ಬೀಜಿಂಗ್ : ಪ್ರಧಾನಿ ನರೇಂದ್ರ ಮೋದಿ ವಿರುದ್ಧ ತಮ್ಮ ಸಚಿವರ ಅವಹೇಳನಕಾರಿ ಹೇಳಿಕೆಗಳ ಬಗ್ಗೆ ರಾಜತಾಂತ್ರಿಕ ವಿವಾದ ಭುಗಿಲೆದ್ದ ಹಿನ್ನೆಲೆಯಲ್ಲಿ ಭಾರತೀಯ ಪ್ರವಾಸಿಗರ ಮೀಸಲಾತಿಯನ್ನ ರದ್ದುಗೊಳಿಸಿರುವ ನಡುವೆಯೇ ಮಾಲ್ಡೀವ್ಸ್ ಅಧ್ಯಕ್ಷ ಮುಹಮ್ಮದ್ ಮುಯಿಝು ಮಂಗಳವಾರ ತಮ್ಮ ದೇಶಕ್ಕೆ ಹೆಚ್ಚಿನ ಪ್ರವಾಸಿಗರನ್ನ ಕಳುಹಿಸುವ ಪ್ರಯತ್ನಗಳನ್ನ ತೀವ್ರಗೊಳಿಸುವಂತೆ ಚೀನಾಕ್ಕೆ ಮನವಿ ಮಾಡಿದ್ದಾರೆ.
ಐದು ದಿನಗಳ ಚೀನಾ ಭೇಟಿಯ ಎರಡನೇ ದಿನವಾದ ಮಂಗಳವಾರ ಫ್ಯುಜಿಯಾನ್ ಪ್ರಾಂತ್ಯದಲ್ಲಿ ಮಾಲ್ಡೀವ್ಸ್ ಬಿಸಿನೆಸ್ ಫೋರಂನ್ನುದ್ದೇಶಿಸಿ ಮಾತನಾಡಿದ ಮುಯಿಝು, ಚೀನಾವನ್ನ ದ್ವೀಪ ರಾಷ್ಟ್ರದ “ನಿಕಟ” ಮಿತ್ರ ಎಂದು ಕರೆದರು.
“ಚೀನಾ ನಮ್ಮ ನಿಕಟ ಮಿತ್ರ ಮತ್ತು ಅಭಿವೃದ್ಧಿ ಪಾಲುದಾರರಲ್ಲಿ ಒಂದಾಗಿದೆ” ಎಂದು ಅವರು ಹೇಳಿದರು.
2014 ರಲ್ಲಿ ಚೀನಾದ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ಪ್ರಾರಂಭಿಸಿದ ಬೆಲ್ಟ್ ಮತ್ತು ರೋಡ್ ಇನಿಶಿಯೇಟಿವ್ (BRI) ಯೋಜನೆಗಳನ್ನ ಶ್ಲಾಘಿಸಿದ ಅವರು, ಅವು “ಮಾಲ್ಡೀವ್ಸ್ ಇತಿಹಾಸದಲ್ಲಿ ಕಂಡ ಅತ್ಯಂತ ಮಹತ್ವದ ಮೂಲಸೌಕರ್ಯ ಯೋಜನೆಗಳನ್ನ ತಲುಪಿಸಿವೆ” ಎಂದು ಹೇಳಿದರು.
ಮಾಲ್ಡೀವ್ಸ್’ಗೆ ತನ್ನ ಪ್ರವಾಸಿಗರ ಹರಿವನ್ನು ಹೆಚ್ಚಿಸುವಂತೆ ಅವರು ಚೀನಾವನ್ನ ಒತ್ತಾಯಿಸಿದರು.
“ಕೋವಿಡ್ಗೆ ಮೊದಲು ಚೀನಾ ನಮ್ಮ (ಮಾಲ್ಡೀವ್ಸ್) ನಂಬರ್ ಒನ್ ಮಾರುಕಟ್ಟೆಯಾಗಿತ್ತು, ಮತ್ತು ಚೀನಾ ಈ ಸ್ಥಾನವನ್ನು ಮರಳಿ ಪಡೆಯಲು ನಾವು ಪ್ರಯತ್ನಗಳನ್ನು ತೀವ್ರಗೊಳಿಸಬೇಕೆಂದು ನನ್ನ ವಿನಂತಿ” ಎಂದು ಅವರ ಅಧಿಕೃತ ವೆಬ್ಸೈಟ್ನಲ್ಲಿ ಪೋಸ್ಟ್ ಮಾಡಿದ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಅಲ್ಲದೆ, ಹಿಂದೂ ಮಹಾಸಾಗರ ದ್ವೀಪದಲ್ಲಿ ಸಮಗ್ರ ಪ್ರವಾಸೋದ್ಯಮ ವಲಯವನ್ನು ಅಭಿವೃದ್ಧಿಪಡಿಸಲು ಉಭಯ ದೇಶಗಳು 50 ಮಿಲಿಯನ್ ಡಾಲರ್ ಯೋಜನೆಗೆ ಸಹಿ ಹಾಕಿವೆ ಎಂದು ಮಾಲ್ಡೀವ್ಸ್ ಮಾಧ್ಯಮಗಳು ವರದಿ ಮಾಡಿವೆ.
BIGG NEWS : 2030ರ ವೇಳೆಗೆ ‘ಪೆಟ್ರೋಲ್, ಡೀಸೆಲ್ ವಾಹನ’ಗಳು ರಸ್ತೆಗಿಳಿಯೋದಿಲ್ವಾ.? ಕೇಂದ್ರದಿಂದ ಮೆಗಾ ಫ್ಲ್ಯಾನ್
Covid19 Update: ರಾಜ್ಯದಲ್ಲಿಂದು ‘252 ಜನ’ರಿಗೆ ‘ಕೊರೋನಾ ಪಾಸಿಟಿವ್’: ‘ಇಬ್ಬರು ಸೋಂಕಿ’ತರು ಸಾವು
BREAKING : ಭೂತಾನ್ ಸಾರ್ವತ್ರಿಕ ಚುನಾವಣೆಯಲ್ಲಿ ಮಾಜಿ ಪ್ರಧಾನಿ ‘ಶೆರಿಂಗ್ ಟೊಬ್’ಗೆ ಭರ್ಜರಿ ಗೆಲುವು
