ಹೈದರಾಬಾದ್ : ಹೈದರಾಬಾದ್ ನ ಪ್ರಸಿದ್ದ ರೆಸ್ಟೋರೆಂಟ್‌ನಲ್ಲಿ ಆರ್ಡರ್ ಮಾಡಿದ ಬಿರಿಯಾನಿಯಲ್ಲಿ ಸಿಗರೇಟ್ ತುಂಡುಗಳು ಪತ್ತೆಯಾಗಿದ್ದು, ವಿಡಿಯೋ ವೈರಲ್ ಆಗಿದೆ.
ಹೈದರಾಬಾದ್‌ನ ಆರ್‌ಟಿಸಿ ಎಕ್ಸ್‌ ರಸ್ತೆಯಲ್ಲಿರುವ ಜನಪ್ರಿಯ ರೆಸ್ಟೋರೆಂಟ್‌ನಲ್ಲಿ ಚಿಕನ್ ಬಿರಿಯಾನಿ ತಿನ್ನುವಾಗ ಅರ್ಧ ಸುಟ್ಟ ಸಿಗರೇಟು ಸಿಕ್ಕಿದೆ ಎಂದು ಗ್ರಾಹಕರೊಬ್ಬರು ಆರೋಪಿಸಿದ್ದಾರೆ. ಹತ್ತು ಮಂದಿ ಒಟ್ಟಿಗೆ ಕುಳಿತು ಅರ್ಧ ಸುಟ್ಟ ಸಿಗರೇಟ್ ತುಂಡುಗಳನ್ನು ತೋರಿಸುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.ಇದು ಆಹಾರ ಸುರಕ್ಷತೆಯ ಬಗ್ಗೆ ಕಳವಳವನ್ನು ಹುಟ್ಟುಹಾಕಿದೆ.
Cigarette 🚬 Butts in #Bawarchi biryani …
Nerchukoni intlo chesukovatam uttamam pic.twitter.com/j2ct9mxn2Q
— Vineeth K (@DealsDhamaka) November 25, 2024
ಘಟನೆಯ ವೀಡಿಯೋವನ್ನು ನವೆಂಬರ್ 25 ರಂದು ವಿನೀತ್ ಕೆ ಎಂಬ ಬಳಕೆದಾರರು ಸಾಮಾಜಿಕ ಮಾಧ್ಯಮ ವೇದಿಕೆಯಲ್ಲಿ ಪೋಸ್ಟ್ ಮಾಡಿದ್ದಾರೆ. ವಿಡಿಯೋದಲ್ಲಿ ಅತಿಥಿಗಳ ಗುಂಪು ಕುಳಿತಿರುವುದನ್ನು ಕಾಣಬಹುದು. ಅವರ ಮುಂದೆ ಅರ್ಧ ತಿಂದ ಆಹಾರವಿದೆ. ಅವರಲ್ಲಿ ಒಬ್ಬರು ಬಿರಿಯಾನಿಯಲ್ಲಿದ್ದ ಸಿಗರೇಟ್ ತುಂಡನ್ನು ತೋರಿಸಿದ್ದಾರೆ.
