ಸಾಮಾನ್ಯವಾಗಿ ಅತಿಯಾದ ಸೀನು ಅಥವಾ ನೆಗಡಿ ಬಂದರೆ ನಾವು ಅದನ್ನು ನಿರ್ಲಕ್ಷಿಸುತ್ತೇವೆ. ಆದರೆ ಗ್ರೀಸ್ನ 58 ವರ್ಷದ ಮಹಿಳೆಯೊಬ್ಬರಿಗೆ ಎದುರಾದ ಪರಿಸ್ಥಿತಿ ಕೇಳಿದರೆ ನೀವು ಬೆಚ್ಚಿಬೀಳುತ್ತೀರಿ. ಸತತ ಸೀನಿನಿಂದ ಬೇಸತ್ತು ಆಸ್ಪತ್ರೆಗೆ ಹೋದ ಈಕೆಯ ಮೂಗಿನೊಳಗೆ ಇದ್ದದ್ದನ್ನು ಕಂಡು ಸ್ವತಃ ವೈದ್ಯರೇ ದಂಗಾಗಿದ್ದಾರೆ.
ಘಟನೆಯ ಹಿನ್ನೆಲೆ: ನೊಣಗಳನ್ನು ನಿರ್ಲಕ್ಷಿಸಿದ್ದೇ ತಪ್ಪಾಯ್ತು!
ಕಳೆದ ವರ್ಷ ಸೆಪ್ಟೆಂಬರ್ನಲ್ಲಿ ಈ ಮಹಿಳೆ ಕುರಿ ಫಾರಂವೊಂದರ ಬಳಿ ಕೆಲಸ ಮಾಡುತ್ತಿದ್ದರು. ಆ ಸಮಯದಲ್ಲಿ ಅವರ ಮುಖದ ಸುತ್ತ ಹತ್ತಾರು ನೊಣಗಳು ಮುತ್ತಿಕೊಳ್ಳುತ್ತಿದ್ದವು. ಆದರೆ, ಅವರು ಅದನ್ನು ಸಾಮಾನ್ಯ ಸಂಗತಿಯೆಂದು ಭಾವಿಸಿ ನಿರ್ಲಕ್ಷಿಸಿದ್ದರು.
ಒಂದು ವಾರದ ನಂತರ ಅವರಿಗೆ ಮೂಗಿನೊಳಗೆ ಅತೀವ ನೋವು ಮತ್ತು ನಿರಂತರ ಕೆಮ್ಮು ಕಾಣಿಸಿಕೊಂಡಿತು. ಜ್ವರ ಇಲ್ಲದ ಕಾರಣ ಇದು ಕೇವಲ ನೆಗಡಿ ಇರಬಹುದು ಎಂದು ಅವರು ಸುಮ್ಮನಾಗಿದ್ದರು. ಆದರೆ ಅಕ್ಟೋಬರ್ 15ರಂದು ಅವರು ಜೋರಾಗಿ ಸೀನಿದಾಗ, ಮೂಗಿನಿಂದ ಒಂದು ಇಂಚು ಉದ್ದದ ಹುಳವೊಂದು ಕೆಳಗೆ ಬಿದ್ದಿದೆ. ಇದನ್ನು ಕಂಡು ಗಾಬರಿಯಾದ ಮಹಿಳೆ ತಕ್ಷಣ ಇಎನ್ಟಿ (ENT) ತಜ್ಞರನ್ನು ಸಂಪರ್ಕಿಸಿದ್ದಾರೆ.
ಮೂಗಿನೊಳಗೆ ಕಂಡುಬಂದವು 10 ಹುಳುಗಳು!
ವೈದ್ಯರು ಮಹಿಳೆಯ ಮೂಗನ್ನು ಕೂಲಂಕಷವಾಗಿ ಪರೀಕ್ಷಿಸಿದಾಗ ಬೆಚ್ಚಿಬೀಳುವ ದೃಶ್ಯ ಕಂಡುಬಂದಿದೆ. ತಕ್ಷಣ ಕಾರ್ಯಾಚರಣೆ ನಡೆಸಿದ ವೈದ್ಯರು, ಆಕೆಯ ಮೂಗಿನ ಒಳಗಿನಿಂದ ಬರೋಬ್ಬರಿ 10 ನೊಣದ ಮರಿಗಳನ್ನು (Larvae) ಮತ್ತು ಒಂದು ಕೋಶಾವಸ್ಥೆಯಲ್ಲಿದ್ದ ಹುಳವನ್ನು ಹೊರತೆಗೆದಿದ್ದಾರೆ.
ಇವು ಸಾಮಾನ್ಯ ನೊಣಗಳಲ್ಲ, ಬದಲಿಗೆ ಕುರಿ ಮತ್ತು ಮೇಕೆಗಳ ಮೂಗಿನಲ್ಲಿ ವಾಸಿಸುವ ‘ಬಾಟ್ ಫ್ಲೈಸ್’ (Oestrus ovis) ಎಂದು ಪರೀಕ್ಷೆಯಲ್ಲಿ ತಿಳಿದುಬಂದಿದೆ. ಪ್ರಾಣಿಗಳ ಮೇಲೆ ಅವಲಂಬಿತವಾಗಿರುವ ಈ ಪರಾವಲಂಬಿ ಜೀವಿಗಳು ಮನುಷ್ಯರ ದೇಹದಲ್ಲಿ ಇಷ್ಟೊಂದು ಸಂಖ್ಯೆಯಲ್ಲಿ ಬೆಳೆಯುವುದು ಅತ್ಯಂತ ಅಪರೂಪದ ವಿದ್ಯಮಾನವಾಗಿದೆ.
ಇದು ಸಾಧ್ಯವಾಗಿದ್ದು ಹೇಗೆ?
ಸಾಮಾನ್ಯವಾಗಿ ಮನುಷ್ಯನ ಮೂಗಿನೊಳಗಿನ ವಾತಾವರಣವು ಇಂತಹ ಹುಳುಗಳ ಬೆಳವಣಿಗೆಗೆ ಪೂರಕವಾಗಿರುವುದಿಲ್ಲ. ಆದರೆ ಈ ಮಹಿಳೆಯ ವಿಷಯದಲ್ಲಿ ಎರಡು ಪ್ರಮುಖ ಕಾರಣಗಳು ಪತ್ತೆಯಾಗಿವೆ:
ಮೂಗಿನ ಮೂಳೆಯ ವಕ್ರತೆ: ಆಕೆಯ ಮೂಗಿನ ಮಧ್ಯದ ಮೂಳೆ ಸ್ವಲ್ಪ ವಕ್ರವಾಗಿದ್ದರಿಂದ (Deviated Septum), ಒಳಗೆ ಹೆಚ್ಚಿನ ಖಾಲಿ ಜಾಗ ನಿರ್ಮಾಣವಾಗಿತ್ತು. ಇದು ಹುಳುಗಳು ಅಡಗಿಕೊಳ್ಳಲು ಸುರಕ್ಷಿತ ತಾಣವಾಯಿತು.
ಜಾಗರೂಕತೆಯ ಕೊರತೆ: ಕುರಿ ಫಾರಂ ಬಳಿ ಕೆಲಸ ಮಾಡುವಾಗ ನೊಣಗಳು ಮುತ್ತುತ್ತಿದ್ದರೂ ಅವರು ಸರಿಯಾದ ರಕ್ಷಣೆ ಪಡೆಯದಿರುವುದು ಈ ಸೋಂಕಿಗೆ ಕಾರಣವಾಯಿತು.
ಪ್ರಸ್ತುತ ಪರಿಸ್ಥಿತಿ
ಕೋಟಿಗೊಬ್ಬರಿಗೆ ಬರಬಹುದಾದ ಇಂತಹ ಅಪರೂಪದ ಸೋಂಕಿನಿಂದ ಮಹಿಳೆ ಈಗ ಗುಣಮುಖರಾಗಿದ್ದಾರೆ. ಸಕಾಲದಲ್ಲಿ ಚಿಕಿತ್ಸೆ ಸಿಕ್ಕಿದ್ದರಿಂದ ದೊಡ್ಡ ಅಪಾಯ ತಪ್ಪಿದಂತಾಗಿದೆ.
🤧😱 SAÚDE | Mulher espirra “vermes” pelo nariz após infecção rara
Larvas de mosca cresceram nos seios da face e foram expelidas ao espirrarhttps://t.co/XEcVJ6F37l
— Metrópoles (@Metropoles) April 8, 2026
Doctors reported a highly unusual case of parasitic fly infection in a woman in Greece. https://t.co/VCvijoI6xg
— Live Science (@LiveScience) April 8, 2026
