ಶಬರಿಮಲೆ: ಶಬರಿಮಲೆಗೆ ಬರುವ ಅಯ್ಯಪ್ಪ ಭಕ್ತರಿಗೆ ಟ್ರಾವೆನ್ ಕೋರ್ ದೇವಸ್ವಂ ಮಂಡಳಿ ಮಹತ್ವದ ಸೂಚನೆ ನೀಡಿದೆ. ಇರುಮುಡಿಯಲ್ಲಿ ಇನ್ಮುಂದೆ ಧೂಪ, ಕರ್ಪೂರ ಸೇರಿದಂತೆ ಇತರೆ ವಸ್ತುಗಳನ್ನು ತರುವಂತಿಲ್ಲ ಎಂದು ತಿಳಿಸಿದೆ.
ಈ ಕುರಿತು ಸುತ್ತೋಲೆ ಹೊರಡಿಸಲಾಗುವುದು ಎಂದು ತಿರುವಣ್ ಕೋರ್ ದೇವಸ್ಯಂ ಮಂಡಳಿ ಅಧ್ಯಕ್ಷ ಪಿ.ಎಸ್.ಪ್ರಶಾಂತ್ ತಿಳಿಸಿದ್ದಾರೆ. ಇದಲ್ಲದೆ, ಕೊಚ್ಚಿ ಮತ್ತು ಮಲಬಾರ್ ದೇವಸ್ಯಂ ಮಂಡಳಿ ಸೇರಿದಂತೆ ಕೇರಳದ ಇತರ ದೇವಾಲಯದ ಆಡಳಿತ ಮಂಡಳಿಗಳಿಗೆ ಮತ್ತು ಇತರ ರಾಜ್ಯಗಳ ಗುರುಸ್ವಾಮಿಗಳಿಗೆ ಪತ್ರ ನೀಡಲಾಗುವುದು ಎಂದು ತಿಳಿದುಬಂದಿದೆ.
ಅಗ್ನಿ ಅವಘಡಗಳು ಸಂಭವಿಸುವ ಸಾಧ್ಯತೆ ಇರುವ ಕಾರಣ ದೇವಸ್ಯ ಮಂಡಳಿ ಈ ನಿರ್ಧಾರ ಕೈಗೊಂಡಿದೆಯಂತೆ. ಕರ್ಪೂರ, ಅಗರಬತ್ತಿ ಮತ್ತು ಪೂಜಾ ಸಾಮಗ್ರಿಗಳಿಂದ ಬೆಂಕಿ ಅವಘಡಗಳು ಸಂಭವಿಸುವ ಸಾಧ್ಯತೆಗಳಿವೆ ಎಂದು ಟ್ರಾವನ್ ಕೋರ್ ದೇವಸ್ಯಂ ಮಂಡಳಿ ಅಭಿಪ್ರಾಯಪಟ್ಟಿದೆ. ಈ ಹಿನ್ನೆಲೆಯಲ್ಲಿ ಸನ್ನಿಧದಲ್ಲಿ ಧೂಪ, ಕರ್ಪೂರ ಹಚ್ಚಲು ಅವಕಾಶವಿಲ್ಲ. ಇದರಿಂದ ಇರುಮುಡಿಕಟ್ಟುವಿನಲ್ಲಿ ಭಕ್ತರು ತಂದ ಬಹುತೇಕ ಸರಕುಗಳು ವ್ಯರ್ಥವಾಗಿ ಉಳಿಯುತ್ತಿವೆ.
ಇವೆಲ್ಲವನ್ನೂ ಸ್ಮಶಾನಕ್ಕೆ ತೆಗೆದುಕೊಂಡು ಹೋಗಿ ಸುಡಲಾಗುತ್ತದೆ. ಈ ಪರಿಸ್ಥಿತಿಯನ್ನು ತಪ್ಪಿಸಲು ದೇವಸ್ಯಂ ಮಂಡಳಿಯು ಭಕ್ತರಿಗೆ ಸೂಚನೆಗಳನ್ನು ನೀಡಿದೆ. ಏತನ್ಮಧ್ಯೆ, ದೇವಾಲಯದ ಮುಖ್ಯ ಆಡಳಿತಗಾರ (ತಂತ್ರಿ) ರಾಜೀವರು ಇರುಮುಡಿಕಟ್ಟುದಿಂದ ಅಗರಬತ್ತಿ ಮತ್ತು ಕರ್ಪೂರವನ್ನು ತೆಗೆಯುವಂತೆ ದೇವಸ್ಯಂ ಮಂಡಳಿಗೆ ಪತ್ರ ಬರೆದಿದ್ದಾರೆ. ಈ ಹಿನ್ನಲೆಯಲ್ಲಿ ದೇವಳದ ಆಡಳಿತ ಮಂಡಳಿ ಹೊಸ ನಿರ್ಧಾರ ಕೈಗೊಂಡಿದೆ.
ಹಿಂದೆ ಭಕ್ತರು ಕಾಲ್ನಡಿಗೆಯಲ್ಲಿ ಬರುವಾಗ ಅಕ್ಕಿ, ತೆಂಗಿನಕಾಯಿ ತರುತ್ತಿದ್ದರು. ಈಗ ಎಲ್ಲೆಂದರಲ್ಲಿ ಆಹಾರ ದೊರೆಯುತ್ತಿದೆ. ಹಾಗಾಗಿ ಇರುಮುಡಿಕಟ್ಟು ಜೊತೆ ಬರುವವರು ಸ್ವಲ್ಪ ಅಕ್ಕಿ ತರಬೇಕು… ಶಬರಿಮಲೆಯಲ್ಲಿ ಅರ್ಪಿಸಬಹುದು ಎಂದು ಪತ್ರದಲ್ಲಿ ತಿಳಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ಅಯ್ಯಪ್ಪ ಸ್ವಾಮಿ ದೇವಸ್ಯ ಮಂಡಳಿ ಸೂಚಿಸಿದಂತೆ ಆ ವಸ್ತುಗಳನ್ನು ತೆಗೆದುಕೊಳ್ಳದೇ ಇದ್ದರೆ ಒಳಿತು.
ಮತ್ತೊಂದೆಡೆ, ಮಂಡಲ ಪೂಜೆ ವೇಳೆ ಶಬರಿಮಲೆಗೆ ಭೇಟಿ ನೀಡುವ ಭಕ್ತರಿಗೆ ಸ್ಪಾಟ್ ಬುಕ್ಕಿಂಗ್ ಬಗ್ಗೆ ದೇವಸ್ಯಂ ಮಂಡಳಿ ಮತ್ತೊಮ್ಮೆ ಸ್ಪಷ್ಟನೆ ನೀಡಿದೆ. ವರ್ಚುವಲ್ ಕ್ಯೂ ಬುಕ್ಕಿಂಗ್ ಇಲ್ಲದೆ ಬರುವ ಭಕ್ತರಿಗೆ ಮೂರು ಸ್ಥಳಗಳಲ್ಲಿ ಸ್ಪಾಟ್ ಬುಕಿಂಗ್ ಸೌಲಭ್ಯವನ್ನು ಪರಿಚಯಿಸಲು ಮಂಡಳಿ ನಿರ್ಧರಿಸಿದೆ. ಸ್ಪಾಟ್ ಬುಕ್ಕಿಂಗ್ ಮಾಡಲು ಭಕ್ತರು ತಮ್ಮ ಆಧಾರ್ ಕಾರ್ಡ್ ತೋರಿಸಬೇಕು. ಇದಕ್ಕಾಗಿ ಭಕ್ತರು ಆಧಾರ್ ಕಾರ್ಡ್ ಕೊಂಡೊಯ್ಯಬೇಕು. ಪಂಬಾ, ಎರುಮೇಲಿ ಮತ್ತು ಸತ್ರಂನಲ್ಲಿ ಸ್ಪಾಟ್ ಬುಕಿಂಗ್ ಕೌಂಟರ್‌ಗಳನ್ನು ತೆರೆಯಲಾಗುತ್ತದೆ. ಸ್ಪಾಟ್ ಬುಕ್ಕಿಂಗ್ ಮೂಲಕ 10 ಸಾವಿರ ಮಂದಿ ಭೇಟಿ ನೀಡಬಹುದು. ವರ್ಚುವಲ್ ಕ್ಯೂ ಬುಕ್ಕಿಂಗ್ ಮೂಲಕ 70 ಸಾವಿರ ಜನರು ದರ್ಶನ ಪಡೆಯಬಹುದು.
