂಸ್ಥೆ (ಎನ್ ಜಿಒ) ಮೂಲಕ 15 ಮಿಲಿಯನ್ ಹಣ ನೀಡುತ್ತಿದ್ದೇವೆ ಎಂದು ಹೇಳಿದ್ದಾರೆ.

ಯೈಡ್ ಇಂಡಿಯಾ ಮತ್ತು ಸೇವಾ ಇಂಟರ್‍ ನ್ಯಾಷನಲ್ ಅಮೆರಿಕ ಸಂಸ್ಥೆಯೊಂದಿಗೆ ಕೈಜೋಡಿಸಿ 110 ಕೋಟಿ ರೂಪಾಯಿ ಹಣವನ್ನು ನೀಡಲು ಮುಂದೆ ಬಂದಿದ್ದು, ಸೇವಾ ಇಂಟರ್‍ ನ್ಯಾಷನಲ್ ಎನ್‍ಜಿಒ ಈಗಾಗಲೇ ಆಕ್ಸಿಜನ್ ಮತ್ತು ವೆಂಟಿಲೇಟರ್‍ ಗಳನ್ನು ಭಾರತಕ್ಕೆ ತಲುಪಿಸುವ ಕಾರ್ಯದಲ್ಲಿ ತೊಡಗಿಕೊಂಡಿದೆ ಎಂದು ಮಾಹಿತಿ ನೀಡಿದ್ದಾರೆ.

$15 million split between @CARE, @AIDINDIA, and @sewausa to help address the COVID-19 crisis in India. All tracked here: https://t.co/Db2YJiwcqc 🇮🇳

— jack (@jack) May 10, 2021

KARNATAKA State

‘ಹೆಲ್ಮೆಟ್’ ಧರಿಸದೇ ಬಂದ ‘ಕಂದಾಯ ಇಲಾಖೆ’ ಸಿಬ್ಬಂದಿ : ‘ದಂಡ’ ಹಾಕಿದ್ದಕ್ಕೆ ನಡುರಸ್ತೆಯಲ್ಲೇ ಎಸ್ಐಗೆ ‘ಎಸಿ, ತಹಶೀಲ್ದಾರ್’ ಅವಾಜ್.!

By KNN WEB TEAM Wednesday, May 12, 2021, 1:20 pm

ಮಂಡ್ಯ : ಲಾಕ್ ಡೌನ್ ಸಂದರ್ಭದಲ್ಲಿ ಅನಗತ್ಯ ಜನರ ಓಡಾಟಕ್ಕೆ ಕಡಿವಾಣ ಹಾಕುವ ಸಂಬಂಧ ಪೊಲೀಸರು, ರಸ್ತೆಗಳಲ್ಲಿ ಬ್ಯಾರಿಗೇಡ್ ಹಾಕಿಕೊಂಡು ಕಾಯುತ್ತಿದ್ದಾರೆ. ಯಾವುದೇ ಅತ್ಯಗತ್ಯ ಇಲಾಖೆಯ ಸಿಬ್ಬಂದಿ ಆದ್ರೇ ಐಡಿ ಕಾರ್ಡ್ ತೋರಿಸಿ ಓಡಾಟಕ್ಕೆ ಅವಕಾಶ ಇದೆ. ಹಾಗಂತ ರೂಲ್ಸ್ ಬ್ರೇಕ್ ಮಾಡಿ ಹೋಗದಕ್ಕೆ ಅವಕಾಶ ಇಲ್ಲ. ಹೀಗೆ ಲಾಕ್ ಡೌನ್ ವೇಳೆ ಕೆಲಸಕ್ಕೆ ತೆರಳೋದಕ್ಕೆ ಕಂದಾಯ ಇಲಾಖೆಯ ಸಿಬ್ಬಂದಿಯೊಬ್ಬರು ಬೈಕ್ ನಲ್ಲಿ ತೆರಳಿದ್ದಾರೆ. ಆದ್ರೇ ಹೆಲ್ಮೆಟ್ ಹಾಕದೇ ಇದ್ದಿದ್ದಕ್ಕಾಗಿ ಅವರಿಗೆ ಎಸ್ಐ ಒಬ್ಬರು ದಂಡ ಕೂಡ ಹಾಕಿದ್ದಾರೆ. ಇದಕ್ಕೆ ಸಿಟ್ಟಾದಂತ ಎಸಿ ಮತ್ತು ತಹಶೀಲ್ದಾರ್ ನಡು ರಸ್ತೆಯಲ್ಲೇ ಎಸ್ಐಗೆ ಅವಾಜ್ ಹಾಕಿರುವಂತ ಘಟನೆ ಮಂಡ್ಯದಲ್ಲಿ ನಡೆದಿದೆ.

ಮಂಡ್ಯ ಜಿಲ್ಲೆಯ ನಾಗಮಂಗಲ ಪಟ್ಟಣದಲ್ಲಿ ಹೆಲ್ಮೆಟ್ ಹಾಕದೇ ಬೈಕ್ ನಲ್ಲಿ ಬಂದಂತ ಕಂದಾಯ ಇಲಾಖೆಯ ಸಿಬ್ಬಂದಿಗೆ, ಎಸ್ಐ ರವಿಶಂಕರ್ ದಂಡ ಹಾಕಿದ್ದಾರೆ. ಈ ವಿಷಯ ಎಸಿ ಶಿವಾನಂದ ಮೂರ್ತಿ ಹಾಗೂ ತಹಶೀಲ್ದಾರ್ ಕುಂಇ ಅಹಮದ್ ಗೆ ತಿಳುಯುತ್ತಿದ್ದಂತೆ, ಬ್ಯಾರಿಗೇಡ್ ಹಾಕೊಂಡು ಕೊರೋನಾ ರೂಲ್ಸ್ ಬ್ರೇಕ್ ಮಾಡಿದವರಿಗೆ ದಂಡ ವಿಧಿಸುತ್ತಿದ್ದಂತ ಎಸ್ಐ ಬಳಿಗೆ ತೆರಳಿದ್ದಾರೆ.

ಹೀಗೆ ತೆರಳಿದಂತ ಎಸಿ ಹಾಗೂ ತಹಶೀಲ್ದಾರ್.. ಕಂದಾಯ ಇಲಾಖೆಯ ಸಿಬ್ಬಂದಿ ಎಂಬುದಾಗಿ ಐಡಿ ಕಾರ್ಡ್ ತೋರಿಸಿದರೂ ದಂಡ ಹಾಕಿದ್ದೇಕೆ ಎಂಬುದಾಗಿ ನಡು ರಸ್ತೆಯಲ್ಲೇ ಎಸ್ಐ ರವಿಶಂಕರ್ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಈ ಮೂಲಕ ಕಾನೂನು ಪಾಲನೆ ಬಗ್ಗೆ ಜಾಗೃತಿ ಮೂಡಿಸಬೇಕಿದ್ದಂತ ಅಧಿಕಾರಿಗಳೇ, ಬೈಕ್ ನಲ್ಲಿ ಹೆಲ್ಮೆಟ್ ಇಲ್ಲದೇ ಬಂದ ಕಂದಾಯ ಇಲಾಖೆ ಸಿಬ್ಬಂದಿ ಪರ ನಿಂತು, ಎಸ್ಐಗೆ ಅವಾಜ್ ಹಾಕಿದ್ದು ಮಾತ್ರ ದುರಂತವೇ ಸರಿ.

India

BREAKING NEWS : ಕಿಲ್ಲರ್ ಕೊರೊನಾಗೆ ಅರ್ಜುನ ಪ್ರಶಸ್ತಿ ವಿಜೇತ, ಟೇಬಲ್ ಟೆನ್ನಿಸ್ ಆಟಗಾರ `ವಿ. ಚಂದ್ರಶೇಖರ್’ ಬಲಿ

By KNN WEB TEAM Wednesday, May 12, 2021, 1:18 pm

ಚೆನ್ನೈ : ದೇಶದಲ್ಲಿ ಕೊರೊನಾ ವೈರಸ್ ಸೋಂಕಿನ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚಳವಾಗುತ್ತಿದ್ದು, ಭಾರತದ ಮಾಜಿ ಟೇಬಲ್ ಟೆನ್ನಿಸ್ ಆಟಗಾರ, ಅರ್ಜುನ ಪ್ರಶಸ್ತಿ ವಿಜೇತ ವಿ. ಚಂದ್ರಶೇಖರ್ ಕೊರೊನಾ ಸೋಂಕಿಗೆ ಬಲಿಯಾಗಿದ್ದಾರೆ.

ವಿ. ಚಂದ್ರಶೇಖರ್ ಅವರಿಗೆ ಕೊರೊನಾ ವೈರಸ್ ಸೋಂಕು ದೃಢಪಟ್ಟ ಹಿನ್ನೆಲೆಯಲ್ಲಿ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿದ್ದಾರೆ.

ಟೇಬಲ್ ಟೆನ್ನಿಸ್ ಆಟದಲ್ಲಿ ಮೂರು ಬಾರಿ ರಾಷ್ಟ್ರೀಯ ಚಾಂಪಿಯನ್ ಪ್ರಶಸ್ತಿ ಗಳಿಸಿದ್ದ ವಿ.ಚಂದ್ರಶೇಖರ್ ಅವರು 1984 ರಲ್ಲಿ ಮೊಣಕಾಲು ಶಸ್ತ್ರ ಚಿಕಿತ್ಸೆಗೆ ಒಳಗಾದ ನಂತರ ಕ್ರೀಡಾ ಬದುಕು ಮೊಟಕುಗೊಳಿಸಿದ್ದರು.

KARNATAKA State

`SSLC’ ಪರೀಕ್ಷೆ ಬರೆಯುವ ವಿದ್ಯಾರ್ಥಿಗಳಿಗೆ ಇಲ್ಲಿದೆ ಮಹತ್ವದ ಮಾಹಿತಿ

By KNN WEB TEAM Wednesday, May 12, 2021, 12:56 pm

ಕೋಲಾರ: ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿಗಳಿಗೆ ಪರೀಕ್ಷಾ ಪೂರ್ವ ಸಿದ್ಧತೆ ಸಂಬಂಧ ಮಾರ್ಗದರ್ಶನ ನೀಡುವ ನಿಟ್ಟಿನಲ್ಲಿ ಮೇ 13ರಂದು (ನಾಳೆ) ಸಾರ್ವಜನಿಕ ಶಿಕ್ಷಣ ಇಲಾಖೆಯಿಂದ ಫೋನ್‌-ಇನ್ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.

ಡಿಡಿಪಿಐ ಕೃಷ್ಣಮೂರ್ತಿ ನೇತೃತ್ವದಲ್ಲಿ ಬೆಳಿಗ್ಗೆ 11 ಗಂಟೆಯಿಂದ ಮಧ್ಯಾಹ್ನ 2ರವರೆಗೆ ಫೋನ್‌-ಇನ್ ಕಾರ್ಯಕ್ರಮ ನಡೆಯಲಿದೆ. ವಿದ್ಯಾರ್ಥಿಗಳು ತಮ್ಮ ಗೊಂದಲಗಳನ್ನು ಆಯಾ ಸಂಪನ್ಮೂಲ ವ್ಯಕ್ತಿಗಳನ್ನು ಸಂಪರ್ಕಿಸಿ ಪರಿಹರಿಸಿಕೊಳ್ಳಬಹುದು ಎಂದು ಎಸ್ಸೆಸ್ಸೆಲ್ಸಿ ಜಿಲ್ಲಾ ಪರೀಕ್ಷಾ ನೋಡಲ್ ಅಧಿಕಾರಿ ಎ.ಎನ್.ನಾಗೇಂದ್ರಪ್ರಸಾದ್ ತಿಳಿಸಿದ್ದಾರೆ.

ಪ್ರಥಮ ಭಾಷೆ ಕನ್ನಡ-ಕ್ಕೆ ಸಂಬಂಧಪಟ್ಟಂತೆ ಮಾಹಿತಿ ಪಡೆಯಲು ಸಂಪನ್ಮೂಲ ವ್ಯಕ್ತಿಯ ಮೊಬೈಲ್‌ ಸಂಖ್ಯೆ 9900399627 ಅಥವಾ 7892833928ನ್ನು ಸಂಪರ್ಕಿಸಬಹುದು. ದ್ವಿತೀಯ ಭಾಷೆ ಇಂಗ್ಲಿಷ್‌ಗೆ 9481586717 ಅಥವಾ 7019479428, ತೃತೀಯ ಭಾಷೆ ಹಿಂದಿಗೆ 9738014709 ಅಥವಾ 8694958149ಕ್ಕೆ ವಿದ್ಯಾರ್ಥಿಗಳು ಕರೆ ಮಾಡಬಹುದು ಎಂದು ಮಾಹಿತಿ ನೀಡಿದ್ದಾರೆ. ಗಣಿತ ವಿಷಯ ಸಂಬಂಧ 94497 22344 ಅಥವಾ 9741540051 ಮೊಬೈಲ್‌ ಸಂಖ್ಯೆಗೆ, ವಿಜ್ಞಾನ ವಿಷಯಕ್ಕೆ 9164395811 ಅಥವಾ 9964321098ಕ್ಕೆ, ಸಮಾಜ ವಿಜ್ಞಾನ ವಿಷಯಕ್ಕೆ ಸಂಬಂಧಪಟ್ಟಂತೆ 8197304709 ಅಥವಾ 9902537525ಕ್ಕೆ ಕರೆ ಮಾಡಬಹುದು ಎಂದು ಅವರು ಮಾಹಿತಿ ನೀಡಿದ್ದಾರೆ. ಪರೀಕ್ಷಾ ಪೂರ್ವ ಸಿದ್ಧತೆಗೆ ಸಂಬಂಧಪಟ್ಟಂತೆ ಇತರೆ ವಿಷಯಗಳ ಬಗ್ಗೆ ಗೊಂದಲವಿದ್ದರೆ 9448999345, 9449110205, 9448306218, 9740200181 ಮೊಬೈಲ್‌ ಸಂಖ್ಯೆಗೆ ಕರೆ ಮಾಡಬಹುದು ಎಂದು ಅವರು ಮಾಹಿತಿ ನೀಡಿದ್ದಾರೆ.

India

ಒಬ್ಬ ಮಗನ ಚಿತೆಗೆ ಬೆಂಕಿ ಇಟ್ಟು ಮನೆಗೆ ಬರುತ್ತಿದ್ದಂತೆ, ಇನ್ನೊಬ್ಬ ಮಗ ಕೊರೋನಾ ಸೋಂಕಿಗೆ ಬಲಿ

By KNN WEB TEAM Wednesday, May 12, 2021, 12:44 pm

ನೋಯ್ಡಾ : ಪಶ್ಚಿಮದ ಜಲಾಲ್‌ಪುರ ಗ್ರಾಮದಲ್ಲಿ ಒಂದು ಕುಟುಂಬದಲ್ಲಿ ಇಬ್ಬರು ಮಕ್ಕಳು ಕೊರೋನಾ ಸೋಂಕಿಗೆ ಬಲಿಯಾದ ಆಘಾತಕಾರಿ ಘಟನೆಯೊಂದು ನಡೆದಿದೆ. ಕೊರೊನಾದಿಂದ ಇಬ್ಬರು ಮಕ್ಕಳನ್ನು ಕಳೆದುಕೊಂಡು ತಂದೆ-ತಾಯಿ ರೋಧನ ಮುಗಿಲು ಮುಟ್ಟಿದೆ.

ಜಲಾಲ್‌ಪುರ ಗ್ರಾಮದ ಉತರ ಸಿಂಗ್ ಅವರ ಓರ್ವ ಮಗನ ಅಂತಿಮ ವಿಧಿವಿಧಾನಗಳನ್ನು ಪೂರೈಸಿ ಮನೆಗೆ ಬರುವಷ್ಟರಲ್ಲಿ ಇನ್ನೋರ್ವ ಪುತ್ರ ಕೋವಿಡ್ ಸೋಂಕಿಗೆ ಬಲಿಯಾಗಿದ್ದಾರೆ.
ಉತರ ಸಿಂಗ್ ಅವರ ಪುತ್ರ ಪಂಕಜ್ ಸಾವನ್ನಪ್ಪಿದ, ಪಂಕಜ್ನ ಚಿತೆಗೆ ಅಗ್ನಿ ಸ್ಪರ್ಶಿಸಿ ಮನೆಗೆ ಮರಳುತ್ತಲೇ, ಕೊರೊನಾದಿಂದ ಬಳಲುತ್ತಿದ್ದ ಮತ್ತೋರ್ವ ಮಗ ದೀಪಕ್ ಸಾವನ್ನಪ್ಪಿದ್ದಾನೆ.

ಈ ಗ್ರಾಮದಲ್ಲಿ ಕಳೆದ 10 ದಿನಗಳಲ್ಲಿ ಸುಮಾರು 18 ಜನರು ಸಾವನ್ನಪ್ಪಿದ್ದು, ಮರಣ ಮೃದಂಗ ಮುಂದುವರೆದಿದೆ.

Bangalore CORONAVIRUS KARNATAKA State

ಬೆಂಗಳೂರಿನ ಎಚ್.ಎಸ್.ಆರ್ ಲೇಔಟಿನಲ್ಲಿ ನೂತನ ಕೋವಿಡ್ ಕೇಂದ್ರಕ್ಕೆ ಸಚಿವ ಸುರೇಶ್ ಕುಮಾರ್ ಚಾಲನೆ

By KNN WEB TEAM Wednesday, May 12, 2021, 12:41 pm

ಬೆಂಗಳೂರು : ನಗರದ ಎಚ್.ಎಸ್.ಆರ್ ಬಡಾವಣೆಯ ಅಗರದ ಸರ್ಕಾರಿ ಬಾಲಕರ ವಿದ್ಯಾರ್ಥಿ ನಿಲಯದಲ್ಲಿ ಸಿದ್ಧಪಡಿಸಲಾಗಿರುವ ಎಂಬತ್ತು ಹಾಸಿಗೆಗಳ ಕೋವಿಡ್ ಆರೈಕೆ ಕೇಂದ್ರ ಪ್ರಥಮ ಚಿಕಿತ್ಸೆಯ ಆರೈಕೆ ಬಯಸುವ ಈ ಭಾಗದ ಕೋವಿಡ್ ಸೋಂಕಿತರಿಗೆ ಅತ್ಯುಪಯುಕ್ತವಾಗಲಿದೆ ಎಂದು ಸಚಿವ ಸುರೇಶ್ ಕುಮಾರ್ ಹೇಳಿದ್ದಾರೆ.

ಕೇವಲ ಒಂದು ವಾರದ ಅವಧಿಯಲ್ಲಿ ಅತ್ಯಂತ ಸುಸಜ್ಜಿತವಾಗಿ ಸಿದ್ಧಪಡಿಸಲಾಗಿರುವ ನೂತನ ಟ್ರಯಾಜ್ ಕೇಂದ್ರವನ್ನು ಉದ್ಘಾಟಿಸಿ ಮಾತನಾಡಿದ ಸಚಿವರು, ಈ ಆರೈಕೆ ಕೇಂದ್ರದಲ್ಲಿ ಒಟ್ಟು ಎಂಬತ್ತು‌‌ ಸೋಂಕಿತರಿಗೆ ಒಮ್ಮೆಗೇ ಚಿಕಿತ್ಸೆ ನೀಡುವ ಸೌಕರ್ಯವಿದೆ. ಆಮ್ಲಜನಕ ಸಾಂದ್ರಕದ (Oxygen concentrator) ವ್ಯವಸ್ಥೆ ಇರುವ ಕಾರಣ, ಮನೆಯಲ್ಲಿ ಸ್ವಯಂ ನಿರ್ವಹಿಸಿಕೊಳ್ಳಲು ಅಥವಾ ಆಸ್ಪತ್ರೆಗೆ ನೇರ ದಾಖಲಾಗಲು ಸಾಧ್ಯವಾಗದ ಸೋಂಕಿತರಿಗೆ ಪ್ರಥಮ ಚಿಕಿತ್ಸೆಯ ಮಾದರಿಯಲ್ಲಿ ಈ ಕೇಂದ್ರ ಅತ್ಯುತ್ತಮ ಆರೈಕೆಯನ್ನು ಒದಗಿಸುತ್ತದೆ. ಸೋಂಕಿತರ ವೈದ್ಯಕೀಯ ಶುಶ್ರೂಶೆಗೆ ನುರಿತ ವೈದ್ಯಕೀಯ ಸಿಬ್ಬಂದಿ‌ ಸದಾ‌ಕಾಲ ಲಭ್ಯವಿರಲಿದ್ದು, ದಾಖಲಾಗುವವರಿಗೆ ಉಚಿತ ಆಹಾರ, ಔಷಧೋಪಚಾರಗಳನ್ನು ನೀಡಲಾಗುತ್ತದೆ. ಸೋಂಕು ನಿಯಂತ್ರಣಕ್ಕೆ ಬಾರದ ವ್ಯಕ್ತಿಗಳನ್ನು ಇಲ್ಲಿಂದಲೇ ಆಸ್ಪತ್ರೆಗೆ ನೇರ ದಾಖಲಿಸುವ ವ್ಯವಸ್ಥೆಯನ್ನೂ ಮಾಡಲಾಗುತ್ತದೆ. ನಾಗರಿಕರು ಈ ಸೇವೆಯನ್ನು ಸದ್ಬಳಕೆ‌ ಮಾಡಿಕೊಳ್ಳಬೇಕು ಎಂದು ಅವರು ಮನವಿ ಮಾಡಿದರು.

ಮಾಧ್ಯಮಗಳು ಇಂದಿನ ಸಂಕಷ್ಟದ ಸಂದರ್ಭದಲ್ಲಿ ನಿರ್ವಹಿಸುತ್ತಿರುವ ಜವಾಬ್ದಾರಿಯನ್ನು ಮುಕ್ತಕಂಠದಿಂದ ಶ್ಲಾಘಿಸಿದ ಸಚಿವ ಸುರೇಶ್ ಕುಮಾರ್, ಕಳೆದ ನಲವತ್ತು‌ ವರ್ಷಗಳಿಂದಲೂ ನಿರಂತರವಾಗಿ ತಾವು ಸಾರ್ವಜನಿಕ‌ ಸೇವೆಯಲ್ಲಿದ್ದು, ಮಾಧ್ಯಮಗಳ‌‌ ಕರ್ತವ್ಯ ಪ್ರಜ್ಞೆಯನ್ನು ಗಮನಿಸುತ್ತಲೇ ಬಂದಿದ್ದೇನೆ. ರೂಪಾಂತರಗೊಳ್ಳುತ್ತಿರುವ ಸವಾಲುಗಳ ನಡುವೆ ಈ ಕ್ಷೇತ್ರದ ಹೊಣೆಗಾರಿಕೆ ಹಿರಿದಾಗುತ್ತಲೇ ಇದೆ. ಅಂತೆಯೇ ಮಾಧ್ಯಮ ಕ್ಷೇತ್ರವೂ ಈ ಸವಾಲುಗಳನ್ನು ದಿಟ್ಟವಾಗಿ ಸ್ವೀಕರಿಸಿ ಜನಸಾಮಾನ್ಯರಿಗೆ ನೈಜ ಸುದ್ದಿಯನ್ನು ತಲುಪಿಸುವಲ್ಲಿ ಅತ್ಯಂತ ಕ್ರಿಯಾಶೀಲವಾಗಿ ಕೆಲಸ‌ ಮಾಡುತ್ತಿದೆ. ಜನಸಾಮಾನ್ಯರ, ಸರ್ಕಾರದ ನಡುವೆ ಕೊಂಡಿಯಂತೆ ತನ್ನ ಜವಾಬ್ದಾರಿಯನ್ನು ಅತ್ಯಂತ ಸಮರ್ಥವಾಗಿ ನಿರ್ವಹಿಸುತ್ತಿದೆ. ಮಾಧ್ಯಮ ಕ್ಷೇತ್ರ ಸಕ್ರಿಯವಾಗಿ ಕಾರ್ಯ ನಿರ್ವಹಿಸದೇ ಇದ್ದಲ್ಲಿ ನಮ್ಮ ನಾಗರಿಕರು ಇಷ್ಟು ಸಬಲರಾಗಲು ಸಾಧ್ಯವಾಗುತ್ತಿರಲಿಲ್ಲ. ಇದನ್ನು ಗಮನಿಸಿಯೇ ಮಾಧ್ಯಮ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿರುವ ಪತ್ರಕರ್ತ ಮಿತ್ರರನ್ನು ಕೋವಿಡ್ ಫ್ರಂಟ್‌ಲೇನ್ ವಾರಿಯರ್ ಗಳಾಗಿ ಸರ್ಕಾರ ಗುರುತಿಸಿದೆ ಎಂದರು. ತಾವೂ ಸಹ ಎಂದಿಗೂ ಮಾಧ್ಯಮಗಳ ಸೇವೆಗೆ ಋಣಿಯಾಗಿದ್ದೇನೆ ಎಂದು ಹೇಳಿದರು.

ಇಂದಿನ ಕಾರ್ಯಕ್ರಮದಲ್ಲಿ ಸಚಿವರೊಂದಿಗೆ ಬೆಂಗಳೂರು ದಕ್ಷಿಣ ಕ್ಷೇತ್ರದ ಲೋಕಸಭಾ‌ ಸದಸ್ಯ‌ರಾದ ತೇಜಸ್ವಿ ಸೂರ್ಯ,‌ಬೊಮ್ಮನಹಳ್ಳಿ ಶಾಸಕ‌ ಸತೀಶ್ ರೆಡ್ಡಿ, ಹಾಗೂ ಅಧಿಕಾರಿಗಳು‌ ಉಪಸ್ಥಿತರಿದ್ದರು.

India

ಕೋವಿಡ್ ಎರಡನೇ ಅಲೆ ಯುವ ಜನತೆ ಮೇಲೆ ಯಾಕೆ ಹೆಚ್ಚು ಪರಿಣಾಮ ಬೀರುತ್ತಿದೆ?

By KNN WEB TEAM Wednesday, May 12, 2021, 12:20 pm

ನವದೆಹಲಿ : ಕೋವಿಡ್-19 ಸಾಂಕ್ರಾಮಿಕದ ಎರಡನೇ ಅಲೆಯು ಸ್ವಲ್ಪ ಹೆಚ್ಚು ಯುವ ಜನರ ಮೇಲೆ ಪರಿಣಾಮ ಬೀರುತ್ತಿದೆ. ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ ಮುಖ್ಯಸ್ಥರ ಪ್ರಕಾರ, ದೇಶಾದ್ಯಂತ ಕೋವಿಡ್ ಪ್ರಕರಣಗಳಲ್ಲಿ ಈ ಏರಿಕೆಗೆ ಮುಖ್ಯವಾಗಿ ಎರಡು ಕಾರಣಗಳಿವೆ.

“ಯುವ ಜನರು ಸ್ವಲ್ಪ ಹೆಚ್ಚು ತೊಡಗಿಸಿಕೊಳ್ಳುತ್ತಿದ್ದಾರೆ ಎಂದು ನಾವು ಕಂಡುಕೊಂಡಿದ್ದೇವೆ ಏಕೆಂದರೆ ಅವರು ಹೊರಗೆ ಹೋಗುತ್ತಿರುತ್ತಾರೆ ಮತ್ತು ರಾಷ್ಟ್ರದಲ್ಲಿಯೂ ಸಹ ರೂಪಾಂತರಗಳು ಪ್ರಚಲಿತದಲ್ಲಿವೆ, ಅದು ಅವರ ಮೇಲೂ ಪರಿಣಾಮ ಬೀರಬಹುದು” ಎಂದು ಐಸಿಎಂಆರ್ ಮುಖ್ಯಸ್ಥ ಡಾ. ಬಲರಾಮ್ ಭಾರ್ಗವ ಹೇಳಿದರು.

ಕೋವಿಡ್-19 ರ ಮೊದಲ ಮತ್ತು ಎರಡನೇ ಅಲೆಯ ಸಮಯದ ದತ್ತಾಂಶಕ್ಕೆ ಹೋಲಿಸಿದಾಗ ಹೆಚ್ಚಿನ ವಯಸ್ಸಿನ ವ್ಯತ್ಯಾಸವಿಲ್ಲ ಎಂದು ತೋರಿಸಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ನಿರ್ದೇಶಕರು ಹೇಳಿದರು.

40 ವರ್ಷಕ್ಕಿಂತ ಮೇಲ್ಪಟ್ಟ ಜನರು ಪ್ರತಿಕೂಲ ಫಲಿತಾಂಶಗಳಿಗೆ ಹೆಚ್ಚು ತುತ್ತಾಗುತ್ತಾರೆ. ಕಳೆದ ತಿಂಗಳು, 2020 ರ ಮೊದಲ ಅಲೆಯಲ್ಲಿ ಬಾಧಿತರಾದ ಶೇಕಡಾ 31 ರಷ್ಟು ಜನರು 30 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದರೆ, 2021 ರಲ್ಲಿ ಶೇಕಡಾವಾರು 32 ಕ್ಕೆ ಏರಿದೆ ಎಂದು ಕೇಂದ್ರ ಹೇಳಿದೆ.

ಏತನ್ಮಧ್ಯೆ, ದೇಶದಲ್ಲಿ ದೈನಂದಿನ ಹೊಸ ಕೋವಿಡ್-19 ಪ್ರಕರಣಗಳು ಮತ್ತು ಸಾವುಗಳ ಆರಂಭಿಕ ಪ್ರವೃತ್ತಿಯನ್ನು ಗುರುತಿಸಲಾಗಿದೆ ಎಂದು ಸರ್ಕಾರ ಮಂಗಳವಾರ ಹೇಳಿದೆ.

ಸರ್ಕಾರದ ಪ್ರಕಾರ, ಮಹಾರಾಷ್ಟ್ರ, ಉತ್ತರ ಪ್ರದೇಶ, ದೆಹಲಿ, ರಾಜಸ್ಥಾನ, ಛತ್ತೀಸ್ ಗಢ, ಬಿಹಾರ, ಗುಜರಾತ್, ಮಧ್ಯಪ್ರದೇಶ ಮತ್ತು ತೆಲಂಗಾಣ 18 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ದೈನಂದಿನ ಹೊಸ ಕೋವಿಡ್-19 ಪ್ರಕರಣಗಳಲ್ಲಿ ನಿರಂತರ ಏರಿಕೆ ಅಥವಾ ಇಳಿಕೆಯನ್ನು ತೋರಿಸುತ್ತಿವೆ.

ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಲವ್ ಅಗರ್ವಾಲ್, ಕರ್ನಾಟಕ, ಕೇರಳ, ತಮಿಳುನಾಡು, ಪಶ್ಚಿಮ ಬಂಗಾಳ, ಪಂಜಾಬ್, ಅಸ್ಸಾಂ, ಒಡಿಶಾ, ಹಿಮಾಚಲ ಪ್ರದೇಶ, ಮೇಘಾಲಯ ಮತ್ತು ತ್ರಿಪುರಾ ಸೇರಿದಂತೆ 16 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ದೈನಂದಿನ ಹೊಸ ಕೋವಿಡ್-19 ಪ್ರಕರಣಗಳಲ್ಲಿ ನಿರಂತರ ಹೆಚ್ಚುತ್ತಿರುವ ಪ್ರವೃತ್ತಿಯನ್ನು ತೋರಿಸುತ್ತಿವೆ ಎಂದು ಹೇಳಿದರು.

ವಾರಕ್ಕೊಮ್ಮೆ ಪರೀಕ್ಷೆಗಳಲ್ಲಿ ವಾರದಿಂದ ವಾರಕ್ಕೆ ಹೆಚ್ಚಳ ಮತ್ತು ಧನಾತ್ಮಕತೆಯ ದರದಲ್ಲಿ ಕುಸಿತ ಹೊಂದಿರುವ ಜಿಲ್ಲೆಗಳ ಸಂಖ್ಯೆ 73 ರಿಂದ (ಏಪ್ರಿಲ್ 15-21 ರಂದು) 182 ಕ್ಕೆ (ಏಪ್ರಿಲ್ 29- ಮೇ 5) ಹೆಚ್ಚಾಗಿದೆ.

ಹದಿಮೂರು ರಾಜ್ಯಗಳಲ್ಲಿ ತಲಾ 1 ಲಕ್ಷಕ್ಕೂ ಹೆಚ್ಚು ಸಕ್ರಿಯ ಕೋವಿಡ್-19 ಪ್ರಕರಣಗಳು ಮತ್ತು 26 ರಾಜ್ಯಗಳು ಶೇಕಡಾ 15 ಕ್ಕಿಂತ ಹೆಚ್ಚಿನ ಧನಾತ್ಮಕ ದರವನ್ನು ಹೊಂದಿವೆ ಎಂದು ಸರ್ಕಾರ ತಿಳಿಸಿದೆ.

ಕಳೆದ 24 ಗಂಟೆಗಳಲ್ಲಿ ಭಾರತದಲ್ಲಿ ಬುಧವಾರ 3,48,421 ಹೊಸ ಕೋವಿಡ್-19 ಪ್ರಕರಣಗಳು ದಾಖಲಾಗಿವೆ, ಜೊತೆಗೆ 4,205 ಸಾವುಗಳು ಸಂಭವಿಸಿವೆ, ಇದು ಇಲ್ಲಿಯವರೆಗೆ ಅತಿ ಹೆಚ್ಚು ಏಕ ದಿನದ ಸಂಖ್ಯೆಯಾಗಿದೆ.

KARNATAKA State

ಗ್ರಾಮೀಣ ಪ್ರದೇಶದಲ್ಲಿ ಕೊರೊನಾ ಸೋಂಕು ಏರಿಕೆಯಾಗಲಿದೆ : ಸಚಿವ ಡಾ.ಕೆ. ಸುಧಾಕರ್

By KNN WEB TEAM Wednesday, May 12, 2021, 12:19 pm

ಬೆಂಗಳೂರು : ರಾಜ್ಯದಲ್ಲಿ ದಿನದಿಂದ ದಿನಕ್ಕೆ ಕೊರೊನಾ ವೈರಸ್ ಸೋಂಕಿನ ಪ್ರಕರಣಗಳು ಹೆಚ್ಚಳವಾಗುತ್ತಿದ್ದು, ಮುಂದಿನ ದಿನಗಳಲ್ಲಿ ಗ್ರಾಮೀಣಾ ಪ್ರದೇಶಗಳಲ್ಲೂ ಕೊರೊನಾ ಸೋಂಕಿನ ಪ್ರಕರಣಗಳು ಏರಿಕೆಯಾಗಬಹುದು ಎಂದು ಆರೋಗ್ಯ ಸಚಿವ ಡಾ.ಕೆ. ಸುಧಾಕರ್ ಎಚ್ಚರಿಕೆ ನೀಡಿದ್ದಾರೆ.

ಸುದ್ದಿಗಾರರೊಂದಿಗೆ ಮಾತನಾಡಿದ ಸಚಿವರು, ಬೆಂಗಳೂರಿನಲ್ಲಿ ಬಹುಶಃ ಎರಡ್ಮೂರು ವಾರಗಳಲ್ಲಿ ಸೋಂಕು ಹತೋಟಿಗೆ ಬರಬಹುದು. ಆದರೆ ಗ್ರಾಮೀಣ ಪ್ರದೇಶದಲ್ಲಿ ಏರಿಕೆ ಆಗಲಿದೆ.ಹೀಗಾಗಿ ಅಧಿಕಾರಿಗಳಜೊತೆ ವಿಸ್ತೃತ ಸಮಾಲೋಚನೆ ಮಾಡಿದ್ದೇವೆ. ಗ್ರಾಮೀಣಾ ಪ್ರದೇಶದಲ್ಲಿ ಸೋಂಕು ಹೆಚ್ಚಾದಂತೆ ಸಿದ್ಧತೆ ಮಾಡಿಕೊಳ್ಳಿ ಎಂದ್ದಿದ್ದೇವೆ ಎಂದು ತಿಳಿಸಿದ್ದಾರೆ.

ದೊಡ್ಡ ನಗರಗಳಲ್ಲಿ ಇಷ್ಟುಆರೋಗ್ಯ ವ್ಯವಸ್ಥೆ ಇದ್ದರೂ ಐಸಿಯು, ವೆಂಟಿಲೇಟರ್ ಕೊರತೆ ಉಂಟಾಯ್ತು. ಹಾಗಾಗಿ ಗ್ರಾಮೀಣ ಭಾಗದಲ್ಲಿ ಸರಿಯಾಗಿ ನೋಡಿಕೊಳ್ಳಬೇಕಾಗುತ್ತದೆ. ಸರಿಯಾದ ಚಿಕಿತ್ಸೆ ನೀಡಬೇಕಾಗುತ್ತದೆ ಎಂದರು.

Bangalore KARNATAKA State

‘ಇಂದಿರಾ ಕ್ಯಾಂಟೀನ್’ನಲ್ಲಿ ‘ಉಚಿತ ಊಟ’ ಕೊಡ್ತಾರೆ ಅಂತ ಹೋದವರಿಗೆ ಕಾದಿತ್ತು ಶಾಕ್ : ‘ಕಟ್ಟಿಕೊಟ್ಟ ಪೊಟ್ಟಣ’ದಲ್ಲಿ ಇದ್ದ ಊಟ ಎಷ್ಟು ಗೊತ್ತಾ.?

By KNN WEB TEAM Wednesday, May 12, 2021, 12:10 pm

ಬೆಂಗಳೂರು : ಇಂದಿನಿಂದ ಲಾಕ್ ಡೌನ್ ಸಂದರ್ಭದಲ್ಲಿ ಆಹಾರ ಭದ್ರತೆ ಒದಗಿಸುವ ನಿಟ್ಟಿನಲ್ಲಿ ಬೆಂಗಳೂರಿನ ಇಂದಿರಾ ಕ್ಯಾಂಟೀನ್ ನಲ್ಲಿ ಮೂರು ಹೊತ್ತು ಉಚಿತ ಊಟದ ವ್ಯವಸ್ಥೆಯನ್ನು ರಾಜ್ಯ ಸರ್ಕಾರ ಮಾಡಿದೆ. ಬೆಳಿಗ್ಗೆ ತಿಂಡಿಗಾಗಿ ಇಂದಿರಾ ಕ್ಯಾಂಟೀನ್ ಮುಂದೆ ನೂರಾರು ಜನರು ಕ್ಯೂ ಕೂಡ ನಿಂತು ಇಂದಿರಾ ಕ್ಯಾಂಟೀನ್ ನೀಡುವಂತ ಆಹಾರದ ಪೊಟ್ಟಣವನ್ನು ಪಡೆದು, ಖುಷಿಯಿಂದ ತೆರಳಿ, ಓಪನ್ ಮಾಡಿದ ಅನೇಕರಿಗೆ, ಶಾಕ್ ಕಾದಿತ್ತು. ಅದೇನ್ ಅಂತ ಮುಂದೆ ಓದಿ..

ನಗರದಾಧ್ಯಂತ ಇಂದಿನಿಂದ ಹೈಕೋರ್ಟ್ ಸೂಚನೆಯ ಹಿನ್ನಲೆಯಲ್ಲಿ, ಇಂದಿರಾ ಕ್ಯಾಂಟೀನ್ ಮೂಲಕ, ಬಡವರಿಗೆ, ಕೂಲಿ ಕಾರ್ಮಿಕರಿಗೆ ಹಾಗೂ ಇತರೆ ವರ್ಗದವರಿಗೆ ಉಚಿತ ಊಟದ ವ್ಯವಸ್ಥೆ ಮಾಡಿದೆ. ಪೊಟ್ಟಣಗಳ ಮೂಲಕ ಹಸಿದವರಿಗೆ ಅನ್ನ ನೀಡುವಂತ ಕೆಲಸವನ್ನು ರಾಜ್ಯ ಸರ್ಕಾರ ಮಾಡುತ್ತಿದೆ. ಬೆಂಗಳೂರಿನಲ್ಲಿ ಇಂದು ಬೆಳಿಗ್ಗೆಯಿಂದ ಉಪಹಾರ ಶುರುವಾಗಿದ್ದು, ಮಧ್ಯಾಹ್ನದ ಊಟಕ್ಕೂ ಈಗ ಸಮಯ ಹತ್ತಿರವಾಗಿದೆ. ಆದ್ರೇ.. ಬೆಳಿಗ್ಗೆ ಉಪಹಾರಕ್ಕೆ ತೆರಳಿದ್ದವರಿಗೆ, ಮಧ್ಯಾಹ್ನದ ಊಟಕ್ಕೆ ಹೋಗೆ ಮನಸ್ಸು ಕೂಡ ಮಾಡಿರಬಹುದು. ಆದ್ರೇ.. ನಗರದ ಅನೇಕ ಕಡೆಯಲ್ಲಿ ನೀಡಿದ ಉಪಹಾರದ ಪೊಟ್ಟಣಗಳ ಕ್ವಾಂಟಿಟಿಯಲ್ಲಿ ಕಡಿಮೆ ಆಗೋರೋದಾಗಿ ತಿಳಿದು ಬಂದಿದೆ.

ದಾಸರಹಳ್ಳಿಯ ಇಂದಿರಾ ಕ್ಯಾಂಟೀನ್ ನಲ್ಲಿ ಇಂದು ಬೆಳಿಗ್ಗೆ ನೀಡಿದಂತ ಉಪಹಾರ ಪೊಟ್ಟಣ ತೆಗೆದು, ತಿನ್ನೋದಕ್ಕೆ ಹೋಗಾದ.. ಪೌರ ಕಾರ್ಮಿಕರಿಗೇ ಶಾಕ್ ಆಗಿದೆಯಂತೆ. ಯಾಕೆಂದ್ರೇ.. ಇಂದಿರಾ ಕ್ಯಾಂಟೀನ್ ಮೂಲಕ ನೀಡಿದ್ದಂತ ಉಚಿತ ಆಹಾರದ ಪೊಟ್ಟಣದಲ್ಲಿ ಇದ್ದದ್ದು ಮಾತ್ರ ಜಸ್ಟ್ ಎರಡೇ ಎರಡು ತುತ್ತು ಉಪಹಾರ ಎಂಬುದಾಗಿ ತಿಳಿದು ಬಂದಿದೆ. ಇಂದಿರಾ ಕ್ಯಾಂಟೀನ್ ನಲ್ಲಿ ಇಂದು ಕೊಟ್ಟಂತ ತಿಂಡಿ ಎರಡೇ ಎರಡು ತುತ್ತು ಆಗಿತ್ತು ಎಂಬುದಾಗಿ ಅನೇಕ ಪೌರ ಕಾರ್ಮಿಕರು ಕಿಡಿ ಕಾರಿದ್ದಾರೆ.

ಅಲ್ಲಾ ಸ್ವಾಮಿ.. ಹೈಕೋರ್ಟ್ ಲಾಕ್ ಡೌನ್ ಸಂದರ್ಭದಲ್ಲಿ ಜನರಿಗೆ ಆಹಾರ ಭದ್ರತೆ ಒದಗಿಸಿ ಅಂತ ಹೇಳಿದ್ದಕ್ಕೆ.. ಇಂದಿರಾ ಕ್ಯಾಂಟೀನ್ ಮೂಲಕ ಉಚಿತ ಆಹಾರ ಒದಗಿಸೋದಾಗಿ ಘೋಷಣೆ ಮಾಡಿ ಇಂದಿನಿಂದ ಬೆಂಗಳೂರಿನಲ್ಲಿ ಕೊಡ್ತಾ ಇದ್ದೀರಿ. ನೀವು ಕೊಡೋ ಆಹಾರ ಎರಡು ತುತ್ತಿಗೆ ಆಗ್ತಾ ಇದೆ. ಕ್ವಾಂಟಿಟಿಯೇ ಇಲ್ಲ. ಹಾಗಾದ್ರೇ.. ಆಹಾರ ಭದ್ರತೆಯ ಮಾತು, ಹೈಕೋರ್ಟ್ ನೀಡಿದ ಸೂಚನೆಗೆ ಬೆಲೆ ಎಲ್ಲಿ ಎಂಬುದು ಅನೇಕರ ಪ್ರಶ್ನೆಯಾಗಿದೆ. ಈ ಬಗ್ಗೆ ಸರ್ಕಾರ ಎಚ್ಚೆತ್ತುಕೊಂಡು ಸರಿಯಾದ ಪ್ರಮಾಣದಲ್ಲಿ ಇಂದಿರಾ ಕ್ಯಾಂಟೀನ್ ಮೂಲಕ ಆಹಾರ ನೀಡುತ್ತಾ ಎಂಬುದನ್ನು ಕಾದು ನೋಡಬೇಕಿದೆ.

India

ಕರ್ತವ್ಯದ ವೇಳೆ ಚುನಾವಣಾ ಅಧಿಕಾರಿ ಕೋವಿಡ್ ನಿಂದ ಮೃತಪಟ್ಟರೆ 1 ಕೋಟಿ ರೂ. ಪರಿಹಾರ ನೀಡಬೇಕು : ಅಲಹಾಬಾದ್ ಹೈಕೋರ್ಟ್

By KNN WEB TEAM Wednesday, May 12, 2021, 11:59 am

ಅಲಹಾಬಾದ್ : ಕೋವಿಡ್ ನಿಂದ ಮೃತಪಟ್ಟ ಚುನಾವಣಾ ಅಧಿಕಾರಿಯ ಕುಟುಂಬಕ್ಕೆ ಉತ್ತರ ಪ್ರದೇಶ ಸರ್ಕಾರ 1 ಕೋಟಿ ರೂ. ಪರಿಹಾರ ಧನ ನೀಡಬೇಕು ಎಂದು ಅಲಹಾಬಾದ್ ಹೈಕೋರ್ಟ್ ಮಹತ್ವದ ಆದೇಶ ನೀಡಿದೆ.

ಉತ್ತರ ಪ್ರದೇಶದ ಪಂಚಾಯತ್ ಚುನಾವಣೆಯ ನಂತರ ಕೊವಿಡ್ ನಿಂದ ಮೃತಪಟ್ಟ ಚುನಾವಣಾ ಅಧಿಕಾರಿಯ ಕುಟುಂಬಕ್ಕೆ 1 ಕೋಟಿ ರೂ. ಪರಿಹಾರ ಧನ ನೀಡಬೇಕು ಎಂದು ಹೇಳಿದ್ದು, ಚುನಾವಣೆಯ ಸಮಯದಲ್ಲಿ ಯಾರಾದರೂ ಸೇವೆಗಳನ್ನು ಸಲ್ಲಿಸಲು ಸ್ವಯಂಪ್ರೇರಿತರಾಗಿ ಬಂದ ಪ್ರಕರಣವಲ್ಲ. ಆದರೆ ಚುನಾವಣಾ ಕರ್ತವ್ಯವನ್ನು ನಿಯೋಜಿಸಲಾಗಿರುವವರಿಗೆ ಚುನಾವಣಾ ಸಮಯದಲ್ಲಿ ತಮ್ಮ ಕರ್ತವ್ಯವನ್ನು ನಿರ್ವಹಿಸುವುದು ಕಡ್ಡಾಯ ಎಂದು ವಿಭಾಗೀಯ ಪೀಠದ ನ್ಯಾಯಾಧೀಶರು ಅಭಿಪ್ರಾಯಪಟ್ಟಿದ್ದಾರೆ.

ಆರ್ ಟಿಪಿಸಾರ್ ಇಲ್ಲದೆ ಚುನಾವಣಾ ಕರ್ತವ್ಯ ನಿರ್ವಹಿಸುವಂತೆ ರಾಜ್ಯ ಮತ್ತು ರಾಜ್ಯ ಚುನಾವಣಾ ಆಯೋಗ ಒತ್ತಾಯ ಮಾಡಿದ್ದರಿಂದ ಕುಟುಂಬದಲ್ಲಿ ದುಡಿದು ಸಂಪಾದಿಸುವ ವ್ಯಕ್ತಿ ಸಾವಿಗೀಡಾದರೆ ಅವರಿಗೆ ರಾಜ್ಯ ಸರ್ಕಾರ ಕನಿಷ್ಠ 1 ಕೋಟಿ ಪರಿಹಾರ ನೀಡಬೇಕು ಎಂದು ಹೈಕೋರ್ಟ್ ಹೇಳಿದೆ.

Film Sandalwood

ಕೊರೋನಾ ಸಂಕಷ್ಟಕ್ಕೆ ಮಿಡಿದ ನಟಿ ಮಾನ್ಯ : ಅಮೆರಿಕಾದಿಂದ 1 ಲಕ್ಷ ರೂ. ಕಳುಹಿಸಿದ ಶಾಸ್ತ್ರಿ ನಟಿ

By KNN WEB TEAM Wednesday, May 12, 2021, 11:50 am

ಬೆಂಗಳೂರು: ಕೊರೊನಾದಿಂದ ತೊಂದರೆ ಅನುಭವಿಸುತ್ತಿರುವ ಕನ್ನಡ ಚಿತ್ರರಂಗದ ಕಲಾವಿದರು ಮತ್ತು ತಂತ್ರಜ್ಞರಿಗೆ ಆಹಾರ ಕಿಟ್‌ಗಳನ್ನು ವಿತರಿಸುವ ನಟ ಉಪೇಂದ್ರ ಅವರ ಕಾರ್ಯಕ್ಕೆ ಶಾಸ್ತ್ರಿ ಚಿತ್ರದಲ್ಲಿ ನಟ ದರ್ಶನ ಜೊತೆ ನಟಿಸಿದ ನಟಿ ಮಾನ್ಯ ಸಾಥ್‌ ನೀಡಿದ್ದಾರೆ.

ನಟಿ ಮಾನ್ಯ 15 ವರ್ಷಗಳ ಹಿಂದೆ ಕನ್ನಡದ ಕೆಲವು ಚಿತ್ರ ಸೇರಿ ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಜನಪ್ರಿಯರಾಗಿದ್ದರು. ವಿಷ್ಣುವರ್ಧನ್ ಅಭಿನಯದ ‘ವರ್ಷ’ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟ ಇವರು ನಂತರದ ದಿನಗಳಲ್ಲಿ ‘ಶಾಸ್ತ್ರಿ’, ಬೆಳ್ಳಿ ಬೆಟ್ಟ’, ಅಂಬಿ’, ಈ ಪ್ರೀತಿ ಒಂಥರಾ’ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದರು.

ಸದ್ಯ ಅಮೆರಿಕದಲ್ಲಿ ಪತಿ ಮತ್ತು ಮಕ್ಕಳೊಂದಿಗೆ ನೆಲೆಸಿರುವ ನಟಿ ಲಾಕ್‌ಡೌನ್‌ನಿಂದ ಸಂಕಷ್ಟಕ್ಕೆ ಒಳಗಾಗಿರುವ ಕಾರ್ಮಿಕರ ಸಹಾಯಕ್ಕೆ ಬಂದಿದ್ದಾರೆ.

ಈ ಕುರಿತು ಟ್ವೀಟ್ ಮಾಡಿರುವ ಉಪೇಂದ್ರ, ಮಾನ್ಯ ಇದೀಗ ಅಮೆರಿಕದಲ್ಲಿ ನೆಲೆಸಿದ್ದು, ಭಾರತದ ಸಂಕಷ್ಟದಲ್ಲಿರುವ ಜನರಿಗೆ ಸಹಾಯ ಮಾಡಲು ಒಂದು ಲಕ್ಷ ರೂಪಾಯಿ ಕಳುಹಿಸಿದ್ದಾರೆ. ಈ ಹಣದಿಂದ ದಿನಸಿ ಕಿಟ್ ಅನ್ನು ಸದ್ಯದಲ್ಲೇ ವಿತರಿಸಿ ಅದರ ವಿವರ ತಿಳಿಸುತ್ತೇವೆ’ ಎಂದು ತಿಳಿಸಿದ್ದಾರೆ.

ಶಾಸ್ತ್ರಿ ಚಿತ್ರದ ನಾಯಕ ನಟಿ ಮಾನ್ಯ ಈಗ ಅಮೆರಿಕದಲ್ಲಿ ನೆಲೆಸಿದ್ದು ಇಲ್ಲಿನ ಸಂಕಷ್ಟದಲ್ಲಿರುವ ಜನರಿಗೆ ಸಹಾಯ ಮಾಡಲು ಒಂದು ಲಕ್ಷ ರುಪಾಯಿ ಕಳಿಸಿದ್ದಾರೆ 🙏 ಈ ಹಣದಿಂದ ದಿನಸಿ ಕಿಟ್ ಸದ್ಯದಲ್ಲೇ ವಿತರಿಸಿ ಅದರ ವಿವರ ತಿಳಿಸುತ್ತೇವೆ. pic.twitter.com/V2AxOcnK7X

— Upendra (@nimmaupendra) May 11, 2021

KARNATAKA State

ಮಹಿಳಾ ಸಾಂತ್ವನ ಕೇಂದ್ರಗಳಿಗೆ ಅನುದಾನ ಬಿಡುಗಡೆ ಮಾಡಿ : ರಾಜ್ಯ ಸರ್ಕಾರಕ್ಕೆ ಸಿದ್ದರಾಮಯ್ಯ ಆಗ್ರಹ

By KNN WEB TEAM Wednesday, May 12, 2021, 11:41 am

ಬೆಂಗಳೂರು : ಸಾಂತ್ವನ ಕೇಂದ್ರಗಳನ್ನು ಆರ್ಥಿಕ ಕೊರತೆಯ ನೆಪವೊಡ್ಡಿ ಸ್ಥಗಿತಗೊಳಿಸಲು ಹೊರಟಿರುವ ರಾಜ್ಯ ಸರ್ಕಾರದ ಕ್ರಮವನ್ನು ಖಂಡಿಸುತ್ತೇನೆ ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಹೇಳಿದ್ದಾರೆ.

ಈ ಸಂಬಂಧ ಟ್ವೀಟ್ ಮಾಡಿರುವ ಸಿದ್ದರಾಮಯ್ಯ, ದೌರ್ಜನ್ಯಕ್ಕೊಳಗಾದ ಮಹಿಳೆಯರಿಗೆ ಸಮಾಲೋಚನೆ ಸೇರಿದಂತೆ ವಿವಿಧ ರೀತಿಯ ನೆರವು ನೀಡುವ ಮೂಲಕ ಅವರ ಬಾಳಲ್ಲಿ ಭರವಸೆ ಮೂಡಿಸುತ್ತಿದ್ದ ಸಾಂತ್ವನ ಕೇಂದ್ರಗಳನ್ನು ಆರ್ಥಿಕ ಕೊರತೆಯ ನೆಪವೊಡ್ಡಿ ಸ್ಥಗಿತಗೊಳಿಸಲು ಹೊರಟಿರುವ ರಾಜ್ಯ ರ್ಕಾರದ ಮಹಿಳಾ ವಿರೋಧಿ ಕ್ರಮವನ್ನು ಖಂಡಿಸುತ್ತೇನೆ ಎಂದಿದ್ದಾರೆ.

ದೌರ್ಜನ್ಯಕ್ಕೊಳಗಾದ ಮಹಿಳೆಯರಿಗೆ ಸಮಾಲೋಚನೆ ಸೇರಿದಂತೆ ವಿವಿಧ ರೀತಿಯ ನೆರವು ನೀಡುವ ಮೂಲಕ ಅವರ ಬಾಳಲ್ಲಿ ಭರವಸೆ ಮೂಡಿಸುತ್ತಿದ್ದ ಸಾಂತ್ವನ ಕೇಂದ್ರಗಳನ್ನು ಆರ್ಥಿಕ ಕೊರತೆಯ ನೆಪವೊಡ್ಡಿ ಸ್ಥಗಿತಗೊಳಿಸಲು ಹೊರಟಿರುವ ರಾಜ್ಯ @BJP4Karnataka ಸರ್ಕಾರದ ಮಹಿಳಾ ವಿರೋಧಿ ಕ್ರಮವನ್ನು ಖಂಡಿಸುತ್ತೇನೆ.
1/2 pic.twitter.com/5MmF8N1XQP

— Siddaramaiah (@siddaramaiah) May 11, 2021

ಮುಖ್ಯಮಂತ್ರಿಗಳ ಮಹಿಳಾಪರ ಬಜೆಟ್ ಎಂಬುದು ಬರಿ ಬಾಯಿಮಾತಿಗಷ್ಟೇ ಸೀಮಿತವೇ? ನಾಡಿನ ಮಹಿಳೆಯರ ಮೇಲೆ ರಾಜ್ಯ ಸರ್ಕಾರಕ್ಕೆ ನೈಜ ಕಾಳಜಿ ಇದ್ದರೆ ಕೂಡಲೇ 71 ಕೇಂದ್ರಗಳು ಕಾರ್ಯನಿರ್ವಹಿಸಲು ಅಗತ್ಯವಿರುವ ಅನುದಾನ ಬಿಡುಗಡೆ ಮಾಡಬೇಕು ಎಂದು ಆಗ್ರಹಿಸಿದ್ದಾರೆ.

India

ನಿಲ್ಲದ ಕೊರೊನಾ ಅಬ್ಬರ : ಮಹಾರಾಷ್ಟ್ರದಲ್ಲಿ ಮತ್ತೆ 2 ವಾರ ಲಾಕ್ ಡೌನ್ ವಿಸ್ತರಣೆ?

By KNN WEB TEAM Wednesday, May 12, 2021, 11:16 am

ಮುಂಬೈ: ಮಹಾರಾಷ್ಟ್ರದಲ್ಲಿ ಕೊರೊನಾ ವೈರಸ್ ಪ್ರಕರಣಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ, ಬುಧವಾರ (ಮೇ 12) ನಡೆಯಲಿರುವ ರಾಜ್ಯ ಸರ್ಕಾರದ ಸಚಿವ ಸಂಪುಟ ಸಭೆಯಲ್ಲಿ ಸಾಂಕ್ರಾಮಿಕ ರೋಗದ ಪರಿಸ್ಥಿತಿಯನ್ನು ಪರಾಮರ್ಶಿಸಿ ಲಾಕ್ ಡೌನ್ ನಂತಹ ಕ್ರಮಗಳನ್ನು ಮತ್ತಷ್ಟು ವಿಸ್ತರಿಸಬೇಕೆ ಅಥವಾ ಬೇಡವೇ ಎಂಬ ಬಗ್ಗೆ ನಿರ್ಧರಿಸುವ ನಿರೀಕ್ಷೆಯಿದೆ.

ಮಹಾರಾಷ್ಟ್ರ ಆರೋಗ್ಯ ಸಚಿವ ರಾಜೇಶ್ ಟೋಪೆ ಅವರು ಬುಧವಾರ ನಡೆಯಲಿರುವ ಸಚಿವ ಸಂಪುಟ ಸಭೆಯಲ್ಲಿ ರಾಜ್ಯ ಸರ್ಕಾರ ಪರಿಸ್ಥಿತಿಯನ್ನು ಪರಿಶೀಲಿಸಲಿದೆ ಮತ್ತು ಲಾಕ್ ಡೌನ್ ನಂತಹ ಕ್ರಮಗಳನ್ನು ವಿಸ್ತರಿಸಬೇಕೆ ಅಥವಾ ಬೇಡವೇ ಎಂಬುದನ್ನು ನಿರ್ಧರಿಸುತ್ತದೆ ಎಂದು ಹೇಳಿದ್ದಾರೆ. ಬ್ರೇಕ್ ದಿ ಚೈನ್ ಆದೇಶದ ಅಡಿಯಲ್ಲಿ ಪ್ರಸ್ತುತ ಇರುವ ಲಾಕ್ ಡೌನ್ ಮೇ 15 ರಂದು ಕೊನೆಗೊಳ್ಳುವುದರಿಂದ ಮಹಾರಾಷ್ಟ್ರದಲ್ಲಿ ಸಂಪೂರ್ಣ ಲಾಕ್ ಡೌನ್ ಅನ್ನು ಇನ್ನೂ ಎರಡು ವಾರಗಳ ವರೆಗೆ ವಿಸ್ತರಿಸಬೇಕು ಎಂಬ ಬೇಡಿಕೆ ಹೆಚ್ಚುತ್ತಿದೆ.

40,956 ಕೋವಿಡ್-19 ಸೋಂಕುಗಳೊಂದಿಗೆ, ರಾಜ್ಯದ ಕೇಸ್ ಲೋಡ್ 51,79,929 ಕ್ಕೆ ಏರಿದೆ, ಆದರೆ 793 ಸಾವುಗಳು ಸಾವಿನ ಸಂಖ್ಯೆ 77,191 ಕ್ಕೆ ಏರಿದೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.

Sports

ಅಕ್ಟೋಬರ್ 26 ರಿಂದ ಬೆಲ್ಗ್ರೇಡ್ ನಲ್ಲಿ ರ ಪುರುಷರ ವಿಶ್ವ ಬಾಕ್ಸಿಂಗ್ ಚಾಂಪಿಯನ್ ಶಿಪ್ ಆರಂಭ

By KNN WEB TEAM Wednesday, May 12, 2021, 11:11 am

ಲಾಸಾನೆ: ಸರ್ಬಿಯಾದ ಬೆಲ್ಗ್ರೇಡ್ ನಲ್ಲಿ ಅಕ್ಟೋಬರ್ 26 ರಿಂದ ನವೆಂಬರ್ 6ರವರೆಗೆ ಪುರುಷರ ವಿಶ್ವ ಬಾಕ್ಸಿಂಗ್ ಚಾಂಪಿಯನ್ ಶಿಪ್ ನಡೆಯಲಿದೆ ಎಂದು ಅಂತಾರಾಷ್ಟ್ರೀಯ ಬಾಕ್ಸಿಂಗ್ ಸಂಸ್ಥೆ (ಎಐಬಿಎ) ತಿಳಿಸಿದೆ.

ಈ ಮೊದಲು ಸ್ಪರ್ಧೆ ಭಾರತದಲ್ಲಿ ನಿಗದಿಯಾಗಿತ್ತು, ಆದರೆ ಆತಿಥ್ಯ ಶುಲ್ಕ ಪಾವತಿಸುವಲ್ಲಿ ವಿಫಲವಾಗಿದ್ದರಿಂದ ಚಾಂಪಿಯನ್ ಶಿಪ್ ಗೆ ಆತಿಥ್ಯ ವಹಿಸುವ ಹಕ್ಕು ಭಾರತ ಕಳೆದುಕೊಂಡಿದೆ ಎಂದು ಎಐಬಿಎ ಹೇಳಿದೆ.

ಸ್ಥಳೀಯ ಸಂಘಟನಾ ಸಮಿತಿ ಮುಖ್ಯಸ್ಥರೂ ಆಗಿರುವ ಸರ್ಬಿಯಾ ಅಧ್ಯಕ್ಷ ಅಲೆಕ್ಸಾಂಡರ್ ವುಸಿಕ್ ಅವರು ಚಾಂಪಿಯನ್ ಶಿಪ್ ನ ಉಸ್ತುವಾರಿ ನೋಡಿಕೊಳ್ಳಲಿದ್ದಾರೆ.
ಕೋವಿಡ್ ಸವಾಲಿನ ಪರಿಸ್ಥಿತಿ ಹೊರತಾಗಿಯೂ ಸ್ಪರ್ಧೆಯನ್ನು ನಡೆಸಲು ದಿನಾಂಕ ನಿಗದಿ ಪಡಿಸಲಾಗಿದೆ ಎಂದು ಎಐಬಿಎ ಅಧ್ಯಕ್ಷ ಉಮರ್ ಕ್ರೆಮ್ಲೇವ್ ಹೇಳಿದ್ದಾರೆ.

Business India

ಬ್ಯಾಂಕ್ ಗ್ರಾಹಕರಿಗೆ ಇಲ್ಲಿದೆ ಮುಖ್ಯ ಮಾಹಿತಿ

By KNN WEB TEAM Wednesday, May 12, 2021, 10:59 am

ನವದೆಹಲಿ : ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ ಬಿಐ) ಉಲ್ಲೇಖಿಸಿದ ರಜಾದಿನಗಳ ಪ್ರಕಾರ, ವಿವಿಧ ಹಬ್ಬಗಳಿಂದಾಗಿ ಮೇ 13 ಮತ್ತು 14 ರಂದು ಬ್ಯಾಂಕುಗಳು ಮುಚ್ಚಲಿವೆ. ಆದಾಗ್ಯೂ, ಎಟಿಎಂಗಳು, ಮೊಬೈಲ್ ಬ್ಯಾಂಕಿಂಗ್ ಮತ್ತು ಆನ್ ಲೈನ್ ಬ್ಯಾಂಕಿಂಗ್ ಸೇವೆಗಳು ಸೇರಿದಂತೆ ಎಲ್ಲಾ ಆನ್ ಲೈನ್ ಬ್ಯಾಂಕಿಂಗ್ ಸೇವೆಗಳು ಇರಲಿವೆ.

ಮೇ 13: ಈ ದಿನ ರಂಜಾನ್-ಐಡಿ (ಐಡಿ-ಉಲ್-ಫಿತರ್) (ಶಾವಲ್-1) ಆಚರಣೆಯನ್ನು ಸೂಚಿಸುತ್ತದೆ. ಆದ್ದರಿಂದ, ಎಲ್ಲಾ ಬ್ಯಾಂಕಿಂಗ್ ಕಾರ್ಯಾಚರಣೆಗಳನ್ನು ಗುರುವಾರ ಮುಚ್ಚಲಾಗುವುದು. ಬೆಲಾಪುರ, ಜಮ್ಮು, ಕೊಚ್ಚಿ, ಮುಂಬೈ, ನಾಗ್ಪುರ, ಶ್ರೀನಗರ ಮತ್ತು ತಿರುವನಂತಪುರಂನಲ್ಲಿ ಬ್ಯಾಂಕುಗಳು ಮುಚ್ಚಲಿವೆ.

ಮೇ 14: ಭಗವಾನ್ ಶ್ರೀ ಪರಶುರಾಮ ಜಯಂತಿ/ರಂಜಾನ್-ಈದ್ (ಈದ್-ಯುಐ-ಫಿತರ್)/ಬಸವ ಜಯಂತಿ/ಅಕ್ಷಯ ತ್ರಿತಿಯ ಆಚರಣೆಯಿಂದಾಗಿ ಶುಕ್ರವಾರ ಬ್ಯಾಂಕುಗಳು ಮುಚ್ಚಲಿವೆ. ಈ ಸಂದರ್ಭಗಳಲ್ಲಿ, ಅಗರ್ತಲಾ, ಅಹಮದಾಬಾದ್, ಐಜ್ವಾಲ್, ಬೆಂಗಳೂರು, ಭೋಪಾಲ್, ಭುವನೇಶ್ವರ, ಚಂಡೀಗಢ, ಚೆನ್ನೈ, ಡೆಹ್ರಾಡೂನ್, ಗ್ಯಾಂಗ್ಟಾಕ್, ಗುವಾಹಟಿ, ಹೈದರಾಬಾದ್, ಇಂಫಾಲ್, ಜೈಪುರ, ಜಮ್ಮು, ಕಾನ್ಪುರ, ಕೋಲ್ಕತ್ತಾ, ಲಕ್ನೋ, ನವದೆಹಲಿ, ಪಣಜಿ, ಪಾಟ್ನಾ, ರಾಯ್ ಪುರ, ರಾಂಚಿ, ಶಿಲ್ಲಾಂಗ್ ಮತ್ತು ಶಿಮ್ಲಾದಲ್ಲಿ ಬ್ಯಾಂಕುಗಳು ಮುಚ್ಚಲ್ಪಟ್ಟಿರುತ್ತವೆ.

ಮೇ. 16-ಭಾನುವಾರ ವಾರದ ರಜೆ

India

ಮಹಾರಾಷ್ಟ್ರದಲ್ಲಿ 2,000 ಕ್ಕೂ ಅಧಿಕ ಬ್ಲಾಕ್ ಫಂಗಸ್ ಸೋಂಕು ಪತ್ತೆ : ಥಾಣೆಯಲ್ಲಿ 2 ಸಾವು

By KNN WEB TEAM Wednesday, May 12, 2021, 10:49 am

ಮುಂಬೈ : ಕೊರೊನಾ ವೈರಸ್ ರೋಗಿಗಳನ್ನು ಬಾಧಿಸುತ್ತಿರುವ ಗಂಭೀರ ಆದರೆ ಅಪರೂಪದ ಶಿಲೀಂಧ್ರ ಸೋಂಕು ಆಗಿರುವ ಮುಕಾರ್ಮಿಕೋಸಿಸ್ ಗೆ ಚಿಕಿತ್ಸಾ ಕೇಂದ್ರಗಳಾಗಿ ವೈದ್ಯಕೀಯ ಕಾಲೇಜುಗಳಿಗೆ ಹೊಂದಿಕೊಂಡಿರುವ ಆಸ್ಪತ್ರೆಗಳನ್ನು ಬಳಸಲು ಮಹಾರಾಷ್ಟ್ರ ಸರ್ಕಾರ ನಿರ್ಧರಿಸಿದೆ ಎಂದು ಆರೋಗ್ಯ ಸಚಿವ ರಾಜೇಶ್ ಟೋಪ್ ಮಂಗಳವಾರ ತಿಳಿಸಿದ್ದಾರೆ.

ಕಪ್ಪು ಶಿಲೀಂಧ್ರ ಎಂದೂ ಕರೆಯಲ್ಪಡುವ ಮ್ಯೂಕಾರ್ಮೈಕೋಸಿಸ್ ನ ಲಕ್ಷಣಗಳಲ್ಲಿ ತಲೆನೋವು, ಜ್ವರ, ಕಣ್ಣುಗಳ ಕೆಳಗೆ ನೋವು, ಮೂಗು ಅಥವಾ ಸೈನಸ್ ದಟ್ಟಣೆ ಮತ್ತು ಭಾಗಶಃ ದೃಷ್ಟಿ ನಷ್ಟಸೇರಿವೆ.

ರಾಜ್ಯದಲ್ಲಿ ಸದ್ಯಕ್ಕೆ 2,000 ಕ್ಕೂ ಹೆಚ್ಚು ಮ್ಯೂಕಾರ್ಮೈಕೋಸಿಸ್ ರೋಗಿಗಳು ಇರಬಹುದು ಮತ್ತು ಹೆಚ್ಚು ಹೆಚ್ಚು ಕೋವಿಡ್-19 ಪ್ರಕರಣಗಳು ಬರುತ್ತಿರುವುದರಿಂದ, ಅವರ ಸಂಖ್ಯೆ ಖಚಿತವಾಗಿ ಹೆಚ್ಚಾಗುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಮಹಾರಾಷ್ಟ್ರದ ಥಾಣೆ ಜಿಲ್ಲೆಯಲ್ಲಿ ಗಂಭೀರ ಆದರೆ ಅಪರೂಪದ ಶಿಲೀಂಧ್ರ ಸೋಂಕಿನಿಂದ ಇಬ್ಬರು ಕೋವಿಡ್-19 ರೋಗಿಗಳು ಸತ್ತಿದ್ದಾರೆ ಎಂದು ಆರೋಗ್ಯ ಅಧಿಕಾರಿಯೊಬ್ಬರು ಬುಧವಾರ ತಿಳಿಸಿದ್ದಾರೆ.

ಕಪ್ಪು ಶಿಲೀಂಧ್ರವು ಶೇಕಡಾ ೫೦ ರಷ್ಟು ಮರಣ ಪ್ರಮಾಣವನ್ನು ಹೊಂದಿದೆ ಮತ್ತು ಕೋವಿಡ್-೧೯ ರೋಗಿಗಳಲ್ಲಿ ನಿಗ್ರಹಿತ ರೋಗನಿರೋಧಕತೆ ಅಥವಾ ಸಹ-ಅಸ್ವಸ್ಥತೆಗಳೊಂದಿಗೆ ಕಂಡುಬರುತ್ತದೆ ಎಂದು ಅವರು ಹೇಳಿದರು.

KARNATAKA State

ಆಯುಷ್ಮಾನ್ ಭಾರತ ಯೋಜನೆಯಡಿ ಕೊರೊನಾ ಚಿಕಿತ್ಸೆಗೆ ಅವಕಾಶ ನೀಡಿ : ಮಾಜಿ ಸಿಎಂ ಹೆಚ್ ಡಿಕೆ

By KNN WEB TEAM Wednesday, May 12, 2021, 10:35 am

ಬೆಂಗಳೂರು : ಕೇಂದ್ರ ಸರ್ಕಾರದ ಆಯುಷ್ಮಾನ್ ಭಾರತ್ ಆರೋಗ್ಯ ಯೋಜನೆಯ ಅಡಿಯಲ್ಲಿ ನಾಗರಿಕರಿಗೆ ಮಹಾಮಾರಿ ಕೊರೋನಾ ವೈರಸ್ ಸೋಂಕಿಗೆ ಚಿಕಿತ್ಸೆ ಪಡೆಯಲು ಅವಕಾಶ ನೀಡಬೇಕು ಎಂದು ಮಾಜಿ ಸಿಎಂ ಹೆಚ್.ಡಿ.ಕುಮಾರಸ್ವಾಮಿ ಹೇಳಿದ್ದಾರೆ.

ಈ ಸಂಬಂಧ ಟ್ವೀಟ್ ಮಾಡಿರುವ ಹೆಚ್.ಡಿ.ಕುಮಾರಸ್ವಾಮಿ, ಕೇಂದ್ರ ಸರ್ಕಾರದ ಆಯುಷ್ಮಾನ್ ಭಾರತ್ ಆರೋಗ್ಯ ಯೋಜನೆಯ ಅಡಿಯಲ್ಲಿ ನಾಗರಿಕರಿಗೆ ಮಹಾಮಾರಿ ಕೊರೋನಾ ವೈರಸ್ ಸೋಂಕಿಗೆ ಚಿಕಿತ್ಸೆ ಪಡೆಯಲು ಇರುವ ನಿರ್ಬಂಧಗಳನ್ನು ಸಡಿಲಗೊಳಿಸಿ ಕೇಂದ್ರ ಸರ್ಕಾರ ತಕ್ಷಣವೇ ಆದೇಶ ಹೊರಡಿಸಬೇಕು ಎಂದು ಆಗ್ರಹಿಸಿದ್ದಾರೆ.

ಆಯುಷ್ಮಾನ್ ಭಾರತ ಯೋಜನೆ ಅಡಿ ಕೊರೊನಾ ಸೋಂಕಿತರು ಉಚಿತವಾಗಿ ಖಾಸಗಿ ಆಸ್ಪತ್ರೆಗಳಲ್ಲಿ ಸರ್ಕಾರ ನಿರ್ಬಂಧಿಸಿರುವ 5 ಲಕ್ಷ ರೂಪಾಯಿ ವ್ಯಾಪ್ತಿಯಲ್ಲಿ ಚಿಕಿತ್ಸೆ ಪಡೆಯಲು ಎಡರು ತೊಡರುಗಳಿವೆ. ಮಹಾಮಾರಿ ಕೊರೊನಾ ದೇಶವನ್ನು ನಲುಗಿಸುತ್ತಿರುವ ಈ ದುರಿತ ಕಾಲದಲ್ಲಿ ಕೇಂದ್ರ ಸರ್ಕಾರ ಔದಾರ್ಯ ಪ್ರದರ್ಶಿಸಬೇಕಾದ ತುರ್ತು ಅಗತ್ಯವಿದೆ ಎಂದರು.

ಬಿಪಿಎಲ್ ಕಾರ್ಡುದಾರರು ಆಯುಷ್ಮಾನ್ ಭಾರತ ಯೋಜನೆ ಅಡಿ 5 ಲಕ್ಷ ರೂಪಾಯಿಗಳವರೆಗೆ ಮಾರಣಾಂತಿಕ ಕಾಯಿಲೆಗಳಿಗೆ ಉಚಿತ ಚಿಕಿತ್ಸೆ ಪಡೆಯಬಹುದಾಗಿದೆ. ಎಪಿಎಲ್ ಕಾರ್ಡ್ ದಾರರಿಗೆ ಗರಿಷ್ಠ 5 ಲಕ್ಷ ರೂಪಾಯಿಗಳವರೆಗೆ ಶೇಕಡ 30ರಷ್ಟು ಚಿಕಿತ್ಸಾ ವೆಚ್ಚದಲ್ಲಿ ರಿಯಾಯಿತಿ ದಕ್ಕಲಿದೆ ಎಂದು ತಿಳಿಸಿದ್ದಾರೆ.

ಆಯುಷ್ಮಾನ್ ಭಾರತ್ ಫಲಾನುಭವಿಗಳಿಗೆ ಸರಾಗವಾಗಿ ಕೊರೋನಾ ಉಚಿತ ಚಿಕಿತ್ಸೆ ಕೊಡುವುದಿಲ್ಲವಾದರೆ ಈ ಯೋಜನೆ ಮತ್ತಿನ್ಯಾವ ಪುರುಷಾರ್ಥಕ್ಕೆ? ಕೇಂದ್ರ ಸರ್ಕಾರ ತಕ್ಷಣ ಈ ಬಗ್ಗೆ ನಿರ್ಧಾರ ತೆಗೆದುಕೊಳ್ಳುವ ತುರ್ತು ಅಗತ್ಯವಿದೆ. ದೇಶದ ಬಹುಸಂಖ್ಯಾತರ ಆಗ್ರಹ ಕೂಡ ಇದೇ ಆಗಿದೆ ಎಂದು ಟ್ವೀಟ್ ಮಾಡಿದ್ದಾರೆ.

India

2 ವರ್ಷ ಮೇಲ್ಪಟ್ಟ ಮಕ್ಕಳಿಗೆ ಕೊವಾಕ್ಸಿನ್ ಲಸಿಕೆ ವೈದ್ಯಕೀಯ ಪ್ರಯೋಗಕ್ಕೆ ಅನುಮತಿ

By KNN WEB TEAM Wednesday, May 12, 2021, 10:32 am

ನವದೆಹಲಿ: ಭಾರತ್ ಬಯೋಟೆಕ್ ಸಂಸ್ಥೆಯ ಕೊವ್ಯಾಕ್ಸಿನ್ ಲಸಿಕೆಯನ್ನು 2 ರಿಂದ 18 ವರ್ಷದವರಿಗೆ ನೀಡುವುದಕ್ಕೆ ಸಂಬಂಧಿಸಿದಂತೆ ಎರಡು ಮತ್ತು ಮೂರನೇ ಹಂತದ ವೈದ್ಯಕೀಯ ಪ್ರಯೋಗ ನಡೆಸಲು ತಜ್ಞರ ಸಮಿತಿ ಶಿಫಾರಸ್ಸು ಮಾಡಿದೆ.

ದೆಹಲಿಯ ಏಮ್ಸ್, ಪಾಟ್ನಾದ ಏಮ್ಸ್ ಹಾಗೂ ನಾಗ್ಪುರದ ಮೆಡಿಟ್ರಿನಾ ಇನ್ಸ್ ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ ನಲ್ಲಿ 525 ಮಾದರಿ ಪ್ರಯೋಗಗಳನ್ನು ನಡೆಸುವುದಕ್ಕೆ ಅನುಮೋದನೆ ನೀಡಲಾಗಿದೆ ಎಂದು ತಿಳಿದು ಬಂದಿದೆ.

2 ವರ್ಷದಿಂದ 18 ವರ್ಷದವರಲ್ಲಿ ಭಾರತ್ ಬಯೋಟೆಕ್ ಸಂಸ್ಥೆಯ ಕೊವ್ಯಾಕ್ಸಿನ್ ಲಸಿಕೆಯು ಹೇಗೆ ಕೆಲಸ ಮಾಡುತ್ತದೆ, ಎಷ್ಟು ಪರಿಣಾಮಕಾರಿಯಾಗಿದೆ ಎನ್ನುವುದರ ಮೇಲೆ ವೈದ್ಯಕೀಯ ಪ್ರಯೋಗ ನಡೆಸಲು ಅನುಮತಿ ಕೋರಿತ್ತು.

ಭಾರತ್ ಬಯೋಟೆಕ್ ಸಂಸ್ಥೆಯ ಕೊವ್ಯಾಕ್ಸಿನ್ ಲಸಿಕೆ 2-18 ವರ್ಷದವರಿಗೆ ಸುರಕ್ಷಿತವೇ ಎಂಬ ಬಗ್ಗೆ ವಿಸ್ತೃತ ಚರ್ಚೆಯ ಬಳಿಕ ವೈದ್ಯಕೀಯ ಪ್ರಯೋಗಕ್ಕೆ ಷರತ್ತುಬದ್ಧ ಅನುಮೋದನೆ ನೀಡಲಾಗಿದೆ.

ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ (ಐಸಿಎಂಆರ್) ಸಹಯೋಗದೊಂದಿಗೆ ಭಾರತ್ ಬಯೋಟೆಕ್ ಸಂಸ್ಥೆ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿರುವ ಕೋವಾಕ್ಸಿನ್ ಲಸಿಕೆಯನ್ನು ಪ್ರಸ್ತುತ ಭಾರತದ ಕೋವಿಡ್ -19 ವ್ಯಾಕ್ಸಿನೇಷನ್ ಅಭಿಯಾನದಲ್ಲಿ ವಯಸ್ಕರಲ್ಲಿ ಬಳಸಲಾಗುತ್ತಿದೆ.

Bangalore KARNATAKA State

ಬೆಂಗಳೂರಿನಲ್ಲಿ ‘ಇಂದಿರಾ ಕ್ಯಾಂಟೀಲ್’ ‘ಉಚಿತ ಊಟ’ಕ್ಕೆ ಮುಗಿಬಿದ್ದ ಜನರು : ‘ಕ್ಯಾಂಟಿನ್’ ಮುಂದೆ ಜನವೋ ಜನ.!

By KNN WEB TEAM Wednesday, May 12, 2021, 10:23 am

ಬೆಂಗಳೂರು : ಕೊರೋನಾ ಸೋಂಕಿನ ನಿಯಂತ್ರಣಕ್ಕಾಗಿ ರಾಜ್ಯದಲ್ಲಿ ಲಾಕ್ ಡೌನ್ ಜಾರಿಗೊಳಿಸಲಾಗಿದೆ. ಈ ವೇಳೆ ಜನರಿಗೆ ಆಹಾರ ಭದ್ರತೆ ಒದಗಿಸಿ ಎಂಬುದಾಗಿ ಹೈಕೋರ್ಟ್ ರಾಜ್ಯ ಸರ್ಕಾರಕ್ಕೆ ಸೂಚಿಸಿತ್ತು. ಈ ಹಿನ್ನಲೆಯಲ್ಲಿ ಇಂದಿನಿಂದ ಬೆಂಗಳೂರಿನ ಇಂದಿರಾ ಕ್ಯಾಂಟೀನ್ ಮೂಲಕ ಪೊಟ್ಟಣಗಳಲ್ಲಿ ಉಚಿತ ಆಹಾರ ವಿತರಣೆ ನಡೆಯುತ್ತಿದೆ. ಹೀಗಾಗಿ ಇಂದಿರಾ ಕ್ಯಾಂಟೀನ್ ಉಚಿತ ಊಟಕ್ಕಾಗಿ ಜನರು ಮುಗಿಬಿದ್ದಿದ್ದಾರೆ.

ಇಂದಿನಿಂದ ಬೆಂಗಳೂರಿನಲ್ಲಿ ಕೂಲಿ ಕಾರ್ಮಿಕರಿಗೆ, ಬಡವರಿಗೆ, ಇತರೆ ವರ್ಗದ ಜನರಿಗೆ ಕೊರೋನಾ ಲಾಕ್ ಡೌನ್ ಸಂದರ್ಭದಲ್ಲಿ ಆಹಾರ ಭದ್ರತೆ ಒದಗಿಸಲು ರಾಜ್ಯ ಸರ್ಕಾರ ಇಂದಿರಾ ಕ್ಯಾಂಟೀನ್ ಮೂಲಕ ಮೂರು ಹೊತ್ತು ಉಚಿತ ಊಟದ ವ್ಯವಸ್ಥೆ ಮಾಡಿದೆ. ಬೆಳಗಿನ ಉಪಹಾರ, ಮಧ್ಯಾಹ್ನ ಮತ್ತು ರಾತ್ರಿ ಊಟವನ್ನು ಪೊಟ್ಟಣಗಳಲ್ಲಿ ಕಟ್ಟಿ, ಉಚಿತವಾಗಿ ನೀಡೋದಕ್ಕೆ ಶುರು ಮಾಡಿದೆ.

ಇಂದಿರಾ ಕ್ಯಾಂಟೀನ್ ಮೂಲಕ ಉಚಿತವಾಗಿ ನೀಡಲಾಗುತ್ತಿರುವಂತ ಊಟಕ್ಕಾಗಿ ಕಾರ್ಪೊರೇಷನ್ ಸರ್ಕಲ್, ನಗರದ ವಿವಿಧ ಕಡೆಯಲ್ಲಿರುವಂತ ಇಂದಿರಾ ಕ್ಯಾಂಟಿನ್ ಮುಂದೆ ಸಾಲುಗಟ್ಟಿ ಜನರು ನಿಂತಿದ್ದು ಕಂಡು ಬಂತು. ನೂರಾರು ಜನರು ಉಚಿತ ಊಟಕ್ಕಾಗಿ ಕ್ಯಾಂಟಿನ್ ಮುಂದೆ ಕ್ಯೂ ನಿಂತು, ಉಚಿತ ಊಟವನ್ನು ಪಡೆಯೋದಕ್ಕೆ ಮುಗಿ ಬಿದ್ದಿದ್ದು ಕಂಡು ಬಂದಿದೆ.

Business India

ವಾಹನ ಸವಾರರಿಗೆ ಶಾಕ್ : ಮತ್ತೆ ಪೆಟ್ರೋಲ್, ಡೀಸೆಲ್ ಬೆಲೆಯಲ್ಲಿ ಏರಿಕೆ

By KNN WEB TEAM Wednesday, May 12, 2021, 10:19 am

ನವದೆಹಲಿ : ವಾಹನ ಸವಾರರಿಗೆ ಮತ್ತೆ ಬೆಲೆ ಏರಿಕೆಯ ಶಾಕ್ ಎದುರಾಗಿದ್ದು , ಇಂದು ಮತ್ತೆ ಪೆಟ್ರೋಲ್ , ಡೀಸೆಲ್ ಬೆಲೆ ಏರಿಕೆಯಾಗಿದೆ .

ಪೆಟ್ರೋಲ್ ಬೆಲೆಯನ್ನು ಪ್ರತಿ ಲೀಟರ್ ಗೆ 25 ಪೈಸೆ ಮತ್ತು ಡೀಸೆಲ್ ಬೆಲೆಯನ್ನು ಲೀಟರ್ ಗೆ 25 ಪೈಸೆ ಹೆಚ್ಚಿಸಲಾಗಿದೆ. ರಾಷ್ಟ್ರ ರಾಜಧಾನಿಯಲ್ಲಿ ಪೆಟ್ರೋಲ್ ಈಗ ಲೀಟರ್ ಗೆ 92.05 ರೂ. ಮತ್ತು ಡೀಸೆಲ್ ಪ್ರತಿ ಲೀಟರ್ ಗೆ 82.61 ರೂ.ಗೆ ಏರಿಕೆಯಾಗಿದೆ.

ಮುಂಬೈ ನಲ್ಲಿ ಪೆಟ್ರೋಲ್ ದರ ಪ್ರತಿ ಲೀಟರ್ ಗೆ 98.36 ರೂ. ಇದ್ದರೆ ಡೀಸೆಲ್ ದರ ಪ್ರತಿ ಲೀಟರ್ ಗೆ 89. 75 ಗೆ ಏರಿಕೆಯಾಗಿದೆ. ಚೆನ್ನೈ ನಲ್ಲಿ ಪೆಟ್ರೋಲ್ ದರ ಪ್ರತಿ ಲೀಟರ್ ಗೆ 93.84 ರೂ. ಗೆ ಏರಿಕೆಯಾಗಿದ್ದು, ಡೀಸೆಲ್ ದರ 87.49 ತಲುಪಿದೆ.

ಕೇಂದ್ರ ಸರ್ಕಾರವು ದೆಹಲಿಯಲ್ಲಿ ಪೆಟ್ರೋಲ್ ಬೆಲೆಯ ಪ್ರತಿ ಲೀಟರ್ ಗೆ 32.98 ರೂ.ಗಳನ್ನು ಮತ್ತು ರಾಜ್ಯ ಸರ್ಕಾರದ ಮಾರಾಟ ತೆರಿಗೆ ಅಥವಾ ವ್ಯಾಟ್ 19.55 ರೂ.ಡೀಸೆಲ್ ಗೆ ವಿಧಿಸಲಿದೆ. , ಕೇಂದ್ರ ಅಬಕಾರಿ 31.83 ರೂ. ಮತ್ತು ವ್ಯಾಟ್ ಅನ್ನು 10.99 ರೂ.ಗೆ ಸೇರಿಸುತ್ತದೆ. ಇದಲ್ಲದೆ, ಬೆಲೆ ಪೆಟ್ರೋಲ್ ಮೇಲೆ ಪ್ರತಿ ಲೀಟರ್ ಗೆ ಕನಿಷ್ಠ 2.6 ರೂ. ಮತ್ತು ಡೀಸೆಲ್ ಮೇಲೆ 2 ರೂ.ಗಳ ಡೀಲರ್ ಕಮಿಷನ್ ಅನ್ನು ಸಹ ಒಳಗೊಂಡಿದೆ.

ದೇಶಾದ್ಯಂತ ದರಗಳನ್ನು ಹೆಚ್ಚಿಸಲಾಗಿದೆ ಮತ್ತು ತೆರಿಗೆಯ ಸ್ಥಳೀಯ ಘಟನೆಯನ್ನು (ವ್ಯಾಟ್) ಅವಲಂಬಿಸಿ ರಾಜ್ಯದಿಂದ ರಾಜ್ಯಕ್ಕೆ ಬದಲಾಗುತ್ತದೆ.

Bangalore KARNATAKA State

Fact Check : ನೀವು ‘ಈ ವೀಡಿಯೋ’ ನೋಡಿರಬಹುದು.! ಆದ್ರೇ.. ಕರ್ನಾಟಕದ್ದಲ್ಲ, ಸುದ್ದಿ ಪರಿಶೀಲಿಸಿ ಶೇರ್ ಮಾಡಿ – IPS ಕಮಲ್ ಪಂತ್

By KNN WEB TEAM Wednesday, May 12, 2021, 10:03 am

ಬೆಂಗಳೂರು : ಬಹುತೇಕರು ನೀವು ಬಳಸುತ್ತಿರುವಂತ ಸೋಷಿಯಲ್ ಮೀಡಿಯಾದಲ್ಲಿ ಈ ವೀಡಿಯೋ ನೋಡಿರುತ್ತೀರಿ. ಪೊಲೀಸರ ವಿರುದ್ಧವೂ ಆಕ್ರೋಶ ವ್ಯಕ್ತ ಪಡಿಸಿರುತ್ತೀರಿ. ಸೋಷಿಯಲ್ ಮೀಡಿಯಾದಲ್ಲಿ ಕ್ಷಣ ಮಾತ್ರದಲ್ಲಿ ಆ ಊರು, ಈ ಊರು, ಈ ಜಿಲ್ಲೆ, ಆ ಜಿಲ್ಲೆ ಅಂತ ಹರಿದಾಡಿದ್ದು ನಂಬಿರುತ್ತೀರಿ. ಆದ್ರೇ.. ವ್ಯಕ್ತಿಯೊಬ್ಬನಿಗೆ ಪೊಲೀಸರು ಹೊಡೆಯುತ್ತಿರುವ ವೀಡಿಯೋ ಮಾತ್ರ.. ಕರ್ನಾಟಕದ್ದಂತೂ ಅಲ್ಲವೇ ಅಲ್ಲ.. ಇಂತಹ ಸುದ್ದಿ ಪರಿಶೀಲಿಸಿ ಶೇರ್ ಮಾಡಿ ಎಂಬುದಾಗಿ ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಕಮಲ್ ಪಂತ್ ತಿಳಿಸಿದ್ದಾರೆ.

ರಾಜ್ಯದಲ್ಲಿ ಕೊರೋನಾ ನಿಯಂತ್ರಣಕ್ಕಾಗಿ ಲಾಕ್ ಡೌನ್ ಜಾರಿಗೊಳಿಸಲಾಗಿದೆ. ಜನರು ಕೊರೋನಾ ನಿಯಂತ್ರಣಕ್ಕಾಗಿ ಮನೆಯಿಂದ ಹೊರಗೆ ಬಾರದಂತೆ ಮಾರ್ಗಸೂಚಿಯಲ್ಲಿ ತಿಳಿಸಲಾಗಿದೆ. ಹೀಗಿದ್ದೂ ಅನೇಕರು ರಸ್ತೆಗಿಳಿದಾಗ, ಪೊಲೀಸರು ಮಾತ್ರ ಲಾಠಿ ಬೀಸಿಯೋ, ಕೈಮುಗಿದೋ.. ವಿವಿಧ ರೀತಿಯಲ್ಲಿ ಜನರನ್ನು ನಿಯಂತ್ರಿಸುತ್ತಿದ್ದಾರೆ. ಇದರ ಮಧ್ಯೆ ಪೊಲೀಸರ ತರಾವರಿ ಜನರ ಮೇಲೆ ಲಾಠಿ ಬೀಸೋ ವೀಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ. ಅವು ಇವತ್ತಿನದ್ದೇ ಎಂಬುದಾಗಿ ಬಿಂಬಿಸೋದಕ್ಕೂ ಶುರುವಾಗಿವೆ..

ಹೀಗೆ ಇಂದು ಪೊಲೀಸರು ವ್ಯಕ್ತಿಯೊಬ್ಬನನ್ನು ಮಾರಣಾಂತಿಕವಾಗಿ ಹಲ್ಲೆ ಮಾಡಿದ್ದಾರೆ. ಓರ್ವ ವ್ಯಕ್ತಿಯನ್ನು ಪೊಲೀಸರು ಮನಬಂದಂತೆ ಲಾಠಿಯಿಂದ ಥಳಿಸಿದ್ದಾರೆ ಎಂಬ ವೀಡಿಯೋವೊಂದು ವೈರಲ್ ಆಗಿತ್ತು. ಅದಕ್ಕೆ ಕರ್ನಾಟಕದ ವಿವಿಧ ಜಿಲ್ಲೆ, ಸ್ಥಳದ ಹೆಸರನ್ನು ಕೂಡ ಕೊಟ್ಟು ಒಬ್ಬರಿಂದ ಒಬ್ಬರಿಗೆ ಹರಿದಾಡುತ್ತಾ, ರಾಜ್ಯದಲ್ಲೇ ಪೊಲೀಸರು ಹೀಗೆ ವ್ಯಕ್ತಿಯೊಬ್ಬನ ಮೇಲೆ ಮಾರಣಾಂತಿಕವಾಗಿ ಲಾಠಿಯಿಂದ ಹೊಡೆದಿದ್ದಾರೆ ಎಂದು ಹೇಳಲಾಗುತ್ತಿತ್ತು.

ಈ ಕುರಿತಂತೆ ಟ್ವಿಟ್ ಮಾಡಿರುವಂತ ಬೆಂಗಳೂರು ನಗರ ಪೊಲೀಸ್ ಆಯುಕ್ತ ಕಮಲ್ ಪಂತ್, ಸುದ್ದಿ ಪರಿಶೀಲಿಸಿ ಶೇರ್ ಮಾಡಿ!! ಒಬ್ಬ ವ್ಯಕ್ತಿಯನ್ನು ಸುತ್ತುವರಿದು ಪೊಲೀಸ್ ಹೊಡೆಯುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಒಬ್ಬ ಮಹಿಳೆ ಅದನ್ನು ಕರ್ನಾಟಕ ಲಾಕ್ಡೌನ್ ಸಮಯದಲ್ಲಿ ನಡೆದಿದ್ದು ಎಂದು ವಿವರಿಸುತ್ತಾ ಇರುವುದು ವಿಡಿಯೋದಲ್ಲಿ ಗಮನಿಸಬಹುದು ಎಂದಿದ್ದಾರೆ.

ಸುದ್ದಿ ಪರಿಶೀಲಿಸಿ ಶೇರ್ ಮಾಡಿ!!

ಒಬ್ಬ ವ್ಯಕ್ತಿಯನ್ನು ಸುತ್ತುವರಿದು ಪೊಲೀಸ್ ಹೊಡೆಯುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಒಬ್ಬ ಮಹಿಳೆ ಅದನ್ನು ಕರ್ನಾಟಕ ಲಾಕ್ಡೌನ್ ಸಮಯದಲ್ಲಿ ನಡೆದಿದ್ದು ಎಂದು ವಿವರಿಸುತ್ತಾ ಇರುವುದು ವಿಡಿಯೋದಲ್ಲಿ ಗಮನಿಸಬಹುದು. https://t.co/ZNkRZUNGWM (1/2) pic.twitter.com/pTTxlLslTJ

— Kamal Pant, IPS (@CPBlr) May 11, 2021

ಈ ಮೂಲಕ ತಿಳಿಸುವುದೇನೆಂದರೆ, ಆ ದೃಶ್ಯದಲ್ಲಿರುವುದು ಕರ್ನಾಟಕ ಪೊಲೀಸ್ ಅಲ್ಲ, ಆ ಘಟನೆ ಏಪ್ರಿಲ್ 3,2020 ಮುಂಬೈಯಲ್ಲಿ ನಡೆದಿದೆ. ಈ ಸುಳ್ಳು ಸುದ್ದಿ ಹಬ್ಬಿದವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು. ಸಾರ್ವಜನಿಕರು ಈ ರೀತಿ ಪ್ರಚೋದನಾತ್ಮಕ ಸುದ್ದಿಗಳಿಂದ ದಿಕ್ಕು ತಪ್ಪಬಾರದು. ಯಾವುದೇ ಸುದ್ದಿಯ ನೈಜತೆಯನ್ನು ಮೊದಲು ಪರಿಶೀಲಿಸಬೇಕು ಎಂಬುದಾಗಿ ತಿಳಿಸಿದ್ದಾರೆ.

ಈ ಮೂಲಕ ತಿಳಿಸುವುದೇನೆಂದರೆ, ಆ ದೃಶ್ಯದಲ್ಲಿರುವುದು ಕರ್ನಾಟಕ ಪೊಲೀಸ್ ಅಲ್ಲ, ಆ ಘಟನೆ ಏಪ್ರಿಲ್ 3,2020 ಮುಂಬೈಯಲ್ಲಿ ನಡೆದಿದೆ. ಈ ಸುಳ್ಳು ಸುದ್ದಿ ಹಬ್ಬಿದವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು. ಸಾರ್ವಜನಿಕರು ಈ ರೀತಿ ಪ್ರಚೋದನಾತ್ಮಕ ಸುದ್ದಿಗಳಿಂದ ದಿಕ್ಕು ತಪ್ಪಬಾರದು.ಯಾವುದೇ ಸುದ್ದಿಯ ನೈಜತೆಯನ್ನು ಮೊದಲು ಪರಿಶೀಲಿಸಬೇಕು.(2/2)

— Kamal Pant, IPS (@CPBlr) May 11, 2021

India

Big Shocking News : ಕೊರೊನಾ ಮಹಾಮಾರಿಗೆ ಭಾರತೀಯ ರೈಲ್ವೆ ಇಲಾಖೆಯ 1,952 ನೌಕರರು ಬಲಿ!

By KNN WEB TEAM Wednesday, May 12, 2021, 10:02 am

ನವದೆಹಲಿ: ದೇಶದಲ್ಲಿ ಕೊರೊನಾ 2 ನೇ ಅಲೆ ಅಬ್ಬರ ದಿನದಿಂದ ದಿನಕ್ಕೆ ಹೆಚ್ಚಳವಾಗುತ್ತಿದ್ದು, ಕಿಲ್ಲರ್ ಕೊರೊನಾ ವೈರಸ್ ಗೆ ಭಾರತೀಯ ರೈಲ್ವೆ ಇಲಾಖೆ 1,952 ಉದ್ಯೋಗಿಗಳು ಬಲಿಯಾಗಿದ್ದಾರೆ ಎಂದು ರೈಲ್ವೆ ಮಂಡಳಿ ಮುಖ್ಯಸ್ಥರು ತಿಳಿಸಿದ್ದಾರೆ.

ದೇಶದಲ್ಲಿ ಕೊರೊನಾ ವೈರಸ್ ಸೋಂಕಿನ ಪ್ರಕರಣಗಳು ದಿನದಿಂ ದಿನಕ್ಕೆ ಹೆಚ್ಚಳವಾಗುತ್ತಿರುವ ನಡುವೆ ರೈಲ್ವೆ ಇಲಾಖೆಯ 1 ಸಾವಿರ ನೌಕರರಿಗೆ ಕೊರೊನಾ ವೈರಸ್ ಸೋಂಕು ದೃಢಪಡುತ್ತಿದೆ ಎಂದು ಹೇಳಿದೆ.

ರೈಲ್ವೆ ಯು ಬೇರೆ ಯಾವುದೇ ರಾಜ್ಯ ಅಥವಾ ಪ್ರದೇಶಗಳಿಗಿಂತ ಭಿನ್ನವಾಗಿಲ್ಲ ಮತ್ತು ನಾವು ಕೋವಿಡ್-19 ಪ್ರಕರಣಗಳನ್ನು ಸಹ ಪಡೆಯುತ್ತಿದ್ದೇವೆ. ನಾವು ಸಾರಿಗೆ ವ್ಯವಹಾರದಲ್ಲಿದ್ದೇವೆ ಮತ್ತು ಸರಕು ಮತ್ತು ಜನರನ್ನು ಸಾಗಿಸಬೇಕು. ಪ್ರತಿದಿನ ಸುಮಾರು 1,000 (ಕೋವಿಡ್) ಪ್ರಕರಣಗಳು ವರದಿಯಾಗುತ್ತವೆ ಎಂದು ರೈಲ್ವೆ ಮಂಡಳಿ ಅಧ್ಯಕ್ಷ ಸುನೀತ್ ಶರ್ಮಾ ತಿಳಿಸಿದ್ದಾರೆ.

ನಾವು ನಮ್ಮ ಆಸ್ಪತ್ರೆಗಳನ್ನು ಹೊಂದಿದ್ದೇವೆ. ನಾವು ಹಾಸಿಗೆಗಳ ಸಂಖ್ಯೆಯನ್ನು ಹೆಚ್ಚಿಸಿದ್ದೇವೆ; ರೈಲು ಆಸ್ಪತ್ರೆಗಳಲ್ಲಿ ಆಮ್ಲಜನಕ ಘಟಕಗಳನ್ನು ನಿರ್ಮಿಸಿದ್ದೇವೆ. ನಾವು ನಮ್ಮ ಸಿಬ್ಬಂದಿಯನ್ನು ನೋಡಿಕೊಳ್ಳುತ್ತೇವೆ. ಸದ್ಯಕ್ಕೆ, ನಾವು ಸಿಬ್ಬಂದಿ ಮತ್ತು ಅವರ ಕುಟುಂಬಗಳಿಂದ 4,000 ಹಾಸಿಗೆಗಳನ್ನು ಮೀಸಲಿಟ್ಟಿದ್ದೇವೆ. ಅವರು ಬೇಗನೆ ಚೇತರಿಸಿಕೊಳ್ಳುವುದನ್ನು ನೋಡುವುದು ನಮ್ಮ ಪ್ರಯತ್ನವಾಗಿದೆ. ಕಳೆದ ವರ್ಷದ ಮಾರ್ಚ್ ನಿಂದ ಕೋವಿಡ್-19 ರಿಂದ ನಿನ್ನೆಯವರೆಗೆ 1,952 ರೈಲು ನೌಕರರು ಮೃತಪಟ್ಟಿದ್ದಾರೆ ಎಂದು ಅವರು ಹೇಳಿದರು.

ರೈಲ್ವೆ ಯು ಎಲ್ಲಾ ರೈಲ್ವೆ ಜನರ ಸುರಕ್ಷತೆಯ ಬಗ್ಗೆ ಕಾಳಜಿ ವಹಿಸಿದೆ ಮತ್ತು ಅವರ ಒಡ್ಡುವಿಕೆಯನ್ನು ಕಡಿಮೆ ಮಾಡಲು ಎಲ್ಲಾ ಅಗತ್ಯ ಕ್ರಮಗಳನ್ನು ಕೈಗೊಂಡಿದೆ ಎಂದು ಶರ್ಮಾ ಹೇಳಿದರು.

CORONAVIRUS India

BIG BREAKING NEWS : ಭಾರತದಲ್ಲಿ ಒಂದೇ ದಿನ ಹೊಸದಾಗಿ 3,48,421 ಕೊರೊನಾ ಸೋಂಕಿನ ಪ್ರಕರಣಗಳು ದಾಖಲು

By KNN WEB TEAM Wednesday, May 12, 2021, 9:45 am

ನವದೆಹಲಿ : ಭಾರತದಲ್ಲಿ ದಿನದಿಂದ ದಿನಕ್ಕೆ ಕೊರೊನಾ ವೈರಸ್ ಸೋಂಕಿನ ಪ್ರಕರಣಗಳು ಹೆಚ್ಚಳವಾಗುತ್ತಿದ್ದು, ಕಳೆದ 24 ಗಂಟೆಯಲ್ಲಿ ದೇಶದಲ್ಲಿ ಹೊಸದಾಗಿ 3,48,421 ಮಂದಿಗೆ ಕೊರೊನಾ ವೈರಸ್ ಸೋಂಕು ದೃಢಪಟ್ಟಿದೆ.

ಕೇಂದ್ರ ಆರೋಗ್ಯ ಸಚಿವಾಲಯದ ಮಾಹಿತಿ ಪ್ರಕಾರ, ಕಳೆದ 24 ಗಂಟೆಯಲ್ಲಿ ದೇಶದಲ್ಲಿ ಹೊಸದಾಗಿ 3,48,421 ಮಂದಿಗೆ ಕೊರೊನಾ ವೈರಸ್ ಸೋಂಕು ದೃಢಪಟ್ಟಿದೆ. ಈ ಮೂಲಕ ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 2,33,40,938 ಕ್ಕೆ ಏರಿಕೆಯಾಗಿದೆ. ಕಳೆದ 24 ಗಂಟೆಯಲ್ಲಿ ದೇಶದಲ್ಲಿ ಕೊರೊನಾ ವೈರಸ್ 4,205 ಮಂದಿ ಸೋಂಕಿತರು ಮೃತಪಟ್ಟಿದ್ದು, ಈ ಮೂಲಕ ಕೊರೊನಾ ಸೋಂಕಿಗೆ ಸಾವನ್ನಪ್ಪಿದವರ ಸಂಖ್ಯೆ 2,54,197 ಕ್ಕೆ ಏರಿಕೆಯಾಗಿದೆ.

ದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 3,55,338 ಕೊರೊನಾ ಸೊಂಕಿತರು ಡಿಸ್ಚಾರ್ಜ್ ಆಗಿದ್ದು, ಈ ಮೂಲಕ ಒಟ್ಟು ಸೋಂಕಿತರ ಪೈಕಿ 1,93,82,642 ಕೊರೊನಾ ಸೊಂಕಿತರು ಗುಣಮುಖರಾಗಿ ಆಸ್ಪತ್ರೆಗಳಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಸದ್ಯ ದೇಶದಲ್ಲಿ 37,04,099 ಸಕ್ರಿಯ ಪ್ರಕರಣಗಳಿವೆ.

ಒಟ್ಟು ಪ್ರಕರಣಗಳು: 2,33,40,938
ಒಟ್ಟು ಡಿಸ್ಚಾರ್ಜ್ ಗಳು: 1,93,82,642
ಸಾವಿನ ಸಂಖ್ಯೆ: 2,54,197
ಸಕ್ರಿಯ ಪ್ರಕರಣಗಳು: 37,04,099

ಒಟ್ಟು ಲಸಿಕೆ: 17,52,35,991

India

ನಾಲ್ಕು ದಿನ ಯಜ್ಞ ಚಿಕಿತ್ಸೆ ಮಾಡಿದರೆ, ಕೊರೋನಾ ಮೂರನೇ ಅಲೆ ಭಾರತವನ್ನು ತಲುಪಲು ಸಾಧ್ಯವಿಲ್ಲ : ಮಧ್ಯಪ್ರದೇಶ ಸಚಿವೆ

By KNN WEB TEAM Wednesday, May 12, 2021, 9:40 am

ಇಂದೋರ್‌: ದೇಶದಲ್ಲಿ ಕೊರೋನಾ ಹೆಚ್ಚುತ್ತರುವ ನಡುವೆ ಕೆಲವು ನಾಯಕರು ವಿವಾದಾತ್ಮಕ ಹೇಳಿಕೆಯನ್ನು ನೀಡುವ ಮೂಲಕ ಸುದ್ದಿಯಾಗುತ್ತಿದ್ದಾರೆ. ಇದೀಗ ಮಧ್ಯಪ್ರದೇಶ ಸಚಿವೆ ಉಷಾ ಠಾಕೂರ್ ಅವರು ಮಂಗಳವಾರ ಮತ್ತೊಂದು ಸಲಹೆ ನೀಡಿ ಸುದ್ದಿಯಾಗಿದ್ದಾರೆ.

ಭಾರತದಲ್ಲಿ ಕೊರೋನಾ ಎರಡನೇ ಅಲೆ ಹಲವು ಸಮಸ್ಯೆ ಸೃಷ್ಟಿಸಿದೆ. ಆದರೆ ಇನ್ನು ನಾಲ್ಕು ದಿನಗಳ ಕಾಲ ‘ಯಜ್ಞ ಚಿಕಿತ್ಸೆ ನಡೆಸಿದರೆ ಕೋವಿಡ್ 19 ಮೂರನೇ ಅಲೆ ಭಾರತವನ್ನು ತಲುಪಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.

ಇಂದೋರ್‌ನಲ್ಲಿ ಕೋವಿಡ್ ಆರೈಕೆ ಕೇಂದ್ರವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಪರಿಸರ ಶುದ್ಧೀಕರಣಕ್ಕಾಗಿ, ನಾಲ್ಕು ದಿನ ಯಜ್ಞವನ್ನು ಮಾಡಿ. ಇದನ್ನು ಯಜ್ಞ ಚಿಕಿತ್ಸೆ ಎನ್ನುತ್ತಾರೆ, ಹಿಂದೆ , ನಮ್ಮ ಪೂರ್ವಜರು ಸಾಂಕ್ರಾಮಿಕ ರೋಗಗಳನ್ನು ತೊಡೆದುಹಾಕಲು ಯಜ್ಞ ಚಿಕಿತ್ಸೆ ಮಾಡುತ್ತಿದ್ದರು. ಇದನ್ನು ಮಾಡುವುದರಿಂದ ಕೋವಿಡ್ ಮೂರನೇ ಅಲೆ ಭಾರತವನ್ನು ಮುಟ್ಟುವುದಿಲ್ಲ ಎಂದು ಹೇಳಿದ್ದಾರೆ.

CORONAVIRUS KARNATAKA State

‘ಕೊರೋನಾ ಸೋಂಕಿ’ಗೆ ‘ಡಿಸಿಎಂ ಲಕ್ಷ್ಮಣ್ ಸವದಿ’ ಸಹೋದರನ ಪುತ್ರ ‘ವಿನೋದ್ ಸವದಿ’ ಬಲಿ

By KNN WEB TEAM Wednesday, May 12, 2021, 9:37 am

ಬೆಳಗಾವಿ : ಉಪ ಮುಖ್ಯಮಂತ್ರಿ ಲಕ್ಷ್ಮಣ್ ಸವದಿಯವರ ಸಹೋದರನ ಪುತ್ರ ಹಾಗೂ ಬೆಳಗಾವಿ ಜಿಲ್ಲೆಯಲ್ಲಿ ಸಾರ್ವಜನಿಕ ಮತ್ತು ಸಾಮಾಜಿಕ ಕೆಲಸಗಳಲ್ಲಿ ಮುಂಚೂಣಿಯಲ್ಲಿರುತ್ತಿದ್ದ ಯುವ ಮುಖಂಡ ವಿನೋದ್ ಸವದಿ ಅವರು ಇಂದು ಬೆಳಗಿನ ಜಾವ ಬೆಳಗಾವಿಯಲ್ಲಿ ಕೋವಿಡ್ ನಿಂದಾಗಿ ಮೃತಪಟ್ಟಿದ್ದಾರೆ.

ವಿನೋದ ಅವರು ಉಪಮುಖ್ಯಮಂತ್ರಿಗಳು ಮತ್ತು ಸಾರಿಗೆ ಸಚಿವರಾದ ಲಕ್ಷ್ಮಣ ಸವದಿ ಅವರ ಸಹೋದರರಾದ ಪರಪ್ಪ ಸವದಿ ಅವರ ಪುತ್ರರಾಗಿದ್ದಾರೆ. ಪರಪ್ಪ ಸವದಿ ಅವರು ಕೃಷ್ಣ ಸಕ್ಕರೆ ಕಾರ್ಖಾನೆಯ ಅಧ್ಯಕ್ಷರಾಗಿದ್ದಾರೆ.

ಕಳೆದ ಬಾರಿ ಲಾಕ್ ಡೌನ್ ಸಂದರ್ಭದಲ್ಲಿ ವಿನೋದ್ ಅವರು ಬಡವರಿಗೆ ಮತ್ತು ನಿರ್ಗತಿಕರಿಗೆ ಆಹಾರ ಪದಾರ್ಥಗಳನ್ನು ಉಚಿತವಾಗಿ ಹಂಚಿಕೆ ಮಾಡುವುದರಲ್ಲಿ ಮತ್ತು ಇತರ ಸಾಮಾಜಿಕ ಕೆಲಸಗಳಲ್ಲಿಯೂ ಅವಿರತವಾಗಿ ಕೆಲಸ ಮಾಡಿದ್ದರು.

ಭವಿಷ್ಯದಲ್ಲಿ ಉತ್ತಮ ನಾಯಕನಾಗುವ ಲಕ್ಷಣಗಳು ಅವರಲ್ಲಿ ಮೈಗೂಡಿದ್ದವು. ಆದರೆ ಕೇವಲ 36 ವರ್ಷಗಳಲ್ಲಿಯೇ ಅವರ ಬದುಕು ಅಂತ್ಯಗೊಂಡಿದ್ದು ನಿಜಕ್ಕೂ ಬೇಸರದ ಸಂಗತಿ ಎಂದು ವಿನೋದ ಅವರ ಆತ್ಮೀಯ ಸ್ನೇಹಿತರ ಬಳಗವು ಕಂಬನಿ ಮಿಡಿದಿದೆ.

Health India Lifestyle

ಹುಣಸೆ, ಬೆಳ್ಳುಳ್ಳಿ ರಸಂ ಸೇವಿಸಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಿ

By KNN WEB TEAM Wednesday, May 12, 2021, 9:19 am

ಸ್ಪೆಷಲ್ ಡೆಸ್ಕ್ : ರಾಷ್ಟ್ರವು ಇನ್ನೂ ಕೊರೊನಾ ವೈರಸ್ ಸಾಂಕ್ರಾಮಿಕದ ಎರಡನೇ ಅಲೆಯೊಂದಿಗೆ ಹೋರಾಡುತ್ತಿದ್ದರೂ, ಮಾರಣಾಂತಿಕ ವೈರಸ್ ನಿಂದ ತಮ್ಮನ್ನು ರಕ್ಷಿಸಿಕೊಳ್ಳಲು ಜನರು ತಮ್ಮ ರೋಗನಿರೋಧಕತೆಯನ್ನು ಹೆಚ್ಚಿಸಬೇಕಾಗಿದೆ. ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಗುಣಗಳೊಂದಿಗೆ ಆರೋಗ್ಯಕರ ಆಹಾರವನ್ನು ತಿನ್ನುವುದು ಜನರು ತಮ್ಮ ರೋಗನಿರೋಧಕ ವ್ಯವಸ್ಥೆಯು ಕೋವಿಡ್-19 ಅನ್ನು ನಿಭಾಯಿಸಲು ಸಿದ್ಧವಾಗಿದ್ದಾರೆ ಎಂದು ಖಚಿತಪಡಿಸಿಕೊಳ್ಳುವ ಮಾರ್ಗಗಳಲ್ಲಿ ಒಂದಾಗಿದೆ.

ಬೆಳ್ಳುಳ್ಳಿ, ಹುಣಸೆ ಮತ್ತು ಕರಿಬೇವಿನಂತಹ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಪದಾರ್ಥಗಳಿಂದ ತಯಾರಿಸಲಾದ ರಸಂ, ಕರುಳಿಗೆ ಒಳ್ಳೆಯದು ಮಾತ್ರವಲ್ಲ, ರುಚಿಕರವೂ ಆಗಿದೆ. ಕೋವಿಡ್ ವಿರುದ್ಧ ಹೋರಾಡಲು ನಿಮ್ಮ ರೋಗನಿರೋಧಕತೆಯನ್ನು ಹೆಚ್ಚಿಸಲು ಇದು ಸಹಾಯ ಮಾಡುತ್ತದೆ. ನಮ್ಮ ರೋಗನಿರೋಧಕ ವ್ಯವಸ್ಥೆಯನ್ನು ಬಲಪಡಿಸಲು ಸಹಾಯ ಮಾಡಲು ನಮ್ಮ ಅಡುಗೆಮನೆಯಲ್ಲಿ ಸುಲಭವಾಗಿ ಲಭ್ಯವಿರುವ ಭಾರತೀಯ ಮಸಾಲೆಗಳಿಂದ ರುಚಿಕರವಾದ ರಸಂ ಪಾಕವಿಧಾನವನ್ನು ಇಲ್ಲಿ ನೀಡಲಾಗಿದೆ.

ಬೇಕಾಗುವ ಪದಾರ್ಥಗಳು
ಹುಣಸೆ ಹಣ್ಣಿನ ತಿರುಳು – 1 ಟೇಬಲ್ ಸ್ಪೂನ್
ಟೊಮೆಟೊ – 1 (ಕತ್ತರಿಸಿದ)
ಕರಿಬೇವಿನ ಎಲೆಗಳು – 10-12
ಕರಿಮೆಣಸು – 1-2 ಟೇಬಲ್ ಚಮಚ
ಬೆಳ್ಳುಳ್ಳಿ – 4-5 ಎಸಳುಗಳು
ಅರಿಶಿನ ಪುಡಿ – ಅರ್ಧ ಟೀ ಚಮಚ
ಒಣ ಕೆಂಪು ಮೆಣಸಿನಕಾಯಿ – 2
ಉಪ್ಪು – ರುಚಿಗೆ
ಜೀರಿಗೆ – 1 ಟೀ ಚಮಚ
ಹಿಂಗ್ – ಅರ್ಧ ಟೀ ಚಮಚ
ಕೊತ್ತಂಬರಿ ಸೊಪ್ಪು – 1 ಟೇಬಲ್ ಚಮಚ
ಎಣ್ಣೆ – 1 ಟೇಬಲ್ ಚಮಚ
ಸಾಸಿವೆ ಬೀಜಗಳು – 1 ಟೀ ಚಮಚ

ಮಾಡುವುದು ಹೇಗೆ?
ಒಣ ಹುರಿದ 2 ಕೆಂಪು ಮೆಣಸಿನಕಾಯಿ, ಕರಿಮೆಣಸು, ಜೀರಿಗೆ, ಬೆಳ್ಳುಳ್ಳಿ ಮತ್ತು 4-5 ಕರಿಬೇವಿನ ಎಲೆಗಳನ್ನು ಹಾಕಿ ಮಿಕ್ಸಿಯಲ್ಲಿ ಒರಟಾಗಿ ರುಬ್ಬಿಕೊಳ್ಳಿ. ಮಿಶ್ರಣವನ್ನು ಪಕ್ಕಕ್ಕೆ ಇರಿಸಿ.
ಕಾದ ಎಣ್ಣೆಗೆ ಕತ್ತರಿಸಿದ ಟೊಮೆಟೊ, ಉಳಿದ ಕರಿಬೇವಿನ ಎಲೆಗಳು, ಹಲ್ದಿ ಮತ್ತು ಸ್ವಲ್ಪ ಉಪ್ಪನ್ನು ಸೇರಿಸಿ 3-4 ನಿಮಿಷಗಳ ಕಾಲ ಬೇಯಿಸಿ.
ಈಗ ಒರಟಾದ ರುಬ್ಬಿದ ಮಸಾಲಾವನ್ನು ಸೇರಿಸಿ ಮತ್ತು ಚೆನ್ನಾಗಿ ಮಿಶ್ರಣ ಮಾಡಿ. ಹುಣಸೆ ಹಣ್ಣಿನ ತಿರುಳು ಮತ್ತು 2 ಕಪ್ ನೀರನ್ನು ಸೇರಿಸಿ. ಮುಚ್ಚಳವನ್ನು ಮುಚ್ಚಿ ಮತ್ತು ಕನಿಷ್ಠ 10 ನಿಮಿಷಗಳ ಕಾಲ ಅದನ್ನು ಸಿಮ್ ಮಾಡಿ ಕುದಿಯಲು ಬಿಡಿ.
ಮತ್ತೊಂದು ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ (ಅಥವಾ ತುಪ್ಪ) ಸೇರಿಸಿ. ಎಣ್ಣೆ ಬಿಸಿಯಾದ ನಂತರ, ಸಾಸಿವೆ, 1 ಕೆಂಪು ಮೆಣಸಿನಕಾಯಿ ಮತ್ತು ಹಿಂಗ್ ಅನ್ನು ಹಾಕಿ ಮತ್ತು ಬೀಜಗಳು ಒಡೆಯಲು ಪ್ರಾರಂಭಿಸುವವರೆಗೆ ಅವುಗಳನ್ನು ಬಿಸಿ ಮಾಡಿ.
ಈಗ ಅದಕ್ಕೆ ಹುಣಸೆ ಮಸಾಲೆ ಸೇರಿಸಿ. ಉರಿಯನ್ನು ಸ್ವಿಚ್ ಆಫ್ ಮಾಡಿ ಮತ್ತು ಕತ್ತರಿಸಿದ ಕೊತ್ತಂಬರಿ ಎಲೆಗಳಿಂದ ಅಲಂಕರಿಸಿ. ಸ್ವಲ್ಪ ಕರಿಮೆಣಸಿನ ಪುಡಿಯನ್ನು ಚಿಮುಕಿಸಿ.
ನೀವು ಸಾದಾ ರಸಂ ಅನ್ನು ಸೇವಿಸಬಹುದು ಅಥವಾ ಮಧ್ಯಾಹ್ನದ ಊಟದಲ್ಲಿ ಬೇಯಿಸಿದ ಅನ್ನದೊಂದಿಗೆ ಅದನ್ನು ತಿನ್ನಬಹುದು.

ಪ್ರಯೋಜನಗಳು
ರಸಂ ತಯಾರಿಸಲು ಬಳಸುವ ಪದಾರ್ಥಗಳು ತಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಗುಣಗಳಿಗೆ ಹೆಸರುವಾಸಿಯಾಗಿವೆ. ಹುಣಸೆ, ಹಲ್ದಿ ಅಥವಾ ಅರಿಶಿನ ಮತ್ತು ಕರಿಬೇವಿನ ಎಲೆಗಳನ್ನು ಶಿಲೀಂಧ್ರ ವಿರೋಧಿ ಗುಣಗಳೊಂದಿಗೆ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗುತ್ತದೆ. ಬೆಳ್ಳುಳ್ಳಿಯ ಬಗ್ಗೆ ಹೇಳುವುದಾದರೆ, ರೋಗನಿರೋಧಕ ವ್ಯವಸ್ಥೆಗೆ ಅದರ ಪ್ರಯೋಜನಗಳು ವಿಶ್ವಪ್ರಸಿದ್ಧವಾಗಿವೆ. ಇದು ಸಾಮಾನ್ಯ ಶೀತ ಸೇರಿದಂತೆ ಅನಾರೋಗ್ಯದ ವಿರುದ್ಧ ಹೋರಾಡುತ್ತದೆ. .

KARNATAKA State

ಇಂದು ‘ವಿಶ್ವ ಶುಶ್ರೂಷಕರ ದಿನ’ : ಮನಮಿಡಿದ ಶುಶ್ರೂಷಕರ ಪತ್ರ.!

By KNN WEB TEAM Wednesday, May 12, 2021, 9:13 am

ಕೆಎನ್ಎನ್ ಡಿಜಿಟಲ್ ಡೆಸ್ಕ್ : ಮೇ.12ರಂದು ವಿಶ್ವ ಶುಶ್ರೂಷಕರ ದಿನ. ಕೊರೋನಾ ಸಂಕಷ್ಟದ ಸಂದರ್ಭದಲ್ಲಿ ಇವರ ಪಾತ್ರ ನಿಜಕ್ಕೂ ಹೇಳಲಾಗದಷ್ಟು. ಬರೆದು ಪದಗಳಲ್ಲಿ ತಿಳಿಸಲಾಗದಷ್ಟು. ಆದ್ರೇ.. ಅನೇಕ ಕಡೆಯಲ್ಲಿ ಈ ಶುಶ್ರೂಕರು ಸಲ್ಲಿಸುತ್ತಿರುವಂತ ಸೇವೆಗೆ ತಕ್ಕಂತೆ ವೇತನ, ಸೌಲಭ್ಯ ನೀಡದೇ ಇರೋದು ಮಾತ್ರ ದುರಂತವೇ ಸರಿ. ಈ ಸಂದರ್ಭದಲ್ಲಿ ಶುಶ್ರೂಕರಾದಂತ ಬರದೆ ಮನ ಮಿಡಿಯುವ ಮುಂದೆ ಓದಿ..

ವಿಶ್ವ ಶುಶ್ರೂಷಾಕರ ದಿನ ಮೇ 12.. ಎಲ್ಲಾ ಸಹೃದಯಿ ಬಂಧುಗಳಿಗೆ ನನ್ನ ನಮಸ್ಕಾರಗಳು. ನೀವೆಲ್ಲಾ ಭಗವಂತನ ದಯೆಯಿಂದ ಸುರಕ್ಷಿತವಾಗಿದ್ದೀರಿ ಎಂದುಕೊಳ್ಳುತ್ತೇನೆ. ಈ ಕರೋನ ಮಹಾಮಾರಿ ಬಂದು ವಿಶ್ವದೆಲ್ಲೆಡೆ ಜನ ಜೀವನ ಅಸ್ತ ವ್ಯಸ್ತ ಮಾಡಿ ಸಾಕಷ್ಟು ಜೀವಗಳನ್ನು ಕಿತ್ತು ಕೊಂಡಿದೆ. ಈ ರೋಗದಿಂದ ಹೊರ ಬರಲು ಹಗಲಿರುಳು ಊಟಾ ನಿದ್ರೆ ಇಲ್ಲದೆ, ಸರಿಯಾದ ಸಮಯಕ್ಕೆ ಮಲ ಮೂತ್ರ ಮಾಡ್ಲಿಕ್ಕಾಗದೆ , ಉಸಿರಾಡಲು ಎಸ್ಟೇ ಕಷ್ಟ ಆದರೂ, ಮನೆಯಲ್ಲಿನ ಗಂಡ ಹೆಂಡತಿ ಮಕ್ಕಳನ್ನು, ತಂದೆ ತಾಯಿ ಯಾರನ್ನು ನೋಡ್ಲಿಕ್ಕೆ ಆಗದೆ, ತಾನೇ ಹೋಗಿ ನೋಡಿಕೊಂಡು ಬರೋಣ ಎಂದರೆ ನಾನೆಲ್ಲಿ ಹಬ್ಬಿಸಿ ಬಿಡುತ್ತೇನೆ ಎನ್ನೋ ಕಾಳಜಿ ಇಂದ ಅದೆಷ್ಟು ಆಸೆಗಳನ್ನು ತನ್ನಲ್ಲೇ ಉಳಿಸಿಕೊoಡು, ಸರಿಯಾದ ಸಮಯಕ್ಕೆ ಆಹಾರ ವಿಹಾರ ಇಲ್ಲದೆ ಮಾನಸಿಕ ಆಂದೋಲನದಿಂದ ಬದುಕಿನ ಬಂಡಿ ಸಾಗಿಸುತ್ತಿದ್ದೇವೆ ನಾವು. ಆದ್ರೇ ಹೆಸರು ಅವರಿಗೆ ಮೊಸರು ನಮಗೆ ಅನ್ನೋ ಮಾತಿದೆಯಲ್ಲ ಹಾಗೆ.

ನಿಜವಾದ ಕೊರೋನ ವಾರಿಯರ್ ನ ಸಮಾಜದ ಮುಖ್ಯ ವಾಹಿನಿಗೆ ತರದೆ ಬೇರೆಯವರನ್ನು ತೋರಿಸಿದ್ದೆ ತೋರಿಸಿದ್ದು ಹಾಗೂ ಸನ್ಮಾನ ಮಾಡಿದ್ದೆ ಮಾಡಿದ್ದು ಆದರೂ ನಮಗೆ ಬೇಸರವಿಲ್ಲ. ಮೌನದಿಂದಲೇ “ನರ ಸೇವೆ ನಾರಾಯಣನ ಸೇವೆ ” ನಿತ್ಯ ಕೈಂಕರ್ಯ ಗಳಲ್ಲಿ ತೊಡಗಿ ಆದೆ ಮುಗ್ದ ಮುಗುಳು ನಗೆ ಬೀರುತ್ತಾ ಇದ್ದಾರೆ.

ವಿಶ್ವದೆಲ್ಲೆಡೆ ನಮ್ಮ ಶುಶ್ರೂಷಕ ಸಮುದಾಯದ ಜನ ಕಾರ್ಯ ನಿರ್ವಹಿಸುತ್ತ ಅಸು ನೀಗಿದ್ದಾರೆ. ಅವರೆಲ್ಲರಿಗೂ ನನ್ನ ಕಡೆ ಇಂದ ಭಾವ ಪೂರ್ಣ ಶ್ರದ್ಧಾಂಜಲಿ ಅರ್ಪಿಸುತ್ತೇನೆ.

ಇಷ್ಟೆಲ್ಲಾ ಸೇವೆ ಮಾಡಿದರೂ ವೇತನ ವಿಷಯದಲ್ಲಿ ಕೊಡುವವರು ಕಣ್ಣನ್ನು ಅದೇಕೆ ಕಡು – ಕೆಂಪು ಮಾಡಿಕೊಳ್ಳುತ್ತಾರೆ ಗೊತ್ತಾ.? ಸುಮಾರು 8 ಗಂಟೆ PPE ಕಿಟ್, ಮಾಸ್ಕ್ , ಶೀಲ್ಡ್, ಕನ್ನಡಕ ಹಾಕಿಕೊಂಡು ಕೆಲಸ ಮಾಡುವವರು ನಾವು. ಎಷ್ಟೋ ಶುಶ್ರೂಷಕರು ತನ್ನ ಹೆತ್ತ ಮಗುವಿಗೆ ಎದೆ ಹಾಲು ಕುಡಿಸಲು ಆಗುತ್ತಿಲ್ಲ. ಬೇರೆಯವರ ಮಡಿಲಿಗೆ ಹಾಕಿ ತನ್ನ ಮಡಿಲಲಿ ಕೋರೋನ ಸೊಂಕಿತರ ಪಾಲನೆ ಮಾಡ್ತಿದ್ದಾರೆ.

ಸಮಾಜದಲ್ಲಿ ಪ್ರಸ್ತುತ ನಿಜವಾದ ಕಾಯಕ ಯೋಗಿಗಳು ಶುಶ್ರೂಷಕರು. ಅವರನ್ನು ಮುಖ್ಯ ವಾಹಿನಿಗೆ ತಂದು ಗುರುತಿಸಿ ಅಭಿನಂದಿಸುವ ಕೆಲಸ ಆಗಬೇಕಿದೆ. ತಾಯಿಯು ಎಲ್ಲಾ ಕುಟುಂಬದವರನ್ನು ಸಮನಾಗಿ ನೋಡುತ್ತಾಳೆ ಹಾಗೂ ಪ್ರೀತಿಯಿಂದ ನೋಡಿ ಕೊಳ್ಳುತ್ತಾಳೆ. ತಾಯಿಯ ಬಿಟ್ಟರೆ ಶುಶ್ರುಷಕರು ಎರಡನೇ ಸ್ಥಾನದಲ್ಲಿ ಬಂದು ನಿಲ್ಲುತ್ತಾರೆ.

ಹಾ ನಿಮ್ಮಲ್ಲಿ ಒಂದು ವಿನಂತಿ ಇನ್ನೊಮ್ಮೆ ನಿಮ್ಮ ಎದುರಲ್ಲಿ ಸಿಕ್ಕಿದರೆ, ನಿಮ್ಮ ಗೆಳೆಯರು, ಸಂಬಂಧಿಗಳು, ಗೊತ್ತಿರುವ ಶುಶ್ರೂಷಕರಿದ್ದರೆ, ಶುಶ್ರೂಷಕ ದಿನದ ಶುಭಾಶಯ ತಿಳಿಸಿ ಅಭಿನಂದಿಸಿ. ಅವರಿಗೆ ಅಷ್ಟು ಸಾಕು. ಮತ್ತೆ ಗೆಲುವಿನಿಂದ ಓಡಾಡುತ್ತಾ ಕಾಯಕ ಮಾಡುತ್ತಾರೆ.

ಇಂತಿ ನಿಮ್ಮವ
ಉಮೇಶ್ ಚಿತ್ತಯ್ಯ, ನರ್ಸಿಂಗ್ ಆಫೀಸರ್.. ಮೊ : 9742478478

India

ಗಾಜಾ ಶೆಲ್ಲಿಂಗ್ ದಾಳಿ : ಇಡುಕ್ಕಿ ಮೂಲದ ಭಾರತೀಯ ಮಹಿಳೆ ಸಾವು

By KNN WEB TEAM Wednesday, May 12, 2021, 8:57 am

ಇಡುಕ್ಕಿ: ಗಾಜಾ ಗಡಿಯಲ್ಲಿ ಹಮಾಸ್ ಮತ್ತು ಇಸ್ರೇಲ್ ನಡುವೆ ನಡೆದ ಮಾರ್ಟರ್ ಶೆಲ್ಲಿಂಗ್ ನಿಂದ ಇಸ್ರೇಲ್‌ನಲ್ಲಿ ಕೆಲಸ ಮಾಡುತ್ತಿದ್ದ 30 ವರ್ಷದ ಭಾರತೀಯ ಮಹಿಳೆ ಸೇರಿ ಮೂವರು ಸಾವನ್ನಪ್ಪಿದ್ದಾರೆ.

ಕೇರಳದ ಇಡುಕ್ಕಿ ಜಿಲ್ಲೆಯ ಸೌಮ್ಯ ಸಂತೋಷ್, ದಕ್ಷಿಣ ಇಸ್ರೇಲ್‌ನ ಕರಾವಳಿ ನಗರವಾದ ಅಶ್ಕೆಲೋನ್‌ನ ಮನೆಯೊಂದರಲ್ಲಿ ವೃದ್ಧರೊಬ್ಬರಿಗೆ ಆರೈಕೆ ಮಾಡುವ ಕೆಲಸ ಮಾಡುತ್ತಿದ್ದರು.

ಭಾರತೀಯ ಮೂಲದ ಸೌಮ್ಯ ಕಳೆದ ಏಳು ವರ್ಷಗಳಿಂದ ಇಸ್ರೇಲ್‌ನಲ್ಲಿ ವಾಸಿಸುತ್ತಿದ್ದರು ಎಂದು. ಕೇರಳದಲ್ಲಿರುವ ಪತಿ ಹಾಗೂ ಏಳು ವರ್ಷದ ಮಗನನ್ನು ಅಗಲಿದ್ದಾರೆ.

ಸೌಮ್ಯ ಸಾವಿನ ವಿಷಯವನ್ನು ಆಕೆಯ ನಾದಿನಿ ಖಚಿತ ಪಡಿಸಿದ್ದಾರೆ, ಅಲ್ಲಿನ ಸಮಯ ಸುಮಾರು 3.30ರ ವೇಳೆಗೆ ಘಟನೆ ಸಂಭವಿಸಿದೆ, ವಿಷಯ ತಿಳಿದ ನಾನು ಕೂಡಲೇ ಆಕೆ ಕೆಲಸ ಮಾಡುತ್ತಿದ್ದ ಸ್ಥಳಕ್ಕೆ ತೆರಳಿದೆ, ಆಕೆ ಕೆಲಸ ಮಾಡುತ್ತಿದ್ದ ಇಡಿ ಕಟ್ಟಡ ದಾಳಿಯಿಂದ ನಾಶವಾಗಿತ್ತು ಎಂದು ಸೌಮ್ಯ ನಾದಿನಿ ಶೆರ್ಲಿ ಬನ್ನಿ ತಿಳಿಸಿದ್ದಾರೆ.

India

ನಕ್ಸಲರಿಗೂ ತಟ್ಟಿದ ಕೊರೋನಾ : 100ಕ್ಕೂ ಹೆಚ್ಚು ನಕ್ಸಲರಿಗೆ ಸೋಂಕು, 10 ನಾಯಕರು ಸಾವನ್ನಪ್ಪಿರುವ ಶಂಕೆ

By KNN WEB TEAM Wednesday, May 12, 2021, 8:42 am

ಬಸ್ತರ್: ದೇಶದಲ್ಲಿ ಕೊರೋನಾ ವೈರಸ್ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದೆ. ಇದೀಗ ನಕ್ಸಲರನ್ನು ಸಹ ಕೊರೋನಾ ವೈರಸ್ ಕಾಡುತ್ತಿದೆ ಎಂದು ತಿಳಿದು ಬಂದಿದೆ. ಛತ್ತೀಸಗಡದ ದಕ್ಷಿಣ ಬಸ್ತಾರ್ ಅರಣ್ಯ ಪ್ರದೇಶದಲ್ಲಿರುವ ನಕ್ಸಲರಿಗೆ ಕೊರೊನಾ ಸೋಂಕು ತಗುಲಿದ್ದು, 10 ನಕ್ಸಲರು ಸಾವನ್ನಪ್ಪಿರುವ ಮಾಹಿತಿ ಪೊಲೀಸರಿಗೆ ಲಭ್ಯವಾಗಿದೆ.

ಸುಕ್ಮಾ, ದಂತೇವಾಡ, ಬಿಜಾಪುರ ಜಿಲ್ಲೆಗಳ ಅರಣ್ಯ ಪ್ರದೇಶದಲ್ಲಿ ವಾಸಿಸುತ್ತಿರುವ 100ಕ್ಕೂ ಹೆಚ್ಚು ನಕ್ಸಲರಿಗೆ ಕೊರೊನಾ ತಗುಲಿದೆ. ಹಲವರು ವಿಷಾಹಾರ ಸೇವನೆಯಿಂದ ಬಳಲುತ್ತಿರುವುದಾಗಿ ಪೊಲೀಸ್ ಇಲಾಖೆಗೆ ಮಾಹಿತಿ ಸಿಕ್ಕಿದೆ.

ಇನ್ನು ನಕ್ಸಲ್‌ ನಾಯಕಿ ಸುಜಾತ, ಜಯಲಾಲ್ ಮತ್ತು ದಿನೇಶ್ ಸೇರಿದಂತೆ 10 ನಕ್ಸಲರು ಸಾವನ್ನಪ್ಪಿದ್ದಾರೆ ಎಂದು ಪೊಲೀಸ್‌ ಅಧಿಕಾರಿಗಳು ಶಂಕೆ ವ್ಯಕ್ತಪಡಿಸಿದ್ದಾರೆ.

Beauty Tips Lifestyle

ಬೇಸಿಗೆ ಶುಷ್ಕತೆಯನ್ನು ಎದುರಿಸಲು ತಜ್ಞರ ತ್ವಚೆ ಸಲಹೆಗಳು

By KNN WEB TEAM Wednesday, May 12, 2021, 8:23 am

ಸ್ಪೆಷಲ್ ಡೆಸ್ಕ್ : ಏಪ್ರಿಲ್ ಮತ್ತು ಮೇ ತಿಂಗಳುಗಳಲ್ಲಿ, ಬಿಸಿ ಗಾಳಿ ಬೀಸುತ್ತದೆ ಮತ್ತು ಗಾಳಿಯಲ್ಲಿ ತೇವಾಂಶದ ಕೊರತೆಯಿದೆ. ಇದು ಚರ್ಮವನ್ನು ಒಣಗಿಸುತ್ತದೆ. ಚರ್ಮದ ಆರೈಕೆಯನ್ನು ಸೀಸನಲ್ ಅಗತ್ಯಗಳಿಗೆ ಅನುಗುಣವಾಗಿ ಸರಿಹೊಂದಿಸಬೇಕು. ಬಿಸಿ ಮತ್ತು ಶುಷ್ಕ ಹವಾಮಾನದ ಸಮಯದಲ್ಲಿ ಚರ್ಮದ ಅಗತ್ಯತೆಗಳು ಬಿಸಿ ಮತ್ತು ಆರ್ದ್ರ ವಾತಾವರಣಕ್ಕಿಂತ ಭಿನ್ನವಾಗಿರುತ್ತದೆ. ಏಪ್ರಿಲ್ ಮತ್ತು ಮೇ ತಿಂಗಳುಗಳಲ್ಲಿ, ಬಿಸಿ ಗಾಳಿ ಬೀಸಿದಾಗ, ಗಾಳಿಯಲ್ಲಿ ಆರ್ದ್ರತೆಯ ಕೊರತೆ ಇರುತ್ತದೆ. ಚರ್ಮವು ತೇವಾಂಶವನ್ನು ಕಳೆದುಕೊಳ್ಳುತ್ತದೆ ಮತ್ತು ಒಣಗುತ್ತದೆ.

ರೋಸ್ ವಾಟರ್, ಬಿಸಿ ವಾತಾವರಣದಲ್ಲಿ ಇರಲೇಬೇಕು
ಬಿಸಿ ವಾತಾವರಣದಲ್ಲಿ ಚರ್ಮವನ್ನು ತಂಪಾಗಿಸಲು ಮತ್ತು ರಿಫ್ರೆಶ್ ಮಾಡಲು ರೋಸ್ ವಾಟರ್ ಸೂಕ್ತವಾಗಿದೆ, ಏಕೆಂದರೆ ಇದು ನೈಸರ್ಗಿಕ ಶೀತಕವಾಗಿದೆ. ಗುಲಾಬಿ ನೀರು ಚರ್ಮವನ್ನು ಉಲ್ಲಾಸಗೊಳಿಸುತ್ತದೆ ಮತ್ತು ಸ್ವಚ್ಛ ಮತ್ತು ತಾಜಾ ಭಾವನೆಯನ್ನು ನೀಡುತ್ತದೆ. ರೋಸ್ ವಾಟರ್ನ ಸಣ್ಣ ಬಟ್ಟಲನ್ನು ರೆಫ್ರಿಜರೇಟರ್ನಲ್ಲಿ ಇರಿಸಿ. ಹತ್ತಿ ಉಣ್ಣೆ ಪ್ಯಾಡ್ಗಳನ್ನು ಬಳಸಿ ಚರ್ಮವನ್ನು ದಿನಕ್ಕೆ ಹಲವಾರು ಬಾರಿ ಒರೆಸಿಕೊಳ್ಳಿ.

ಸೌತೆಕಾಯಿಯೊಂದಿಗೆ ಚರ್ಮದ ರಕ್ಷಣೆ
ಸೌತೆಕಾಯಿ ಸಹ ತಂಪಾಗಿಸುತ್ತದೆ ಮತ್ತು ಎಣ್ಣೆಯನ್ನು ಕಡಿಮೆ ಮಾಡುತ್ತದೆ ಮತ್ತು ಚರ್ಮದ ರಂಧ್ರಗಳನ್ನು ಮುಚ್ಚುತ್ತದೆ. ಇದು ಚರ್ಮವನ್ನು ಬೆಳಗಿಸುತ್ತದೆ. ಸೌತೆಕಾಯಿ ರಸವನ್ನು ಗುಲಾಬಿ ನೀರಿನೊಂದಿಗೆ ಸಮಾನ ಪ್ರಮಾಣದಲ್ಲಿ ಬೆರೆಸಿ ಚರ್ಮದ ಮೇಲೆ ಹಚ್ಚಿ, 15 ನಿಮಿಷಗಳ ನಂತರ ಸರಳ ನೀರಿನಿಂದ ತೊಳೆಯಿರಿ.

ಕಲ್ಲಂಗಡಿ ಹಲವಾರು ಉಪಯೋಗಗಳನ್ನು ಹೊಂದಿದೆ
ಕಲ್ಲಂಗಡಿ ರಸವು ಚರ್ಮವನ್ನು ತಂಪಾಗಿಸುತ್ತದೆ ಮತ್ತು ಶುಷ್ಕತೆಯನ್ನು ನಿವಾರಿಸುತ್ತದೆ. ಇದು ಚರ್ಮವನ್ನು ಉಲ್ಲಾಸಗೊಳಿಸುತ್ತದೆ ಮತ್ತು ಮೃದುಗೊಳಿಸುತ್ತದೆ. ಮುಖದ ಮೇಲೆ ಹಚ್ಚಿ ಅದೇ ರೀತಿ ತೊಳೆಯಿರಿ.

ತೆಂಗಿನಕಾಯಿ ನೀರಿನ ಅನೇಕ ಪ್ರಯೋಜನಗಳು
ಈ ಬೇಸಿಗೆಯಲ್ಲಿ ಚರ್ಮವನ್ನು ಶಮನಗೊಳಿಸಲು ತೆಂಗಿನ ನೀರನ್ನು ಪ್ರಯತ್ನಿಸಿ. ಇದು ಸ್ವಲ್ಪ ಸಮಯದವರೆಗೆ ಕಂದು ಬಣ್ಣವನ್ನು ತೆಗೆದುಹಾಕಲು ಮತ್ತು ಚರ್ಮವನ್ನು ಬೆಳಗಿಸಲು ಸಹಾಯ ಮಾಡುತ್ತದೆ. ಚರ್ಮದ ಮೇಲೆ ಹಚ್ಚಿ ಮತ್ತು 20 ರಿಂದ 30 ನಿಮಿಷಗಳ ಕಾಲ ಬಿಡಿ.

ಸನ್ಸ್ಕ್ರೀನ್ ಕಡ್ಡಾಯ
ಬೇಸಿಗೆಯಲ್ಲಿ, ಸೂರ್ಯನ ಪರಿಣಾಮಗಳು ಹೆಚ್ಚಾಗುತ್ತವೆ. ವಿಶೇಷವಾಗಿ ಮಧ್ಯಾಹ್ನ 12 ರಿಂದ 3 ಗಂಟೆಯವರೆಗೆ ಸೂರ್ಯನ ಬೆಳಕನ್ನು ತಪ್ಪಿಸಿ. ಬ್ರಾಡ್ ಸ್ಪೆಕ್ಟ್ರಮ್ ಸನ್ಸ್ಕ್ರೀನ್ ಹಚ್ಚುವ ಮೂಲಕ ಚರ್ಮವನ್ನು ರಕ್ಷಿಸಿ. ಇದು ಯುವಿಎ ಮತ್ತು ಯುವಿಬಿ ವಿಕಿರಣಗಳಿಂದ ರಕ್ಷಣೆ ನೀಡುತ್ತದೆ. ಕುತ್ತಿಗೆ ಮತ್ತು ತೋಳುಗಳ ಹಿಂಭಾಗದಂತೆ ಮುಖ ಮತ್ತು ಎಲ್ಲಾ ಹೊರಗಿನ ಪ್ರದೇಶಗಳಲ್ಲಿ ಹಚ್ಚಿ. ಬಿಸಿಲಿಗೆ ಹೋಗುವ 20 ನಿಮಿಷಗಳ ಮೊದಲು ಸನ್ಸ್ಕ್ರೀನ್ ಹಚ್ಚಬೇಕು. ಒಂದು ಗಂಟೆಗಿಂತ ಹೆಚ್ಚು ಕಾಲ ಸೂರ್ಯನ ಬಿಸಿಲಲ್ಲಿದ್ದರೆ, ಸನ್ಸ್ಕ್ರೀನ್ ಅನ್ನು ಮತ್ತೆ ಹಚ್ಚಬೇಕು. ಸಾಮಾನ್ಯವಾಗಿ, 20 ರಿಂದ 25 ರ ಎಸ್ಪಿಎಫ್ ಹೊಂದಿರುವ ಸನ್ಸ್ಕ್ರೀನ್ ಲೋಷನ್ ಅನ್ನು ಬಳಸಬಹುದು.

ಮೃದುವಾದ, ತೇವಾಂಶವುಳ್ಳ ಚರ್ಮಕ್ಕಾಗಿ ಜೇನುತುಪ್ಪವನ್ನು ಬಳಸಿ
ಜೇನುತುಪ್ಪವು ಶಕ್ತಿಯುತವಾದ ನೈಸರ್ಗಿಕ ಮಾಯಿಶ್ಚರೈಸರ್ ಮತ್ತು ಹಲವಾರು ಪ್ರಯೋಜನಕಾರಿ ಗುಣಗಳನ್ನು ಸಹ ಹೊಂದಿದೆ. ಇದು ಎಲ್ಲಾ ಚರ್ಮದ ಪ್ರಕಾರಗಳಿಗೆ ಸೂಕ್ತವಾಗಿರುತ್ತದೆ. ಜೇನುತುಪ್ಪವು ಚರ್ಮವನ್ನು ಮೃದುವಾಗಿಸಲು ಸಹಾಯ ಮಾಡುತ್ತದೆ ಮತ್ತು ಎಣ್ಣೆಯುಕ್ತವಾಗದಂತೆ ಚರ್ಮವನ್ನು ತೇವಗೊಳಿಸುತ್ತದೆ.

India

ಯುಪಿ, ಬಿಹಾರದ ನಂತರ, ಮಧ್ಯಪ್ರದೇಶ ನದಿಯಲ್ಲಿ ತೇಲಿಬರುತ್ತಿರುವ ಶವಗಳು!

By KNN WEB TEAM Wednesday, May 12, 2021, 8:19 am

ಮಧ್ಯಪ್ರದೇಶ : ಇತ್ತೀಚೆಗೆ ಉತ್ತರ ಪ್ರದೇಶ ಮತ್ತು ಬಿಹಾರದ ಗಂಗಾ ನದಿಯಲ್ಲಿ ಹಲವಾರು ಮೃತ ದೇಹಗಳು ತೇಲುತ್ತಿರುವುದು ಪತ್ತೆಯಾದ ನಂತರ, ಮಧ್ಯಪ್ರದೇಶದ ಪನ್ನಾ ಜಿಲ್ಲೆಯ ರುಂಜ್ ನದಿಯಲ್ಲಿ 6 ಕ್ಕೂ ಹೆಚ್ಚು ಶವಗಳು ತೇಲುತ್ತಿರುವುದು ಕಂಡುಬಂದಿದೆ.

ಕೆಲವು ವೈರಲ್ ವೀಡಿಯೊಗಳಲ್ಲಿ ನಂದಪುರ ಗ್ರಾಮದ ಸ್ಥಳೀಯರು ಕೆನ್ ನದಿಯ ಉಪನದಿಯಾದ ರುಂಜ್ ನದಿಯಲ್ಲಿ ಕನಿಷ್ಠ ಅರ್ಧ ಡಜನ್ ಮೃತ ದೇಹಗಳು ತೇಲುತ್ತಿರುವುದನ್ನು ತೋರಿಸಿದ್ದಾರೆ.

ಏತನ್ಮಧ್ಯೆ, 95 ವರ್ಷದ ವ್ಯಕ್ತಿ ಮತ್ತು ಕ್ಯಾನ್ಸರ್ ರೋಗಿ ಸೇರಿದಂತೆ ಇಬ್ಬರು ರೋಗಿಗಳ ಶವಗಳನ್ನು ಧಾರ್ಮಿಕ ವಿಧಿವಿಧಾನಗಳ ಭಾಗವಾಗಿ ಸ್ಥಳೀಯರು ನದಿಯಲ್ಲಿ ಇರಿಸಿದ್ದಾರೆ ಎಂದು ಪನ್ನಾ ಕಲೆಕ್ಟರ್ ಸಂಜಯ್ ಮಿಶ್ರಾ ತಿಳಿಸಿದ್ದಾರೆ. ಈ ದೇಹಗಳನ್ನು ಹಿಡಿಯಲಾಗಿದೆ ಮತ್ತು ಸರಿಯಾಗಿ ಹೂಳಲಾಗಿದೆ ಎಂದು ಅಧಿಕಾರಿ ಹೇಳಿದರು.

World

ಗಾಜಾದಲ್ಲಿ ಉಗ್ರರ ಅಟ್ಟಹಾಸ : ರಾಕೇಟ್ ದಾಳಿಗೆ 35 ಜನರು ಸಾವು

By KNN WEB TEAM Wednesday, May 12, 2021, 8:07 am

ಗಾಜಾ ಸಿಟಿ: ಗಾಜಾ ಪಟ್ಟಿಯಲ್ಲಿ ಇಸ್ರೇಲ್‌ ಮತ್ತು ಪ್ಯಾಲೆಸ್ತೇನ್‌ನ ಹಮಾಸ್‌ ಬಂಡುಕೋರರ ಸಂಘರ್ಷ ಮತ್ತಷ್ಟು ತೀವ್ರಗೊಂಡಿದ್ದು, ಉದ್ವಿಗ್ನ ಸ್ಥಿತಿ ನಿರ್ಮಾಣವಾಗಿದೆ. ಇದರ ನಡುವೆ ಗಾಜಾ ನಗರದ ಮೇಲೆ ಮಂಗಳವಾರ ಇಸ್ರೇಲ್‌ ನಡೆಸಿದ ರಾಕೆಟ್‌ ದಾಳಿಯಲ್ಲಿ 35 ಜನರು, ಇಸ್ರೇಲ್ ನಲ್ಲಿ ಮೂವರು ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ.

ಹಮಾಸ್‌ ಬಂಡುಕೋರರೂ ಇಸ್ರೇಲ್‌ ಸೇನಾಪಡೆ ಮೇಲೆ ಸರಣಿ ರಾಕೆಟ್‌ ದಾಳಿ ನಡೆಸಿದ್ದು, ಇಬ್ಬರು ಇಸ್ರೇಲಿ ಅಧಿಕಾರಿಗಳು ಮೃತಪಟ್ಟಿದ್ದಾರೆ. ಮತ್ತೊಂದೆಡೆ, ಇಸ್ರೇಲ್‌ 5,000 ಮೀಸಲು ಪಡೆ ಯೋಧರನ್ನು ನಿಯೋಜಿಸುವ ಮೂಲಕ ಗಡಿಯಲ್ಲಿ ಸೇನಾಪಡೆಯನ್ನು ಹೆಚ್ಚಳ ಮಾಡಿದೆ.

ಇಸ್ರೇಲ್‌ ನಡೆಸಿದ ರಾಕೆಟ್‌ ದಾಳಿಯ ವೇಳೆ ಹಮಾಸ್‌ ಬಂಡುಕೋರರ ಫೀಲ್ಡ್‌ ಕಮಾಂಡರ್‌ ಮನೆ ಹಾಗೂ ಹಮಾಸ್‌ ಬಂಡುಕೋರರ ಗಡಿ ಸುರಂಗಗಳನ್ನು ಟಾರ್ಗೆಟ್‌ ಮಾಡಲಾಗಿದೆ.

ಸೋಮವಾರ ಇಸ್ರೇಲ್‌ ನಡೆಸಿದ ದಾಳಿಯಲ್ಲಿ ಗಾಜಾದಲ್ಲಿ 9 ಮಕ್ಕಳು ಸೇರಿದಂತೆ 35 ಪ್ಯಾಲೆಸ್ತೇನಿಗಳು ಮೃತಪಟ್ಟಿದ್ದಾರೆ ಎಂದು ಗಾಜಾದ ಆರೋಗ್ಯಾಧಿಕಾರಿಗಳು ತಿಳಿಸಿದ್ದಾರೆ.

India

ಕೊರೋನಾದಿಂದ ತತ್ತರಿಸಿರುವ ಭಾರತಕ್ಕೆ ಸ್ವಿಟ್ಜರ್ಲ್ಯಾಂಡ್, ನೆದರ್ಲ್ಯಾಂಡ್ ನಿಂದ ನೆರವಿನ ಹಸ್ತ

By KNN WEB TEAM Wednesday, May 12, 2021, 8:06 am

ನವದೆಹಲಿ: ಪ್ರಸ್ತುತ ಭಾರತ ಕೊರೊನಾ ಎರಡನೇ ಅಲೆಯ ಅಬ್ಬರಕ್ಕೆ ತತ್ತರಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ವಿದೇಶಗಳು ಸಹಾಯ ಹಸ್ತ ಚಾಚುತ್ತಿದ್ದು, ಇದೀಗ ವೈದ್ಯಕೀಯ ಉಪಕರಣಗಳನ್ನು ಹೊತ್ತು ಸ್ವಿಟ್ಜರ್ಲ್ಯಾಂಡ್, ನೆದರ್ಲ್ಯಾಂಡ್ ಮತ್ತು ದಕ್ಷಿಣ ಕೊರಿಯಾದ ವಿಮಾನಗಳು ದೆಹಲಿಗೆ ಬಂದಿಳಿದಿವೆ.

ನೆದರ್‌ಲ್ಯಾಂಡ್‌ ದೇಶವು 449 ವೆಂಟಿಲೇಟರ್‌ಗಳು, 100 ಆಮ್ಲಜನಕ ಸಾಂದ್ರಕಗಳು ಮತ್ತು ಇತರ ವೈದ್ಯಕೀಯ ಸಾಮಗ್ರಿಗಳನ್ನು ರವಾನಿಸಿದೆ.

ಸ್ವಿಟ್ಜರ್ಲ್ಯಾಂಡ್ 600 ಆಮ್ಲಜನಕ ಸಾಂದ್ರಕಗಳು, 50 ವೆಂಟಿಲೇಟರ್‌ಗಳು ಮತ್ತು ಇತರ ವೈದ್ಯಕೀಯ ಸಾಮಗ್ರಿಗಳನ್ನು ಕಳುಹಿಸಿಕೊಟ್ಟಿದೆ.ದಕ್ಷಿಣ ಕೊರಿಯಾದಿಂದ 200 ಆಮ್ಲಜನಕ ಸಾಂದ್ರಕಗಳನ್ನು ಹೊತ್ತ ವಿಮಾನ ದೆಹಲಿ ನಿಲ್ದಾಣಕ್ಕೆ ಆಗಮಿಸಿದೆ.

KARNATAKA State

ಇಂದಿನ ದಿನ ಭವಿಷ್ಯ ಹಾಗೂ ರಾಶಿಫಲ (12-05-2021)

By KNN WEB TEAM Wednesday, May 12, 2021, 7:59 am

ಓಂ ಶ್ರೀ ಮಹಾ ಗಣಪತಿ ಜ್ಯೋತಿಷ್ಯ ಕೇಂದ್ರ, ಕಟೀಲು ದುರ್ಗಾ ದೇವಿಯ ಆರಾಧಕರು ಮತ್ತು ಮಹಾ ಪಂಡಿತರು ಆಗಿರುವ ಗಣಪತಿ ಭಟ್ ಅವರಿಂದ ಸರ್ವ ರೀತಿಯ ಸಮಸ್ಯೆಗಳಿಗೂ ಫೋನ್ ನಲ್ಲಿಯೇ ನೇರ ಪರಿಹಾರ ದೊರೆಯಲಿದೆ. ನಿಮಗೆ ಉದ್ಯೋಗ ಸಮಸ್ಯೆಗಳು ಇದ್ರೆ ಅಥವ ಮನೆಯಲ್ಲಿ ಕಿರಿ ಕಿರಿ ಆಗುತ್ತಾ ಇದ್ರೆ ಅಥವ ಗಂಡ ಹೆಂಡತಿ ಸಂಭಂಧ ಸೂಕ್ತ ರೀತಿಯಲ್ಲಿ ಇಲ್ಲವಾದಲ್ಲಿ ಅಥವ ಕೋರ್ಟು ಕೇಸಿನ ವ್ಯಾಜ್ಯದಲ್ಲಿ ನಿಮಗೆ ತೊಂದ್ರೆ ಆಗಿದ್ರೆ ಅಥ್ವಾ ನಿಮ್ಮ ಹಿತ ಶತ್ರುಗಳು ನಿಮ್ಮನು ಕಾಡುತ್ತಾ ಇದ್ರೆ ಇನ್ನು ಹಲವು ರೀತಿಯ ಸಮಸ್ಯೆಗಳು ಏನೇ ಇರಲಿ ಎಲ್ಲವನ್ನು ಸಹ ಯಾರಿಗೂ ತಿಳಿಯದ ಹಾಗೆಯೇ ಗುಪ್ತ ರೀತಿಯಲ್ಲಿ ಇಟ್ಟು ಅದಕ್ಕೆ ಶಾಶ್ವತ ಪರಿಹಾರ ಫೋನ್ ನಲ್ಲಿಯೇ ಮೂರೂ ದಿನದಲ್ಲಿ ದೊರೆಯಲಿದೆ. ಈ ಕೂಡಲೇ ಫೋಟೋ ಮೇಲೆ ನೀಡಿರೋ ಸಂಖ್ಯೆಗೆ ಒಂದೇ ಒಂದು ಸಣ್ಣ ಕರೆ ಮಾಡಿರಿ. ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ 9535935559

ಮೇಷ ರಾಶಿ

ಕಚೇರಿಯಲ್ಲಿ ಅಷ್ಟೊಂದೇನೂ ಪರಿಸ್ಥಿತಿ ಚೆನ್ನಾಗಿರುವುದಿಲ್ಲ, ನಿಮ್ಮ ಕೆಲಸದ ಬಗ್ಗೆ ನಿರ್ಲಕ್ಷ ತೆಗೆದುಕೊಳ್ಳಬೇಡಿ ಯಾವುದೇ ಪ್ರಮುಖ ಜವಾಬ್ದಾರಿಗಳನ್ನು ನೀಡಿದ್ದಾರೆ ಹಿಂತಿರುಗಿ ಪಡೆಯಲಾಗುತ್ತದೆ, ಉದ್ಯೋಗವನ್ನು ಬದಲಾಯಿಸುವ ಬಗ್ಗೆ ಚಿಂತೆ ಮಾಡುತ್ತೀರಿ ಆದರೆ ಆತುರದ ನಿರ್ಧಾರವನ್ನು ತೆಗೆದುಕೊಳ್ಳಬೇಡಿ. ಉತ್ತಮ ವ್ಯಕ್ತಿತ್ವವನ್ನು ತಿಳಿದುಕೊಳ್ಳುತ್ತೀರಿ, ನಿಮ್ಮ ಅದೃಷ್ಟದ ಸಂಖ್ಯೆ 1 ನಿಮ್ಮ ಅದೃಷ್ಟದ ಬಣ್ಣ ನೇರಳೆ.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

ವೃಷಭ ರಾಶಿ

ದೇವರ ಅನುಗ್ರಹ ನಿಮ್ಮ ಮೇಲೆ ಇರುತ್ತದೆ ಹಾಗು ತಂದೆ ಆಶೀರ್ವಾದ ಯಾವಾಗಲೂ ಇರುತ್ತದೆ, ಕೆಲಸದ ಕಾರಣದಿಂದಾಗಿ ಹೆಚ್ಚು ಕಾರ್ಯ ನಿರಂತರವಾಗಿರುತ್ತದೆ, ವಿನಾಕಾರಣ ಖರ್ಚು ಮಾಡುವುದನ್ನು ತಪ್ಪಿಸಿ ವೈಯಕ್ತಿಕ ಜೀವನವಾಗಲಿ ವೃತ್ತಿಪರ ಜೀವನವಾಗಲಿ ಹೆಚ್ಚಿನ ಜವಾಬ್ದಾರಿಗಳು ಇರಬಹುದು, ಆರ್ಥಿಕ ರಂಗದಲ್ಲಿ ಮಿಶ್ರ ಫಲವನ್ನು ಕಾಣಬಹುದು ನಿಮ್ಮ ಆದಾಯವು ಉತ್ತಮವಾಗಿರುತ್ತದೆ ಖರ್ಚುವೆಚ್ಚಗಳನ್ನು ನೋಡಿಕೊಂಡು ಮಾಡಿ, ನಿಮ್ಮ ಅದೃಷ್ಟದ ಸಂಖ್ಯೆ 3 ನಿಮ್ಮ ಅದೃಷ್ಟದ ಬಣ್ಣ ಹಳದಿ.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

ಮಿಥುನ ರಾಶಿ

ಮಾರ್ಗದರ್ಶನದಿಂದ ಯಾವುದೇ ಕ್ಲಿಷ್ಟಕರ ಸಮಸ್ಯೆಗಳನ್ನು ಬಗೆಹರಿಸಿಕೊಂಡು ಜೀವನಉತ್ತಮ ಸಾಧನೆಯನ್ನು ಮಾಡುತ್ತೀರಿ,ನಿಮ್ಮ ಮನಸ್ಸಿನಲ್ಲಿರುವ ಯಾವುದಾದರೂ ವಿಷಯ ಅತಿಯಾಗಿ ಕಾಣಬಹುದು, ಸಾಲವನ್ನು ತೆಗೆದುಕೊಳ್ಳುವುದನ್ನು ತಪ್ಪಿಸಿ, ಹಣದ ಬಗ್ಗೆ ವಿಶೇಷವಾದ ಕಾಳಜಿ ವಹಿಸಿ ಉನ್ನತ ಅಧಿಕಾರಿಗಳು ಕಠಿಣ ವರ್ತನೆ ತೊಂದರೆ ಎನಿಸಬಹುದಾದ ಮುಜುಗರ ಎನ್ನಿಸಬಹುದು, ಇಂತಹ ಪರಿಸ್ಥಿತಿಗಳಲ್ಲಿ ಶಾಂತವಾಗಿರಿ ಕೊಳ್ಳಿ. ನಿಮ್ಮ ಅದೃಷ್ಟದ ಸಂಖ್ಯೆ2 ನಿಮ್ಮ ಅದೃಷ್ಟದ ಬಣ್ಣ ಹಳದಿ.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

ಕಟಕ ರಾಶಿ

ವ್ಯಾಪಾರಸ್ಥರು ಆರ್ಥಿಕ ನಿರ್ಧಾರಗಳನ್ನು ಅವಸರವಾಗಿ ತೆಗೆದುಕೊಳ್ಳಬೇಡಿ,ಅನುಭವಿ ಜನರೊಂದಿಗೆ ಸಲಹೆ ಪಡೆಯಲು ತಮ್ಮದೇ ಅವಶ್ಯಕತೆ ಇರುತ್ತದೆ, ನೀವು ಕೋಪ ತರುವಂತಹ ಕೆಲಸವನ್ನು ಮಾಡಬೇಡಿ ನಿಮ್ಮ ಮೇಲೆ ನಿಯಂತ್ರಣದಲ್ಲಿಟ್ಟುಕೊಳ್ಳಿ, ಆರ್ಥಿಕವಾದ ವಿಚಾರದಲ್ಲಿ ಉತ್ತಮ ದಿನವಲ್ಲ, ಯೋಚನೆ ಮಾಡಿ ಖರ್ಚುವೆಚ್ಚಗಳನ್ನು ಮಾಡಿ. ನಿಮ್ಮ ಮಾತಿನ ಮೇಲೆ ನಿಯಂತ್ರಣ ಇಟ್ಟುಕೊಳ್ಳಿ ನಿಮ್ಮ ಅದೃಷ್ಟ ಸಂಖ್ಯೆ 5 ನಿಮ್ಮ ಅದೃಷ್ಟದ ಬಣ್ಣ ಗುಲಾಬಿ.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

ಸಿಂಹ ರಾಶಿ

ಉದ್ಯೋಗ ಪರಿಸ್ಥಿತಿಯಲ್ಲಿ ಪ್ರತಿಕೂಲ ಪರಿಸ್ಥಿತಿ ಉಂಟಾಗಬಹುದು, ಇದರೊಂದಿಗೆ ವಾದವನ್ನು ಮಾಡುವುದನ್ನು ತಪ್ಪಿಸಿ ವ್ಯಾಪಾರ ಮಾಡಿದರೆ ದೊಡ್ಡ ಲಾಭವನ್ನು ಪಡೆಯಬಹುದು. ಬಹಳ ದಿನದಿಂದ ಅಂದುಕೊಂಡಿರುವಂತೆ ಕೆಲಸ ವ್ಯವಹಾರವು ಶುರುವಾಗಿದ್ದರೆ ಒಳ್ಳೆಯದು, ಕುಟುಂಬ ಸದಸ್ಯರೊಂದಿಗೆ ಆನಂದದಾಯಕವಾದ ದಿನವನ್ನು ಪಡೆಯಬಹುದು ನೀವು ನಿಮ್ಮ ತಂದೆಯಿಂದ ಪ್ರಮುಖ ಸಲಹೆಯನ್ನು ಪಡೆಯುತ್ತೀರಿ, ನಿಮ್ಮ ದಕ್ಷತೆ ಮತ್ತು ಶ್ರಮದ ಮೂಲಕ ಎಲ್ಲಾ ರೀತಿಯಿಂದಲೂ ಒಳ್ಳೆಯದಾಗುತ್ತದೆ. ವೈವಾಹಿಕ ಜೀವನದಲ್ಲಿ ಉತ್ತಮವಾಗಿರುತ್ತದೆ ಆರೋಗ್ಯದ ವಿಚಾರದಲ್ಲಿ
ಜಾಗ್ರತೆಯಾಗಿರಿ. ನಿಮ್ಮ ಅದೃಷ್ಟದ ಸಂಖ್ಯೆ 5ನಿಮ್ಮ ಅದೃಷ್ಟದ ಬಣ್ಣ ಕೇಸರಿ.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

ಕನ್ಯಾ ರಾಶಿ

ಈ ದಿನ ನಿಮಗೆ ಉತ್ತಮವಾದ ದಿನವಾಗಿರುತ್ತದೆ, ಯಾವುದಾದರೂ ಒಳ್ಳೆ ಸುದ್ದಿಯನ್ನು ಪಡೆಯುತ್ತೀರಿ ಇದು ನಿಮಗೆ ಮನಸ್ಸಿಗೆ ಬಹಳ ಸಂತೋಷವಾಗುತ್ತದೆ, ವ್ಯವಹಾರದಲ್ಲಿ ಲಾಭ ಸ್ಥಾನ ಉತ್ತಮವಾಗಿರುತ್ತದೆ.ಯಾವುದೇ ಶುಭ ಕೆಲಸಕ್ಕೆ ಸೇರಲು ಒಳ್ಳೆಯದಾಗುತ್ತದೆ, ವ್ಯಾಪಾರ ಉದ್ಯೋಗಕ್ಕೆ ಪ್ರಯಾಣ ಮಾಡುವ ಸಾಧ್ಯತೆ ಇದೆ. ವೈವಾಹಿಕ ಜೀವನದಲ್ಲಿ ದೊಡ್ಡ ಬದಲಾವಣೆ ಉಂಟಾಗುತ್ತದೆ, ನಿಮ್ಮ ಅದೃಷ್ಟದ ಸಂಖ್ಯೆ5 ಅದೃಷ್ಟದ ಬಣ್ಣನೀಲಿ.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

ತುಲಾ ರಾಶಿ

ನಿಮ್ಮ ತಂದೆ ಆಶೀರ್ವಾದ ಮತ್ತು ಹಿರಿಯರ ಆಶೀರ್ವಾದ ಸದಾ ಇರುತ್ತದೆ, ನಿಮ್ಮ ವೆಚ್ಚ ಹೆಚ್ಚಾಗುತ್ತದೆ, ಕಂಪನಿಯಲ್ಲಿ ಕೆಲಸ ಮಾಡುತ್ತಿರುವವರಿಗೆ ಶುಭವಾಗಲಿದೆ, ವ್ಯಾಪಾರಸ್ಥರು ಯಾವುದೇ ಕಾನೂನು ಪರಿಹಾರ ಪಡೆಯುವ ಸಾಧ್ಯತೆ ಇದೆ.ಹಣದ ಬಗ್ಗೆ ಜಾಗ್ರತೆಯಾಗಿರಿ ಸಂಗಾತಿ ಜೊತೆ ಸಂಬಂಧ ಬಲವಾಗಿರುತ್ತದೆ, ನಿಮ್ಮ ಅದೃಷ್ಟದ ಸಂಖ್ಯೆ 2ನಿಮ್ಮ ಅದೃಷ್ಟದ ಬಣ್ಣ ನೀಲಿ.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

ವೃಶ್ಚಿಕ ರಾಶಿ

ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ಗರ್ಭಿಣಿ ಮಹಿಳೆಯರು ಯಾವ ಆರೋಗ್ಯ ತೆಗೆದುಕೊಂಡರೆ ಯಾವುದು ಒಳ್ಳೆಯದು ಏನು ಎಂಬುದನ್ನು ತಿಳಿದುಕೊಂಡು ಮುಂದುವರೆಯಿರಿ, ನೀವು ಯಾರನ್ನಾದರೂ ಇಷ್ಟಪಟ್ಟಿದ್ದರೆ ನಿಮ್ಮ ಭಾವನೆಗಳನ್ನು ತಿಳಿಸಿ, ಕುಟುಂಬದಲ್ಲಿ ಶಾಂತಿ ನೆಮ್ಮದಿ ಇರುತ್ತದೆ. ಹಣಕಾಸಿನ ವಿಚಾರದಲ್ಲಿ ಭಾರೀ ಲಾಭ ಗಳಿಸುವ ಸಾಧ್ಯತೆ ಇದೆ, ಹಳೆ ಮಾರಾಟ ಸಮಸ್ಯೆಗಳೆಲ್ಲವೂ ದೂರವಾಗುತ್ತದೆ ನಿಮ್ಮ ಅದೃಷ್ಟದ ಸಂಖ್ಯೆ 1ನಿಮ್ಮ ಅದೃಷ್ಟದ ಬಣ್ಣ ಹಸಿರು.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

ಧನಸ್ಸು ರಾಶಿ

ವ್ಯಾಪಾರಸ್ಥರು ಹೆಚ್ಚಿನ ಜಾಗ್ರತೆ ವಹಿಸಬೇಕು, ಹಣದ ದೃಷ್ಟಿಯಿಂದ ತುಂಬಾ ದುಬಾರಿಯಾಗಲಿದೆ. ನಿಮ್ಮ ಬುದ್ಧಿವಂತಿಕೆ ಬಲವಾಗಿರುತ್ತದೆ, ವಿದ್ಯಾರ್ಥಿಗಳು ವಿದ್ಯಾಭ್ಯಾಸಕ್ಕಾಗಿ ಹೆಚ್ಚಿನ ಹಣವನ್ನು ಖರ್ಚು ಮಾಡುವ ಸಾಧ್ಯತೆ ಇದೆ. ನಿಮ್ಮ ಸಂಗಾತಿಯ ಆರೋಗ್ಯ ಸರಿಯಾಗಿದ್ದರೆ ಅಂತಹ ಪರಿಸ್ಥಿತಿಯಲ್ಲಿ ಹೆಚ್ಚಿನ ಸಮಯವನ್ನು ಕಳೆಯಲು ಈ ಸಮಯದಲ್ಲಿ ಸರಿಯಾದ ಆರೈಕೆ ಅಗತ್ಯವಾಗಿರುತ್ತದೆ. ನಿಮ್ಮ ಅದೃಷ್ಟದ ಸಂಖ್ಯೆ1 ನಿಮ್ಮ ಅದೃಷ್ಟದ ಬಣ್ಣ ಕೇಸರಿ.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

ಮಕರ ರಾಶಿ

ಉತ್ತಮವಾದ ದಿನವಾಗಿರುತ್ತದೆ ಹಣದ ಪರಿಸ್ಥಿತಿ ಉತ್ತಮವಾಗಿರುತ್ತದೆ, ಯಾವುದೇ ವ್ಯವಹಾರಗಳನ್ನು ಮಾಡಬಹುದು ಹಣಕಾಸಿನ ಖರ್ಚುವೆಚ್ಚಗಳನ್ನು ನೋಡಿಕೊಂಡು ಮಾಡಿ, ಕೆಲಸದ ಆರಂಭದಲ್ಲಿ ಉನ್ನತ ಫಲಿತಾಂಶ ಕಾಣುತ್ತೀರಿ, ಹಿರಿಯ ಅಧಿಕಾರಿಗಳ ಬೆಂಬಲ ಸಿಗುತ್ತದೆ ಮನೆಯ ವಾತಾವರಣ ಉತ್ತಮವಾಗಿರುತ್ತದೆ. ನಿಮ್ಮ ಆರೋಗ್ಯದಲ್ಲಿ ಚೇತರಿಕೆ ಉಂಟಾಗುತ್ತದೆ ಆರ್ಥಿಕ ವ್ಯವಸ್ಥೆಯಲ್ಲಿ ಉಂಟಾದ ಏರುಪೇರಿನಿಂದ ಬಗೆಹರಿಯುತ್ತದೆ. ನಿಮ್ಮ ಅದೃಷ್ಟದ ಸಂಖ್ಯೆ2 ನಿಮ್ಮ ಅದೃಷ್ಟದ ಬಣ್ಣ ಗುಲಾಬಿ.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

ಕುಂಭ ರಾಶಿ

ಮೊದಲನೆಯದಾಗಿ ಕೆಲಸದ ಬಗ್ಗೆ ಮಾತನಾಡುವುದಾದರೆ ನೀವು ಬಹಳ ದಿನದಿಂದ ಅಂದುಕೊಂಡಿರುವಂತೆ ಕೆಲಸವನ್ನು ಮಾಡಬಹುದು, ಉದ್ಯೋಗಸ್ಥರು ಉನ್ನತ ಸ್ಥಾನವನ್ನು ಪಡೆಯಬಹುದು ವ್ಯಾಪಾರಿಗಳು ಉನ್ನತ ಲಾಭವನ್ನು ಪಡೆಯಬಹುದು. ಹಣದ ದೃಷ್ಟಿಯಿಂದ ದುಬಾರಿಯಾಗಿರುತ್ತದೆ, ದಂಪತಿಗಳ ಆರೋಗ್ಯ ಸಂತೋಷವಾಗಿರುತ್ತದೆ, ನೆರೆಹೊರೆಯವರಿಂದ ತೊಂದರೆ ಇದ್ದರು ಸಹ ಆರ್ಥಿಕವಾಗಿ ಒಳ್ಳೆಯದಾಗುತ್ತದೆ, ಪ್ರೀತಿಯ ಜೀವನದಲ್ಲಿ ಹೊಸ ಆರಂಭವಾಗುತ್ತದೆ. ನಿಮ್ಮ ಅದೃಷ್ಟದ ಸಂಖ್ಯೆ5 ನಿಮ್ಮ ಅದೃಷ್ಟದ ಬಣ್ಣ ಬಿಳಿ.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

ಮೀನಾ ರಾಶಿ

ನೀವು ಬಹಳ ದಿಂದ ನಿಮ್ಮ ಮನಸ್ಸಿನಲ್ಲಿ ಇರುವಂತಹ ಏನು ಮಾಡಬೇಕೆಂದು ಕೊಂಡಿದ್ದರೆ ಆ ಕೆಲಸದಲ್ಲಿ ಉತ್ತಮ ದಿನವೆಂದು ಹೇಳಬಹುದು, ಉತ್ತಮ ಆಹಾರ ಸೇವನೆ ಮಾಡುವುದರಿಂದ ಆರೋಗ್ಯವೂ ಕೂಡ ಚೆನ್ನಾಗಿರುತ್ತದೆ. ಪ್ರೀತಿಯ ಜೀವನದಲ್ಲಿ ಜಾಗೃತಿ ವಹಿಸಿ ಹೊಸ ಆದಾಯದ ಮೂಲ ಕಾಣುತ್ತೀರಿ, ಮನೆಯಲ್ಲಿ ಉತ್ತಮವಾದ ಶುಭವಾರ್ತೆಯನ್ನು ಕೇಳುತ್ತೀರಿ, ನಿಮ್ಮ ಅದೃಷ್ಟದ ಸಂಖ್ಯೆ 4 ನಿಮ್ಮ ಅದೃಷ್ಟದ ಬಣ್ಣ ಬಿಳಿ.
ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ
ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ
9535935559

KARNATAKA State

ಈ ಒಂದು ಮಂತ್ರವನ್ನು ನಿತ್ಯ ಪಠಿಸಿ ಸಾಕು,ಲಕ್ಷ್ಮಿಯೇ ನಿಮ್ಮನ್ನು ರಕ್ಷಿಸುವ ಅದ್ಬುತ ವ್ಯೂಹ ಲಕ್ಷ್ಮಿ ಮಂತ್ರದ ಶಕ್ತಿ ನೋಡಿ‌

By KNN WEB TEAM Wednesday, May 12, 2021, 7:57 am

ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ 9535935559

ಮಹಾಲಕ್ಷ್ಮಿ ದೇವಿಗೆ ಸಂಬಂಧಪಟ್ಟಂತಹ ಮಹಾಲಕ್ಷ್ಮಿ ದೇವಿಗೆ ಅತ್ಯಂತ ಪ್ರಿಯವಾದಂತಹ ಈ ಒಂದು ಮಂತ್ರವನ್ನ ಯಾರು ಪ್ರತಿನಿತ್ಯ ಪಠಿಸುತ್ತ ಬರುತ್ತಾರೋ ಅಂತವರಿಗೆ ಲಕ್ಷ್ಮೀದೇವಿ ಕೃಪೆ ಅನ್ನೋದು ಆದಷ್ಟು ಬೇಗ ಪ್ರಾಪ್ತಿಯಾಗುತ್ತದೆ. ಮನೆಯಲ್ಲಿ ಎಷ್ಟೇ ದರಿದ್ರ ಇದ್ದರೂ ಕೂಡ ಜೀವನದಲ್ಲಿ ಎಷ್ಟೇ ದೌರ್ಭಾಗ್ಯವಂತರಾಗಿ ಇದ್ದರೂ ಕೂಡ ಆ ಎಲ್ಲಾ ದರಿದ್ರತನಗಳು ಲಕ್ಷ್ಮಿ ದೇವಿಯ ಅನುಗ್ರಹದಿಂದ ಕಳೆದು ಅದ್ಭುತವಾದಂತಹ ಏಳಿಗೆಯನ್ನು ಪ್ರಗತಿಯನ್ನು ನೀವು ಕಾಣಬಹುದು. ನೀವು ಅಂದುಕೊಂಡ ಅಂತಹ ಕೆಲಸಗಳು ಆಗಬೇಕು ಯಾವುದೇ ರೀತಿಯಾದಂತಹ ಕಷ್ಟಗಳಿಂದ ಹೊರಗೆ ಬರಬೇಕೆಂದರೆ ಈ ಒಂದು ಮಂತ್ರವನ್ನ ಭಕ್ತಿಯಿಂದ ಪ್ರತಿನಿತ್ಯ ಪಠಿಸುತ್ತಾ ಬರಬೇಕು.ಈ ಮಂತ್ರ ಯಾವುದು ಲಕ್ಷ್ಮೀದೇವಿಗೆ ಪ್ರಿಯ ವಾದಂತಹ ಈ ಒಂದು ಮಂತ್ರದ ಬಗ್ಗೆ ಯಾವ ಪುರಾಣದಲ್ಲಿ ಬಹಳಷ್ಟು ಸ್ಪಷ್ಟವಾಗಿ ಪ್ರಾಮಾಣಿಕವಾಗಿ ತಿಳಿಸಿಕೊಟ್ಟಿದ್ದಾರೆ ಅಂತ ಇವತ್ತಿನ ಒಂದು ವಿಡಿಯೋದಲ್ಲಿ ಸಂಪೂರ್ಣವಾಗಿ ತಿಳಿಸಿ ಕೊಡ್ತೀವಿ ಬನ್ನಿ.

ಶ್ರೀ ಮಹಾಲಕ್ಷ್ಮಿ ದೇವಿಗೆ ಕರುಣೆ ಅನ್ನೋದು ಹೆಚ್ಚು ನಂಬಿದ ಭಕ್ತರನ್ನು ಭಕ್ತಿಯಿಂದ ನಂಬಿದವರನ್ನ ಎಂದಿಗೂ ಕೂಡ ಕೈಬಿಡುವುದಿಲ್ಲ. ಒಬ್ಬ ಮನುಷ್ಯ ಒಬ್ಬರನ್ನ ಪ್ರೀತಿಸಬೇಕು ಗೌರವಿಸಬೇಕು ಅಂದರೆ ಸ್ವಾರ್ಥ ಅನ್ನೋದು ಇದ್ದೇ ಇರುತ್ತದೆ,ಆದರೆ ಯಾವುದೇ ಸ್ವಾರ್ಥವಿಲ್ಲದೆ ನಿಸ್ವಾರ್ಥದಿಂದ ಹೇಳಿದ್ದನ್ನ ಕರುಣಿಸುವ ದೇವಿಯೇ ಮಹಾತಾಯಿ ಶ್ರೀಲಕ್ಷ್ಮಿ.ಇಂತಹ ಶ್ರೀ ಲಕ್ಷ್ಮಿ ಮಹಾಲಕ್ಷ್ಮಿ ಮನೆಗೆ ಬಂದು ನೆಲಸಬೇಕು ಅಂದರೆ ಒಂದು ಮಂತ್ರವನ್ನು ಪಠಿಸಬೇಕಾಗುತ್ತದೆ. ಸಾಕ್ಷಾತ್ ಮಹಾಲಕ್ಷ್ಮಿ ಗೆ ಪ್ರಿಯವಾದಂತಹ ಮಂತ್ರ ಇದಾಗಿದ್ದು
ಈ ಒಂದು ಮಂತ್ರಕ್ಕೆ ವ್ಯೂಹ ಲಕ್ಷ್ಮಿ ಮಹಾಮಂತ್ರ ಅಂತ ಕರೀತೀವಿ.ಈ ಒಂದು ಮಂತ್ರವನ್ನ ಯಾರು ಅನುಷ್ಠಾನವನ್ನು ಮಾಡಿಕೊಳ್ಳುತ್ತಾರರೋ ಎಷ್ಟೇ ದೌರ್ಭಾಗ್ಯ ತನ ದರಿದ್ರತನ ಇದ್ದರೂ ಕೂಡ ಎಲ್ಲಾ ದೋಷಗಳು ಕಳೆದು ಐಶ್ವರ್ಯವಂತರಾಗಬಹುದು. ಮಹಾಲಕ್ಷ್ಮಿ ದೇವಿ ಅನುಗ್ರಹದಿಂದ ಅಷ್ಟೈಶ್ವರ್ಯಗಳು ಪ್ರಾಪ್ತಿಯಾಗುತ್ತದೆ.ವೆಂಕಟೇಶ್ವರ ಸ್ವಾಮಿಯ ವಕ್ಷ ಸ್ಥಳದಲ್ಲಿ ನೆಲೆಸಿರು ತಕ್ಕಂತಹ ದೇವಿಯೇ ವ್ಯೂಹ ಲಕ್ಷ್ಮಿ ಅಂದರೆ ಮಹಾಲಕ್ಷ್ಮಿ. ಈ ಒಂದು ಮಹಾಲಕ್ಷ್ಮಿಗೆ ಸಂಬಂಧಪಟ್ಟಂತೆ ಮಂತ್ರದ ಬಗ್ಗೆ ಸ್ಕಂದ ಪುರಾಣದಲ್ಲಿ ವೆಂಕಟಾಚಲ ಮಹಾತ್ಮೆಯಲ್ಲಿ ಈ ಒಂದು ವಿಚಾರವನ್ನ ತಿಳಿಸಿದ್ದಾರೆ.

ಗುರುಗಳ ಮುಖಾಂತರ ಒಂದು ಮಂತ್ರವನ್ನು ಪಡೆಯಬಹುದು ಅಂದರೆ ಬಹಳ ಶ್ರದ್ಧೆಯಿಂದ ಸ್ಪಷ್ಟವಾಗಿ ಯಾವುದೇ ತಪ್ಪು ಇಲ್ಲದೆ ನಿಯಮಗಳನುಸಾರ ಈ ಒಂದು ಮಂತ್ರವನ್ನ ಪಠಿಸಬೇಕಾಗುತ್ತದೆ. ಯಾವ ರೀತಿ ಈ ಒಂದು ಮಂತ್ರವನ್ನು ಪಠಿಸಬೇಕೆಂದರೆ ದೀಕ್ಷೆಯನ್ನು ನೀವು ತೆಗೆದುಕೊಳ್ಳಬೇಕು ಅಂದರೆ 40 ದಿನಗಳ ಕಾಲ ಚಾಚೂತಪ್ಪದೆ ಪ್ರತಿನಿತ್ಯ ಕೂಡ ಪಠಿಸುತ್ತ ಬರಬೇಕು. 40 ದಿನಗಳ ಕಾಲ ಪಠಿಸಬೇಕು ಅಂದರೆ ಮನಸ್ಸಿನಲ್ಲಿ ಯಾವುದಾದರೂ ಕೋರಿಕೆಗಳು ಇರಬೇಕು.ವಿಶೇಷವಾದಂತಹ ಕೋರಿಕೆಗಳು ಏನಾದರೂ ಉದ್ಯೋಗ ಬದಲಾವಣೆ ಮಾಡಬೇಕು.ವ್ಯಾಪಾರ-ವ್ಯವಹಾರದ ಹೊಸದಾಗಿ ಶುರುಮಾಡುವುದು ಇನ್ಯಾವುದೆ ಹಣಕಾಸಿನ ವ್ಯವಹಾರವಿದ್ದರೆ ನೀವು 40 ದಿನ ನಿಮ್ಮ ಮನೆಯಲ್ಲಿ ಈ ವ್ರತವನ್ನು ಮಾಡಬೇಕು. ನೀವು ಯಾವ ಸ್ಥಳದಲ್ಲಿ ಮಂತ್ರವನ್ನು ಪ್ರಾರಂಭಿಸುತಿರೋ ಆ ಸ್ಥಳದಲ್ಲಿಯೇ ಮಾಡಬೇಕು. ಯಾವುದೇ ರೀತಿಯ ಕೋರಿಕೆ ಇಲ್ಲದೆ ಮನೆಗೆ ಮಹಾಲಕ್ಷ್ಮಿಯ ಅನುಗ್ರಹ ಪ್ರಾಪ್ತಿ ಆಗಬೇಕಾದರೆ ಪ್ರತಿ ಶುಕ್ರವಾರ ಮತ್ತು ಪ್ರತಿನಿತ್ಯ ದೀಪಾರಾಧನೆ ಮಾಡುವಾಗ ಈ ಮಂತ್ರವನ್ನು ಪಠಿಸಬೇಕು.

‘ ಓಂ ಶ್ರೀ ಓಂ ನಮಃ ಪರಮಲಕ್ಷ್ಮಿ ವಿಷ್ಣು ವಕ್ಷ ಸ್ಥಿತಾಯ್ಯೆ ರಮಾಯ್ಯೆ ಆಶ್ರಿತಾ ತಾರಕಾಯ್ಯೆ ನಮೋ ವಂದಿತಾಯ್ಯೆ ನಮಃ ‘

ಈ ಮಂತ್ರವನ್ನ 40 ದಿನ ಪಠಿಸಬೇಕು ಈ ಮಂತ್ರವನ್ನು ಹಬ್ಬದ ಹರಿ ದಿನಗಳಲ್ಲಿ ಲಕ್ಷ್ಮಿ ದೀಪಾರಾಧನೆ ಮಾಡಬೇಕಾದರೆ ಮೂರು ಬಾರಿ ಅಥವಾ 11,108, ಸಾರಿ ಕೂಡ ಹೇಳಿಕೊಳ್ಳಬಹುದು.ಮಂತ್ರವನ್ನು ಪಠಿಸಬೇಕಾದರೆ ಹಲವು ನಿಯಮಗಳಿವೆ ಅಂದುಕೊಂಡ ಕೆಲಸ ಆಗಬೇಕು ಅನ್ನುವವರು 40 ದಿನ ಮಾಂಸಾಹಾರವನ್ನು ಸೇವಿಸಬಾರದು. ಮದುವೆಯಾಗಿರುವವರು ಬ್ರಹ್ಮಚರ್ಯವನ್ನು ಪಾಲಿಸಬೇಕಾಗುತ್ತದೆ ಚಾಪೆಯ ಮೇಲೆ ಮಲಗಬೇಕಾಗುತ್ತದೆ. ಇದನ್ನು ದೀಕ್ಷಿ ಪಡೆದುಕೊಂಡವರು ಮಾಡಬೇಕಾಗುತ್ತದೆ. ಸುಮ್ಮನೆ ಮಂತ್ರವನ್ನು ಪಠಿಸುತ್ತೇವೆ ಎಂದರೆ ಮನೆಯಲ್ಲಿ ಮಾಂಸಾಹಾರ ಮಾಡಿದ ದಿನ ಹೇಳಿಕೊಳ್ಳಬಾರದು ಮತ್ತೆ ಹೆಂಗಸರು ಮುಟ್ಟಾದ ಸಂದರ್ಭದಲ್ಲಿ ಹೇಳಿಕೊಳ್ಳಬಾರದು.ಮನೆಯಲ್ಲಿ ಸೂತಕ ಇರುವಾಗ ಪಠಿಸಬಾರದು ಇವುಗಳನ್ನೆಲ್ಲ ಪಾಲಿಸುತ್ತ ಬಂದರೆ ಲಕ್ಷ್ಮೀದೇವಿ ಒಲಿಯುತ್ತಾಳೆ.

ಓಂ ಶ್ರೀ ಮಹಾ ಗಣಪತಿ ಜ್ಯೋತಿಷ್ಯ ಕೇಂದ್ರ ಕಟೀಲು ದುರ್ಗಾ ದೇವಿಯ ಆರಾಧಕರು ಮತ್ತು ಮಹಾ ಪಂಡಿತರು ಆಗಿರುವ ಗಣಪತಿ ಭಟ್ ಅವರಿಂದ ಸರ್ವ ರೀತಿಯ ಸಮಸ್ಯೆಗಳಿಗೂ ಫೋನ್ ನಲ್ಲಿಯೇ ನೇರ ಪರಿಹಾರ ದೊರೆಯಲಿದೆ. ನಿಮಗೆ ಉದ್ಯೋಗ ಸಮಸ್ಯೆಗಳು ಇದ್ರೆ ಅಥವ ಮನೆಯಲ್ಲಿ ಕಿರಿ ಕಿರಿ ಆಗುತ್ತಾ ಇದ್ರೆ ಅಥವ ಗಂಡ ಹೆಂಡತಿ ಸಂಭಂಧ ಸೂಕ್ತ ರೀತಿಯಲ್ಲಿ ಇಲ್ಲವಾದಲ್ಲಿ ಅಥವ ಕೋರ್ಟು ಕೇಸಿನ ವ್ಯಾಜ್ಯದಲ್ಲಿ ನಿಮಗೆ ತೊಂದ್ರೆ ಆಗಿದ್ರೆ ಅಥ್ವಾ ನಿಮ್ಮ ಹಿತ ಶತ್ರುಗಳು ನಿಮ್ಮನು ಕಾಡುತ್ತಾ ಇದ್ರೆ ಇನ್ನು ಹಲವು ರೀತಿಯ ಸಮಸ್ಯೆಗಳು ಏನೇ ಇರಲಿ ಎಲ್ಲವನ್ನು ಸಹ ಯಾರಿಗೂ ತಿಳಿಯದ ಹಾಗೆಯೇ ಗುಪ್ತ ರೀತಿಯಲ್ಲಿ ಇಟ್ಟು ಅದಕ್ಕೆ ಶಾಶ್ವತ ಪರಿಹಾರ ಫೋನ್ ನಲ್ಲಿಯೇ ಮೂರೂ ದಿನದಲ್ಲಿ ದೊರೆಯಲಿದೆ. ಈ ಕೂಡಲೇ ಫೋಟೋ ಮೇಲೆ ನೀಡಿರೋ ಸಂಖ್ಯೆಗೆ ಒಂದೇ ಒಂದು ಸಣ್ಣ ಕರೆ ಮಾಡಿರಿ. ಆಧ್ಯಾತ್ಮಿಕ ಚಿಂತಕರು ಪ್ರಧಾನ್ ತಾಂತ್ರಿಕರು ದೈವಜ್ಞ ಪಂಡಿತರು ಶ್ರೀ ಗಣಪತಿ ಭಟ್ ಗುರೂಜಿ ಧರ್ಮಶಾಸ್ತ್ರ ಜ್ಯೋತಿಷ್ಯದ ಪ್ರತಿಬಿಂಬ 9535935559

CORONAVIRUS India

ಕೊರೊನಾ ವೈರಸ್ ಹೆಚ್ಚಳ : ತೆಲಂಗಾಣದಲ್ಲಿ ಇಂದಿನಿಂದ 10 ದಿನ ಲಾಕ್ ಡೌನ್

By KNN WEB TEAM Wednesday, May 12, 2021, 7:48 am

ಹೈದರಾಬಾದ್ : ಕೊರೊನಾ ವೈರಸ್ ಸೋಂಕಿನ ಪ್ರಕರಣಗಳು ಹೆಚ್ಚಳವಾಗುತ್ತಿರುವ ಹಿನ್ನೆಲೆಯಲ್ಲಿ ಇಂದಿನಿಂದ 10 ದಿನಗಳ ಕಾಲ ತೆಲಂಗಾಣದಲ್ಲಿ ಲಾಕ್ ಡೌನ್ ಘೋಷಣೆ ಮಾಡಲಾಗಿದೆ.

ಸಿಎಂ ಕೆ.ಚಂದ್ರಶೇಖರ್ ರಾವ್ ಅವರ ನೇತೃತ್ವದಲ್ಲಿ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಲಾಕ್ ಡೌನ್ ಮಾಡುವ ಕುರಿತಂತೆ ಘೋಷಣೆ ಮಾಡಲಾಗಿದ್ದು, ಇಂದಿನಿಂದ ಮೇ. 22 ರವರೆಗೆ ತೆಲಂಗಾಣದಲ್ಲಿ ಲಾಕ್ ಡೌನ್ ಜಾರಿಗೊಳಿಸಲಾಗಿದೆ ಎಂದು ಸರ್ಕಾರ ಹೇಳಿದೆ.

ದೇಶಾದ್ಯಂತ ಕೊರೊನಾ 2 ನೇ ಅಲೆ ಹೆಚ್ಚಳವಾಗುತ್ತಿರುವ ಹಿನ್ನೆಲೆಯಲ್ಲಿ ಈಗಾಗಲೇ ಕರ್ನಾಟಕ, ತಮಿಳುನಾಡು, ಮಹಾರಾಷ್ಟ್ರ ಸೇರಿದಂತೆ ಹಲವು ರಾಜ್ಯಗಳಲ್ಲಿ ಲಾಕ್ ಡೌನ್ ಜಾರಿಗೊಳಿಸಲಾಗಿದ್ದು, ಇದೀಗ ತೆಲಂಗಾಣದಲ್ಲಿ ಲಾಕ್ ಡೌನ್ ಜಾರಿಯಾಗಿದೆ.

Breaking

Recent Posts

Join Us

Popular Posts

Recent Posts

Trending Now

Tags