ರಾಂಚಿ :ಮಾಜಿ ಸಿಎಂ ಹೇಮಂತ್ ಸೊರೆನ್ ಬಂಧನವನ್ನು ವಿರೋಧಿಸಿ ಹಲವು ಬುಡಕಟ್ಟು ಸಂಘಟನೆಗಳು ಗುರುವಾರ ಜಾರ್ಖಂಡ್ ಬಂದ್‌ಗೆ ಕರೆ ನೀಡಿವೆ.
ಕೇಂದ್ರೀಯ ಸರ್ಣಾ ಸಮಿತಿ ಅಧ್ಯಕ್ಷ ಅಜಯ್ ಟಿರ್ಕಿ,” ರಾಜ್ಯದಾದ್ಯಂತ 15-20 ಬುಡಕಟ್ಟು ಸಂಘಟನೆಗಳು ಬಂದ್‌ಗೆ ಸೇರಲಿವೆ.ತನಿಖೆಗೆ ಇಡಿ ಸಹಕಾರ ನೀಡಿದ ಹೊರತಾಗಿಯೂ, ಹೇಮಂತ್ ಸೋರೆನ್ ಅವರನ್ನು ಬಂಧಿಸಲಾಗಿದೆ. ನಾವು ಇದನ್ನು ಪ್ರತಿಭಟಿಸುತ್ತೇವೆ,” ಎಂದು ಹೇಳಿದರು.
ಬಂದ್ ನಿಂದ ತುರ್ತು ಸೇವೆಗಳಿಗೆ ಅಡ್ಡಿಯಾಗುವುದಿಲ್ಲ ಎಂದು ಟಿರ್ಕಿ ಹೇಳಿದರು.
“ಗುರುವಾರ ಶಾಲೆಗಳನ್ನು ತೆರೆದರೆ ನಾವು ತೊಂದರೆ ನೀಡುವುದಿಲ್ಲ” ಎಂದು ಅವರು ಹೇಳಿದರು.
ಭೂ ವಂಚನೆ ಪ್ರಕರಣದಲ್ಲಿ ಅಕ್ರಮ ಹಣ ವರ್ಗಾವಣೆ ಆರೋಪದ ಮೇಲೆ ಏಳು ಗಂಟೆಗಳ ಕಾಲ ವಿಚಾರಣೆ ನಡೆಸಿದ ನಂತರ ಜಾರಿ ನಿರ್ದೇಶನಾಲಯ (ಇಡಿ) ಸೋರೆನ್ ಅವರನ್ನು ಬಂಧಿಸಿದೆ. ಬಂಧನಕ್ಕೂ ಮುನ್ನ ಸೋರೆನ್ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ್ದರು.
