ನವದೆಹಲಿ : ಭಾರತೀಯ ಷೇರು ಮಾರುಕಟ್ಟೆ ಆರಂಭಿಕ ವಹಿವಾಟಿನಲ್ಲಿ ಭಾರಿ ಕುಸಿತ ಕಂಡಿದೆ. ಇದರಲ್ಲಿ ಸೆನ್ಸೆಕ್ಸ್ 1,100 ಕ್ಕೂ ಹೆಚ್ಚು ಪಾಯಿಂಟ್ಸ್ ಕುಸಿದು 78,602.96 ಕ್ಕೆ ತಲುಪಿದೆ ಮತ್ತು ನಿಫ್ಟಿ -50 ಸಹ 400 ಪಾಯಿಂಟ್ಸ್ ಕುಸಿದು 23,946.55 ಕ್ಕೆ ತಲುಪಿದೆ. ವಿದೇಶಿ ಬಂಡವಾಳ ಹೂಡಿಕೆದಾರರ ಭಾರಿ ಹೊರಹರಿವು ಮತ್ತು ಜಾಗತಿಕ ಮತ್ತು ದೇಶೀಯ ಆರ್ಥಿಕ ಅನಿಶ್ಚಿತತೆಗಳ ಹೆಚ್ಚುತ್ತಿರುವ ಪರಿಣಾಮದಿಂದಾಗಿ ಈ ಕುಸಿತ ಕಂಡುಬಂದಿದೆ.
ದಾಖಲೆಯ ಎಫ್ಪಿಐ ಹೊರಹರಿವು, ಗಳಿಕೆ ಅಂದಾಜುಗಳ ಕುಸಿತದ ಪರಿಣಾಮ.!
ಅಕ್ಟೋಬರ್ನಲ್ಲಿ ದಾಖಲೆಯ 1,13,858 ಕೋಟಿ ರೂ.ಗಳನ್ನು ಹಿಂತೆಗೆದುಕೊಳ್ಳುವ ಮೂಲಕ, ಎಫ್ಪಿಐಗಳು ಮಾರುಕಟ್ಟೆಯ ಮೇಲೆ ತೀವ್ರ ಒತ್ತಡ ಹೇರಿವೆ. ಹೂಡಿಕೆದಾರರಲ್ಲಿ ಗಳಿಕೆಯ ಕೊರತೆಯ ಆತಂಕದಿಂದಾಗಿ ದೊಡ್ಡ ಮಾರಾಟ ಕಂಡುಬಂದಿದೆ. ಬೆಂಚ್ ಮಾರ್ಕ್ ಸೂಚ್ಯಂಕಗಳು ಇತ್ತೀಚಿನ ಗರಿಷ್ಠ ಮಟ್ಟದಿಂದ ಸುಮಾರು 8% ರಷ್ಟು ಕುಸಿದಿವೆ.
ಜಿಯೋಜಿತ್ ಫೈನಾನ್ಷಿಯಲ್ ಸರ್ವೀಸಸ್ನ ಮುಖ್ಯ ಹೂಡಿಕೆ ತಂತ್ರಜ್ಞ ಡಾ.ವಿ.ಕೆ.ವಿಜಯಕುಮಾರ್, ನಿಫ್ಟಿಯ ಇಪಿಎಸ್ ಬೆಳವಣಿಗೆಯು 2025ರ ಹಣಕಾಸು ವರ್ಷದಲ್ಲಿ 10% ಕ್ಕಿಂತ ಕಡಿಮೆಯಾಗಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಇದು ಪ್ರಸ್ತುತ ಮೌಲ್ಯಮಾಪನವನ್ನ ನಿರ್ವಹಿಸಲು ಕಷ್ಟವಾಗಬಹುದು. ಈ ಪರಿಸ್ಥಿತಿಯಲ್ಲಿ ಎಫ್ ಪಿಐಗಳು ಮಾರಾಟವನ್ನ ಮುಂದುವರಿಸಬಹುದು ಎಂದು ಅವರು ಸೂಚಿಸಿದರು. ಇದು ಮಾರುಕಟ್ಟೆಯ ಏರಿಕೆಯನ್ನು ಮಿತಿಗೊಳಿಸಬಹುದು.
BREAKING : ದೀಪಾವಳಿ ದಿನ ಗಾಳಿ ಗುಣಮಟ್ಟ ಕುಸಿತ ; ಪಟಾಕಿ ನಿಷೇಧದ ಕುರಿತು ಸರ್ಕಾರಕ್ಕೆ ‘ಸುಪ್ರೀಂ’ ತರಾಟೆ
UPDATE : ಉತ್ತರಾಖಂಡದಲ್ಲಿ ಕಂದಕಕ್ಕೆ ಉರುಳಿದ ಬಸ್ : ಮೃತರ ಸಂಖ್ಯೆ 36ಕ್ಕೆ ಏರಿಕೆ
BREAKING : ರಾಜ್ಯದಲ್ಲಿ ಪಟಾಕಿ ಸಿಡಿತಕ್ಕೆ ಮೊದಲ ಬಲಿ : ಬೆಂಗಳೂರಲ್ಲಿ ಯುವಕ ಸಾವು, 6 ಜನರ ಬಂಧನ!
