ಬೆಳಗಾವಿ: ತಾನು ರೈತರಿಗಾಗಿ ಆತ್ಮಹತ್ಯೆಗೂ ರೆಡಿಯಾಗಿದ್ದೇನೆ. ಬೇಕಿದ್ರೇ ನಾಳೆಯೇ ಶಾಸಕ ಸ್ಥಾನಕ್ಕೂ ರಾಜೀನಾಮೆಗೆ ಸಿದ್ಧ ಎಂಬುದಾಗಿ ಸಿಎಂ ಸಿದ್ಧರಾಮಯ್ಯ ಸರ್ಕಾರದ ವಿರುದ್ಧವೇ ಕಾಂಗ್ರೆಸ್ ಶಾಸಕ ರಾಜು ಕಾಗೆ ಗುಡುಗಿದ್ದಾರೆ.
ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದಂತ ಕಾಗವಾಡ ಕ್ಷೇತ್ರದ ಕಾಂಗ್ರೆಸ್ ಶಾಸಕ ರಾಜು ಕಾಗೆ ಅವರು, ರೈತು ಒಂದು ವರ್ಷ ಬೆಳೆಯನ್ನು ಬೆಳೆಯೋದು ಬಿಟ್ಟರೇ ನೀವು ಏನು ತಿನ್ನುತ್ತೀರಿ.? ನಿಮ್ಮ ಬಳಿಯಲ್ಲಿ ಹಣ, ಬಂಗಾರ, ಬೆಳ್ಳಿ ಸಾಕಷ್ಟು ಇದ್ದರೂ ಅನ್ನ ಇಲ್ಲದೇ ಅದನ್ನು ತಿನ್ನೋಕೆ ಆಗುತ್ತಾ.? ಮೊದಲು ರೈತರ ಬದುಕನ್ನು ಹಸನು ಮಾಡುವಂತ ಕೆಲಸ ಮಾಡಿ ಎಂಬುದಾಗಿ ಆಕ್ರೋಶ ವ್ಯಕ್ತ ಪಡಿಸಿದರು.
ರೈತರು ಬದುಕ್ಕಿದ್ದರೇ ಮಾತ್ರವೇ ಈ ದೇಶದ ಪ್ರಗತಿ ಸಾಧ್ಯವಾಗಲಿದೆ. ನಾನು ಕಳೆದ ಒಂದು ವರ್ಷದಿಂದ ರೈತರ ಪರವಾಗಿಯೇ ನಿಂತಿದ್ದೇನೆ, ಹೇಳಿಕೆಯನ್ನು ನೀಡುತ್ತಿದ್ದೇನೆ. ಆದ್ರೇ ನನ್ನ ಮಾತನ್ನು ಈ ಸರ್ಕಾರ ಆಲಿಸುತ್ತಿಲ್ಲ. ಹೀಗೆ ಪರಿಸ್ಥಿತಿ ಮುಂದುವರೆದರೇ ನಾನು ರೈತರಿಗಾಗಿ ವಿಧಾನಸೌಧದಲ್ಲೇ ಆತ್ಮಹತ್ಯೆ ಮಾಡಿಕೊಳ್ಳೋದಾಗಿ ಓರ್ವ ಮಂತ್ರಿಗೆ ಹೇಳಿದ್ದೆ. ಆ ವೇಳೆಯಲ್ಲಿ ನೀನ್ಯಾಕೆ ಆತ್ಮಹತ್ಯೆ ಮಾಡಿಕೊಳ್ತೀಯ. ನಿನ್ನ ಕೆಲಸ ಮಾಡುವುದಾಗಿ ಹೇಳಿದ್ದರು. ಆದರೇ ಈವರೆಗೆ ಯಾವುದೇ ಮಂತ್ರಿ ಮಾಡಿಲ್ಲ ಎಂಬುದಾಗಿ ತಮ್ಮ ಅಸಮಾಧಾನವನ್ನು ಹೊರ ಹಾಕಿದರು.
ನಾನು ವಿಧಾನಸೌಧಕ್ಕೆ ಹೋಗಿ ಖಾಲಿ ಕುಂತಿಲ್ಲ. ಮೋಜು, ಮಸ್ತಿನೂ ಮಾಡ್ತಿಲ್ಲ. ನಾನು ರೈತರ ಕಷ್ಟ, ಸುಖಗಳ ಬಗ್ಗೆ ಸರ್ಕಾರವನ್ನು ಗಮನ ಸೆಳೆಯುವಂತ ಕೆಲಸ ಮಾಡ್ತಿದ್ದೇನೆ. ಆದ್ರೇ ಈ ಸರ್ಕಾರ ಮಾತ್ರ ಯಾವುದೇ ಸ್ಪಂದನೆ ನೀಡುತ್ತಿಲ್ಲ. ನಾನು ನಾಳೆಯೇ ಬೇಕಾದ್ರೆ ಹೋಗಿ ರಾಜೀನಾಮೆ ಕೊಡ್ತೀನಿ ಎಂಬುದಾಗಿ ತಿಳಿಸಿದರು.
BREAKING : ಭಾರತದ ಮೊಟ್ಟ ಮೊದಲ ‘ಭಯೋತ್ಪಾದಕ’ ನಾಥೂರಾಮ್ ಗೋಡ್ಸೆ : MLC ಬಿಕೆ ಹರಿಪ್ರಸಾದ್ ಹೇಳಿಕೆ
